الجامعات والجكس

[ibn batoota]

الله يرحم أيام زمان..
كنا بنتواعد جنب بسط الأمن الشامل.....قدام الجامعة :D

وورانا الكرنتية وقدامنا مقابر حمدالنيل..

[moony]

بسط امن شنو البلد بقت حكاية رهيبة

والله يا ابن بطوطة في حتات انا القاعده في السودان اول مرة اسمع بيها

اخواتي يوم اتلبسوا قالوا ماشين وين اوزون

انا قلت ليهم اوزون دي شنو ضحكوا فيني

طلعت صينية زي ناس اشراقة زمان لكن شنو على استايل جديد

[ibn batoota]

ده كلام جميل جدا يا موني....

بس إنشاءالله لما نجي نلقي الحتات دي مايكون الشماشة كسروها...

عارفة يا موني زمان أحلي حتة لي للحنك كانت تحت كبري بحري في نجيلة الله أنسي بس..

وأحلي مافيها إنومافيها هواء...

[moony]

اي لسه في وبقوها احلى واحلى
والله انا يوم بمرق الف واشيل كاميرتي واصور ليكم البلد دي بقت كيف
بقة في تشجير للشوارع وشارع النيل جميل جدا
ظاهر في صور برج الفاتح جزء من التشجير لاحظتوا

[moony]

نوريك الحنك بقه كيف الايام دي

وحده ماشه يقوم موبايلها يرن بنغمة الاغاني الجديدة غنية شرين انا مش بتاعت الكلام ده طالعة طلعة الشباب كلوا عاملها

بعد تخلص من كلامها
السلام عليكم يا اخت معليش النغمة بتاعتك عجبتني ممكن انقلها بالبلوتوث
طبعا حتحرج وما حتقدر تقول لا
وفعلا تنقلها وتقول ليها يا خي موبايلك ده نوكيا رقموا كم
حتقوم تقول ليك رقموا كدة.............
ده احسن موبايل انتي عارفة كده فيه كده وكده .........
وتلحس عقلها بالكلام عن الموبايلات
اصلوا الجيل ده جنوا موبايلات
المهم انت بتقري وين
وتاني الباقي عارفوا
ده الجيل الجديد يا ابن بطوطة شغال كده

[ibn batoota]

يا أسامــــة الحق شوف الكلام ده...:000:

حليلك يا ولدي وإنت مثبت ليك واحدة بي قرطاس تسالي....:D

موني ماتخافي ديل برضو بنقدر عليهم..

تلقي ليك واحدة تتكلم بالموبايل وأخر ضحك وقرقرة.. طبعا برخي ليك أضاني معها..
وبعد ماتخلص أقول ليها.. يا عسل سؤال بسيط ممكن..تقول لي جدا... أقول ليها الشخصية الكنتي بتتكلمي معاها بالموبايل ماشاءالله والله عندها صبر مبالغة....تقوم تقول لي كيف؟
أقول ليها معقول زول يسمع الصوت العذب ده ويكون قاعد كده ساي... عارفة لو ده أنا كنت إتكرفست جوه فتحت الشاحن وجيتك......:D
أها تقوم تفكها ضحكة أقوم أقول ليها إنت مامصدقة... أوكي أديني رقمك أنا بتصل بيك هسي وشوفي بي عينك...تقوم تديني الرقم وبعد داك هــــــــاك يا نــــــــــقة..

[moony]

هههههههههه
ما في شي بغلبك
ومجاري العصر كمان
بس حذاري من الشواكيش بقت كتيرة خلاص
والبيع بقه اكثر

[بت أبوظبي]

امممممممممم
وبعدين ؟؟

[ibn batoota]

هههههههههه
ما في شي بغلبك
ومجاري العصر كمان
بس حذاري من الشواكيش بقت كتيرة خلاص
والبيع بقه اكثر

والله يا موني أنا زول ذي المسمار في الحيطة الشاكوش مايذيدني إلا ثبات...
والداير يبيعنا يجرب وهو الخسران .... لانو أنا أساسا بكون بعتو وإستلمت حقو زمان في جيبي....

