ليـــــه نحن العرب مــــا0000000000

[المياسة]

تحياتي للجميع ،،،،
في البداية العنوان كان ناقص ودا عشان0ما احرق الموضوع.
نحن العرب ناس ما بنحترم لا وقت ولا وعد و لا حتى لغتنا للاسف . يمكن كلامي يستفز العديد من الناس بس دا الواقع ، خلينا نلف حوالينا و نشوف كم منا يحترم اللغة العربية ويتكلم بيها مع انسان عربي زيوا و خاصة الجيل الجديد جيل مامي و جيل (absolutely) ، و الله يا جماعة قبل اسبوع كنت في احد الاسواق و دخلت احد المحلات اشتري قطعة قماش لفستان و الا بشاب دخل و بعدوا بنتين وشكلم عرب بس الكلام ما فيه ولا حرف عربي لفت علي البنت و قالت (بردون) ولا حرف عربي في شنو ما بتفهمي.
دا بالنسبة للغة.
اما الوقت و يا عيني على احترام الوقت ، كم منا يتواعد مع شخص و يحترم الموعد ؟
قبل فترة جاءت استاذة جديدة الى الصف و كنا متأخرات على الحصة الفلانية و فجأة ندخل نشوف وجه جديد معلمة جديدة اول شي عملتو صرخة في وجهي صرخة علمتني بعدا معنى احترام الوقت كان درس الى اللحظة دي اذكره جيداً و قالت عبارة قاسية على نفسي وهي (( الغرب بيقولوا اننا ناس ما تعرف احترام للوقت و لا للغة ولا لوعد )). ساعة ما قالت الكلام دا عرفت اني ارتكبت اكبر جريمة وهي عدم احترامي للوقت0 اخوتي و اخواتي ليش نسمح للغرب بان يقولوا عنا العبارات السيئة دي ؟ ليش نديهم عنا الصورة القبيحة دي ؟
ليــــــــــــش ؟؟؟؟؟؟؟؟؟

[غيم الوداد]

المياسة
والمواضيع حكمة ومنتهى الكياسة
يا وخية
الحمد لله نحن جيل ما بنعرف نقول لأبونا غير (أبوي)
وللحجة (امي) وأخوي الكبير مرات عايز يعمل كبير ويقوم ينادي امي بإسمها
الغايتو أنا لو ما موجود الحكاية بتمشي بس لو أنا موجود ياهو هبوبتو قامت
وسجم خشمو ورمادو
وبعدين أصلا في عرف الدناقلة مامي وبابي لو نطقتي فيهم
على طول ينفوك لجزر الواق واق لمن تبقى نفيسة (نفسيات)
المهم يا ستي اللغة والمستعرب من اللغات الأخرى كل هذة الأشياء دخيلة
على العرب عموما وإدمان المسلسلات للدول المنفتحة 360درجة لكل ماهو
غربي
وبالتالي إنبهار الشباب بغنج ودلال (للأسف) الممثلات والممثلين المايعين
وخطف كل شئ يصدر من تلك الفئة من قبل الشباب المراهق وفورا تعميمها
في الشارع والأسواق الدليل ناس باردون الإنتي سمعتيهم
طيب
قبلا وقبل 18 سنة مثلا وحين كنت في التاسعة من عمري لم يكن لدينا غير
التلفزيون القومي السوداني
كنت القب من قبل أقراني بكابتن كابو
وكابو ياستي لم يكن إلا شاب في مسرحية سودانية لم اعد اذكر اسمها
كان هذا الكابو لاعب كورة جار علية الحظ وقاعد يهضرب بالذي كان
وانا فقط قمت بتقلدة مره واحدة على مسرح المدرسة
احمد الله أنني لم أكن ارى قوادا لوبي ............المهم يا وخية المصيبة هنا
هي الإعلام ودور الرقابة كان ولا بد ان تتدخل وتمنع الدخائل في اللغة من خلال
المسلسلات والمسرحيات
وحتى لا اطيل الللخط ساقتطع الحديث دون إحترام الوقت لأعود مرة أخرى
وأجادل في الموضوع
ولي عودة يا مياسة
-----------------------
----------------------
وخارج حدود سؤالك ياوخية إبنة أخي تدعى مياسة
كوني بخير
ورجاءا لا تنديني عمو
بيجيني هبوط طوالي انا لسع شافع يافع
عيييك انتي قاعدة في لبنان.........!!!!!!؟؟؟؟؟؟؟
بااااااااااااااااااااااااااااااااردون

