هل اولاد المغتربين حناكيش؟؟؟؟؟ ادونا رأيكم...!!

[lord of murder]

الحنكوش هو اللي عقلوا فاضي في رايَ

[ودالدرديري]

شباب كيفنكم أريتكم طيبين

تسمية حنكوش في حد ذاتها هي تعريف لــ طريقة حياة معينة لدى أشخاص معينين
وهي في نظري لاتنحصر على أولاد المغتربين تحديداً
فأكثرهم يعيشون في المهاجر بنفس طريقة حياة أولاد البلد (الغُبُش أبان مسوحاً مويه) داخل السودان

ولتوضيح الصورة أكثر ولكي يكون الجميع على دراية بأصل التسمية ومنبعها الاول ومن ثم تطورها الى ان وصلت للحالة التي نراها الآن يجب معرفة الدوافع والمسببات والتي بدأت بمصطلح السحسحة أو السحسوح وهي طبقة كانت معروفة لدى رواد الحركة الشبابية .
روى أحد أبناء ذلك الجيل قائلاً :
( المشكلة كلها بدت من الناس البتلبس الشقيانة وهو شبشب عبارة عن سيرين يفرقان الأصبع الكبير عن باقي أصابع القدم وهو ما كان يسمي بالــ سفنجة نسبة للمادة البلاستيكية المصنوع منها الشبشب والناعمة كالاسفنج. و الجماعة إياهم كانوا يرتدون تلك الشقيانة حتي صارت خاصة بهم فسميت بعد ذلك بالــ سحسوح لارتباطها بــ السحاسيح , والسحسوح هو في الأصل الشخص السايح على بعضو وغير مصطلب يعني زول لين .والأغنية زمان كانت بتقول سحسح وجانا في خشمو لبانة وما.....( والباقي عيب )
وزمان كان لباس الشباشب خاص بالنسوان أما الرجال فكانوا بيلبسوا مركوب أو جزمة لميسوري الحال والمثقفين المتشبهين بالخواجات وللعلم لباس الشقيانة كان علي أيامنا عيب..) انتهى .

إذن فــ مع ظهور طلائع الحركات الشبابية الجديدة ما بعد الحرب العالمية الثانية والتأثر القوي للمجتمع السوداني بها بدأت في الانتشار بين الشباب بعض ظواهر هي عالمية في إطارها العام وإقليمية في إطارها الخاص ومن بينها مصطلح السحسحة الذي كان يطلقه العامة على من يماشون الموضة العالمية حال ظهورها أو من يكونوا هم أنفسهم موضة يتم تقليد طريقة حياتهم ومظهرهم من شباب الجيل المعاصر لهم . وكان من أبرز ممثلي تلك الموضة من المشاهير الفنان الذري ابراهيم عوض وأمير العود حسن عطية و أحمد الجابري و أحمد المصطفى رحمهم الله جميعاً (كما يمكن ملاحظتها كذلك في صور آبائنا القديمة) .
وقد تبدت أهم مظاهر هذه الحركة ( السحسحة ) في ظاهرة التخلى عن غطاء الرأس (الطاقية والعمامة والبرنيطة والطربوش) والتأنق المفرط وإزالة الشارب كلياً أوالاكتفاء بنصف المساحة المقدرة للشارب (تشبهاً بهتلر) او حفحفته ورسمه ليكون رفيعاً كـ (كلارك جيبل) ( رواد جيل الستينيات يعرفون من هو كلارك جيبل ) أو شق الشعر في الوسط (أب شقة قمر السبوع ) أو تصفيفه بميله إلى جهة اليسار أو اليمين اضافة الى إعفاء شعر ناصية الرأس أو ما يعرف في العامية السودانية بـ (القُجة أو التِفه) وكذلك التعطر المفرط بكلونيا(الشبراويشي) والعطور الباريسية وهناك من يغالي في السحسحة فيستبدل إحدى سنيه الأماميتين باخرى (ذهبية أو فضية) حسب المقدرة ثم يضع في بنصره دبلة ذهبية أو خاتماً فضياً ذي حجر أسود ، ثم إنهارت دولة السحسحة تحت مطارق الجيرك وسنابك الشارلستون أواخر الستينيات وأوائل السبعينيات فتوارت خجلى في كثافة شعر جيل الرفض وسوالفهم وإيقاعات البوب و الجامايكا وموسيقى البيتلز فظهر مصطلح الخنفوس و الخنفسة كبديل حتمي عن السحسوح والسحسحة وقد صمد طويلاً حتى مشارف الثمانينات حيث بدأ ظهور مصطلح الحنكوش و الحنكشة كبديل ثورى لما تقدم ذكره آنفا.
وعليه فإن المنعرجات والمنعطفات كتعابير سيوسياسية تبدو ضاربة في عمق أرثنا الثقافي والإجتماعي والسياسي الحديث ويمكن تأصيلها لأن قاموسنا الأدبي السوداني يحتمل الكثير من المفردات ...

