سؤال احتار فيه الكثرين ... سؤال يتبادر الى ذهنك ... وتحيرك اجابته ..!؟
ممكن تحب انسان عمرك ما شفتو فى حياتك ..؟
من خلال شبكة الانترنت .. من خلال الماسنجر ..
من خلال المنتديات .. من خلال الهاتف .. وغيرها ..
هل من الممكن أن تكون المحادثات الماسنجرية أو الشاتية أو الهاتفية
كافية كى تعرف وتحب شخص معين ..!
هل أنت ضد هذا النوع من الحب ...؟
هل تعتبره تسلية وتضييع وقت وتعبئة فراغ ..؟
وبالفعل فهناك الكثيرين ممن يلعبون بمشاعر الاخرين حقا ...!!!
ولكن انها الروح ...
هى الروح من تحب ...
هى من تتآلف مع روح أخرى تعرفت عليها فوجدت عندها الحب
والآمان .. والطمأنينة .. والسلام
وكانت أقرب من روحها اليها
لا داعي ان تتلاقي الاجساد والعيون .. كي نُحب ..
لا داعي ان نكون قريبين من بعضنا البعض كي نحب ..
فالحدود والمسافات لا تمنع قرب القلوب والارواح من بعضها البعض ..
فالمشاعر والاحاسيس الجميلة الطيبة ..
تلغي المسافات والحدود والابعاد الزمانية والمكانية..
وتلغي الوجود ..
واننا نحبهم رغما عنا ...
ودون سابق انذار منا ..
ونتعلق بهم ..
ونتعود عليهم ..
فنلتصق بارواحهم ..
التصاق الروح بالروح ..
وتكون ارواحهم لارواحنا قرار ..
اخي واختي ..
هل تؤيد او لا تؤيد هذا النوع من الحب ..!!
وهل احببت شخصا لم تعرفه ولم تراه ابداً في حياتك ...!!
ويا ليت ان تخبرنا قصتك اذا سمحت هنا ... واذا لم يكن لديك مانع ..
الاذن تعشق قبل العين احيانا
اختي الكبري تزوجت بطريقة اقرب لقصص المسلسلات العربية وهي الان مستقرة خارج البلاد ( وحشتيا يا نونو )
القصة بدات لمن كانت عاوزة تتصل برقم واحدة صديقتنا وما ردت فرسلت رسالة وما جاها رد قامت قمت رسلت رسالة مرة اخريوبرضو ما جاها رد فاتصلت لانو الموضوع كان مهم وبرضو مافي رد اخيرا اتصل صاحب الرقم وطلعت النمرة البتتصل بيها اختي غلط بتاعة واحد ( زوجها الان ) وقام حضرتو بطريقة جافة بالهجوم عليها انتي منو ومعذباني بالرسائل ليه وبتضربي لي لشنو فاتحرجت جدا واعتزرت بانو الرقم ضربتو غلط وكان نسيبنا حاليا زعلان جدا قدر ما اعتزرت لسه حضرتو زعلان فقامت هائجة فيهو ( جعلية حمقاء ) زقالت ليهو انت قايل روحك شنو ما قلنا اسفين اسمع نحنا بنات ناس ما شبه معاكسة الاولاد بالتلفونات وراحت قافلة الخط بس بعد ساعة اتصل تاني واعتذر منها بحجة انو كان مضغوط في الشغل واسف وحركات من دي وقبلت اختي الاعتذار وبس بيقي من فترة للثانية يتصل وبعد شوية وصل ليها في مكان عملها ووصل البيت وتعارفوا الاسرتين واه هسع متزوجين ليهم سنتين ربنا يوفقهم لكن استمرت المكلامات الهاتفية زي ثلاثة شهور يعني ممكن تحدث شرارة حب او اعجاب بين اثين ما شافوا بعض لكن ضروري في نظري ان الناس تتلقي لانو العين بتكشف الكثير ما بتكلم عن المظر الخارجي بل عن حاجات تانية زي طريقة التعمل التصرفات التلقائية وغيرو
انا شخصيا رايي قد مختلف حبتبن ولكن في ناس حيشوفوهو ما غلط
