بن ...... بن ........ بن

[منير]

طبعاً العنوان غريب شوية .... في الاسبوع الماضية وأنا بشاهد في سهرة ليالي النغم وهي الشيء الوحيد الذي اقوم بمتابعته في الفضائية السودانية حتى الأخبار انا جلى منها ........ وكان ضيف هذه السهرة هو الفنان المبدع النور الجيلاني طرزان كما يحلو للناس) المهم وانا اشاهد واستمتع بهذا المبدع تذكرت قصة طريفة وموقف محرج قد حصل لي وانا طالب في المدرسة المتوسطة ..... حيث كنت مولع بحب هذا الفنان واحفظ جميع اغانية .... وكنا نجلس في فسحة الفطور ومعي بعض الأخوة والزمالاء واغني ليهم اغاني هذا الفنا وهم يشيلوا معاي ويصفوا ونضرب وفي يوم من الأيام ونحنا نغني داخل الفصل وجالسين على الأدراج فإذا بالأستاذ عبد المنعم يدخل علينا وهو استاذ المناشط والمشرف على الدورات المدرسة فقمنا كلنا من على الأدراج بعد ان التزمنا الصمت ولكن بصوت هادي قال: واصلوا ورفضت وخجلت ولكن بعد ان خوفني بالسوط بدينا نغني من تاني .. بعدها طلبنا مننا كلننا ان ناتي إلى المدرسة بالعصر .... وقدر ما حاولنا نعتذر لكنه رفض ..... المهم عشان ما أطيل حضرنا العصر والاستاذ اعتمد مشاركتي في الدورة المدرسية على طول على أساساس اغنية مسافر جوبا للفنان النور الجيلاني وكان قد احضر كل ما كان يرتديه هذه الفنان المبدع من طاقية ولبس مزركش المهم ..... بعد اسبوع بدأت المنافسات وكان اليوم الذي ساغني فيه هذه الأغنية في مدرستنا والناس اتلمت مدراء المدارس والمشرفين والمربين ومجلس الآباء وغايتوا جنس ناس والمسرح بقى حاجة كبيرة خلاصة وعلى ما أذكر ان المشرفة على لجنة التحكيم كانت الاستاذة هادية طلسم وكانت جالسة في الكرسي الأمامية يعني مقبلة على المسرح طوالي .... المهم بدأ الاحتفال وبعد شوية ازعوا اسمي لفقرة الغناء وقالوا: الطالب منير مقلد النور الجيلاني ..... وطبعاً لبسوني النظارة والطاقية ودخلني المسرح وانا ارتجف ومعاي الزملاء الشيالين وبتاع الاورغن وبتاع البنقز المهم بدأت الاغنية بالعزف والتصفيف من الشيالين وفي هذه اللحظة أنا خلاص ضاع مني كل شيء عرقي جرا واتكبكبتا وانهرت تماماً والأسواء من ذلك نسيت بداية الاغنية تماماً .... والعزف شغال والصفيق مدور وانا ما عارف ابدا أقول شنو ؟ المهم حضر الأستاذ عبد المنعم لي في المسرح وهو يعمل فيه قاعد يبشر وخالاني في اضاني وقال لي قول بسم الله ما لك خايف .. ومعاه كم استاذ كدة المهم بعد دقائق ليست بالقليلة تذكرت حاجة واحدة في الأغنية وهي ان الفنان النور الجيلاني بقول بن بن بن والشيالين بقولوا هاي هاي هاي وبقيت اصيح وأقول بن بن بن والجماعة ورائي هاي هاي هاي حوالي الخمسة دقائق بالطريقة هذه حتى اسعفني الحظ وتذكرت الاغنية كلها وبديت وقلت داير روحك فسحها وواصلتا فيها كاملة وسويت جميع حركات النور الجيلاني وغايتوا حتيتوا حت والجماعة كلهم حتوا معاي المهم في النهاية فزت بالجائزة كاملة والحمد لله وهي حتى الآن معي محتفظ بيها ... وفي اليوم الثاني وفي الطابور فإذا بالمدير يرحمه الله قد اتيى للطابور وقال: وين يا جماعة بن بن خلوها يطلع هنا وطلعت وقال لي يلا قول : بن بن وبقيت اقول بن بن وكل الطابور يكورك معاي هاي هاي هاي ومنذ هذه اللحظة وكل دفعتي حتى الآن تسميني بن بن بن ..... وما أحلى الزكريات والمتوسطة بالذات
منير

[شاربة توت ولابسة بوت]

[glow1=66CCFF]يا سلام ..
لحظات زي دي يا منير طبعا ابدا الواحد ما بينساها ..
واكتر حاجه عجبتني لما الاستاذ عبد المنعم همس في اذنك وقال ليك : قول بسم الله خايف مالك !
لأنو في اللحظة دي ربنا حن عليك وجاب ليك الفرج ..
قصة جميلة جدا يا منير ..والى الامام
وربنا حيحن عليك تاني وبتلقى العروس اللي في مرادك ![/glow1]

[منير]

[glow1=66CCFF]يا سلام ..
لحظات زي دي يا منير طبعا ابدا الواحد ما بينساها ..
واكتر حاجه عجبتني لما الاستاذ عبد المنعم همس في اذنك وقال ليك : قول بسم الله خايف مالك !
لأنو في اللحظة دي ربنا حن عليك وجاب ليك الفرج ..
قصة جميلة جدا يا منير ..والى الامام
وربنا حيحن عليك تاني وبتلقى العروس اللي في مرادك ![/glow1]

يديك الف عافية يا شاربة توت ولابسة بوت وربنا يسمع منك ويدينا بت الحلال الفي مرادنا يا رب وطبعاً مشكوووووووووووووووووووووورة جداً على المداخلة البجد ظريفة ومبدعة وكل كلامك جميل ومبدع وتنفعي تكون صحفية بس تغير اسمك الطويل ده ودمتي ...

