timbrilly.com

[حافظ عوض الله محمد]

التمبر بقيت تشوف ودع اقصد تواقيع
اه رأئك شنو فى التوقيع بتاعى

ومضيت وحدي.. في الطريق
شاب تعانق راحتاه يد القدر
يمضي كحد السيف منطلق الأمل
و تعثر المسكين في وسط الطريق
هزمته أحقاد البشر

اما توقيعك اراه يحكى حال المحب الفاقد الامل والذى يتعلل بالظروف
ماتقول لى طلعت عريس لقطة

[sunni]

بالله توقيعي دة خلوه

حاجة رياضية ومابتعجبكم بس داير اغيظ بيهو الكتلونيين


لكن التوقيع العاجبني توقيع السني


وبيت الشعر يجنن

تمبريللي ياخوي شفت الكلام ده؟؟
إبن الخطاب دائماً كلامه مضبوط،، وبي طريقته دي ح يبقى مشرف

[ابن الخطاب]

تمبريللي ياخوي شفت الكلام ده؟؟
إبن الخطاب دائماً كلامه مضبوط،، وبي طريقته دي ح يبقى مشرف

يا سلام يا السني

متمني ابقى مشرف يوم واحد بس عشان اشارك في المجهود البيعملوهو المشرفين

لكن دة عشم إبليس في الجنة

[M.Hadad]

تمبريللي ياخوي شفت الكلام ده؟؟
إبن الخطاب دائماً كلامه مضبوط،، وبي طريقته دي ح يبقى مشرف

والله ود الخطاب بيستاهل بس بعد يبقي مشرف يوزع لينا مساطيلو البيجيب قصصهم في النكت والفكاهه ديل ويوزعم علي باقي المنتديات

يا سلام يا السني

متمني ابقى مشرف يوم واحد بس عشان اشارك في المجهود البيعملوهو المشرفين

لكن دة عشم إبليس في الجنة

ليه بس كده ؟؟؟؟؟
ابن الخطاب ما تبقي متشائم كده
وماتنسي البيت ده
علي قدر اهل العزم تأتي العزائم

[M.Hadad]

التمبر بقيت تشوف ودع اقصد تواقيع
اه رأئك شنو فى التوقيع بتاعى

اما توقيعك اراه يحكى حال المحب الفاقد الامل والذى يتعلل بالظروف
ماتقول لى طلعت عريس لقطة

واظل دوما ابحث عن مرفأ اضمد فيه جراحاتى القديمه
يحتوينى فى صمت وسكون وتظلين دوما ذلك المرفأ

[align=center]والله يا عمنا مشكلتك مشكله

مافي زول بيقدر يعالج جروح الروح الا المجروح نفسه واذا ساعدك زول في تضميد الجروح دي ببقي عباره عن بديل او هو الاساس الانت حاولت تبعد عنو لكن كراع البقر جيابه وشكلو كاتبينك في جناح طيره عشان كده تلف وتجي راجع

ههههههههههههههه

لكن برضو كده ختيت روحك في خانه العرسان اللقطه

____ _________________________ ____

اما عن توقيعي فهو ما محب فاقد الامل ولابيتعلل بالظروف
بالعكس لاحظ بدايتو (ومضيت وحدي) يعني عزاااااااااااابي وكده
لكن بيحكي عن حال من عركته الحياه وشق دربه في الصخر متسلحا بالامل ولكن تكالبت عليه الهموم فتعثر ولكن لكل جواد كبوه ولو لاحظت الصوره الجنب التوقيع هي للعنقاء (طائر النار) ومعروف ان طائر النار عندما يموت يصبح رمادا (وتعثر المسكين في وسط الطريق هزمته احقاد البشر) عندما يصبح طائر النار رمادا بنبعث مره اخري من وسط الرماد شابا في اوج قوته اذن يا عزيزي تمسك هذا الشاب بالامل يقوي من عزيمته ويدفعه لتحقيق ما يريد وهنا نرجع لبدايه الابيات (ومضيت وحدي) هنا بتنعكس المشكله الاساسيه التي يعاني منها هذا الشاب اذ انه في محاولاته لشق الطريق لم يغفل هذا الجانب ولكنه لم يعطه حقه يعني برضو عريس لقطه
[/align]

