تعدد الزوجات حاجه؟.. أم تـرف.؟؟

[taha hessein]

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
إن كيدهن عظيم
طبيعة المراة السودانية ترفض الضره جمله وتفصيلة
من أسباب متراكمة عادات وتقاليد وغيرها ...
لذلك الرجل الذي يتزوج من أثنين الله الله يعينه

[أيمن]

حاورت كثيرا من اصدقائى فى امر الزواج والتعدد بعضهم ميسور الحال وبعضهم مابطال
جميعهم متفقين على وجود الرغبة فى الامر خصوصا ان الجيل الجديد (البللى) على حد قولهم
خطير خطير عديل جمال وعلم وتقنية وخالى من العقد والعادات الضارة يعنى (كامل الدسم)
ولكن لكل مبرراتة فى صعوبة التنفيذ
بعضهم يقول ان الاولى بت عمو (القصة صعبة)
وبعضهم يقول ليك ياخ اولادى كبرو
واحد يقول ليك مابتفقن فى بيت واحد وانا ماعندى قدرة بيتين

ولكننى رايت ان عزوفهم عن الامر ليس نقصا فى قرار او مال اوفحولة
ولكنة هم البيتين فالحيا ايقاعها اصبح اسرع من ان تكون لك دارين و(7) اطفال
وداك عيان ودى ولدت ولاحظ التزام مع نسابتين .. ياختى دى قصة

هل انا محق ام جبان
اتمنى ان اكون مخطى

قايتو ده الأتوصلت ليهو أنا

لكـــن كمــان الحق يقـــال....... فى سماحة فى الجيل الجديد
فى رشاقة قادر ذو الجلال....... دايرنهم والخـــوف شــديد
مابسالوك من عم وخـــال....... ايقاع ســريع جــيب المفيد
بس ياخ تعال

مشكوره على الموضوع يانسرينا بت البورت

[ابراهيم الجيو]

تعدد الزوجات أمر ترفضه المرأة السودانية جملة وتفصيلاً,,,,,
لكنإذا وجدنا في إمراءة واحدة أربع نساء,,,
نكون قد كملنا الشرع فيما أردنا,,,,
بعض المرات لا نحاتج إلى الزوجة بل إلى الصديقة,,و وبعض المرات نحتاج إلى العشيقة أكثر من الصديقة
إذا وجدنا فيها (الزوجة) (العشيقة) (الأخت) (الصديقة),,,, لا نحتاج إلى أي إمراءة أخرى في الكون.
دمتم بـــود,,,,

[أيمن]

رهيب والله يارهيب
لكن كلهن مابتلقن فى واحده
وده المحيرنا
ومخلينا بين أب ريه والتريه

[4ever]

مع الظروف الاقتصادية الطاحنة البعاني منها الغالبية العظمى من الشعب السوداني ما افتكر ممكن يعني الواحد يادوب ييقدر يفي بمستلزمات زوجتو واولادو لكن يجيب عليها ضرة او يتزوج مرة تانية شايفها صعبة شوية في ظروف البلد الحالية يادوب قفة ملاح واحدة

[ودالدرديري]

بت بورتسودان تحية متعددة
التعدد دا ياشباب ما رفاهية ولا عشان عندي قروش تعالو شوفوني كمان عندي مرتين أو تلاتة ولاهو واجب ديني أو فرض شرعي ,,
الشغلة كلها من اساسا انو الواحد ممكن يلجأ للتعدد في حالات معينة مثلا عدم انجاب او في حال اصابة الزوجة لاقدرالله بمرض يمنع او تتعذر معه المعاشرة الزوجية,,, وبرضو المعاملة السيئة للاهل او الضيوف او الاصدقاء ممكن تكون سبب للتعدد احيانا ,,
لكن حكاية دي سمحة ودي مقسمة وديك ستايل وصغيرة ومتعلمة وجيل جديد انا بشوف اي واحد ينظر للموضوع بالطريقة دي وبكل صراحة ووضوح ومن الآخر كدا دا انسان عينو طااايرة وماعندو زمة ومفروض يقعد في الواطة دي ويخت الرحمن في قلبو ويسأل نفسو السؤال دا :-
هل ترضى انو مرتك تشوف واحد سمح او شباب او غني او اي حاجة وتطلب منك الطلاق عشان تعرسو؟؟

[بنونه]

انابشوف تعدد الزوجات فى الزمن ده واجب فى ظل ارتفاع معدل العنوسه

[شاربة توت ولابسة بوت]

تم دمج بوست الاخت نسرينا..ببوست جمال على ..
السبب : عرض من قبل جمال على مسبقا ..
شكرا

[استارو]

الشكر للاخوان الاعزاء
عل هذا الطرح المهم
بالنسبة الى تعداد الزوجات
انا اعتقد الحاجه هى السبب المباشر
اذا كانت المراة محافظ على زوجها فاكيد لن يفكر بالزواج عليه
فهنالك نقص ادى الى الحوجة الى الزوجة الثانية والثالثة والرابعة
وديننا الحنيف شرع لنا نتزوج اربعه وهى نعمة من الله سبحانه وتعالى
ولا اظن ان هنالك رجل قادر على انصافهم ؟؟
انا شخصيآ احب ان اتزوج واحدة
والحمدلله شهر واخوكم عريس جهزوا شعوركم ؟؟
مالكم مطيرين عيونكم ماتخافو مافى دفع
ههههههههههههه