يديكم العافية


ولييييييييييييييييييييي قداااااااااااااااااام












و.................الباقي على الله

[ياسر احمد غيبش]

الحنكوش ولا المتحنكش اول حاجه اولا المغتربين كيف مايكونو حناكيش بياكلو الاسكريم والديك الرومي والهوت دوك والحاجات الهاي هاي ونحن بنفطر بالفول ولا الفته وغدا نمسو ونرجع نتعشي بالفول عشان كدا اولا المغتربين بتلقي مافي فرق بين الولد وااأ الولد غايتو شدو حيلكم الحنكشه دي كعبه بس في اولاد معتربين صناديد ماحناكيش

[nony al7nkosha]

انابصراحة من عيال المغتربين وانا ابدا مابحس انو في فرق في العيشة هنا او في السودان بالعكس بحس انوالناس اللي عايشين في السودان حناكيش اكتر مننا والحنكشة بتاعتهم ما بتكون في طريقة الاكل او الشرب بل انهم هناك عايشين في وسط اهلهم وناسم وبلدهم
مع انو انا النيك نيم بتاعي الحنكوشة بس صدقوني حناكيش السودان محنكشين اكتر من حناكيش الدوحة

[التهامي]

بصراحه حناكيش

[رؤى]

انا جدى الله يرحمه كان سودانى بس مكنش معاه الجنسيه السودانيه لانه اتولد على ما اعتقد في مصر وانضم للجيش وكان من الخياله لكن جدوده كانوا سودانين بس مشعرفه هو خد الجنسيه المصريه ازاى المهم ان كمان ولاده اتولده هنا وبالتالى انا كمان اتولدت هنا في مصر لكن وبقينا مصرين انا عن نفسي كنت عارفه انى من اصول سودانيه لان جدى صحيح اتولد في مصر بس طبعا كالن اسمر وكذلك والدى وكذلك انا رغم ارتباطهم بزوجات مصريات لكن مازلت اعرف انى ايضا انتمى للسودان صحيح انا عمرى ما روحتها لكن مازلت مصره على اصولى السودانيه رغم مصريتى بس انا معرفش طبعا اتكلم سودانى ومعلوماتى عن السودان بعرفها من الانترنت او الفضائيات ووالدى اعتقد انه زارها كتير عشان اخوات جدى عايشين هناك لكن اكيد مش ذنب كل مغترب الفلوس وبس ساعات بتبقي ظروف حرب او شئ بيبعده عن اصله بس انا عن نفسي مش بحس بغربه لانى ما زرت السودان ولا عمرى شفتها بضايق من نظرة اى سودانى عايش في السودان ليه على انى مليش صله بالسودان

وعلى فكره مش كل اللى عايشين خارج السودان هايفين او عايشين حيساه مستهتره

[hdma]

والله حاجة غريبة ..
انا نفسي اعرف ليه نظرة السودانيين للمغتربين كذا؟؟
بعدين شنو ذنبنا نحنا عشان يسمونا حناكيش؟؟
حااااجة غريييبة جدا..

[صائغ الحروف]

والله حسب البيئه التربويه
التى نشاؤ عليها
سواء فى الغربه
او فى السودان
كل على شاكلته

[$My self$]

i will say one thing that any one out sudan even me is
7ankosh

[صلاح العجباني]

والله حرام عليكم
لانو اظرف ناس شفتهم انا هم اولاد المغتربين
في الحقيقه انا شفتا الحناكيش وانا ساكن في الرياض
وشفتا العكس اللي بشدو بيهو الضهر
بس ما كل المغتربين حناكيش بالعكس
بالمناسب انا عضو جديد وانشاء الله اكون عضو فعال في منتدى انا سوداني
ودا ايميلي
ss.ll.07@hotmail.com

[صلاح العجباني]

في السابق كانت للمغترب (شنَة ورنَة).. وقدومه حدث لا يحتمل التجاوز في (ونسات) القعدات الخاصة والعامة.. وعبر هذه المساحة نسترجع ونستنطق مع البعض بعضاً من ألق المغترب الذي (كان) والبريق الذي (خبأ)..

[صلاح العجباني]

شباب شفتو ناس جوطه اللي مسوين راب سوداني
ديل هم الحنكشه زااااااااااااتها اللي بقولو ( ايام قاعد في البيت متغطي بي ملايه .....)
بالمناسبه انا بحيي نور الاسلام لانو كلامو موووت وانا عجبني شديد
مع تحيات الاخ صلاح

[صلاح العجباني]

والله في الحقيقه انا ما شفتا تعليقات احلا من كدا

وانا بحيي الخوان احمد يس و دلوعة الامارات وبت ابو ظبي وقمر السودان

والقصص لفتت نظري ليها زي بتاعة ست الشاي والمويه الصفرا بتاعة شكل الليمو والله حلوة
ودي حقيق والله هناك المويه في السودان زي كدا وانا ما بكدب زول لانو دي حقيقه
و هناك والله في السودان ما بنفع غير الشكل والضريب والله لاكن قصه
وبالمناسبه يا اخة عفراء ما تزعلي عشان الناس بيعانو ليك بي اسغراب دي حاجه عاديه خالص

[صلاح العجباني]

انا بحيي عفراء علا الموضوع الجميييييييييييييييييييييل

[صلاح العجباني]

زي ما قال المثل
( الظروف خلة العنز خروف )

[صلاح العجباني]

هم فئة مهووسة بالمذهب( الرقة والنعومة ) ودائما يسلكون المسارات المقوسة ويخالفون نواميس الكون ويعشقون الرقم (5) ويتمنون لو كان هذا الرقم فوق الرقم (8) وهذا امر مدهش وعجيب ومخالف للقواعد الطبيعية.