موضوع الحب ده زاتو معقد شويه لكن انا قي راي العين هي (ماسنجر الحب)
اي بمعني اوضح انو العين هي البتوقع الزول قي الحب اكثرمن الاذن في رايك يا دايخ
والعين هي اقوي سهم من سهام العشق والوله وهي طبعا مراحل متقدمه جدا قي الحب
بعدين العين هي البضوق المر والحلو قي الموضوع ده
كيف؟ العين هي البتدمع ساعه الفراق وساعه اللقا يعد طول افتراق
العين هي البتشتاق لشوفه الحبيب
العين هي البتساهر الليالي وبتعد النجوم وو......وو(في حاله وصول الشخصين الي مرحله العشق والهيام القيسي)
طيب بالعقل كده العين بعد العذاب البتشوفوا ده كلو والبتقاسيو من فراق وهجران
وحرمان كيف ما تكون العنصر الاساسي في الموضوع د.ه مش بس كده العمود الفقري قي القصه دي كلها
الاذن تعشق قبل العين احيانا
اختي الكبري تزوجت بطريقة اقرب لقصص المسلسلات العربية وهي الان مستقرة خارج البلاد ( وحشتيا يا نونو )
القصة بدات لمن كانت عاوزة تتصل برقم واحدة صديقتنا وما ردت فرسلت رسالة وما جاها رد قامت قمت رسلت رسالة مرة اخريوبرضو ما جاها رد فاتصلت لانو الموضوع كان مهم وبرضو مافي رد اخيرا اتصل صاحب الرقم وطلعت النمرة البتتصل بيها اختي غلط بتاعة واحد ( زوجها الان ) وقام حضرتو بطريقة جافة بالهجوم عليها انتي منو ومعذباني بالرسائل ليه وبتضربي لي لشنو فاتحرجت جدا واعتزرت بانو الرقم ضربتو غلط وكان نسيبنا حاليا زعلان جدا قدر ما اعتزرت لسه حضرتو زعلان فقامت هائجة فيهو ( جعلية حمقاء ) زقالت ليهو انت قايل روحك شنو ما قلنا اسفين اسمع نحنا بنات ناس ما شبه معاكسة الاولاد بالتلفونات وراحت قافلة الخط بس بعد ساعة اتصل تاني واعتذر منها بحجة انو كان مضغوط في الشغل واسف وحركات من دي وقبلت اختي الاعتذار وبس بيقي من فترة للثانية يتصل وبعد شوية وصل ليها في مكان عملها ووصل البيت وتعارفوا الاسرتين واه هسع متزوجين ليهم سنتين ربنا يوفقهم لكن استمرت المكلامات الهاتفية زي ثلاثة شهور يعني ممكن تحدث شرارة حب او اعجاب بين اثين ما شافوا بعض لكن ضروري في نظري ان الناس تتلقي لانو العين بتكشف الكثير ما بتكلم عن المظر الخارجي بل عن حاجات تانية زي طريقة التعمل التصرفات التلقائية وغيرو
جذاب وما كذاب كتب:انا شخصيا رايي قد مختلف حبتبن ولكن في ناس حيشوفوهو ما غلط
موضوع الحب ده زاتو معقد شويه لكن انا قي راي العين هي (ماسنجر الحب)
اي بمعني اوضح انو العين هي البتوقع الزول قي الحب اكثرمن الاذن في رايك يا دايخ
والعين هي اقوي سهم من سهام العشق والوله وهي طبعا مراحل متقدمه جدا قي الحب
بعدين العين هي البضوق المر والحلو قي الموضوع ده
كيف؟ العين هي البتدمع ساعه الفراق وساعه اللقا يعد طول افتراق
العين هي البتشتاق لشوفه الحبيب
العين هي البتساهر الليالي وبتعد النجوم وو......وو(في حاله وصول الشخصين الي مرحله العشق والهيام القيسي)
طيب بالعقل كده العين بعد العذاب البتشوفوا ده كلو والبتقاسيو من فراق وهجران
