راتب المخترب كبير ولاكن؟

[صلاح حامد]

هل صح يكون الكلام دا((منقول))

[بنت سدن دن]

طبعاً لأصحيح أنو احنا في قطر أهلي بياخدو رواتب عالية لكن الفي الكاريكاتير ده ما صح.

[sarona]

صلاح حامد

أن يكون معدل استهلاك الفرد اعلى من دخله دي بقت تقريبا حالة عامه

نسبه لموجة الغلاء الضاربة العالم بشكل عام ومجتمعاتنا العربية بشكل خاص ....

ودي حال الكل سواء للمغتربين او الناس اللي جوه البلد .....

بس نقول ربك يصلح الحال ....

مشكور أخ صلاح على الكاركاتير ...

.
.

[صلاح حامد]

شكرا ليك الاخت الفاضلة علي المشاركة
وهذا حال اقلب الناس في الايام دي وربنا يصلح الحال

[صلاح حامد]

لك كامل التقدير علي مشاركتك
ولاكن زي ما اقول ليك هذا حال كثير من الناس وخاصة الاجراء
وربنا يحسن حالنا جميعا ونرد الى وطننا القالي /ولاكن لربما يختلف الحال عندكم في قطر ولاكن الحال اقلب المختربين في بعض الدول

[العربى]

حقيقة ياود حامد
لو مسكتها حسابيا بتلقاها صاح
زمان وانا صغير قلت الشهر دا انا احسب مصاريف البيت واشوف نحنا بنصرف كم فى الشهر
وبقيت اسجل شى كهرباء وشئ لبن وشى موية ورسوم دراسية ومواصلات وزيارات بالاضافة لمصاريف الاكل والشراب وفى النهاية جمعت كل المصاريف .
ولمن سالت عن راتب ابوى لقيت الفجوة كبيرة
يعنى ابوى كان بعمل العليه والباقى بتموا الله
ودى نظرية عامة
لو حسبنا اى حاجة بنلقاها ناقصة وبتمها رب العباد
وبقت كلمة ربنا بسهل هى تمامة الناقصات
وربنا يسهل

[ودالدرديري]

زمان قالوا واحد خواجه جاء السودان يعمل دراسة اجتماعية
لأنو الرواتب مابتكفي الناس وعايز يعرف الحاصل
كل مايسأل واحد عن الراتب والمصروف يلقى الفرق كبير
ولما يسألو من وين بغطي الفرق بيقول ليهو الله كريم
قام كتب في التقرير بتاعو :
كل الشريحة المستهدفة في الدراسة من أفراد الشعب السوداني
وجميعهم يعانون من تدني الراتب من جهة وغلاء المعيشة من جهة أخرى
ولكن توجد منظمة خيرية تساعد المواطنين على سد النقص شهرياً وبإنتظام
تلك المنظمة تدعى منظمة الله كريم

[صلاح حامد]

تسلم اخي والدرديري علي المشاركة الطيبة

[المياسة]

[size=4][frame="8 80"]تحياتنا ليك يا اخي الكريم
كلام الجماعة ديل صحيح
انت عارف من تجربتي الشخصية
الحياة صارت غالية نار - زي ما بيقولوا- لانو البيت كلوا شغال و برواتب و الحمد لله عالية بس برضو الواحد بحس انو الدنيا غلت خالص .
اللبن سعرو وصل السما
و ما عارفة شنو وصل كم ؟؟؟ و الي بجنن اكتر قبل فترة رحت مع اخوي احدى المجمعات اشتري لي حاجات ، مريت بمحل لبيع النظارات الشمسية و سألت عن سعر احدى النظارات . صعقت لما سمعت السعر الي يعادل ((سعر فستان سهرة)) !! .
(((حسبنا الله و نعم الوكيل ))) ......................[/frame][/size]

[doom]

مثل ماقالو الاخوان عمليت الغلا اصبحت عالميه مهما يكون الراتب عالي اخر الشهر تلاقي
المصاريف زياده عن الراتب لكن ربك هو اللي ساتره

وشكرا على الموضوع الرائع لكن ملاحظه ليه اي حاجه لازم تجيبو المغترب وتقارنوه فيها
هناك اكثر من موضوع ومنها موضوع الحناكيش وللاسف كمان مثبت ما ادري ويش المميز فيه علشان يثبت

تحياتي
doom

[دلوعة الدوحه]

مرحبا ياجماعه

شكرا اخوي صلاح حامد

فعلا الحياه بقت نار ولا سعارارتفعت شدييييد

اكل وشرب ومدارس وجامعات وايجار وووو

وعندنا كمان في قطر بذات ارتفاعات مبالغ فيها

موضوع الايجار و السكن دي بقت خياليه يعني تلاقي نفسك بتدفع الاااف بس للاجار...

فعلا الرواتب ارتفعت كتيير لاكن برضو ما ببتغطي كل شي وبذات يعني لو قلت توفر ولا كدا

الله يسهل بس.