ابناء المغتربين منهم العوض وعليهم العوض

[وردة دمرها الحب]

--------------------------------------------------------------------------------

بسم الله والصلاة والسلام علي رسول الله وبعد ..
ارسل رسالة خاصة لابناء المغتربين كلها لوم وتقصير.. المغتربين الذين عانوا اشد معاناة ليوفروا العيش الهنئ والمريح لابناءهم الذين ينامون علي (بابا عايذ...) ويصحون علي (حاضر يا ابني من عيني الاثنين ) مما أدي الي الافراط في التدليل وهذا التدليل طبعا له نتائج عكسية في تربية الابناء لذلك تجدهم ( ابناء المغتربين ) قد توجهوا الي عادات خارج عن العادات السودانية الجميلة وتشبعوا بثقافات اخري حسب البلد التي يعيشون بها مما افقدهم شهامة البلد والكرم والضيافة ومساعدة الاخرين وخاصة الشباب شباب قنع لا خير فيهم واصبحت القنوات الفضائية والانترنت حديثهم والموضة واللبس الخليع مصدر افتخارهم . واحب ان أذكر بعض المواقف التي شدتني الي كتابة هذا الموضوع :
اولا : كان احد السودانين قد باع كل ما يملك ليحصل علي اقامة باحدي الدول العربية وعندما اتي الي البلد المعني دعاه احد السودانين من اقاربه الي ذواج ابنه باحد الفنادق الفخمة فنظر ذلك الرجل الي كل السودانين فاختطلط علية الامر الرجال اشباه النساء والنساء اشباه الرجال واثناء تجواله داخل الحفل رأي شاب سوداني يلبس ( حلق في اذنه)فناداه وقال له انت سوداني يا ولدفكان رد الشاب ( نعم يا اونكل ) فجره من اذنه حتي قطعها له فكانت النتيجة الي الشرطة ثم السودان وهو يحمل في كل حقائبه خروج بدون عودة ...
وشاب اخر احب فتاة لدرجة الادمان وهما في السودان شاءت الظروف ان تسافر البنت الي بلاد اخري فاصبح كل همه ان يلحق بها وبعد فترة ليست بالطويلة لحق بها وكله امل ان يحمية ظل محبوبته من نار الغربة لكنه وجد فتاة اخري قد دفنت كل شي بالسودان وجدها تعرف مائة شاب غيره وتقول ليه (دا البوي فرند بتاعي انت لاذم تتغير لان الذمن اتغير )واخيرا باختصار باسم الحب القديم قرر ان يطعنها في شرفها ويسلبها شرفها حتي يضمن انها له الا رحم الله الشرف والحياء عند البنات فكانت النتيجة ......
وشاب اخر ببلاد الغربة داخل احد الاسواق وبجانبه امراة تتزحلق من احد السلالم الكهربائية وتصرخ حتي انقذها احد الاجانب وكان الشاب السوداني اقرب اليها والغريبة مر كأن الامر لم يعنيه بشئ رحم الله الشهامة ...
اخي الكريم الموضوع طويل جدا تجول داخل الاسواق ببلاد الغربة وانت تعرف حال الشباب السوداني بالخارج وخاصة البنات الجنسية سودانيه لكن تحمل عشرة جنسيات اخري داخلها وانا لا اعني كل ابناء المغتربين لكن استثني فقط 10% منهم هولاء الشباب لم يعرفوا النوم وثني الساعد علي الارض الصلبة الارض العارية الرطبة ... واخيرا اتمني من كل الاباء ان يربوا ابناءهم علي المنهج الاسلامي القويم ومن بعده العادات السودانية الجميلة.... أعزائي ان اصبت فمن الله وان اخطات فمن نفسي والشيطان..

[بنت كوش]

يسلمو ورده علي الموضوع

صراحه موضوع ابناءالمغتربين من المواضيع التي وقفت عندها طويلا

لا ادري من نلوم الاهل ام الابناء ؟

وان كان اللوم الاكبر علي الاباء الذين ركضو خلف جمع

المال لتوفير حياه كريمه لابنائهم وتناسو امر تربيه ابنائهم

وتوجيههم وغرس القيم الفاضله فيهم..

فنشؤ بعيدين كل البعد عن عاداتنا وتقاليدنا بعدما تشربو

بطباع وتقاليد الدول الي هم بها....

