أكيد طبعا فى سودانا الحبيب دا فى بنات كتار عرسوا (غصبا عن نخراتهم) و طبعا ده اتسبب فى كتير من البلاوى زى انو البت بتعرس واحد بتكون (شامة حلة اخلاقو) و ما قادرة تقنع اهلها ,و كمان بتسبب فى شاكوش غير مباشر (لكن بنفس تاثير الشاكوش المباشر) للشخص البيكون مربط معاها اذا وجد. نكتب الموضوع ده لمؤازرة اخواتنا علة الرفض و ايضا لمصلحتنا (عدم تلقى الشواكيش الغير مباشرة).
1- أول حاجة هى انك لازم ما تظهرى لاهلك عدم الرضا بالعريس من ساعة ما يكلموك ,يعنى عاااادى علشان ما يلاحظوا حاجة بعدين فى الخطة.
2- تانى خطوة انك من يوم يوروك مواعيد وصول اهل العريس (ابو الشباب) ما تستحمي نهائى,تخلى الروائح المنعشة تطلع كويس و اتحاشى ناس البيت ما يشموك.ممكن كمان تجهدى زيادة فى البصل و التوم وقش الحيشان و كده.
3- و طبعا حيجى اليوم البيجو فيهو اهل (ابو الشباب) اخيرا علشان يشوفوا (ست الحسان) السامعين بيها و عشان كدة لازم (ست الحسان) تكون نايمة لحدى المواعيد عشان وشها يبان مية مية(حجة طبعا) علشان ناس البيت ما يكشفوك .
4- اهل العريس كبسوا اخيرا (ابو الشباب و الحاج و الحاجة) , سيادتك حتجى تسلمى على ام العريس ببرود تااام,كأنك قرفانة و اخلاقك واصلة نخرتك السمحة دي ترجعى على اوضتك علشان تتظبتى طبعا (معقولة بس؟؟؟), و هنا يبدأ الشغل :
-اولا المكياج لازم تبدأي بالكحل,تكحلي عين اكتر من التانية علشان تكونى (حوصاء رسمى), مع اضافة بعض المساحيق و البودرة على الشفايف علشان توري انو عندك (اما فقر دم او كوليرا).
5- تمشى طوااالى على المطبخ علشان تاخدى الشاى و القهوة و كدة (اوع امك تنتبه للبهجة الفى وشك).
6- تاخدى الحاجات و تمشى للناس بكل ثقة المرة دى (بالجد علشان ما تكتريها) و و تمشى طبعا تقعدى جنب العريس (ابو الشباب) و تصبى ليهو الشاى و و طبعا تبداى تعاينى ليهو فى عيونو عدييييل (تسلبي حنان قلبو زاتو ) , و كدة العريس حيصاب بالصدمة (من اول نظرة) , طبعا من شدة الصدمة حينسى يشرب الشاى المكبوب قدامو و حضرتك طبعا حتزكريه (ما تثرب الثاي ده حيبرد !!!)
و عشان (ابو الشباب) ياخد نفس تقومى تقبلى بمنتهى الظرافة مع ام العريس و تتونسى معاها ونسة جادة و كويسة لكن؟؟؟ حتقعدى تكرشى و تحكى فى شعرك طول كلامك معاها (مع انك حتكونى مرتباهو عادى من قبيل بدون مقالب) , اتخيلى كدة انو فى حديقة حيوان فى راسك .مسكينة ام العريس حتقرب تقع و هى بتحاول تبعد منك.
اول كلمة حتسمعيها هى (أحححممم) من ابو العريس ايذانا بالرحيل من عندكم و ابوكى بيقوليهم شرفتونا و الله .
عموما الشباب علشان ما يخشوا فى ورطات زى دى اذا عملوا يوم من الايام عملة (ابو الشباب) لازم يكونوا كالآتى: (مواصفات بنات زمن الفضائيات)
1- جاذبية و رومانسية تامر حسنى.
2- ثقافة جورج قرداحى.
3 - خفة دم احمد حلمى.
4-ضحكة و اسنان محمد حماقى (نفسى اعرف بيستخدم ياتو معجون).
5- اهم حاجة.... جيب الوليد بن طلال .
و كمان حاجات زى تكون اعمى عن غيرها و اطرش من عمايلا .. وووو.... الخ !!
واحدة سمعت خطتتك وقررت تنفذها ابت تستحم وجاءت ريحتها بصل وتوم العريس لما شم ريحة المطبخ قال يسلاااااااااام كدا اطمنت انو العروس ست بيت ومطبخ بالجد
ولما قابلتو بى وشها وهى صاحية ياداااااااااب العريس قال يسلاااااام والله البت صادقة جداً جداً ودا شكلها وما حاولت تغشنى
ولما جات بالكياج المبشتن العريس قال يا سلاااااام بالله شوفوا راءة البت دى اكيد هى من النوع الما بمشى حفلات وكلام فارغ عشان كدا ما بتعرف المكياج
ولما قعدت جبن ام اعلريس وبقت تنكرش العريس قال ياسلاااااااااااام انا كنت حاء احتاج لسنين عشان البت دى تاخد راحتها وصراحتها مع امى وهاهى ذى بتها
وفى النهاية العريس حلف الا يعقودوا ليه على البت العمل خطتك دى
ودبستى بنت الناس ساكت يافجر
شوفى طريقة طلقيها
السلام عليكم ورحمه الله وبركاته
شكراً على هذا الموضوع يافجر والله كثير عجبني
لكين الحين في المجتمع
البنات مايبغو
يطفشو الازواج يبغو يقربوهم ليهم لانو كثير حاصل مشاكل الطلاق والزواج عليهم
وبعدين احنا اصلاً مطفشاهم مطفشاهم كده ولاكده
وحبيت اقول ليكم انا عضوه جديده
وهل من مرحب
انا معاك السلقااااوي
انت في قلووووبنا
والمنتدى من غيرك ما يسوى
ولا تهمك الزوووله عاشقة الزيوود
ولا تزعل
الناس هادي ما مستاهله زعل
يمكن انت شايفينك فهرس المنتدى
يسألوك عن الصفحات دايم
[
size=4]اولآ مشكورة على التعبير الجميل
والله انا ما ازعل من مثل هذا
الكلام ومن من اختي في الله وفي هذا
البيت العامر با مثلك لالا
هنا كلآ يدلو بادلولكي نفيد ونستفيد
ولكي مني كل الاحترام والتقدير
دمتي كما انتي [/size]