[صلاح العجباني]

الحنكشة هي مرض يداهم الذين يعانون من عقدة الإحساس بالدونية واحتقار الذات والنفس والهوية وعددهم يزداد يوما بعد يوم ولهم مواقع نشطة في الشبكة العنكبوتية وهنا تكمن الخطورة..يتواجد الحناكيش في صفوف الجيش وفي داخل مجلس الشعب ..ويتواجدون في الملاعب ..تجدهم في نادي الإهلال والمريخ والموردة وسبب تدهور الكرة السودانية يقف وراءه الحناكيش لانهم يهتمون بتصفيف الشعر اكثر من تصويب الكرة في الشباك وهذا امر مدهش وعجيب ولابد من إعادة النظر في هذه المشكلة قبل ان نتحدث عن تطور مستوى الكرة القدم السودانية وعن تحسن أداء المنتخب الوطني للكرة القدم علما بان هزيمة النكراء التي ابتليت بها نادي الإهلال في التونس كان سببه الحناكيش ونسال الله ان يهدي الحناكيش ويتحسن صورتنا أمام شعوب العالم .

[صلاح العجباني]

بالمناسبه الكلام دا كلو للحناكيش /
حناكيش

ولاد مايعين

ولاد صايعين

قميص رقاش

وقاش حشاش

جسيم ناعم

ممسح ديمة بالفازلين

وحس مخفوض ولين ..لين

حناكيش والله .. ما ناقشين

بياكلوا الجبنه بالبيرجر

والمايونيز ملخبط فيهو حب التين

معلق جدول التسمين

ووكت ما يجوك ..متلمين

تقيف محتار..

تقول يا ناس

ديلا رجال..؟ ولا عوين.؟

هه يا ..خذلان لوث مجد

كان صنعوه بالدم الغزير

والعزه والتحصين

هه يا الخيبه وكنت امل

معشش في قلوب اهلك

وزي المويه ليك راجيين

طلعت فشوش...

دهب مغشوش..

وما بتنفع..

لا بجنيه..لا طراده ..لا ملين!

منو القال ليك دروب العزه

كان ركبوها بالفيسبا

والبازوكه والفازلين..

منو القال ليك سيوف النصر

كانت عند ولاد لامعين؟

اكان فراسا ركبو الخيل

وصنعو العز

لبست الليله انت الجينز

ركبت البنز

تدور مكنه بالبنزين

وبعد دا ..خسرت الحرب

وجيت راجع مع الفاشلين

منو البسمع كلام مليان

لما يقول:

(الشعب العربي وي؟

الغضب العربي وين؟

وين الملايين..؟)

ملايين كان وجودا زمان

لكن صفر في دا الحين

ملايين كان صداها زمان

نعيق البوم فى دا الحين

ملايين كانو فوق في العرش

ووقعوا الليله جوه الطين

من المحيط وللخليج

ملايين كلهم فاشلين

فرد غنيه لي جاكسون

ملايين كلهم راقصين

فرد طلقه من صهيون

ملايين كلهم لابدين

ملايين والله ما نافعين

منو البيرجع التاريخ

لمن كانت اسبانيا

معقل وساحه للفاتحين

منو البيصحى عين جالوت؟؟

بعد ما مات صلاح الدين

منو البقطع رحط القدس؟؟

عروس بت عز

ويا داب في عمر عشرين

وبرضو تقول شباب عرب؟؟

اصح نقول شباب ضائع

مشتت وفي قيود و سجين

لكن يا ناس بقولو كلام

تعالوا ننضف افكارنا

نحارب الجور

نحارب الردة والأثام

نفكر في عروبتنا

نخطط نمشي لي قدام

وبعد اليوم فيا جوليا

ويا ام عزين .. ويا الهام

حلفنا نجدل العملاء

وكل صهيونى ابقى حطام

وتبقي العزه عربيه

تعانق في سمانا
مقتبس من منتديات مانقو

[صلاح العجباني]

والله انا بحيي ربوبه لانها قالت اللي في قلبي
البعد عن وطنا دا اكبر معاناه والله
تسلمي يا ربوبه علا دي الكلمات الحلوة
و تحياتي لي ( احمد يس و بت ابو ظبي )
وتحياتي لي المشرف

[صلاح العجباني]

اللي بقول بابا وماما دا حنكوووووووووووووشي
واللي ما بياكل كسرا دا شي تاني دي الحنكشه زاااااااااتها