طبعا بعد أكون ماتديني رقم تلفونها....أقوم إتصل بيها بعد كم يوم...
حاتكون نست صوتي...
هي: آلو معي منو
المقرم: معاك إنا فلان
هي: والله ماعرفتك كدي زكرني
المقرم: معقولة ماعرفتيني والله بالغتي
عارفة كونك ماعرفتني ده مامعناها تقليل من قيمتي أو شأني... لكن تقصير منك إنت...:D
كدي راجعي معوماتك العامة ضعيفة شديد....
هي: لابراحة علي كدي أشرح لي حبة حبة....

أها في اللحظة يكون دخل معاك خط تاني...تقوم تجلي دي....طبعا بعد ده هي وقعت ودايره تعرف الشخصية دي منو....وتبدأ تتلحك تلفونات......

كدي نشوف الخط التاني فيهو بت أبوظبي...

[ibn batoota]

امممممممممم
وبعدين ؟؟

المقرم: آلووووو مرحبا
هي: مرحب بي كل خجل
المقرم: سبحان الله معي منو أم كلثوم؟
هي: أم كلثوم منو دي أنا......
المقرم: معقولة ياخ.... أنا قلت أم كلثوم تكون حيت تاني وردت علي في التلفون.... لأنو صوتك عذب شديد.. :079:
هي: ههههههههههه

طبعا الضحكة دي خلاص المدخل الرئيسي تخش ومعاك حمارك ذاتو.....

[Suhaib]

لا النبي تخلي الحمار بره ...يا ابن بطوطة ...........هانت عليك المكالمات الفاتت ...




كااك شديد...

[osama77]

إبن بطوطة إنت ماصدقت لقيتني غايب ولميت في الجكس دا براك

أصبر لي جاييك راجع

[moony]

يا بان بطوطة قالوا صاحب بالين كذاب
اكيد يوم بتقع وقعه لمن تكسر ليك يد ولا كراع

[بت أبوظبي]

ايوااااااااااا
وتاني شنو ؟؟

[Still I Need U]

- ود بطوطة ،،
- كيف حالك ،،
- اول حاجة انا قريت الموضوع
- من البداية بس ،،
- لكن ما قريبت ،،
- الردود بتاعت الشباب هنا ،،
- انا فهمت الحاصل شنو ،،
- يلا حأوريك حاجة بسيطة كويس
- اول حاجة الجامعات معروف عنها
- أنها مجتمع جميل وراقي ،،
- وإجتماعي من الدرجة الأولي ،،
- ومن ناحية الجكس طبعا أخوك
- ما بحب الخفة ،
- عندي أصحابي كانو زمان
- في الجامعه جنهم يشاغلوا الجكس ،،
- وبعد يا ريت لو البت بتسمع
- كلاموا ،، ولا بتعبرهم ساي
- وين ؟ البت كانت تقيلة شديد
- جنس تقلية ،،
- هسه البت لو عاينت ليها
- ساي تقول ليك : ساكنين في العرضة شمال
- جنس إحراج ،، كان شفت ،
- دي ناحية الناحية التانية
- والله الكلام فيها كتير شديد
- وادير ليهو قعده حلوة
- معاها كباية كبتشينو
- بي مزاااااااااااااج
- لكن والله كانت أيام
- ولا أحلي
- كنا بنزور بعض ،،
- بنتفقد بعض ،
- لو زول غاب
- تلقي الشلة بتاعتنا
- كلها اتلمت ومشت ليهو
- البيت ،، التفلونات دي
- ما بتنقطع نهائي ،
- فترة اجمل من كل الليالي ،،

- لكن أمشي أجيكم أحكي
- ليكم قصتي مع الجكس في الجامعة
- الحصل لي شنو ؟
- كويس
- والله عارفكم بتاعين شمارات
- درجة أولي ،،

[ibn batoota]

لا النبي تخلي الحمار بره ...يا ابن بطوطة ...........هانت عليك المكالمات الفاتت ...




