أغنية "راجل المـرة " على قـناة Mbc ((فيديو))...!!

[ود أزهري]

سلاااااام.....


أفردت قناة mbc مساحة ضمن نشرة الأخبار للتجول في الثقافة السودانية وخصوصا ً أغاني البنات...

وتعرضت لأغنية " راجل المرة " باعتبارها (( لون من ألوان الفنون والغناء في السودان...!!!...))...

وتقرير المذيع التلفزيوني (حامد الناظر).....

في حوار مع ( أروى الربيع ) الباحثة في أغاني البنات...!!!

وفي حوار آخر مع المقدم شرطة ( فتح الرحمن مصطفى المهدي ) رئيس مباحث شرطة أمن المجتمع...!!!
_________________

.....بتاريخ 10 أبريل 2008م.....

_________________


وأتمنى إنو يكون في تبادل آراء...وأي زول يورينا رأيو في الموضوع ده.....وفي الانتظار.....


تحياتي.....ود أزهري..

[احسان]

[grade="FFA500 FF6347 008000 4B0082"]ود ازهرى تسلم على البوست

وبصراحة انا عايزة اعرف راي باقي الاخوان في الاغنية دى

بس انا بصراحة ما بحبها ومابعتبرها تراث نتشرف بيهو

تسلم على البوست[/grade]

[ود أزهري]

العزيزة إحسان...


شكرا ً على المرور والتجاوب وشكرا ً على إبداء الرأي المنطقي...

والأغنية دي أخدت مساحة كبيرة من الغنا في السودان...في حين إنها خالية من التعبير الغنائي...

وأنا زيك كده منتظر راي باقي الأعضاء في الأغنية...وفي موضوع تلفزيون الـــ MBC...

وشكرا ً مرة تانية على حضورك الجميل...


تحياتي.....ود أزهري..

[spanisheyes]

ود ازهري لك التحية :

انا بصراحة ما بشوف ابدا انو الاغنية نوع
من انواع الثقافة السودانية ويوئسفني انو اتعرضت في
تلفزيون mbc علي انها ثقافة سودانية والمشكلة اللي
بيغنو فيها بكل ثقة ورفعة راس وطالعين في التلفزيون !!!!!!!!

[ود أزهري]

العوينات الأسبانية الغالية...

تشكرات على الحضور والتعليق على الموضوع...

ومع إنو الفن السوداني من أرقى أنواع الفنون حول العالم لكن شوفي زي ناس راجل المرة ديل

أكبر دليل على تدهور المستوى الفني في السودان...

في إنتظار بقي الآراء...

وشكرا ً للتعقيب يا زوق...


تحياتي.....ود أزهري ..

[حبوبة]

سلامات و يسلمن الإضينات
لكن كمان يا خوي ياهو الواقع بس مترجم بصفاقة وبدون رتوش
انت ماك من ام در؟
والا طولت من البلد؟
المدهش في الموضوع انو ده كلام الصبايا اللسة ما ركبو القطر
بركة الماجابو "القرد" والا النبق هو التدهور الحاصل شوية
علة بس ربك يهدي...........قول ياااااااميييين

بالمناسبة أنا جدييييييدة لنج ما قطعت التاق (أقطعو والا أوريكم عرض اكتافي )اصلو انا دايما لساني متبري مني

أها العفو والعافي[

[حبوبة]

سلامات و يسلمن الإضينات
لكن كمان يا خوي ياهو الواقع بس مترجم بصفاقة وبدون رتوش
انت ماك من ام در؟
والا طولت من البلد؟
المدهش في الموضوع انو ده كلام الصبايا اللسة ما ركبو القطر
بركة الماجابو "القرد" والا النبق هو التدهور الحاصل شوية
علة بس ربك يهدي...........قول ياااااااميييين

بالمناسبة أنا جدييييييدة لنج ما قطعت التاق (أقطعو والا أوريكم عرض اكتافي )اصلو انا دايما لساني متبري مني

أها العفو والعافي
ان قبلتوني ممكن أ كتب بالإنجليزي

[ود أزهري]

العزيزة شمس الهداية...

شكرا ً كتير على مرورك بالموضوع...

والتدهور الحاصل نحنا عارفينو وما باليد حيلة.....

لكن..... ( إذا بُــلِــيــتُــم فـَـاســتَــتـِـروا ) .....ولا شنو...؟؟

ومرحب بيك...أدخلي لي جوة...راجينك...والنشوف عندك لينا شنو...

تحياتي.....ود أزهري..

[حبوبة]

العوافي عليك يا سيدنا ،،،،، ومشكور

ع الحفاوة ، خفة الدم و الحضور

انشالله ديمة معافى مستور

دنيا وآخرة خاطرك مجبور


مع العولمة و الإتصالات السترة الله يجيبا ساكت !!!!!

(بليتم) فصدك التدهور العام؟ والا عرس الدبل و التربل !!!!!!!!!!!!!!!!!!

