زواج النت .. حقيقه ام خيال

[ود الماحى]

حالى كحال ملايين الشباب الزين يسمون بكبش الفداء يضحون بانفسهم من اجل ان يعيش الاخرون ..
وعن اسرتى كان لابد ان يغترب احدنا فتحملت المسئوليه وكافحت سنين طويله جدا حتى اوصلتهم لدرجة الرفاهيه وما كان توفيقى الا رضا من الله والوالدين .. كنت دائما اسمع من الوالده الدعوات وتقول لى يا ولدى كفايه كدا انحنا اتعبناك معانا لازم تشوف نفسك وتتزوج وكان كل مره تكرر وتلح بالزواج وانا لا ارفض لها طلبا وكنت اجاريها فى ارسال المبالغ لتجهيز للعرس وجهزت الوالده كل شى فاصبحنا نتكلم عن العروسه فتركت لها حريه الاختيار لاننى بعيدا عن الملعب من سنيين فانشغلت الوالده فى البحث لفتره طويله وكانت النتائج مزهله للقايه تصورو انها قالت لى الحاله اصبحت صعبه جدا وما عجبه الموديلات الجديده وما اصبح فيه حال البنات من عدم مسئوليه وانشغالهم فى المكاتب ونسيانهم اونوستهم والواجبات المنزليه .. المهم الوالده اعتزرة وتركت لى حرية الاختيار فماذا افعل وانا بعيد عن السودان واجازاتى لا تتعدا الشهر ونصف فمن الصعب ان اجد فيها زوجه ففكرت فى وسيله اخرى وهى التعرف عن طريق النت فاشتركت فى موقع زواج اسمو بنت الحلال وتعرفت على الكثير من البنات وكانت الفكره رائعه لانو الموقع فيه الاف من البنات السودانيات الباحثات عن الزواج فقد تصادف من ضمنهم الملتزمات بنات الاسر فلا اكذب عليكم تعرفت على كميه ما عاديه من البنات وكنت ادرسهم بتعمق حتى صادفتنى واحده كانت خائفه من تجربه النت تعمقت علاقتى معها واقسمنا بالله بان لا نكزب على بعض فكنت صريحا جدا معها وكنت اشعر بانها صريحه جدا وتعرفت من خلالها على كل اسرتها وكل هذا كان فى الشهور القليله المامضيه واصبحنا نتكلم الان عن الزواج وعن كل صغيره وكبيره وصدقونى حتى الان انا فى تردد واسال نفسى دائما هل انا على صواب فى اختيارى عروس من النت وهل هى كانت صريحه معى وهل وهل .. فانترك الاجابه للايام القادمه فانا باذن الله نازل اجازه فان وجدتها كما قالت ساتم مراسيم الزواج فان كان غير ذالك فالله المستعان عسى ان يجعل لنا قسمه فى غيرها .. فبماذا تنصحونى احبتى ...
ود الماحى

[moony]

اخي ود الماحي
كلامك صحيح
اذا رايت انها اعطتك الصورة كاملة وانها كما ذكرت لك فألف مبروك
اما اذا احسست في اي اختلاف فعليك التراجع
وفي النهاية الزواج قسمة ونصيب
يمكن عندما تقابلها تعجبك اكثر وانشاء الله يكون خير
استخير(صلي صلاة الاستخارة) في الموضوع
وتوكل على الله
صدقني نفسيا بتكون مرتاح مهما حصل


اختك موني

[سودانية نار]

انا بتفق مع اختي موني اخي ود الماحي رغم عدم اقتناعي بالزواج بالنت لكن في ظل ظروفك اعتقد اني استطيع ان اتفهم لماذا يلجاء البعض الي هذه الطريقة ، اخي ود الماحي قبل ما ترجع السودان لمقابلتها يجب ان توضح لها وبطريقة لبقة انك بكل صراحة اذا وجدتها او وجدتك هي في غير الصورة التي عكستها لها او لك فالزواج لن يتم لانو الزواج اساسه الصراحة وبكدة بتكون رسخت فكرة انو احتمال ما يتم ارتباط وبالتالي اعطيت روحك واعطيتها فرصة للتراجع لانو احتمال هي ذاتها لمن تشوفك تلقي انك ما الصورة الرسمتها ليك

ولمن تصل السودان احرص انك تقابلها وتكلموا في حاجات كثيرة بحيث انك تطمئن ليها وتتاكد انها هي نفس الانسانة الانت بتعرفها وثم استخير واتوكل علي الله ربنا يوفقك ان شاء الله وتطلع زي ما اتخيلتها ويتم ليك علي خير وما تنسي تعزمنا

