قالت لى هل تتزوجنى ع؟؟؟؟

[صائغ الحروف]

ذهبت فى احدى اجازاتى الى السودان
الى احد البنوك لافتح لديهم حساب
فاستقبلونى بحراره واشارت لى احدى الموظفات للذهاب
الى المسئوله داخل البنك
وزهبت اليها بعد التحيه والسلام اتفضل قالت لازم تشرب حاجه اول شى
وقلت لها شكر مافى داع للتعب واصرت ان اشرب واحضرت لى عصير ليمون
بارد فشربت وارتويت من شدة العطش
وبدانا فى اجراءاتن فتح الحساب البقيه تاتى تباعا

[بت أزهري]

مستنيييييين التكملة عى احر من الجمر

[همسة عطر]

يا بختك يا عم ..
شبيك لبيك .. المال بين يديك ..
أرسل بقية القصة حتى لا ننشوي من لهيب الجمر الذي فوق رؤسنا .

[كابو]

ليمون كمان يا كازنوفا
بختك

[walead gamal]

دي حالتها المسعولة
ما تكتبها سطريين سطريين
مستنينك

[Sajooya]

[align=center]احنا مستنين على احر من الجمر يلا يلا يلا تم لينا القصة [/align]




[align=center] Sajooya [/align][/size]

[اميرة بكلمتي]

صراحه ماقصرت معاك شربتك البارد
ههههههههههههههههه
احنا مستنين تكملت الشمار
ياصائغ الحروف

[أبو أحمد]

أها والعرس كان فى ياتو نادى
و لا كان عقد ساااااااى؟

[احمد يس]

صائغ الحروف

ياترى الحساب اللى فتحته كان جارى والا اقنعوك بحساب وديعة

[أبو عمر]

عليك الله كمل الشمار

[فجر]

يا جماعه انا شاكه فى الليمون اللى ادهوا للزول ده يكون فيهوا حاجه انتوا ما ملاحظين هو شرب الليمون من هنا واختفى طوالى لايكون بس اغتالوا وسرقوا الفلوس لو اتاخر كمان يومين انا مضطره ابلغ ذوى الاختساس:D :D

[صائغ الحروف]

انا عارف الشمار كاتلكم
معليش اعزرونى ياجماعه
والله مشغول جدا
فى صياغة قصيده جديده
لل؟؟؟؟؟؟؟؟؟؟؟؟؟؟؟
هاكم منها
برجاك
فى مطلع نهار
برجاك فى ليل انتظار

[walead gamal]

معقووولة بس
تبدا الحكاية وتنشغل
كويس الليمون ما طلع فيهو حاجة
واصل

[صائغ الحروف]

مانسيت مااقول ليكم
الليمون ماطلع بدون سكر.؟؟؟؟؟؟؟؟؟؟؟؟؟هههههههههههههههههههه

[صائغ الحروف]

بعد ماخلصنا فتح الحساب طبعا البت عمات ليه دراما شويه كده
تنادى تعالى يافلانه وتعال يافلان وشيل الاوراق وديها هنا وجيبى ليه ظروف المهم
وبعد داك بدات سؤال منكر ونكير انت شغال وين وساكن وين وتلفونك الثابت
وانت من وين وكم صندوق البريد وعنوانك فى الغربه وانا كدت انفجر من الغيظ
لكن تمالكت نفسى قليلا وبعد سجلت المطوب سالتنى عن رقم الموبايل اديتو ليها وانار محتار فى امرى قلت فى نفسى اشوف الزوله دى دايره تصل ليه شنو وبعد شويه طلعت القلم وقالت ليه اه ده رقمى امكن تحتاج ليه حدمه وله حاجه وازهبت منها وانا اتصبب عرقا وزهب الليمون من حيث اتى ووقفت جنب بتاع حاجه بارده وشربت كوبين من شدة الزنقه الكانت زانقاها ليه المديره وبعد ذالك بدات دراما جديده
دراما اسمها الاتنصال انت وين ليه ماجيت سحبت قروش قلت ليها انا عمات بطاقة صراف وبسحب من مركز عفراء بتمها ليكم ماتخافو

[صائغ الحروف]

عدت لكم لاكمل البقيه اتصلت بى عدة مرات الزم نتقابل
فى اى مكان اى حديقه ووعدتها واخلفت وعدى وبعد تكرار المحاوله
وافقت بعد مضض الى اين قالت الى مركز عفراء الساعه السادسه مساء
فترددت قليلا ولكن بعد تفكير قلت فى نفسى لازم اوصلها ليه حدها
وجئت فى موعدى وكانت جالسه بقلق نتنظر قدومى بفارغ الصبر
تتلمس ساعتها تومى للجرسون بان ياتى لها بكوب عصير اخر
وتقوم وتجلس مرة اخرى وانا استنفر جهدى لجعلها مرتبكه ولتنتهى ساعة اللقاء
على خير البقيه تاتى

[أبو أحمد]

أسمع ورينى إسم البنك وياتو فرع
وأنا متطوع أكمل ليك القصة:D

[صائغ الحروف]

الخ اباحمد لوريتك البنك والعنوان
تانى باقى شنو ماخلاص
اتحلت القصه
ولكن برضو صعب عليك تعرف الشخص
تحياتى على المرور

[مهند ابراهيم]

الليمون كان بارد ولا حار اذا بارد بختك واذا حار ماليك فيها نصيييييييييب

[محمد نعيم]

فكها لينا ربما ........................