[عفراء]

مشكورة اختى على موضوعك ارائع هذا نحنا العرب دايما كدة بيفتخرو بى الشخص البتكلم غير عربية منهم يسميها مواكبة العصر ومنا يقول نوع من انواع الرقى ونحنا صح مطالبن نعرف الغير عربية بس عشان نامن لقت عدونا لاكن الناس استخدموها بطريقة غلط ياجماعة كان القران بالعربية نزل لماذل نفتخر باللغة الاخرى ونعدم لغتنا لغت القران وتحيون لغت اليهود الزين هم يسيون لى نبينا محمد صلى الله عليه وسلم هل تفتخرون بها وانا اتمنا من كل اسرة تعلم اطفالها العربية والجنبية والعربية هى الاساس وكمان مشكلة الا علام مشكلة كبيرة هى التى تجعل الطفل يتعلم لغات اخرى وبالنسبة للوقت كان رب العباد يقول احب الاعمال الصلاة فى وقتها ومابال نحن لانهتم بالوقت ونتاخر عن اى عمل

[المياسة]

تحياتي ليكم
غيم الوداد و عفراء
شاكرة ليكم المرور العطر

[غيم الوداد]

عذرا مياسة للأخطاء الإملائية في ردي لزوم السرعة
فلوحة المفاتيح من زمن الفراعنة وصراحة جايبها من متحف
الكمبويتر والإنترنت شارع أسلاك الفايبر
والحروف مخلبطة زي ملخبطة المهم الكلام وصل
وووووحيات ربي راجع وأقلب إحترام الوقت والمواجع
يبكي البلبل ويغرد الكي بورد ساجع

[ibn batoota]

العزيزه المياسه صباح الخير

مساله استعمال الكلمات الانجليزيه في التخاطب مع بعض نحن كسودانيين ماعندنا الا ماندر ومن فئات بسيطه شديد عكس المجتمعات العربيه الاخري ،،،انت طبعا بتكوني لاحظتي ليها بحكم انك عايشه في بلد متاثر جدا بالحضاره الغربيه .
اما مساله الوقت واحترامه فحدث ولا حرج نحن ناس تسال من الساعه يقولو ليك تقريبا تمنيه الا:D الا ده مامعروفه الا كم،،،،افتكر لو كان اتعلمنا منهم احترام الوقت والمواعيد كان اجدي لينا من تقليدهم في اشياء تفقدنا هويتنا كعرب.

[المياسة]

اشكرك عزيزي بطوط ،،،،،،،،،،،،،،،،،،،،،،،
الوقــــــــــــــت اكتر شي بحترمو و بنزعج لما حد ما يحترم موعدو معاي

[M.Hadad]

النقطه الاولي
من تعلم لغه قوم آمن شرهم
لكن نحن بتلقي الواحد مابيفقه شي وبيحاول يقلد وعلشان يعمل فيها مثقف بيدخل كلمات انجليزيه كبيره
احيانا بيكون في مسميات اتعرفنا عليها بلغه اخري وعلقت في الذهن بهذه اللغه ومن تجربه شخصيه احيانا بكون عارف اسم الحاجه بالانجليزي وبقعد ساعه بتذكر اسمها بالعربي علي ما اظن دي ما فيها حرج المشكله الادعاء ومحاوله الظهور بمظهر المثقف و الـ (استايل)
الخميس الفات كان في نقاش بيني واحد زملائي في النقطه دي بالذات وليه هو بيقول الحاجه بالانجليزي مع انو عارفها بالعربي؟؟؟؟ مع العلم انه في العمل لغه التعامل الرسميه عندنا للاسف الانجليزي ونحن في دوله عربيه
الخلاصه للنقطه الاولي
ربنا اكرمنا وخلي لساننا يتحدث بلغه القرآن ليه نتعالي عليها؟؟
خطاء ثم خطاء ثم خطاء