صراحه في شي مؤسف جدا جدا من بعض ابناء المغتربين

وهي انهم في كثير من الاحيان بيرفضو فكره انهم سودانين

وبيخجلو من كونهم سودانين .

وانا بعرف طالب سوداني طلبو منو يجيب ولي امرو في

المدرسه قال لي امو لو جايا تعالي بي عبايه سوداء مش توب

وماتتكلمي سوداني اتكلمي خليجي وماتقولي اننا سودانين!!!!!!!

شي مؤسف جدا اللي يحصل من بعض ابناء المغتربين

[مسايا]

الاخت ورده شنو النظره الكعبه دي ع اولاد المغتربين ؟؟

ماكل الاباء والامهات المغتربين- زي ماقلتي- بنفذوا جميع رغبات اولادهم ،البعض القليل منهم بس وكثير من الاباء والامهات بيربوا ع التربيه الاتربوا عليها
بعدين تعالوا هنا لو بلدهم وفرتليهم فرص العمل كانوا اغتربوا؟؟
وكمان في الاولاد الغير مغتربون بتتنفذ ليهم جميع رغباتم
وبعدين انت قايله الاغتراب دى راحه؟؟
ذل وتحقير
الاجانب و الاجانب
ياخ دى شنو الكلام دى؟؟؟؟

[احسان]

عزيزى او عزيزتي وردة دمرها الحب

انا لن اقول انك غلطان فيما طرحت بل انت مصيب فى كل ما قلت

ولكن اريد ان اقو لك شي جميع الامثال التي قلتها هي نسب جدا عالية

انا كنت في بلد غير بلد وتربيت على عادات مختلفة بس لا تمس عادات بلدى بسوء

ان لم تكن افضل منها اما عن الامثال التي قلتها انت ففي كل قاعدة شواذ ودايل شواذ المغتربين

مثل ما ان في شواذ في بلدنا الحبيب ومثل ما تسمع انت عن اولاد المغتربين نحن كنا نسمع اكثر عن اولاد

بلدنا الحبيب المتربين فيهو وبكدا انا كنتا مصدقة كل حاجة عنهم لغاية ما جيت السودان ولقيت النظرة

الانت بتتحدث عنها في اولاد المغتربين وانا تغيرت نظرتي للسودانين المقيمين في السودان وبكدا

فهمتا ان الاشاعات المتناقلة او الشواذ هم الذين يؤثرون على سمعة غيرهم

وياريت تكون فكرتي وصلت بس

تسلم يا رائع / يارائعة على البوست

[سيرينا]

االاخت وردة:عاوزا أذكرك بأنو اباء وأمهات المغتربين أتربوا تربية سودانية يعني هيربوا أولادم نفس التربية التربوها وما ممكن أنسان ينسى تربيتوا ألا اذا كان معترض عليها .
وبرضوا عاوزا أقول لك عايني حوليك وشوفي اي زول متربي تربية صحيحة ما بيعمل العملوا الاولاد والبنات الفي امثلتك يعني البت والولد ما متربين تربية صحيحة .وكمان دايره أقول لك :معظم أولاد المغتربين مهنهم ارقى المهنات واحسنا.

وعلى فكرة نظرة البلاد القاعدين فيها المغتربين أحسن وأفضل من نظرة السودانين الغير مغتربين للمغتربين

[فتى السقاي]

اعزريني يا وردة دمرها الحب لكن ما كل المغتربين كدا وانتي اذا شفتي الحال هنا والله ما
حتقولي الكلام دا هنا العيشة صعبة والله لكن خدي في بالك اننا هنا والله البنات الفي عمرك كلهم
بسو البتسويهو بنظفو وبغسلووكل حاجة .
وخدي بالك انك ما تاخدي نظرة من قصة او قصتين لمن تشوفي بي عينك تاني احكمي .
اعزريني على طريقة كلامي لكن والله موضوع يزعل وشكرا عالبوست .