كااك شديد...

صهيب وين.. شكلك كنت قاعد في كنبة شكرا جزيلا ونايم....

لسه منحل مع ناس الشيريج وفتة البوش....:D
ولسه في خرخرتكم في الحساب ولا بطلتو....
كدي تعال إغترب سنة عندنا في جامعتنا.....:D

[ibn batoota]

إبن بطوطة إنت ماصدقت لقيتني غايب ولميت في الجكس دا براك

أصبر لي جاييك راجع

هههههههههههههههه
هههههههههههههههههه

جامعة مافيها سنير يقدل فيها البرلوم...

غاطس كده شكلك قاعد تذاكر لي....:D

مذاكرات شنو يازول إنت وجاهتك دي براها حنك....:D


بالمناسبة دي طمنا عليك وين دافن دقن الأيام دي....وماظاهر.

[ibn batoota]

يا بان بطوطة قالوا صاحب بالين كذاب
اكيد يوم بتقع وقعه لمن تكسر ليك يد ولا كراع

نحن كان وقعنا بنقع واقفين.....:D

تاني حاجة البوقعنا شنو ذاتو طالما النحل والحسس مغمدين ذيكم كده...:D

[ibn batoota]

ايوااااااااااا
وتاني شنو ؟؟

بنت أبوظبي إنت شغالة تصوري وتحمضي ...:)
عارفة بنات الشهادة العربية ديل كانو ألذ ناس في الجامعة..
أولا مامكلفين...
ومرطبين....
وحلوين...

ماذي القاعدين لينا في السودان....
إنت ماشفتي شلة صهيب في الفتة يخرخرو في الحساب...

[ibn batoota]

- ود بطوطة ،،
- كيف حالك ،،
- اول حاجة انا قريت الموضوع
- من البداية بس ،،
- لكن ما قريبت ،،
- الردود بتاعت الشباب هنا ،،
- انا فهمت الحاصل شنو ،،
- يلا حأوريك حاجة بسيطة كويس
- اول حاجة الجامعات معروف عنها
- أنها مجتمع جميل وراقي ،،
- وإجتماعي من الدرجة الأولي ،،
- ومن ناحية الجكس طبعا أخوك
- ما بحب الخفة ،
- عندي أصحابي كانو زمان
- في الجامعه جنهم يشاغلوا الجكس ،،
- وبعد يا ريت لو البت بتسمع
- كلاموا ،، ولا بتعبرهم ساي
- وين ؟ البت كانت تقيلة شديد
- جنس تقلية ،،
- هسه البت لو عاينت ليها
- ساي تقول ليك : ساكنين في العرضة شمال
- جنس إحراج ،، كان شفت ،
- دي ناحية الناحية التانية
- والله الكلام فيها كتير شديد
- وادير ليهو قعده حلوة
- معاها كباية كبتشينو
- بي مزاااااااااااااج
- لكن والله كانت أيام
- ولا أحلي
- كنا بنزور بعض ،،
- بنتفقد بعض ،
- لو زول غاب
- تلقي الشلة بتاعتنا
- كلها اتلمت ومشت ليهو
- البيت ،، التفلونات دي
- ما بتنقطع نهائي ،
- فترة اجمل من كل الليالي ،،

- لكن أمشي أجيكم أحكي
- ليكم قصتي مع الجكس في الجامعة
- الحصل لي شنو ؟
- كويس
- والله عارفكم بتاعين شمارات
- درجة أولي ،،

إستيل يا عمـــك...
عامل لي فيها تقيل في الجامعة...
ياخ إنت يكون شربوك موية غسيل لغاية ماقلت كفاي....
كدي نحن منتظرنك تدينا التقارير....