[فنونة]

timbrilly.comتشكر
فكرة مسابقتك حلوة,,,,,,,بس صعبة جــــــــــــــــــــــــــدا"
المنافسة مولعة......داخل فيها المشرف العام ياساتر من اولا شكلو حنطلع الطيش
النبي الرسوووووووول ياود امي انا توقيعي ده عاملاهو مخصوص عشان المنتدى
,وقعدت عليهو يوم كامل
حكون شاكرة ليك لوبس اديتني الكرسي قبل الطيش
ولا خلينا في التحكيم

تخريمة:
ممنوع الواسطات,,,والقربات,,والصحوبيات,,,والشولليات
خليها عادلة بنهظر وبس

[M.Hadad]

timbrilly.comتشكر
فكرة مسابقتك حلوة,,,,,,,بس صعبة جــــــــــــــــــــــــــدا"
المنافسة مولعة......داخل فيها المشرف العام ياساتر من اولا شكلو حنطلع الطيش
النبي الرسوووووووول ياود امي انا توقيعي ده عاملاهو مخصوص عشان المنتدى
,وقعدت عليهو يوم كامل
حكون شاكرة ليك لوبس اديتني الكرسي قبل الطيش
ولا خلينا في التحكيم

تخريمة:
ممنوع الواسطات,,,والقربات,,والصحوبيات,,,والشولليات
خليها عادلة بنهظر وبس

قبل الطيش؟؟؟؟؟؟؟؟؟؟
دي انتي خرت ناس كتاااااااااااار بي توقيعك ده
وبجد ابدعتي فيو واضافه الاغنيه ليو زادتو جمال علي جمالو
يديك العافيه يا فنونه

[الدكتوره]

الاجمل من المسابقه هو تحليل التوقيع

الميكرفون لك تمبرلى ادينا رايك




،

[الملاحظ]

احم احم.......احم احم

الاخوان .....احم احم

السلام عليكم.......والله يا شباب انا بصراحة عضو جديد....ومش جديد وبس ....جديد فى ايه حاجة.....عندى
ليكم سؤال مهم جدا جدا جدا ......وبصراحة كده ....خجلان اسأل السؤال ده.....لكين احمد الله كتير انى
مريت على المشاركة دى.....واعتقد اعتقادا شديدا .....ساجد الرد على سوالى هذا.

التوقيع ده الواحد يعملوا كيف؟؟؟؟؟

انا برضو عاوز ليه توقيع ذى حقاتكم ديل.....!؟؟؟
لكين ادخلو الكمبيوتر كيف .....اها وبعد ما اخلوا
الكمبيوتر ....اجيبوا المنتدى كيف؟؟؟؟ وبعد داك كمان
ينزل محل اسمى كيف؟؟؟؟؟؟؟؟؟؟؟؟؟؟؟؟؟؟؟

ملحوظة:الما عندو فكرة ما يضيع ليه وقتى...انا مستعجل
عاوز احصل المسابقة

[M.Hadad]

ما هي الرحله التمبرليه لتفقد احوال الرعيه؟؟؟؟؟














اكان جاوبتكم ده يقوم في الزلط





المرحله التمهيديه.....

اساس الرحله: timbrilly.com
ضيف الشرف : حافظ عوض الله محمد

وبسم الله نبداء الرحله

[M.Hadad]