[النفاري]

صبا ح الخير لأهل الخير
يا اخت ورده موضوعك جميل لاكين انتى شملتى كل الشباب المغتربين وفى شباب والله ربنا يحفظهم قد يكون فى من الوصفتيهم ديل وانا يعرف كتير منهم لاكين فى الشباب المتمسكين بعادات السودانية واكثر
بس ماتحكمى على الجميع صح الشر يعم والخير يخص بس الواحد ما يشمل

[أبو عمر]

أنا مغترب .... بالمملكة
والله ياجماعة الغربة بقدر ما هي حلحلت مشاكل إنها تسبب في كثير من المشاكل ..
وبالنسبة للأبناء اللي شفناهم والله فعلاً عليهم العوض ومنه العوض إلا من رحم ربه .. في ناس مغتربين أبائهم معلمين وسودانيين بالجد يعني زي ما بقول أولاد بلد حقيقة .. رغم أنهم عاشوا في الغربة فترة طويلة إلا أنهم لم يتأثروا بمن حولهم بل لازالوا متمسكين بنفس العادات وكذلك ابناءهم تربوا على نهج أبائهم .
وفي مجموعة أخرى الله لايوريكم ليها ولا يردهم للسودان وأتمنى أن تسحب منهم الجنسية السودانية .. لأن الجنسية السودانية الشخص اللي يحملها لازم يكون سوداني أصلي ولد بلد دم ولحم (صورة وصوت) .
والمجموعة دي أولاً : أبائهم لابسين جلاليب سعودية وكلما قعدوا يتونسوا كل ونستهم يسبوا في السودان ويحكوا عن السودانين بطريقة مؤلمة كأنهم تاني مرة ما راجعين السودان .. ويسبوا في التعليم السوداني لغير السودانيين ويعكسوا لهم صورة أخرى عن السودان بشكل مؤلم وهذا قمة الحزن أن تجد ابن بلدك بهذه الصورة.. والله حرام عليكم ولو في واحد تكلم في ناس بيتكم بسمعة سيئة ما ترضى .. كيف تسمحوا لأنفسكم تتكلموا عن بيت كل السودانيين بهذه الطريقة.. والمؤسف الكلام أمام جنسيات غير سودانيين.
وتعال شوفوا أولادهم كلامهم كلوا بلهجة مختلفة لا تشبه اللهجة السودانية .. ولبسهم وطريقة تعاملهم ولما تسألوا يا خي انت سوداني يقوليك .. إي والله ..
والبنات لا حول ولاقوة إلا بالله .. سعوديات عديييييييل كدا وفي إحدى مواقع الزواج على الانترنت قابلت بنات سودانيات كتير عاوزين (مطلوب زوج من جنسية خليجية أو سعودية .. وغير ذلك لايراسلني أبداً .. لأني ما راح أرد عليه.. وموفاضية أضيع وقتي معاه).. بهذه الطريقة.
كأنهم خلاص قنعوا من السودان نهائياً ولا دايرين يرجعوا تاني مرة .. سبحان الله .
ختاماً ربنا يهديهم ويردهم إلى السودان سالمين .

[El Matador]

والله الموضوع حساس جداً !!

الصراحة أنا ضحكت على الموضوع من النظرة الغريبة والغريبة جداً لأبناء المغتربين ؟؟

المغتربين الذين عانوا اشد معاناة ليوفروا العيش الهنئ والمريح لابناءهم الذين ينامون علي (بابا عايذ...) ويصحون علي (حاضر يا ابني من عيني الاثنين )

في أي مكان في العالم يوجد هذا النوع من الأشخاص والموضوع د ه ما مقتصر على السودانيين أو المغتربين فقط وفي ناس في داخل السودان عايشين العبشة دي وأكتر وهم ما مغتربين ولا أي حاجة ؟؟ ديل بقى نسميهم شنو مغتربين السودان ؟؟

قد توجهوا الي عادات خارج عن العادات السودانية الجميلة وتشبعوا بثقافات اخري حسب البلد التي يعيشون بها مما افقدهم شهامة البلد والكرم والضيافة ومساعدة الاخرين وخاصة الشباب شباب

أما عن العادات السودانية والثقافت الأخرى فالشي ده خارج عن إرادة الشخص المغترب , فهو أصلا عايش في بلد ذي ثقافات أخرى وأجناس أخرى متعددة قكيف أولادو اللي إتربو في الوسط ده يطلعو كأنهم عايشين في السودان مية مية ؟؟؟ دي حاجة تقريبا أقرب للإستحالة !!