[bitadlan]

الحقيقه لفته بارعه من قناة mbc لكن صحي ما لقو غير راجل المرا دي وين ناس ياعديله يابيضا وما شابه وبركه الماجابت القرد على قول صاحبنا . وشكراً

[بيونسي]

~*¤ô§ô¤*~*¤ô§ô¤*~صراحه هي حلوه وما حلوه ما عرفه اقول حاجه تانيه وشكرا~*¤ô§ô¤*~*¤ô§ô¤*~

[ود أزهري]

الحقيقه لفته بارعه من قناة mbc لكن صحي ما لقو غير راجل المرا دي وين ناس ياعديله يابيضا وما شابه وبركه الماجابت القرد على قول صاحبنا . وشكراً

العزيزة bitadlan .....

شكرا ً كتير على المرور وإبداء الرأي...

والحقيقة إنو اللفتة البارعة كانت في البحث داخل ثقافة الفن السوداني الغنائي...

لكن الما جميل...اظهار أغنية زي دي ما بتحمل أي معنى من معاني الغناء السوداني

كـــ (( لون من ألوان الفنون والغناء في السودان...!!!...))... زي ما ذكر المذيع...

وليك الشكر مرة تانية على وجودك معانا..


تحياتي.....ود أزهري..

[ود أزهري]

شكرا ً بيونسي على الحضور والتفاعل في الموضوع...

وزي ما قلتي حلوة وما حلوة...

وخليك قريبة.....


تحياتي.....ود أزهري..

[sentimental]

العزيز ود ازهري
انا حأقول رأيي بصراحه
انا بحكم اني عايشه برا متغربه يعني فلمن اسمع غني سوداني ولا حتي كلام
سوداني بفرح شديد وبحس بقشعريرة كدا ووطنيه وشعور رهيييب لوووووول
المهم يعني انا بحب الاغاني السودانيه شديد بالرغم من اني مابعرف نص معانيها
بالنسبه لاغنيه راجل المرة انا بحبها كأغنيه يعني تهجج الناس في الحفلات وكده
مش اني مؤيده المعني اللي فيها بس اكيد فهمتني وانا مابأيد كونهم جابوها في التلفزيون ما
كل شي يعرض في التلفزيون وماكل شي بيفهمو الجنسيات الاخري يعني دي حاجه خاصه بالسودانيين
في تراث اعرق واحلي بكتير من المفترض لنو يتعرض وكمان حاجه تانيه انا بظن انو الخطأ من الناس اللي قدموهو وليس ناس الام بي سي لانو مستحيل يكونو عرفوها براهم اكيد من المراسل ودا اللي المفروض نعتب عليهو لو عايز يقدم يقدم بلدو بصورة صح هنا في ليبيا في اغاني بنات اسوء من كدا بكتير بس مستحيل تتعرض في قتاه عربيه لانها تراث خاص وسامحني لو اطلت عليك
لووووولا الحفلاتيه
تحياااااااااتي دوما

[ود أزهري]

الرائعة دوما ً لـــولا...

ما أسعدني بحضورك لهذا المنبر...وما أسعدني برأيك الجميل والواقعي...


صراحة رأيك منطقي...بالذات بالنسبة للمغتربين...

المغترب محتاج لحاجات تنسيهو غربتو وتذكرو بلدو وأهلو...ومن الحاجات دي..الغناء السوداني عامة..

وعشان كده طرحنا الموضوع للنقاش...عشان نشوف هل بالغنا ده ممكن المغترب يسترجع أهلو وناسو..؟

وأما من ناحية إنها غنية ربّـة ...أكيد وبدون خلاف جات فترة...الغنية دي مسكت الساحة...

وهججت الناس والربة والصفقة فوق...

لكن...!!..هل نحنا دايرين الربة يكون شكلها كده..؟؟...وفي انتظار بقية الآراء...



تحياتي.....ود أزهري..

[sweet-zo0ola]

موووضووووعــ,, رااائعــ,, يسلـــموـوـوـو..,

[ضحكة بشر]

أخوي ود أزهرى هي مع أنها أغنيةهابطة إلأأنها تعكس الواقع بتاع الفترة دي وهو الزوجة 2 فهي مراة للواقع والواقع مر عشان كدة الاغنية مرةو ومسيخة زيو

[the golden boy]

أخوي ود أزهرى هي مع أنها أغنيةهابطة إلأأنها تعكس الواقع بتاع الفترة دي وهو الزوجة 2 فهي مراة للواقع والواقع مر عشان كدة الاغنية مرةو ومسيخة زيو

هي فعلا اغنيه هابطه بس الناس بيحبوها شديد ليه ماعارف.

[queenfadwa]

هي فعلا اغنيه هابطه بس الناس بيحبوها شديد ليه ماعارف.

Oh My God
can`t believe my ears ,on mbc
why? it is not a good thing to be proud of and show to others

[عبـآدي]

الله مافهمت شي يازول .. آآي