[ود الماحى]

الاخت مونى
بشكرك على المرور والمداخله المفيده ..
كما ذكرت الصوره عندى لم تكتمل بعد ولكنى اتوقع بان تكون كما قالت
او ان اكون مخطى فالايام القادمه هى الفاصل لاننى ساسعى لان اتعرف عليها فى محيطها فلو تاكدت من صدق كلامها صدقينى ساتزوجها لان العلاقه بيننا اصبحت قويه جدا ولا ادرى الى اين تاخزنا اقدرنا ..
ود الماحى

اخي ود الماحي
كلامك صحيح
اذا رايت انها اعطتك الصورة كاملة وانها كما ذكرت لك فألف مبروك
اما اذا احسست في اي اختلاف فعليك التراجع
وفي النهاية الزواج قسمة ونصيب
يمكن عندما تقابلها تعجبك اكثر وانشاء الله يكون خير
استخير(صلي صلاة الاستخارة) في الموضوع
وتوكل على الله
صدقني نفسيا بتكون مرتاح مهما حصل


اختك موني

[ود الماحى]

سودانيه نار ..
حضور مميز ومداخله رائعه رغم انك لم تقتنعى بطريقتى فى اختيار العروسه ولا ادرى لماذا مع انو من الممكن ان توافقينى فى الراى على انو هناك بنات فى قاية الروعه والاخلاق ولكن لم تتاح لهم فرصه الزواج والتعرف على الشريك فالنت هى الطريقه الوحيده للتعارف المتاحه لو اخزناها بالجديه فانا من ناحيتى جادى وهى كمان وساخز بنصيحتك لانو العلاقه بينا اصبحت قويه وبدات المشاعر تتحرك من ناحيتها ولكنى اوقفتها وقلت لها باننا لا ندرى هل سنكمل المشوار معا ام الاقدار تخبى لنا الكثير ...
ود الماحى

انا بتفق مع اختي موني اخي ود الماحي رغم عدم اقتناعي بالزواج بالنت لكن في ظل ظروفك اعتقد اني استطيع ان اتفهم لماذا يلجاء البعض الي هذه الطريقة ، اخي ود الماحي قبل ما ترجع السودان لمقابلتها يجب ان توضح لها وبطريقة لبقة انك بكل صراحة اذا وجدتها او وجدتك هي في غير الصورة التي عكستها لها او لك فالزواج لن يتم لانو الزواج اساسه الصراحة وبكدة بتكون رسخت فكرة انو احتمال ما يتم ارتباط وبالتالي اعطيت روحك واعطيتها فرصة للتراجع لانو احتمال هي ذاتها لمن تشوفك تلقي انك ما الصورة الرسمتها ليك

ولمن تصل السودان احرص انك تقابلها وتكلموا في حاجات كثيرة بحيث انك تطمئن ليها وتتاكد انها هي نفس الانسانة الانت بتعرفها وثم استخير واتوكل علي الله ربنا يوفقك ان شاء الله وتطلع زي ما اتخيلتها ويتم ليك علي خير وما تنسي تعزمنا

[بت أبوظبي]

يا ود الماحي
كل الكلام اللي قلته عين الصواب ..
يعني طريقه التفكير في الموضوع نفسه منطقيه
اتوكل على الله
واللي فيه النصيب بكتبه رب العباد
وزغرودته مقدما
ايووووويويويو !!!
عشان ما تقول مقصرين معاك بعدين !

وبالتوفيق

[ود الماحى]

يا بت ابو ظبى
شكرا ليك على الزغروده
انشاءالله نسمعه فى عرسك او عرس اولادك .
انا شايف انو الدعوات والمباركه كلها من الاخوات
مونى وسودانيه نار واخيرا بت ابوظبى دا يعنى
الشباب ما مقتنعين بالفكره وزى البحس من صمتهم
بقولو على دا ما عندو راس ولا شنو ..
وانا بقول ليهم انا مقتنع بفكرتى وبواصل فى طريقى
ولو مكتوبه قسمه بتزوجه لانو حقيقتا انو النت مليان
بالبنات الرائعات الطاهرات فلو كنت من المحظوظين
بتجد رفيق الدرب .. ومن هنا انا بدعو كل البنات والشباب
انو يصفو النيه والثقه المتبادله واكيد بتكون تجربه جميله
وقد تكون موفقه ايضا ..
ود الماحى

[الحزن القديم]