وحرمان كيف ما تكون العنصر الاساسي في الموضوع د.ه مش بس كده العمود الفقري قي القصه دي كلها
إحترامي عزيزي دايخ ،،
عالم الإنترنت في العالم أجمع يجمع بين الكثير من الصفات ذات الجوانب السلبية والإيجابية ، وإذا حاولنا التطرق لهذا الناحية فيجب أولاً وضع الأعتبار بأن التعرف عن طريق الشربكة العنكبوتية له نوافع وله مضار ، ولذلك يمكن أن يصادفك الكثير في هذا العالم ، الشئ الثاني ، والأهم في إعتقادي أن الحب عن طريق عالم الأنترنت فهو لا يحمل كل مقومات الحب الذي نعرفه ، هنالك عدة أسباب كفيلة جداً بأن تجعل الحب عن طريق النت عبارة عن خداع ليس إلا ، وإذا قلنا عكس ذلك فتأكد بأن أحد الطرفين به خلل وخلل وكبير للحد البعيد ، إما شخص يريد أن يلعب بمشاعر الطرف الآخر ، إما يريد أن يقضي وقته بشئ من حتي ، إذا نظرنا لأسس الحب وما يتطلبه والعوامل التي يجب أن توفر حتي يولد ستجد نفسك أبعد ما يكون عن ذلك النسق ، هنالك كم هائل أعرفهم جيداً وقدر لي الزمان ان أتعرف عليهم في منحني من مناحي الأزمنة وعرفت شخصيتين أى بمعني ( شاب وفتاة ) والإثنين معاً تعرفو عن طريق النت حتي تمت المقابلة ، ولكن يؤسفني أن أقول لك بأن هذه العلاقة تسببت في كثير جداً من المشاكل للطرفين هم كانو في غني عنها تماماً ، لماذا ؟ ألم يتعرفو على بعضهم بالنت ؟ ألم يحبو بعضهم البعض عن طريق النت ؟ هنالك العديد من الأسئلة تستوجب منا لوقفة وتأني ، ولا تنسي ان هنالك عوامل كثير جداً تكون في جراب الكذب ووراء الحائط إذ لا يمكن أن يكون الشاب صريح للحد المطلوب منه ولا الفتاة كذلك ، إذن وبأي حكم نستطيع أن نحكم ونقول أن علاقة الشباب مع الفتيات عن طريق النت يعتبر حب أو بإمكاننا أن نحب عن طريق النت ، وبالمناسبة عزيزي دايخ أيضاً أعلم وأعرف أيضاً أن هناك من الجهات تزوجوا عن طريق النت وعرفتهم أيضاً ، إذن أيضاً هنالك حالات تمت بالزواج عن طريق النت ، ونلخص في الآونة الأخيرة أن عالم الأنترنت متعدد المزايا إذ لا نستطيع أن نحكم عليه بإتجاه واحد ، والشئ الثاني انه أيضاً يمحل مزايا كثير من نواحي السلبية والإيجابية ،، وحتي تعقب على حديثي تقبل سلامي وتحياتي ،، ولي عودة.
[align=center]انت رجل تستحق الإشادة الكبري من أنا شخصياً عزيزي دايخ ،،
أتعلم لماذا لأنك تتقبل النقد والتعقيب وهذا دائماً ما يجعلنا نسير
في خطي ثابتة ،، أنت وكما قلت تثير بعض القضايا ،،
المفيدة والمفيدة جداً لذلك لن أتردد أبداً بأن أفيد غيري ،،
فيما آراه مفيد ، سر على هذا النسق عزيزي دايخ ستجدنا
وراءك بما أكتسبناه من خبرة في هذه البسيطة ،،
باختصار شديد
الحب حب
والمشاعر مشاعر
والارواح جنود مجنده
والحب ما مربوط بمكان معين
ولا بزمن محدد
والمجهول ما في حد بيعرفه وبيكشفه
وده معناه ان الحب قد ياتي فجأة دون سابق انذار
وبدون تخطيط مسبق
يعني ممكن نتفاجأ بمشاعر صادقة او حقيقية
من الطرف الآخر عن طريق
المسنجر .. النت .. التلفون ...............الخ
فرب صدفة خير من الف ميعاد .