وبالنسبة للثقافات الأخرى .. ما شرط الحاجات دي تكون سلبية ؟؟ ليه ما تفكري بطريقة إيجابية شوية ممكن الثقافات دي تكون حاجات مفيدة كتير أكتر من الجوانب السلبية زي الدراسة في الخارج مثلاً !

اثناء تجواله داخل الحفل رأي شاب سوداني يلبس ( حلق في اذنه)فناداه وقال له انت سوداني يا ولدفكان رد الشاب ( نعم يا اونكل )

طيب أنا شفت كتييير ناس في السودان لابسين حلقان .. وبرضو دي حاجة ما مقتصرة على المغتربين أو أو أو ...

وشاب اخر احب فتاة لدرجة الادمان وهما في السودان شاءت الظروف ان تسافر البنت الي بلاد اخري فاصبح كل همه ان يلحق بها وبعد فترة ليست بالطويلة لحق بها وكله امل ان يحمية ظل محبوبته

على ما أظن الموضوع بيتكلم عن أبناء المغتربين ؟؟ زدي كانت عايشة في السودان وبعد ما كبرت سافرت .. ده موضوع تاني براهو !!

وشاب اخر ببلاد الغربة داخل احد الاسواق وبجانبه امراة تتزحلق من احد السلالم الكهربائية وتصرخ حتي انقذها احد الاجانب وكان الشاب السوداني اقرب اليها والغريبة مر كأن الامر لم يعنيه بشئ رحم الله الشهامة ...

؟؟؟؟؟

كل ابناء المغتربين لكن استثني فقط 10% منهم هولاء الشباب لم يعرفوا النوم وثني الساعد علي الارض الصلبة الارض العارية الرطبة ...

ليه عشرة بالمية ولادي إحصائية رسمية ؟؟؟


[line][/line]


كــلنا سودانيين مهما حصل

[اسامه خضر محمد على]

--------------------------------------------------------------------------------

بسم الله والصلاة والسلام علي رسول الله وبعد ..
ارسل رسالة خاصة لابناء المغتربين كلها لوم وتقصير.. المغتربين الذين عانوا اشد معاناة ليوفروا العيش الهنئ والمريح لابناءهم الذين ينامون علي (بابا عايذ...) ويصحون علي (حاضر يا ابني من عيني الاثنين ) مما أدي الي الافراط في التدليل وهذا التدليل طبعا له نتائج عكسية في تربية الابناء لذلك تجدهم ( ابناء المغتربين ) قد توجهوا الي عادات خارج عن العادات السودانية الجميلة وتشبعوا بثقافات اخري حسب البلد التي يعيشون بها مما افقدهم شهامة البلد والكرم والضيافة ومساعدة الاخرين وخاصة الشباب شباب قنع لا خير فيهم واصبحت القنوات الفضائية والانترنت حديثهم والموضة واللبس الخليع مصدر افتخارهم . واحب ان أذكر بعض المواقف التي شدتني الي كتابة هذا الموضوع :
اولا : كان احد السودانين قد باع كل ما يملك ليحصل علي اقامة باحدي الدول العربية وعندما اتي الي البلد المعني دعاه احد السودانين من اقاربه الي ذواج ابنه باحد الفنادق الفخمة فنظر ذلك الرجل الي كل السودانين فاختطلط علية الامر الرجال اشباه النساء والنساء اشباه الرجال واثناء تجواله داخل الحفل رأي شاب سوداني يلبس ( حلق في اذنه)فناداه وقال له انت سوداني يا ولدفكان رد الشاب ( نعم يا اونكل ) فجره من اذنه حتي قطعها له فكانت النتيجة الي الشرطة ثم السودان وهو يحمل في كل حقائبه خروج بدون عودة ...
وشاب اخر احب فتاة لدرجة الادمان وهما في السودان شاءت الظروف ان تسافر البنت الي بلاد اخري فاصبح كل همه ان يلحق بها وبعد فترة ليست بالطويلة لحق بها وكله امل ان يحمية ظل محبوبته من نار الغربة لكنه وجد فتاة اخري قد دفنت كل شي بالسودان وجدها تعرف مائة شاب غيره وتقول ليه (دا البوي فرند بتاعي انت لاذم تتغير لان الذمن اتغير )واخيرا باختصار باسم الحب القديم قرر ان يطعنها في شرفها ويسلبها شرفها حتي يضمن انها له الا رحم الله الشرف والحياء عند البنات فكانت النتيجة ......
وشاب اخر ببلاد الغربة داخل احد الاسواق وبجانبه امراة تتزحلق من احد السلالم الكهربائية وتصرخ حتي انقذها احد الاجانب وكان الشاب السوداني اقرب اليها والغريبة مر كأن الامر لم يعنيه بشئ رحم الله الشهامة ...
اخي الكريم الموضوع طويل جدا تجول داخل الاسواق ببلاد الغربة وانت تعرف حال الشباب السوداني بالخارج وخاصة البنات الجنسية سودانيه لكن تحمل عشرة جنسيات اخري داخلها وانا لا اعني كل ابناء المغتربين لكن استثني فقط 10% منهم هولاء الشباب لم يعرفوا النوم وثني الساعد علي الارض الصلبة الارض العارية الرطبة ... واخيرا اتمني من كل الاباء ان يربوا ابناءهم علي المنهج الاسلامي القويم ومن بعده العادات السودانية الجميلة.... أعزائي ان اصبت فمن الله وان اخطات فمن نفسي والشيطان..