النقطه الثانيه
المواعييييييييييييييييييييييد يا ناس
نحن اكثر الشعوب ما بنعطي للوقت اي اهميه وبعد ذلك نقول - الوقت كالسيف ان لم تقطعه قطعك-
حاليا في اتجاه غربي (ولاحظو انهم ملتزمين بالوقت) نحو شئ جميل جدا اسمو اداره الوقت وفيهو كميه من البحوث والكتب طيب اذا كان ديل الملتزمين بي وقتهم بيخططو يستفيدو منو اكتر حنعمل شنو نحن البنضيع فيو بدون فايده؟؟

نقطه من عندي
سابقا كانت الحضاره عند العرب والمسلمين تفتكرو كيف انتقلت للغرب وسبقونا باشواط لدرجه انه بقينا جاريين جري وراهم بس عشان نواكب تطورهم مش عشان نبدع
اجابه جزء بسيط من السؤال في النقطه اعلاه

[ابن الخطاب]

موضوع مهم فعلا" يا المياسة

مثلا" واحد يقول ليك نتقابل الساعة 8 اذا ما جيتك لي 9 استناني واذا 10 جات امشي

أما موضوع اللغة
أسألوني عن لغة الشباب في الجامعة فهي لغة لا لامة عربي ولا لامة انجليزي (الراندوك)

لغة ياحبة ويامان وياجامد وغيرها


وبي الطريقة دي القيامة حتقوم ونحن ما حنتقدم

[ابراهيم الجيو]

النقطة الأولى لا فحوى أو ضرر من تعلمها أو التحدث بها سواء كانت بالإنجليزي او الفرنسي أو غيرها، وقد أكون مجبراً عليها ف الجامعة أو ف مجال العمل مع بعض المستشارين الأجانب،،، بإعتبارها هي اللغة الأم الآن ورغم ذلك يوجد العديد من الغربيين ينطقون العربية وبفصاحة مطلقة،،


النقطة الأهم،،،، المواعيد المواعيد المواعيد،، نعتبر أكثر الشعوب ضرباً لإحترام المواعيد بالحائط،،، ورغم ذلك تبقى هي اللفتة الأجمل دوماً عند الغربيين،، ونلاحظ تدوين مواعيدهم ف كليندرات أو أجندات وقد يكون اجتماعهم ونقاشهم (وقوفاً) ف بعض المرات من أجل كسب الوقت،،،،


بتذكر شخص سوداني كان عنده موعد مع سويسري،،، تأخر عن الموعد (10) دقائق ورفض السويسري مقابلته،، بعد فترة كان السويسري على موعد مع السوداني، تعطلت سيارته ف الطريق وتأخر عن السوداني (4) دقائق ،،، ورفض السوداني يقابله،،،


أتمنى ماتكون نيتوا يسد حقوا،،،

[المياسة]

عزيزي تمبر 00000000000000000
اعجبتني جداً عبارتك ((ربنا اكرمنا وخلي لساننا يتحدث بلغه القرآن ليه نتعالي عليها؟؟))
بصراحة انا و للاسف اعاني نفس المشكلة في بعض الاوقات بتاعت الكلمات دي .
اما الوقت فلا تعليق لانو انتو قلتو و ما قصرتو
اشكرك عزيزي ............................

[المياسة]

أما موضوع اللغة
أسألوني عن لغة الشباب في الجامعة فهي لغة لا لامة عربي ولا لامة انجليزي (الراندوك)

لغة ياحبة ويامان وياجامد وغيرها00000000000000
--------------------------------------------------------------------------------
عزيزي ابن الخطاب ،،،،،،،،،،،،،،،،،،
و الله في كلامك عيني الحقيقة و عندنا في البيت نفس الحالات دي
اشكرك عزيزي ......................

[المياسة]

عزيزي ابراهيم الجيو ،،،،،،،،،،،،،،
اشكرك على المرور بيجاي ووووووووووووو................................
عجبتني الحكاية بتاعتك بس الراجل السوداني طلع راجل بالجد .