فهذا واقع ملموس
ونشاهده كثيرا
لكن ان ألهث وراءهذه الطريقه
كده اعتقد الواحد بيتعب !
ثانكس
قريت موضوعك والردود .. و لو لاحظتا انو كل الناس صاح ماف زول غلط ..
لكن ف نقطة كدا انت م كنت أصلي فيها .. [overline](البنات ما بيستاهلو أبداً ناكرات للجميل وناكرات للمعروف)[/overline] .. شوف معاي ؛ إنت طالما بتحب إنسانه ف أنا بشووف إنك قطع شك بتتمنا ليهو الخير .. ف الإنسان بطبيعتو من الأفضل ليهو يشوف مصلحتو وين ؟ إنت انسان راجيك مشوار طويل .. "زي م أنا عارف" ف ليش ي صحبي تجبر انسانه تأرشش معاك العمر د كلو لو كان نهاية الحب د الزواج (النهاية المفروض تكون) .. ول داير البت تقعد وتنتظر ولم انت تكون خلاص بقيت عل الموضوع د تكون هي ي سيدي كرمشت وبقت ؟؟؟؟ ف الساعه ديك انت بتكون ظلمت نفسك وكان من الأجدر تشوف الإنسانه المناسبة ليك أكتر ، وصدقني انت ف الساعه ديك ح تتزوجها م للحب .. ح تتزوجا وفاءً بها، ان م بقول ليك م تحب .. حب لكن ضرب حساباتك وشوف راجيك كم وزيد العمر د عل عمرها وشوف عمرا في الساعه ديك ح يكون كم ..؟ نصيحة م تحسب حساب بعيد المدى .. عشان م يسمو ليك أولادك أولاد المرحوممممممممممممممممم .. معليش ي صحبي طلعتا بيك برا الموضوع
أما بالنسبة ل موضوعك مممممممممممممممممممممممممممممممممممممممممممممممكن تحب عن طريق الانترنت والتلفون وكلو شي .. م بعيد ف النهاية الحب توافق .. لكن م تتوغل شديد حاول تدعم الحب بتاعك بالنظرة عشان م تدقس (ي لزيز) .. قلت لي حبيت تلاته مرات .. ف مثل بقول وم الحب إلا للحبيب الأول ..! أها الكلام د كيف معاك ..
حتكلم يا توتي بصفه عامه في الموضوع ..
النت في راي الجميع بنقسم إلى قسمين ..
قسم يرى ان النت عالم ملئ بالكذب والخيال ..
قسم يرى ان النت تغلبه امور كثيره إيجابيه منها مدى صدق العلاقات الإجتماعيه ..
وحقيقه اود ان اقولها ان النت هو بعيد من كل اتهام في من يستخدمه بصوره سيئه وصوره تشوه سمعته كأداه للتواصل والإستفاده منه في امور كثيره ..
اما الحب عن طريق النت هناك من يلهث وراء هذه العلاقات والتي قد يفهمها الطرف الآخر ويحس بأن هذا الشخص محتاج لروي عاطفي ونقص يفتقده فيبدا باللعب بمشاعره ويحاول ان يستغله وقد سمعنا بقصص كثيره وقع فيها ضحايا الحب المزيف سواء الشاب او الفتاه ..
والفشل والنجاح وارد سواء على النت او وجها لوجه ..!
يعني زي حكايتك يا توتي التي ذكرتها والتي فشلت ( عفوا للكلمه دي ) مع انك على ما اعتقد انها كانت علاقه بعيده من النت ..
والنجاح ايضا وارد حكايات تكللت بالنجاح والزواج والذريه الجميله ..
في النهايه انا اؤمن بالقدر والنجاح والفشل هو اللي بنصنعه بايدينا في كثير من الأحيان ..
إن شاء الله تكون الفكره وصلت ..
وشكرا