أخي ود الماحي لا اعرف عن طريقة الطلبات هذه شي
ولكن اعرف زيجات تمت من خلال التعارف في المنتديات
وقد كنت شاهد لها وقد نجحت كل النجاح والحمد لله ولهم ابناء الان
ولن اقول لك الا ما قالته اختنا موني ( استخير الله تعالي في الامر )
وربنا ويوفقك
عظيم مودتي

[ود الماحى]

الحزن القديم ..
كاننا فى زمن مسموم الهواء يقتال فينا الصدق والوفاء ..
عباراتك لها معانى جميله وبتخلينا نقف ونتامل ما حولنا
فما نشاهده فى الشارع السودانى والحاله التى وصلت اليها
حواء السودانيه يجعلنا نقف ونسال انفسنا كثيرا من قبل ان نخطو خطوه
نندم عليها طول العمر فى اختيار شريك العمر .
فقد اصبح من الصعب ان تجد الصالح وسط الطالح ..
ولك منى التحايا .
ود الماحى

[roza]

الأخ ود الماحي ((من لم يمت بالسيف مات بغيره تعددت الأسباب و الموت واحد))و المغزى من المقولة دي أنو الزواج في النهاية زواج و مهما كنت عارف البنت أو البنت عارفة الولد عن طريق الأهل عن طريق معرفة أو عن طريق أصحاب أو عن طريق جامعة أو عن طريق زمالة أو نت في النهاية الزواج ده عامل زي البطيخة يا طلعت قرعة يا طلعت حلوة ....لأنو المشكلة ما الزواج في حد زاتو المشكلة بعد الزواج الناس حتحاول تفهم بعض ولا لأززالناس حتحاول تمشي بالسفينة دي للبر و لا حتقيف بيها في نص البحر و تخليها تغرق...يعني المحاولة في انجاح مؤسسة الزواج لازم تستمر..لأنو البداية دايما صبع في أي حاجة و بتكون محتاجة شجاعة و جرأة واستعداد لتاحمل المسؤولية و مهما الطرفين كان بعرفو بعض بعد الزواج الرؤية بتبقى أوضح و في أمور بتكون لازم تندرس من جديد..و أنا يقول ليك استخير و واصل تصميمك على الزواج و ربنا يوفقك و ماتشيل هم انو الموضع جاي عن طريق النت..لأنو ربنا ازا قاتب ليك النجاح و التوفيق بتتسهل عليكزززو ربنا يوفقك...

[وجد وقفي]

[flash1=اخي ود الماحي سلام

سوف اكون قاسية في ردي عليك ارجو تقبل ذلك لنك اتيت بالموضوع لتاخد راي الجميع وفي النهاية تاخد منه الذي يفيدك وتترك الباقي اول شي اسمح لي اخي ان احيك علي جراتك في طرح الموضوع .......

بالرجوع لموضوع ودا راي شخصي لا اقتنع باي علاقة عبره النت اي كان شكلها صداقة حب زواج وخلافة من العلاقات الاجتماعية كما افيدك اخي العزيز بان علاقة النت بجميع اشكالها اثبتت فشلها حتي في الدول المتقدمة نهيك عننا نحن حياتنا معروف مبنيه علي العادات والتقاليد وغيرها من الامور المحلية قد يكون ردك لا يهمني احد ولكن المجتمع لن يتقبل ذلك .........................

فيما يتعلق بانك لم تجد عروسة لا عبر النت فاانا اشك في ذلك اخي العزيز نصحيتي واراي بنك تروح السودان وتقضي اجازة سعيدة وبالتاكيد ستجد بنت الحلال وسوف يتقبلها الناس والمجتمع عزيزي هذا الحور كلو مجرة راي في النهاية الري متروك ليك واتمني ليك كل خير وربنا يهنيك يارب

تحياااااااااااااااتي]WIDTH=400 HEIGHT=350[/flash1]

[hamza]

برأي ان الزواج قسمة ونصيب وان التوفيق من عند اللة،الدليل انك تعرفت على الكثير من الفتيات الي ان اهداك اللة الي اوحدة منهن ، .المهم ان تتوفر المصداقية والثقة بعد كدة.................
تحياتي ود الماحي

[ود الماحى]

روووووووووز ...
شكرا على المرور والمدخله الرائعه .
حقيقتا من لم يمت بالسيف مات بغيره ..
وزى ما قلت نشوف بطيختنا بتكون كيف .
الله يسترنا والدعوه عامه والعقبه فى المسرات
علشان تجو تشرفونا وتدفعو فى الكشف كمان ..
ما تنستى تجيب معاك الحزن القديم وبت ابو ظبى وحمزه ..
والريس وكل المتواجدين بالموقع ..
ود الماحى