الموضوع جيد وشيق بس ما كلوا حاصل وما كل اولاد المغتربين فاشلين والدليل على كده الجامعات السودانيه وعدد ابناء المغتربين فيها ( الجامعات الحكوميه) وحتى الخاصه دخلوها بمجهودهم الاكاديمى قبل مقدراتهم الماديه وعملية انحراف الشباب من الجنسين فى السودان بل فى بعض اقاليمه صرنا لا نفرق بين الولد والبنت فالموضوع ما موضوع اغتراب الموضوع تربيه واسره متماسكه لو كانت فى السودان او فى الخارج ولك كل الود والتقدير

[مصعب الحداد]

انا عضو جديد ياوردة ماكنت حابي ارد على موضوعك

لكن والله كلامك يزعل وانا ما بنظر ليهو الامن اتجاه واحد حقدكم على المغتربين وابنائم

كانو المغتربين ديل شايلين كنوز الدنيا فوق ظهرهم والله قاعد اكتب وقلبي يعتصر الم وينزف

ليه الفكرة السيئة دي عننا انحنا ياخي اولادكم واخوانكم لكن الظروف حكمت كدة

وانا والله عازرك لانو الكلام دة مامنك بس المشكلة انو من دكاترة كبار الله يهديهم ويصلحم

ايام دراستي في الجامعة حضرت برنامج في النيل الازرق ودكتوره ومصلحة اجتماعية وتقول ابناء المغتربين سبب الفساد وهم المخدرات وهم الزنا وهم الزواج العرفي

وهم وهم وهم وهم.............الخ

الساعة ديك لوفي يدي حاجة اقوم وامسك في زمارة رقبتها واقتلها

والله حرام وانا الشفتو في السودان بعيني ومن اشخاص قاعدين هناك مافي زول حكاه لي يمين بالله يخجل ويشيب شعر الراس ده غير الافلام والشقق المفروشة والداخليات والجامعات والساعة 12بالليل في الشارع واحسن نخلي الطابق مستور

وانا اتحدى لوفي بنت في الغربة قدام اهلها تكلم صديقها زي ماحاصل في السودان ويجي ويقعد في البيت

بدون مازول يعرفو وبرضو بعيني شفت وسمعت وحدة ام تقول لصاحبتها فاتورة التلفون جات بالمبلغ الفلاني
تقول دى مامكاامات البت اخر الليل وربنا يشهد على كلامي ما افـترى

وانا مانكر كلامك ايوا حاصل لكن لاتجمعي واصابع يدك مازي بعضها

[غريب بلاد]