[المياسة]

رايكم شنو في العبارة التالية (( نحن العرب تنازلنا او اننا بعنا هويتنا وذلك مواكبة للعصر او للغرب ))0 انا في انتظار لاجوبتكم 0000000000000000000000000

[ابن الخطاب]

رايكم شنو في العبارة التالية (( نحن العرب تنازلنا او اننا بعنا هويتنا وذلك مواكبة للعصر او للغرب ))0 انا في انتظار لاجوبتكم 0000000000000000000000000

عبارة صحيحة

فنحن نقلد الغرب في كل شي ونعتقد ان هذه هي الحضارة

[ابراهيم الجيو]

[quote="ابن الخطاب"]عبارة صحيحة

فنحن نقلد الغرب في كل شي ونعتقد ان هذه هي الحضارة[/quote]



والتقليد أصبح في كل أمور الحياة العامة والخاصة،،، وعلى مقولة رجل وقور لي (إذا عايزين تصلوا علموا الغرب يصلوا أول عشان تقلدوهم)

[spanisheyes]

السلام عليكم ورحمة الله وبركاته
الاخت المياسة فعلا موضوع جميل ومن ناحية احترام الوقت الغرب صدقو فينا بصراحة الناس هناك
ماشة بالمواعيد الساعة كدا كدا ما جيت بيمشو يخلوك

اما من ناحية اللغة فانا عندي رأي تاني يعني نحنا عايشين في بلد عربي انا مثلا عايشة في ليبيا هنا اللغة
الانجليزية اللي هي حاليا بتتسمي لغة العصر صفر علي الشمال في البلد دا يعني التعليم ما مديها اي اهمية
فلذلك انا بدخل معاهد وبتفرج في افلام وممسلسلات اجنبية عشان اصلح لغتي واحسنها وهسع بجد لغتي
العندي دي ما اخذتها الا من المسلسلات والافلام
وانا بحاول اتكلم مع اصدقائي انجليزي عشان اطور لغتي واحسنها يعني ما نكرانا للغة العربية ابدا
بالعكس انا بشوف انو اللغة العربية لغة حلوة ومميزة يكفي انو القران الكريم باللغة العربية لاكن
لانو بصراحة اللغة الانجليزية بقت مطلوبة تجي تشتغل في اي محل يقولو ليك عندك لغة اول شئ

[شمس الغربه]

السلام عليكم ورحمة الله وبركاته


عزيزتي الكريمه / المياسه ......
تسلمي على الموضوع الجميل


بالأضافه لما ذكريته من عدم احترام للمواعيد ، وتحريف اللغه من قبل فئه أسميها المثقفاتيه
تضييع الوقت بما ليس مفيد ، مثلا انت شغاله في مكان ما وتختلطي يوميا بزملاء وزميلات العمل
يوميا بتشوفيهم ، لكن برغم كده السلام تحية السلام بس تاخد قريب 15 دقيقه ،
ده غير فترة الغداء أو الأستراحه والتي هي غالبا لاتزيد عن نصف ساعه في الدول المتقدمه والعمليه
اما بالنسبه لينا بتاخد ثلاث ارباع الوقت من العمل ، وبتخللها الونسه والضحك والشاي والقهوه
سبحــــــــان الله ...!! عدم التقيد بالقوانين والأظرف أبسطها؟!

اليك معلومه اخيتي :

هناك احدى الدول الآسيويه لااذكر بالتحديد ان كانت اندونيسيا او ماليزيا لديها قوانين صارمه
من أجل النظام والنظافه وهي تفرض غرامات كالتي نفرضها في المرور وغيرها ،
غرامات وعقوبات بالسجن لمن يخالف يافطه او قانون يتعلق بالنظافه
او النظام....؟1 هذا اسميه تحضر ....
أين نحن من هذا ؟ حاجه مؤسفه،، حتى ابسط شي مثلا لو كل حي أو بيت نظف قدام بابو
وشارع بيتو واهتم بوضع المخلفات في الأماكن المخصصه لها لأصبح واقعنا مختلفا .

أخيرا !
اخيتي ان تلكمت فلن اصمت.......ههههه ..!!

لك تحياتي
كوني بخير دوما وبارك الله فيك