[شاربة توت ولابسة بوت]

[glow1=66CCFF]اسمي طويل على قولة عضو عندنا ( قطر البضاعة) ..
بس ممكن تناديني توت
شكرا[/glow1]

[بت أبوظبي]

سلام يا بن بن !!
والله اسمتعت جدا بقصتك ..
زيدنا ما تبخل علينا !

شكرا

[الدكتوره]

والله يامنير قصه جميله بالجد
ويعنى فهمنا انك فنان كمان
بس مانقوم يوم نحتاج ليك
ونجيبك وتنسى لينا الكلام

[حزن السنين]

و الله قصة جميلة شديد يا بن بن

[منير]

سلام يا بن بن !!
والله اسمتعت جدا بقصتك ..
زيدنا ما تبخل علينا !

شكرا

لك الشكر اخيتي بت أبو ظبي وإن شاء الله ما حا نبخل بأي حاجة ليكم بس شجعونا واقيفوا معانا وأنا عارف ما بتقصروا ولك التحية والتقدير..

[منير]

والله يامنير قصه جميله بالجد
ويعنى فهمنا انك فنان كمان
بس مانقوم يوم نحتاج ليك
ونجيبك وتنسى لينا الكلام

شكراً يا دكتورة الغالية ولك التحية على المداخلة وما تخافي يا دكترا الواحد بقى خطير خلاص وفي اي مكان بغني إن شاء الله قدام بووووووووووووووووووش زاتوا بس الله يريح لينا نفسياتنا دي ... وما عندكم أي مشكلة ومش بن بن بس أي حاجة ممكن حتى (زاد الشجون) يديك العافية ويخليك يا رب!!
:D

[ود شحات]

شكرا يا منير على القصة الجميلة دي

[bsha2]

زكريات جميله فعلا يا منير المهم انك جمعت شجاعتك وغنيت اتمني لو تجيني نص شجاعتك دي

[majdi hyder]

شباب معليش علي التطفل لكن وقصة مبالغ من غير مجامله والواحد من الضحك لمن نفسو كتم وعينو راحن
يديك العافيه يا منير وكلك كده من جمعتنا بتاعين العرس الجماعي
ولييييييييييي قدام

[منير]

الشكر لكل الذين تداخلوا مجدي حيدر وباشا وود شحات تحياتي ليكم وربنا يجمعنا بيكم يا رب

[نسرينا بت بورتسودان]

خلاص يا ببن بن بن كان كده ضمنت فناني بتاع العرس
بس اعمل بروفا عشان ما تجي تحرجني مع ناس بورتسودان واهم حاجة الطاقية انشأ لله تكون لسه قاعدة

[moony]

بن بن يا ولد يا حركات اوعك تكون خليت الحاجات دي:079:

[منير]

كيف اخليها يا موني الحركات دي ما بتتخلا اصلوا وبلايه ايه رائك في الموقف السخيف ده

[منير]

يا اخواني العزاز في يوم الخميس الفايت وفي حوالي الساعة التاسعة والنصف إذا بهاتفي الجوال يرن بنغمة الرسائل فتحت الرسالة وكان الرقم غريباً علي والرسالة تقول: منير اتصل ضروري الآن اصبت بالهلع وعلى طول وبحمد الله جوالي كان به رصيد جيد اتصلت فإذا بي أحدى اخواتي في منتدى انا سوداني وتلبية لرغبتها لن اذكر اسمها وما أن قلت الو وعرفتني بنفسها إلا وأن وضعت السماعة على جهاز الساون فإذا بي اسمع فنان يقول بن بن بن ووصوت الأورغن يعزف معه هاي هاي هاي وبعد دقيقتين أتت هذه البنت اللذيذة وصارت تضحك وبعد السلام والسؤال عنها وعني قالت لي انها الآن في حفلة احدى صديقاتها بمناسبة تخرجها من الجامعة وأول ما الفنان بدأ يغني مسافر جوبا تذكرتني وتذكرت موقفي هذا فما كان منها إلا ان اتصلت لكي اسمع هذه الاغنية الشكر كتير لها ولهذا الموقف الجميل الذي لا انساه ابداً لك الشكر عزيزتي وجعل الله دائماً لنا اختاً غالية علينا..

[معتز]

والله دى قصة ما بتتنسى ابدا مع انه فى البداية كان احراج لكن فى النهاية اصبح انجاز

[الغريبة]

قلت لى حتيتوا
عارف ذكريات زى دى مستحيل الزول ينساها
وتبقى معاه لغاية النهاية
وخاصة انها ذكرى حلوة
وحقيقى القصة حلوة وممتعة

[منير]

والله يا الغريبة حتيتوا حت بعد ما رجعت الأغنية ولك الشكر اخيتي على المرورو ويديك العافية ويخليك يا رب!!