الجامعات والجكس

[ibn batoota]

أول حاجة سلام للكل.......

ياشباب رأيكم شنو نجي نعيد أيام الجامعات.... والضهب والجكس الفي الجامعة والحنك كان معاهو كيف..
طبعا بإفتراض إنك برلوم جدييييد..... كرت كرتونة ماناقش اي حاجة وداخل علي عالم جديد عليك:D

طيب ياجماعة نبدأها ليكم من ماطلعتها البيت وإنت قاشر الشكة للفؤاد....المشط في الجيب الخلف... جيت السوق العربي شأن تركب.. والسوق طبعا يعجبك زحمة ذي الزحمة وغبار بي الطريقة الصحيحة.... وصلت الموقف وراء الجامع الكبير وإنت وشك يلعن قفاك...... من الكتاحة والسخانة...... لقيت الموقف ذي كل مره.... زحمة ألف..... أها جات الحافلة وهاك ياجري ويامدافره..... أها تقوم تتحرفن وتدخل بالشباك.... وتقعد في مقعد وتخت كتبك في المقعد الجنبك الولد مفتح يعني مشرك وكده:D
أها في نص الزحمة دي وإنت رأسك شغال ذي مروحة الطربيزة تتلفت يمين وشمال .... تقوم تشوف ليك شحرورة حليونه طبعا لقب شحرورة لي الناس الماعارفنو كنا بنقولو للقطعة النضيفة في الجامعة:D
أها تقوم بي حركة مفتحين تأشر ليها إنو انا حاجز ليك جنبي هنا... وجات الشحرورة تتقدل وقعدت جنبك طبعا في اللحظة دي إنت خلاص كلامك كلو طار.. خصوصا بعد ماإبتسمت ليك وقالت ليك thanks
أها إنت داير تحنك لكن وين المدخل شأن تخش بيهو...دايرين مدخل الحنك ياجماعة؟

يالله في إنتظار مدخل للحنك السنين..

[osama77]

والله زحمة شديدة موش كدا ؟؟
لا ترد
زاتو الواحد يخاف يكرفس هدومو مرات صاح ؟؟
تنشغل في ترتيب دفاترها
معانا في السنتر إنتي لأن انا شفت شكلك دا في الميدان الشرقي ولا وين يارب ؟؟

[ibn batoota]

ايوه يا سمسم .......

أظهر وبان وليك الأمان.....

ناس السناتر ديل هم زاتهم... بتاعيين الونسة الدقاقة

[ibn batoota]

لونك أصفر شديييييييد إنت بتشجعي المريخ:D
طبعا هي لونها يكون زي أزرق وما أزرق حاجة كده ذي الظهره
لكن نعمل شنو برالمة وجداد في عالم الجكس

أنا زاتي مريخابي علي السكين وبحب حامد بريمة:D

[ibn batoota]

والله زحمة شديدة موش كدا ؟؟
لا ترد
زاتو الواحد يخاف يكرفس هدومو مرات صاح ؟؟
تنشغل في ترتيب دفاترها
معانا في السنتر إنتي لأن انا شفت شكلك دا في الميدان الشرقي ولا وين يارب ؟؟

إنت ياسواق شغل المكيف ده....... معانا سكر هنا خايفنو يسوح

[بت أبوظبي]

والله يا بطوط موضوع ظريف وجديد ..
لكن ما عارفه بالنسبه للناس الماعاشوا يوميات سودانيه بحته كده ..
يعني الماقروا في السودان وما عايشوا اللحظات السودانيه الجميله دي
ممكن يدخلوا معاكم ..
مع العلم انها واحده سواء اختلطت مع سوانيين او غيرهم من الجنسيات ..
ولكن اختلفت اللغه والتعابير ..
شكرا

[الدكتوره]

حلوه منك ياياسر
دا الى كنت انت بتعملو ولا شنو؟؟؟
اسامه دمك زى العسل
لكن لو كنت انا مكان البت دى وسمعت كلامك دا ياياسر نظرا لسخانه الجو وعدم توفر المقاعد
لو قلته لى بتشبهى حامد بريمه زاتو حستحملك لانى مجبوره بس لما اجى نازله اديك خبطه بالشنطه
واقول ليك سورى ما كنت قاصده

