[ سؤال للجكس اللطيف : يطلقوك ولا يعرسوا فيك ؟؟؟؟

[أبعاج]

[ سؤال للجكس اللطيف : يطلقوك ولا يعرسوا فيك


سلام
هذه مشاركة جديدة
اتمنى ان تنال الرضا
السؤال مطروح للجكس


المتزوجات
منهن وغيرهن
اذا اراد زوجك ان يتز وج التانية
ماهو ردك


هل تقبلى


ولا تطلبى الطلاق ابغض الحلال


و السؤال مطروح ايضا لنسمع راى للشباب
العزابة يعنى
رايكن شو ؟

[spanisheyes]

الظاهر انو انا اول من يشارك ابعاج
فعلا سؤال صعب جدا بس انا حيكون
قراري الطلاق طبعا اذا ما بقيت
مالية عينو هو كمان ما بيلزمني

مشكووور

[العسولة]

سؤال حلو وفي محلو

زي ماقالت الأختspanisheyes
الطلاق طبعا كان من البداية ماعجباهو معرسني ليه؟؟

[لحــ غروب ـظة]

لكل مقام مقال ....

ولكل حادث حديث...


،،،،

[دعاش كردفان]

[align=center]اخى ابعاج
لك التحيه
انا عن نفسى من البدايه اختيارى ان شاء الله
حيكون موفق لانى بختار الانسان الخايف الله
عشان يخاف الله فينى
وبعدين انا معاك انو ربنا اعطى الرجل التعدد
لكن كمان ما تنسى انو كمان عندى حق القبول او الرفض
وان شاء الله ان شاء الله ان شاء الله
اللى بتزوجو لا حيفكر يتزوج على ولا حيطلقنى
ومشكور طرح الفكره
مع خالص تحياتى
اختك دعااااااااااااااااااااش كردفان[/align][/b]

[sooma]

من غير اى تفكير الطلاق

[أبعاج]

هوووووووووووووووووووووى يا بنات يمين بالله خوفتنى عديل كده !! الشء مافى واحده فيكن تدق سدرها ! وتقول البنات الفاتن قطر الزواج ماليات البلد ! يعنى البايركس !! خلينا نأخد الاجر فيها وتجى تشاركنا الحياة ! والبأكل واحده بيأكل أتنين !! مش ؟؟؟؟؟
منتظر ردكن يا بنات !![/font]

[كابو]

اليومين ديل عندي صاحبي عرس فوق مرتو وكب الزوغة من القديمة ستة شهور زائغ
القديمة حملت العفش والشفع وتووووووش شرفت
وصاحبنا دخل في ....... ........
( ما تسئوا الظن دخل في حيص بيص )
وقطر لاقي قطر
جنس جرسة
وصاحبنا بقي زي السوسيو الداقاهو المطرة

اها رائكم شنو ؟

[bitadlan]

اخونا ابعاج والله الموضوع ده مافيه اي دقة صدر وكان امنا ام سلمه رضي الله عنها خافت من الغيره فكيف بنا نحن ؟؟؟ الطلااااااااااااااااااااااااااااااااااق بالكوم .

[reem_2008]

يطلقوني طبعا
بدون مناقشة

[امدرمانية]

اليومين ديل عندي صاحبي عرس فوق مرتو وكب الزوغة من القديمة ستة شهور زائغ
القديمة حملت العفش والشفع وتووووووش شرفت
وصاحبنا دخل في ....... ........
( ما تسئوا الظن دخل في حيص بيص )
وقطر لاقي قطر
جنس جرسة
وصاحبنا بقي زي السوسيو الداقاهو المطرة

اها رائكم شنو ؟

دي المشكلة هنا الواحد لمن يعرس ببقى زي العميان المسكو العكاز ,ينسى مرتو واولادو ويبقى زي الطفل لمن يلقى ليهو لعبة جديده اليوم كلو يلعب بلجديده لحي ماتقدم بعداك يرجع لي لعبتو القديمة دا اذا لقى اللعبة قاعده
الواحد لوبقى عندو بوعد نظر مابيحصل عليو كدا لكن بس الواحد بعاين تحت رجليو
المشكلة مافي انو الراجل يعرس المشكلة بعد العرس البيحصل شنو؟

[sentimental]

[align=center]انا حنضم للاخواتي الفاضلااات
واتبني رأيي دعاااش كردفااااااااااان حرفياا
وان شاء الله راجلي ما تكون عينو زايغه
وان شاء الله انا بكون ماليه عينو دايما قبل وبعد الزواج عشاان مايفكر ياخد وحده تانيه
ولو حصل وفكر الله معاهو ويوفقو بس من دوني
لووووولا تحياتي[/align][/b][/size]