[align= الموضوع بالجد مهم وحساس وله الكثير من الأشياء المتعلقة به وبالطبع الواحد ما يضع اللوم على الأولاد وحدهم ، وبحكم معرفتي اللصيقة بأبناء المقتربين أقول هذا شأن الكثيرين منهم وحدث ولا حرج وقد حملوا الكثير من الطباع غير الحميدة هداهم الله إلى جادة الصواب ، وهذا الأمر يعد لفت نظر للأباء للنظر للأجيال القادمة إن كان هذا هو حال الأغلبية فإنني لا أقول غير الله المستعان على الرغم من أن القلة القليلة قد حملت كتاب الله في الصدور حفظاً وعملاُ به وهكذا يجتمع الخير والشر وهناك من هو في الوسط .
فالموضوع متشعب وبحكم التغير بين كل جيل وجيل ولا أجزم بأن مفاهيم الأبناء وتجاربهم وبالطبع إنشغال الأباء عن الأبناء وبالطبع من عاش في السودان يعرف الأسر الممتدة وتشعب ذلك الأمر حيث الكل مربي وحتى الشارع له ضوابطه وأحكامه أما في الكثير من المجتمعات العربية وغيرها لا تجد ذلك وبالطبع نفس الأمر إنعكس على الشباب داخل السودان فما عادت الأسرة هي نفس الأسرة في السابق بالطبع تغير الوضع وكانت أيام زمان تسمع حكايات الآباء أنهم يتركوا الشارع في حال مرور أحد المعلمين . وقس على هذا الكثير من الأمور التي تبدلت وتغيرت .
لذا أقول نحن من جانبنا نعتبر الأمر يحتاج منا للكثير من الصمود تجاه متقلبات الأمور وأن نأخذ الأشياء مثل هذه على علاتها والمحاولات الكثيرة في المعالجة بصور مختلفة الأرشاد والنصح للآباء والأبناء .
والله ولي التوفيق،،،

[بت مدني]

انا ماكنت عاوزة ارد على المضوع ده لانو اول مانزلتيهو انا قريتو واشمازيت من كلامك بس للضرورة احكام الاخ ابو عمرانت قلت لجنسية السودانية الشخص اللي يحملها لازم يكون سوداني أصلي ولد بلد دم ولحم (صورة وصوت) وقلت كمان شوفوا أولادهم كلامهم كلوا بلهجة مختلفة لا تشبه اللهجة السودانية .. ولبسهم وطريقة تعاملهم ولما تسألوا يا خي انت سوداني يقوليك .. إي والله ..
صراحة اضمن ليك انو نحن سودانيين دم ولحم لكن سوري مابضمن ليك صورة وصوت يعني انت حتتوقع شنو من واحد مولود في بلد وعى وقدامو ثقافة البلد الهو عايش فيها حيتاثر يعني بثقافة بلدو الاصلي البمشي ليها امكن 3اشهر في السنة ولا العايش فيها البقعد فيها تقريبا 3/4 السنة وعلى فكرة انا واخواتي مولودين برة في الدوحة ولهجتنا غير على قولك مختلفة لاتشبه اللهجة السودانية بس غصبا عننا اما بالنسبة للصورة يعني على قولك لبسنا فنحن بنلبس العباية الكل مابنسافر السودان عشان نقضي الاجازة البنات العلى قولكم سودانيين مية مية بشاكلونا عليها وبقولوا لينا ليي بتلبسوا العباية لو هم ما عارفين انو العباية استر بكتيير من البناطلين البلبسوها والتنانير الضيقة والبلوزات المرصوصة على جسمم مفروض يعرفوا ..ماكل شي نحن بنشوفوا في عاداتنا وتقاليدنا بنعملوا زي مثلا يعني اعراسكم المختلطة حريم ورجال وزي مثلا الطرح البلبسوها اللي في نص شعرم ده ..
انا اسفة على الكلام ده بس دي الحقيقة

[وردة دمرها الحب]

تسلمو شباب عالردود الساخنة دي
على فكرة يامسايا واحسان وسيرينا وفتى السقاي ......................... وكل الشباب الشاركو الموضوع ده ماكتبتو وألفتو وقلتو انا الكلام دة منقول وانا اول وحدة ضد الكلام دة انا اصلا من المغتربين هنا في السعودية بس حبيت اشوف ردودكم وآرآكم
.......... وشكـــــــــــــــــــــــرا ................