[moony]

حلوه منك ياياسر
دا الى كنت انت بتعملو ولا شنو؟؟؟
اسامه دمك زى العسل
لكن لو كنت انا مكان البت دى وسمعت كلامك دا ياياسر نظرا لسخانه الجو وعدم توفر المقاعد
لو قلته لى بتشبهى حامد بريمه زاتو حستحملك لانى مجبوره بس لما اجى نازله اديك خبطه بالشنطه
واقول ليك سورى ما كنت قاصده

ههههههههه ههههههههههه هههههههههههههه

حلوة منك يا دكتورة

والموضوع اجمل والمشاغلات شواكيشها كتيره ونودارها اكتر

بنتظار البقية

[sarona]

ابن بطوطة حلوة جدا منك
اسامة ناس السنتر. ..هههههههههههه تمام
الدكتور انتبهي لو في الشنطة قزازة ريحة ما تتكسر

[ibn batoota]

والله يا بطوط موضوع ظريف وجديد ..
لكن ما عارفه بالنسبه للناس الماعاشوا يوميات سودانيه بحته كده ..
يعني الماقروا في السودان وما عايشوا اللحظات السودانيه الجميله دي
ممكن يدخلوا معاكم ..
مع العلم انها واحده سواء اختلطت مع سوانيين او غيرهم من الجنسيات ..
ولكن اختلفت اللغه والتعابير ..
شكرا

بت أبوظبي أركبي ساي الحافلة دي بالرغم إنها ماشة الأهلية لكن جكس بانت وحمدالنيل والعودة كلهم بركبو معنا

بس أعملي حسابك....ماتقعي في واحد مفتح وسنير وإنت شهاده عربية.:D

[بت أبوظبي]

بت أبوظبي أركبي ساي الحافلة دي بالرغم إنها ماشة الأهلية لكن جكس بانت وحمدالنيل والعودة كلهم بركبو معنا

بس أعملي حسابك....ماتقعي في واحد مفتح وسنير وإنت شهاده عربية.:D

انزل احسن ...!!!!

[ibn batoota]

حلوه منك ياياسر
دا الى كنت انت بتعملو ولا شنو؟؟؟
اسامه دمك زى العسل
لكن لو كنت انا مكان البت دى وسمعت كلامك دا ياياسر نظرا لسخانه الجو وعدم توفر المقاعد
لو قلته لى بتشبهى حامد بريمه زاتو حستحملك لانى مجبوره بس لما اجى نازله اديك خبطه بالشنطه
واقول ليك سورى ما كنت قاصده

يادكتورة....ده ماالحنك ذاتو خبطيني بالشنطة في رأسي......تقولي لي سوري...أقول ليك لاسوري علي واجب أقوم ألم ليك علبة المكياج لانها حاتكون إتشتت
والله ناس العماده وإدارة الجامعة ببالغوا عديييييييل كده.......... المفروض يفتحو فرع لي فراساي ولا كوافير لوزه الحميراء في الجامعة.... بدل معزبنكم كده
دكتوره إنت دقستي يافردة وقعتي في واحد مقرم

[ibn batoota]

انزل احسن ...!!!!

ده عز الطلب:D بس بعد ماتدفعي لي في الحافلة.. أقوم أنزل معاك.....

شبهك ده ذاتو ماشبه مواصلات ومدافرات...
أرح نركب تكسي أنا ذاتي مابحب المواصلات

ولا أقول ليك تعالي نتمشي..... أصلو المسافة قريبة
وهااااااك يانقة وياحنك.....

[ibn batoota]

يا حليل ايام زمااااااااااااااااان ....


الز حاجة كنا الواحد البمشي يظبط البوش بعمل نايم وما بيتدفع الشرينق .....عشان كيدي اضطرينا يكون الجميع واقفين لحظة الحساب ...بنات علي اولاد ..