[احسان]

[grade="FFA500 FF6347 008000 4B0082"]طبعا اخليهوا ليها

وما بفكر فيهوا تانى [/grade]

[ابراهيم الجيو]

إنتوا مرتوا التانية مالكم ومالها،،


بحنتـــها ودلالاها،،

:D :D :D :D

[دعاش كردفان]

إنتوا مرتوا التانية مالكم ومالها،،


بحنتـــها ودلالاها،،

:D :D :D :D

مشرفنا الفاضل ابراهيم
لك التحيه
كيف يعنى مالنا ومالها
وكمان بحنتها ودلالها؟؟؟
ومنو ده البستنه لما تبقى بحنه ودلال
يا اخى امهات المؤمنات كانو بغيرو
ربنا ما يضعنا فى موقف زى ده ابدا

[أبعاج]

[grade="FFA500 FF6347 008000 4B0082"]طبعا اخليهوا ليها

وما بفكر فيهوا تانى [/grade]

حتى أنت يا أحسان بتقولى كده ؟؟؟ أسع الواحد فيكن لو عرسوا فوقها بتسكت تطنطن بس

[حبوبة]

بسم الله ده كلام شنو يا ود امي !!!! حوالينا ولا علينا

إت آب عاج اخوي لساتك في البر وما ناقش سجم خشمك [ البسويها ماهو راكز صدقني] :D

بالعودة لحيثيات الموضوع كلام كابو ياهو المظبوط ، كان الرجال بقو عاقلين واعتبرو بيه كان أخير

بت عدلان دي تتجوعل كدي ساكت هو الاجاويد قاعدين لشنو؟ هو شيتا ما بترضي الله يكفينا و يعفانا

وبعدين متين ليهم الرجال عرسو البايرات ؟؟؟ يايمة كدي ان ما جاببا طاشرات و عشرين وستااااايل ما ماجاب!!!!!
لي باقي الصبايا كلامهم زي نسمة دعاش في ظل الوضع الراهن never waver

مرة خبير إتيكيت وأناقة ومرات تكوس درب الخناقة

و ياب عاج سيد الاسم ماغلت(ط) علي بثينة ولا هي سمعتو [ ربنا يعافيهم ويرضاهم]

[أبعاج]

بسم الله ده كلام شنو يا ود امي !!!! حوالينا ولا علينا

إت آب عاج اخوي لساتك في البر وما ناقش سجم خشمك [ البسويها ماهو راكز صدقني] :D

بالعودة لحيثيات الموضوع كلام كابو ياهو المظبوط ، كان الرجال بقو عاقلين واعتبرو بيه كان أخير

بت عدلان دي تتجوعل كدي ساكت هو الاجاويد قاعدين لشنو؟ هو شيتا ما بترضي الله يكفينا و يعفانا

وبعدين متين ليهم الرجال عرسو البايرات ؟؟؟ يايمة كدي ان ما جاببا طاشرات و عشرين وستااااايل ما ماجاب!!!!!
لي باقي الصبايا كلامهم زي نسمة دعاش في ظل الوضع الراهن never waver

مرة خبير إتيكيت وأناقة ومرات تكوس درب الخناقة

و ياب عاج سيد الاسم ماغلت(ط) علي بثينة ولا هي سمعتو [ ربنا يعافيهم ويرضاهم]

والله عاد ميزت الكلام وأرمى لى قدام وشن لم السمبر مع الحمام ! وسجم القام شرب المحايه وأبى القرايه وشرب لبن الغنمايه [ /color]

[جسور الأمل]

أخوي ابعاج
أما عني أنا أطلق أحسن

لأني لا أقبل بنصف قلبه أبداً
بل أريد قلبه لي وحدي دون شريك
علي قولة المصرين((أنا زي الفريك ما بحبش شريك))

و ما أعتقد أنو يقدر يطلقني
والله ما يخيب ظني إن شاء الله

ولما نعرس يحصل خير والله ما يجيب كلام زي ده بعدين

لك كل الأحترام والتقدير مني
ومشكور علي الموضوع

[أبعاج]

أخوي ابعاج
أما عني أنا أطلق أحسن

لأني لا أقبل بنصف قلبه أبداً
بل أريد قلبه لي وحدي دون شريك
علي قولة المصرين((أنا زي الفريك ما بحبش شريك))

و ما أعتقد أنو يقدر يطلقني
والله ما يخيب ظني إن شاء الله

ولما نعرس يحصل خير والله ما يجيب كلام زي ده بعدين

لك كل الأحترام والتقدير مني
ومشكور علي الموضوع

الراقيه المهذبه جسور الامل
والله أنت العاقله وربنا يتممك بعقلك