[TETO]

انا قريت الموضوع دا كم مرة وما رديت عشان ما حبيت ارد لاني ما بقدر ارد

الناس المخاطبة في البوست دا والسيئة كلها بتبدا من عمري لحدي اواسط العشرين
لكن ما كل اولاد المغنربين كدا و لا كل بنات المغتربين
ممكن العكس الايام دي بالذات السودان اسوأ من الخليج او اي مكان مغترب فيهو ودا شي مشهود من ناس كتيرة فما معقوول يجي اولاد المغتربين ويخربو بلد كامل وهم يا دوب كم ولد بيجو اجازة ويرجعو تاني يعني الولد او البت ما بقعد اكتر من شهرين والولد بيرجع من السودان بكون اسوأ من ما كان زمان
فأنا ما شايف الكلام دا صح ... وانا كـ شاب بعرف الامور دي وبتمر بي انا او اصدقائي فواضح الشي دا بالنسبة لي

ومعليش كلامي طول

[أبو عمر]

انا ماكنت عاوزة ارد على المضوع ده لانو اول مانزلتيهو انا قريتو واشمازيت من كلامك بس للضرورة احكام الاخ ابو عمرانت قلت لجنسية السودانية الشخص اللي يحملها لازم يكون سوداني أصلي ولد بلد دم ولحم (صورة وصوت) وقلت كمان شوفوا أولادهم كلامهم كلوا بلهجة مختلفة لا تشبه اللهجة السودانية .. ولبسهم وطريقة تعاملهم ولما تسألوا يا خي انت سوداني يقوليك .. إي والله ..
صراحة اضمن ليك انو نحن سودانيين دم ولحم لكن سوري مابضمن ليك صورة وصوت يعني انت حتتوقع شنو من واحد مولود في بلد وعى وقدامو ثقافة البلد الهو عايش فيها حيتاثر يعني بثقافة بلدو الاصلي البمشي ليها امكن 3اشهر في السنة ولا العايش فيها البقعد فيها تقريبا 3/4 السنة وعلى فكرة انا واخواتي مولودين برة في الدوحة ولهجتنا غير على قولك مختلفة لاتشبه اللهجة السودانية بس غصبا عننا اما بالنسبة للصورة يعني على قولك لبسنا فنحن بنلبس العباية الكل مابنسافر السودان عشان نقضي الاجازة البنات العلى قولكم سودانيين مية مية بشاكلونا عليها وبقولوا لينا ليي بتلبسوا العباية لو هم ما عارفين انو العباية استر بكتيير من البناطلين البلبسوها والتنانير الضيقة والبلوزات المرصوصة على جسمم مفروض يعرفوا ..ماكل شي نحن بنشوفوا في عاداتنا وتقاليدنا بنعملوا زي مثلا يعني اعراسكم المختلطة حريم ورجال وزي مثلا الطرح البلبسوها اللي في نص شعرم ده ..
انا اسفة على الكلام ده بس دي الحقيقة

الأخت بت مدني أشكرك على المداخلة ولكن ...
لي تعقيب على كلامك .. بالنسبة للتغير في اللهجة .. المشكلة ما هي مولود برة ولا جوه المشكلة الناس اللي انت عايش معاهم هم الذين تتأثرين بهم ( أمك وأبوك وأخوانك) .. يعني مثلاً دول شرق آسيا .. بيعشوا في بلاد العرب وبتعلموا شوية عربي عشان يمشوا حالهم مع الناس .. ولكن لايمكن يغير لغته الأسيوية .. تلاقي دائماً يتكلم بها مع أهله ولايذكر ليهم أبداً كلمة بالعربي .. وتشوفي الولد الصغير منهم يتكلم لغته الأسيوية كأنه مولود في بلاده وعايش في بلاده .. ليه لأن والديه الذين ربوه وعلموه على لغة بلده وعاداتهم .. وتلاقيهم متمسكين بها وتقليدهم للعرب يكون من باب السخرية والضحك عليهم فقط ..
ولو انتوا عايشين مع أمكم وأبوكم وهم متمسكين بالقبيلة السودانية ما أعتقد انو راح يكون في تغيير أبداً وشفنا ناس كتير ما متغيرة .. أصلاً الناس اللي بتتغير ديل ناس عندهم مشكلة يعني ..إما عاوز يتفلهم على السودانيين أو يتكبر عليهم أو تلاقيهم عندهم مشكلة في نقطة محددة ..
ثانياً : بالنسبة للبس العباية .. العباية زما قلتي ساترة أكثر من البنطلون والاسكيرتي والبلوزة إذا كانت واسعة ونوع القماشة المصنوعة منها العباية قماشة عادية .. ولكن الآن العباية أصبحت لا فيها سترة ولا شيء كل العباية الجديدة قماشتها من النوع اللامع والبتلصق على الجسم وضيقة جداً على الجسم لدرجة انو الواحدة لما تمشي في الطريق وهي لابسة العباية جسمها كلو ظاهر والناس تعاين فيها وفي بعض الصعاليق لما يشوفوا واحدة لابسة عباية ضيقة وجسمعها باين والعباية مشدودة عليها تلاقيهم يمشوا وراءها ويعاكسوها ويتحرشوا بها وهي السبب لأنها ما لابسة عباية زي الناس .
وفي بنات كتير عباياتهم يفصلوا عند الخياطة وتكون مفصلة على الجسم وكل شيء واضح فيه.
أنا في رأيي العباية اللي زي كدي أحسن منها البنطلون الساتر والاسكيرتي الواسع .
يا أختي بت مدني أنا مغترب زيكم ويمكن لي فترة طويلة ما نزلت السوداني .. عارف الحاصل في الغربة شنو .. وعارف كما البنات كيف طريقتهم وتعاملهم ولبسهم . عشان كدة كان المقصد من الموضوع هو لفت الانتباه والتراجع عن هذه العادات الدخيلة علينا والرجوع إلى تقاليدنا وعاداتنا السمحة اللي ورثناها من أهلنا وجدودنا ..
آسف على الإطالة ..
ولك خالص تحياتي .