بجيك راجع يا بطوطة...

صهيب أخوي الجكس بتاعكم ظاهر عليهو جاهز.... من أكل البوش والخرخرة في الحساب..
هههههههههههههههه
ديل لي سلامتك وسلامة جيبك....حنك معاهم كداري بس:D
النوع ده أنا عارفو كويس مفلس ونفسو مفتوحة لي أي حاجة...ههههه.... خاصة بتاعيين البوش جنب عماره الفيحاء ودكاكيين الزقاقات الجنب السفارة....

[استارو]

حقيقى الموضوع فى قمة الروعة
نبدى
،
،
لوسمحتى فى ياتو قسم انتى00؟
:فلسفة
بتعرفي واحد اسمو م(0000) من الصحافه
:ابدآ لاكين عندنا واحده من بنات الصحافة
اسمه 000000
مابعرفا 00معليش نسينا نعزمك
حاجة تشربى شنو؟؟
لا شكرآ
لاوالله انا حلفت
هههههههههههههههه
ههههههههههههههههه
تحياتى ودالنيليين

[ibn batoota]

حقيقى الموضوع فى قمة الروعة
نبدى
،
،
لوسمحتى فى ياتو قسم انتى00؟
:فلسفة
بتعرفي واحد اسمو م(0000) من الصحافه
:ابدآ لاكين عندنا واحده من بنات الصحافة
اسمه 000000
مابعرفا 00معليش نسينا نعزمك
حاجة تشربى شنو؟؟
لا شكرآ
لاوالله انا حلفت
هههههههههههههههه
ههههههههههههههههه
تحياتى ودالنيليين

يا إستارو ياحبة...... براحة علي الحنان ده......:D
كدي قبل ماتعزمها بارد..... إنت ماشايف الكمساري ده جاري فيها نور طوووووويل كيف...
وشغال يكنتك ليها بالعين الشمال....

بيني وبينك هي ذاتها زول شغال بيها مافي غيرك إنت ياحبة:D

[ibn batoota]

[quote="استارو"]

حقيقى الموضوع فى قمة الروعة
نبدى
،
،
لوسمحتى فى ياتو قسم انتى00؟
:فلسفة
بتعرفي واحد اسمو م(0000) من الصحافه

والله ياإنت أنا أبدا مابعرف أولاد
إلا إنت يا استارو.....
أهلي صعبيين شديد.....مابخلوني أطلع من البيت إلا للجامعة..

ترررررررررن ......آلو مرحب معي منو.....
انا نادر يا........ماعرفتيني ولا شنو.... انا منتظرك في الريفيرا.... إتاخرتي علي كتير
خلاص هسي جاياك.....بركب لي أمجاد وإنتظرني بره شأن تحاسب السواق

سوري استارو ده نادر ود خالتي .......... ارح نشرب البارد سريع شأن هو منتظرني ماشيين مشوار

اها ا استارو دي تكون شطفتك وغسلتك وحممتك ذاتو

[بت أبوظبي]

انا خليني اتفرج ساااااااااااااي !!
والله ما بعرف اجيب زي كلامكم الحلو ده ..!

[احمد السوداني]

[a7la1=66FFCC]

اجمل ايام حياتي هي تلك التى كانت في الجامعة - ما اروع تلك الايام

[/a7la1]

[osama77]

إنتو ما بتعرفو الحنك كيف..
أول حاجة بعد ما تركب من الشباك تقعد في الكرسي وتحجز الكرسي التاني الجنب الشباك وتأشر ليها وأثناء ماهي جاية تلز ليك أضعف واحد واقف وتنهره (زح للبت دي ماشايفها جاية انا حاجز ليها) ولمن تصل تمسح الكرسي وتنظفه بمنديلك وبعد ما تقعد تمد ليها منديل ورق وتسألها أفتح ليك الشباك ولا أحسن كدا ؟ ولازم تكون مجهز ليك لبان شكلت عشان تمد ليها .

شفتو الكبكبة عندي ولا بلاش