لكل مغترب في المملكه العربيه السعوديه

[التهامي]

عندما تسمع حد يقول لك يازول هل :-
1- تزعل
2- هل تميزك من غيرك
ماذا تفعل عندما تسمع يازول
:0040

[المصرداني]

عندما تسمع حد يقول لك يازول هل :-
1- تزعل
2- هل تميزك من غيرك
ماذا تفعل عندما تسمع يازول
:0040

نفس شعور من ينادى ب" يازلمة "
حاول تنادى واحد شامي بهذا النداء وشوف ردة فعله

[$الجوكر$]

انا في راي أنه مافيها أي حاجه
وبالعكس البيزعل منها دا زول ماعنده شخصيه
دا كلامنا .. واحنا بنعتزا بيهو .. طبعا دا بالنسبه لي انا


مع حبي

[محمد نعيم]

والله كل فخر وعزه لما اسمع كلمة يازول
الزول هو الاخلاق
الزول هو الطيبه
الزول هو الامانه
الزول هو الهيبه

[waya]

السلام عليكم ,,

اعتقد أن كلمة ( زول ) كلمة مشتقة من الزوال وبما أن الانسان زائل , فكأنما قيل له يا انسان وما أظن في أجمل من كده ,,

وقيل أن كلمة زول في اللغة العربية الفصحى معناها ( الطيف الجميل )

وأفتخر بكلمة زول
تشكراتي

[السامر]

وليه الزعل مادام عندنا في السودان تقال عادي
وهي كلمة تتعدد معانيها وكل معاني جميلة ونفتخر اننا شعب يحمل تلك المعاني
وبعض الخليجين فهمهم لكلمة زول تعني الكسول

لك التحية

[حسن الشيني]

زول يعني الامانة والشجاعة والطيبة ......ودتم

[فتى السقاي]

والله كلامكم كلو عين العقل وعجبني كلامك يا جوكر .... كلنا مفروض نفتخر بي كلامنا ولغتنا ويعني إذا قال كلمة (زول) معناها بي اللغة العامية (راجل) والبقول الكلمة دي ليك مفروض انتا تشكرو ودا رايي وشكرا على الموضوع يا التهامي.

[lord of murder]

صراحه بزعل وبعمل معاهو مشكله
وبقول ليهو احنا احسن منك
لأنو هو بيقولها بيصيغة تريقه

[سوداني وحش]

ياسوداني أصيل مهما قاله بصوره إستفزازيه
لازم تقوليه زول وأفتخر
بارك الله بك , شكراً أخي الكريم

[صلاح العجباني]

الزول هي اصلا لغه عربيه فصحا ومعناها رجل وانا افتخر باني رجل

[سوداني وحش]

[mark=CCFF33]والله كلامك موزوووووووووون ياصلاح
تقبلوا خالص تحياتي
أخوكم سوداني وحش[/mark]

[TETO]

صراحة انا بقيت ما بزعل من الكلمة دي (يازول) وهم بيقولوها عشان عارفنك حتلتفت ولا حتعرف انك المقصود بالكلمة دي ويمكن في ناس اخدوها بمعنى تاني وهو انها كلمة تريقة واثارة غضب

لكن بقت حاجة عادية بالنسبة لي

ودمتم

[fede dedo]

على ما اعتقد انو كلمة زول عاديه ما في داعي انو الزول يزعل منها

والهي انا افتخر لو زول قال لي يا (زول)

دمتم في امان الله

[حلوة بس فقيرة]

كلمة زول بيربطوها بالكسل هنا عندنا بس عادي ما بفرق معاي

[ود العيلفون]

هي كلمة قوية في معناها وفي جمالها لكن هنا
تقال في بعض الاحيان لستفزاز يعني لو عصب عليك واحد وانت عصبت عليه
ابسط حاجه يقولها لك (( والله انك زول )) يعني فهم وقدر معناها عشان كدا نطق بها

ودي

[الواضح]

بالواضح كدة انا مرات بزعل لانى عارف ان الشخص البنادليك بيها ما قصدة الا الاستغراب من كلمة زول وكثير من الناس عارف السودانى بيتضايق منها عشان كدة واحدين قصدهم ينفرزوك ولكن فى بلدنا عادى تقول للواحد يا زول والمكان والزمان الذى تقال فيه هى التى تحدد القصد منها

[كجووول]

اعتقد كلمة زول بقت مربوطة بالسودانيين
وهذا شي جميل ان يكون لك شهرة وسط ناس
ما بتعرف كلمة طيبة واخاص وتاني ورجولة

وحقيقة انا افتخر انني زول يعني سوداني

[مسايا]

والله انا شايفه انو حاجه مابتزعل لانو اصلا انا زول
وما غلط ولا حرام اني اكون زول
وبعدين شكرا ع الوضوع دا لانوا هنا نحن في السعوديه اي زول بيقول للسوداني يا زول

[أبو عمر]

المشكلة أصلاً في استخدام هذه الكلمة .. نحن كسودانيين نستخدم هذه الكلمة لاشعورياً في حالة غياب الشخص المتكلم عنه .. يعني عندما يكون فلان ما موجود مثلاً .. نقول ياخي الزول دا وين .. والثاني يقوليك : والله الزول دا قابلني ويييييييييين .. وهكذا .
المشكلة في السعودية هنا العالم دي فهمهم لكلمة زول هي أنو اي سوداني أسمو (زول) .. ودا مفهوم غلط ومنا هنا يتفجر الغضب والزعل .
المفروض نحن نوضح للعالم الخارجي الغير سودانيين ديل .. نقول ليهم ياجماعة كلمة زول لها استعمالات في أماكن محددة وهي ما اسم لأي سوداني ..
السعوديين وغيرهم يفتكروا ان الإنسان السوداني دا اسمو ( زول) ودا مفهوم غلط .. وكلما نحاول نفهمهم ونشرح لهم معنى هذه الكلمة وطريقة استخدامها كيف ... تجدهم يحبون الاستهزاء والاستهتار .. في النهاية تضطر إنك تعتبره شخصية غبية وحمار لأكثر ..
في قناة جديدة أسمها (زول) .. المفروض يوضح للعالم عبر هذه القناة معنى كلمة زول .. وخاصة المستهزئين والمستهترين الجهلاء والأغبياء في السعودية.