[الصادق عمر]

لية كل العتاب لاولاد المغتربيين شكلو عيونكم مقفلة علي مايدور في الداخل

[eisi]

السلام عليكم ورحمة الله وبركاته

أول حاجة ربنا ما بفرض علينا أننا نكون سودانيين ولا عرب !!! وللأسف معظم الناس بختو في بالهم أن لو واحد أجبرتو الظروف على أنو ما يحمل طابع سوداني فدا أشبه بالمرتد
طالما انا مسلم والحمدلله فالمشكلة شنو في أني أعرف ثقافة شعب تاني ولا لهجتهم ؟
وتاني حاجة ما بكون قدامك خيارات يعني تختار السودان ولا الدولة الانت عايش فيها فمثلا طفل عايش في بريطانيا مثلا وبرجع كل سنة ثلاثة شهور في السودان
في بريطانيا المدرسة جميلة وتفتح النفس الأستاذ مبتسم الجو جميل الحتة نظيفة كل شيء يسير بنظام لا عنف ولا ضرب ولا تسلط ولا شتم ... إلخ
يمشي ثلاثة شهور في السودان الغبار في كل مكان يجرب يدخل المدرسة يشوف الويل وسواد الليل ، الأستاذ بضرب بدون سبب (مدارس حكومية) كل يوم الفصل لازم يكون فيو شكلة وطالب كاسر يدو أو رجلو أما خارج المدرسة المواصلات يعني بس الأهل من عرس لي بكا لي عرس لي بكا لي عرس لي بكا .. إلخ
لو لاقدر الله عييت (الما بخليك تعيا شنو ؟؟!!!) الدكتور تستنى ساعتين إذا كان عندك مواعيد إذا ما عندك فالله يعينك في مصيبتك وبعد المقارنة دي بين السودان وبلد الغربة فتلقائيا الطفل بختار بلد الغربة وبفضلها وتلقائيا ببدا يتماشى مع ثقافتها
العادات السودانية عادات جميلة عامة ولكن لا مانع بأن تستفيد من عادات البلاد طالما حافظنا على ديننا وهذا لا يعني انطماس في الثقافة أو تعرض للغزو الفكري
أقول أن في السودان أيضا في من هم أسوأ من أولاد المغتربين وما كل زول عايش برا معناها ما عندو فكر وثقافة سودانية
أخت وردة لقد قدرت نسبة المغتربين ال(لسه سالمين) بـ 10% ولكن حسب قصتك الثانية بتاعة (الحلق) فهذا الشخص لقى شاب واحد فقط في الحفل عندو حلق حسب ما ذكرت ما بين الحاضرين (نفرض أنهم 100) فكيف واحد من أصل مئة يعني 10% !!!!!!!!!

[سوداني اصيل]

لية كل العتاب لاولاد المغتربيين

[فتى السقاي]

شكرا على الموضوع الاكتر من رائع وخلانا برضو نوري الناس حقيقة المغتربين .