المرحله الاولي

1X3

المنطقه المستهدفه : الشهداء امدرمان

الاهداف : نغم ، حزن السنين ، صهيب

ابتدأت الرحله التمبرليه لتفقد احوال الرعيه من الخرطوم حيث تم الاستعانه بالسيد حافظ عوض الله بارك الله فيه وذلك لتفقد احد المعاقل المهمه لـ انا سوداني وعند الوصول لمعقل الشهداء التقينا اولا بالاخت نغم تلك الرائعه التي خلبت لبنا بطيب الحديث واذ نحن نسبح في اهازيج الحديث اتي اخي حزن السنين
وهنا انا اسجل اعتراضا قويا لدي الاداره فمالي اري رجلا اسميتموه حزن وهو هاش وضاحك تكاد ابتسامته ان تغذي كل القلوب الحزينه فتصنع من الحزن فرحه ومن الياس امل فاتيت اليه متسائلا
تمبرلي: انت وين صهيب؟؟؟
حزن: والله من المغرب ما عارفينو مشي وين
تمبرلي: غريبه انا بتصل بيو بس ما بيرد
حافظ: والله انا برضو ما بيرد علي
نغم: غريبه احتمال يكون مشي هنا ولا هنا لاني كنت شايفاو قبل شويه
تمبرلي: والله بالغ لينا ساعتين وهو غاتس
حزن: كدي طيب امشي اشوفو ليكم
واذ نحن جالسون نتناقش وردنا اتصال كاحلي ما يكون
.... : الو
تمبرلي: مرحبا
.....: ازيك يا تمبر
تمبرلي: ننوسه؟؟؟؟ مشتاقين والله
ننوسه: و......................................
والي هنا اتوقف حفاظا علي سريه الحوار

الخلاصه : تم الوصول الي اثنين من المستهدفين نغم ، حزن السنين وللاسف فر صهيب بجلده

ترقبونا في المرحله الثانيه

ليله القبض علي صهيب

[ibn batoota]

منتظرين


رحله كافوري


والتايف










اقعد باري لي عافص ده

لحدي مايمرقك في الشرق

[ابن الخطاب]

والله ياسيادة المخرج الله يستر علينا من أفلامك دي

ملحوظة:
ممنوع الإقتراب من المعمورة

[وإن طال السفر]

واحد من الشهداء : ألو سلام عليكم ،،
تمبرللي : وعليكم السلام ..
واحد : تمبرللي ،،
تمبرللي : اى معاك تمبرللي ،،
واحد من الشهداء : انشاء الله انت كويس
تمبرللي : والله الحمد لله :
تمبرللي : كيف أخبارك ؟
واحد من الشهداء مالك ومالي ؟
واحد من الشهداء : موبايلك الشايلو ده نوكيا ولا موباتل ،،
تمبرللي : كيف يعني نوكيا ولا موباتل ؟
واحد من الشهداء : يعني أشرح ليك المعني ، يعني انت من النوكيب ؟
تمبرللي : لا لأ من الشقيراب .
واحد من الشهداء : يعني تلفونك ده ما من النواكب؟
تمبرللي : أنت داير شنو
واحد من الشهداء : ها جني ها الشريعة الفي جوالك ده ماهي موباتل ؟
تمبرللي : انت الظاهر عليك زول بتاع لعب وأنا ما فاضي ليك
واحد من الشهداء : الظاهر عليك انت نوكابي
تمبرللي : ههههههههههههههههههه يا زول ده كلام شنو البتقول فيهو ده
واحد من الشهداء : جوالك ده فيهو غنايم من جوة
تمبرللي : لأ ما فيهو ، غنايم شنو يا سيد ،،
واحد من الشهداء :خلاص شغل لي غنايم سيرة
تمبرللي : اول حاجة ما اسمها غنايم اسمها نغماااااااااااات نغمااااااااااااات
تمبرللي : يا جماعه ده شنو الزول العجيب،،
واحد من الشهداء عليك الله اتصل لي على عمي ود العمدة في الكشكة ؟
تمبرللي : الكشكة دي كمان نغمة جديدة ؟
واحد من الشهداء : الكشكة دي جمع كشك ؟
واحد من الشهداء : أنت خط ولا كرت ؟
تمبرللي : يا خي أنا بتاع ركشة بشاقق بالحلة مالك ومالي يا خي
تمبرللي : يا خي كرهتني الدنيا والحياة والسودان والدول المجاورة ؟
واحد من الشهداء : طيب بطاريتك بتقضيك كم ؟
تمبرللي : يا خي من عندي بطارية جاري سلك من الجيران
واحد من الشهداء : طيب أنت مبلتث ؟
تمبرللي : لا لأ ملتهب عندي إلتهاب ؟
واحد من الشهداء : يعني عندك بلوتوث ؟

[sarona]

منتظرين


رحله كافوري


والتايف










اقعد باري لي عافص ده

لحدي مايمرقك في الشرق

تيمبرللي .....

وكان مشيت ناس كافوري ......

جيبهم فيييييييييييي يدك النبي ماتنسى ...........:D

وأبقى على وصية أبن بطوطة الف ....

.

[ابن الخطاب]

منتظرين


رحله كافوري


والتايف

ياتمبر

لمن تبقى ماشي الطايف عدي علي ماشي معاك

[waya]

يا تيم ..

في رحلات طيران ..!؟؟

والرعية دي .. محلية بس ولا دوليه ..!؟

[M.Hadad]

منتظرين


رحله كافوري


والتايف










اقعد باري لي عافص ده

لحدي مايمرقك في الشرق

ههههههههههههههههههههههه

التايف وكافوري في الطريق بس خلينا نكرتن المكعوج

وبالنسبه لي عافص


بصراحه...




وبدون زعل











هو اداني تلميحات كده عن الشرق

بس جابها لي بي فوووووووووووووووق :D

[M.Hadad]

والله ياسيادة المخرج الله يستر علينا من أفلامك دي

ملحوظة:
ممنوع الإقتراب من المعمورة

هي نان التايف دي نصلها كيف يا ود امي؟؟؟؟؟

[M.Hadad]

واحد من الشهداء : ألو سلام عليكم ،،
تمبرللي : وعليكم السلام ..
واحد : تمبرللي ،،
تمبرللي : اى معاك تمبرللي ،،
واحد من الشهداء : انشاء الله انت كويس
تمبرللي : والله الحمد لله :
تمبرللي : كيف أخبارك ؟
واحد من الشهداء مالك ومالي ؟
واحد من الشهداء : موبايلك الشايلو ده نوكيا ولا موباتل ،،
تمبرللي : كيف يعني نوكيا ولا موباتل ؟
واحد من الشهداء : يعني أشرح ليك المعني ، يعني انت من النوكيب ؟
تمبرللي : لا لأ من الشقيراب .
واحد من الشهداء : يعني تلفونك ده ما من النواكب؟
تمبرللي : أنت داير شنو
واحد من الشهداء : ها جني ها الشريعة الفي جوالك ده ماهي موباتل ؟
تمبرللي : انت الظاهر عليك زول بتاع لعب وأنا ما فاضي ليك
واحد من الشهداء : الظاهر عليك انت نوكابي
تمبرللي : ههههههههههههههههههه يا زول ده كلام شنو البتقول فيهو ده
واحد من الشهداء : جوالك ده فيهو غنايم من جوة
تمبرللي : لأ ما فيهو ، غنايم شنو يا سيد ،،
واحد من الشهداء :خلاص شغل لي غنايم سيرة
تمبرللي : اول حاجة ما اسمها غنايم اسمها نغماااااااااااات نغمااااااااااااات
تمبرللي : يا جماعه ده شنو الزول العجيب،،
واحد من الشهداء عليك الله اتصل لي على عمي ود العمدة في الكشكة ؟
تمبرللي : الكشكة دي كمان نغمة جديدة ؟
واحد من الشهداء : الكشكة دي جمع كشك ؟
واحد من الشهداء : أنت خط ولا كرت ؟
تمبرللي : يا خي أنا بتاع ركشة بشاقق بالحلة مالك ومالي يا خي
تمبرللي : يا خي كرهتني الدنيا والحياة والسودان والدول المجاورة ؟
واحد من الشهداء : طيب بطاريتك بتقضيك كم ؟
تمبرللي : يا خي من عندي بطارية جاري سلك من الجيران
واحد من الشهداء : طيب أنت مبلتث ؟
تمبرللي : لا لأ ملتهب عندي إلتهاب ؟
واحد من الشهداء : يعني عندك بلوتوث ؟

والله يا هنودي بالغت
هي دي رحله لتفقد الرعيه ما سفر حيطول

اها اتجاهك وين نتفقدك

ولا نلف ساي في ام در