من غيرنا يعطي لهذا الشعب معني ان يعيش وينتصر

[acba77]

بطولات خارجية

*****************

كأس جوبا

أول كاس جويه محمولة جواً
المناسبة: افتتاح جامعة جوبا
المـكان : مدينة جوبا جنوب السودان
التاريخ :1977م
أنتصر المريخ على نده التقليدي الهلال 1/صفر، احرز الهدف سامي عزالدين في الدقيقة 89 (باقي دقيقه سامي يجبيها) وكانت كل التكهنات قبل المباراة تشير الى فوز الهلال نسبة الى سفر حارس مرمي المريخ الدولي الطيب سند المفاجئ الى دولة الامارات العربيه المتحدة ولعب المريخ بحارسه الاحتياطي الهادي سليم وابلى بلاء حسنا وهتفت الجماهير بعد المباراة (مريخنا عظيم بالهادي سليم) وكان وقتها فريق الهلال يضم المع النجوم في خط هجومه الدحيش ، على قاقرين ، متوكل عبدالسلام، ولكن فتية المريخ الاشاوس كانوا عند حسن الظن بهم وقدموا عرضاً رائعاً استحقوا به كأس المباراة وتسلموا الكأس من الرئيس جعفر نميري وعادوا به للخرطوم

--------------------------------------------------------------------------------

كاس شرق ووسط افريقيا ـ سيكافا

المناسبة: بطولة شرق ووسط أفريقيا
المكان : موانزا تنزانيا
التاريخ : 25 يناير 1986م
حقق فريق المريخ بطولة أندية شرق ووسط افريقيا (سيكافا) بعد ان لعب في مجموعة موانزا وفاز المريخ على ماجي ماجي التنزاني 1 صفر احرز الهدف جمال ابوعنجة ثم تعادل في المباراة الثانية مع مومكيرا الزامبي وفاز في المباراة الثالثة على وقد الصومالي 5/1 واحرز الاهداف عيسى صباح الخير هدفين وهدف لكل من الدحيش وابراهومة ونزار خليفة وفي الدور قبل النهائي فاز على لبيردس الكيني 1 صفر احرز الهدف جمال ابوعنجة وفي نهائي البطولة التقى المريخ بالشباب التنزاني وانتهت المباراه في زمنها الاصلي والاضافي بهدفين لكل فريق احرز اهداف المريخ ابراهومة وعيسى صباح الخير ليحتكم الفريقان لضربات الجزاء الترجيحية والتى كسبها المريخ 4/3 ليحقق المريخ البطولة

--------------------------------------------------------------------------------

كاس دبي الذهبي

المناسبة : بطولة دبي الثانية
المكان : مدينة دبي دولة الامارات العربية المتحدة
التاريخ: 3 ديسمبر 1987م
فاز المريخ بالبطولة بعد تغلبه على فريق الزمالك القاهري بضربات الجزاء الترجيحية بعد انتهاء زمن المباراة الرسمي والاضافي بهدف لكل فريق احرز هدف المريخ عوض الله انور
.بريمة شاف الذهب وفعل العجب

--------------------------------------------------------------------------------

كاس الكؤوس الافريقية ـ مانديلا

المناسبة : بطولة كأس الكؤوس الأفريقية
المكان : بنين ـ نيجريا
التاريخ: 9 ديسمبر 1989م
حقق فريق المريخ بطولة كاس الكؤوس الافريقية (مانديلا) بعد ان تخطى الاهلي الليبي بالانسحاب في دور ال 32 وفي دور 16 خسر من البنزرتي التونس بتونس 1/ صفر وفاز عليه بامدرمان 2/ صفر بهدفي سانتو رفاعه، وفي دور 8 كسب باترونج الكنغولي 2/ صفر بالخرطزم بهدفي جمال ابوعنجة وعيسى صباح الخير، وفي دور الاربعة خسر امام قورماهيا بكينيا 1/صفر وفاز بامدرمان 2/ صفر بهدفي سانتو رفاعة ودحدوح ليتاهل للمباراة الختامية.
وفي المباراة النهائية فاز على بندل يونايتد النيجيري بامدرمان 1 /صفر احرز الهدف كمال عبدالغني وتعادل مع بندل بنيجريا بدون اهداف ليحقق كاس البطولة

--------------------------------------------------------------------------------

كاس الشارقة

المناسبة : دورة الشارقة الدولية
المكان : مدينة الشارقة دولة الامارت العربية المتحدة
التاريخ : 16 يناير 1999م
في ليلة السبت السعيد أشرق نجم السعد في سماوات الشارقة ليلتها كان المريخ السودان ، المريخ الذي نعرف والمريخ الذي نريد،في تلك الليلة المباركة ليلة التاسع والعشرين من رمضان المبارك حلق المريخ بعيداً في المدى ، طاف لاعبوه أرض الملعب شبراً شبراً فرسموا لوحة رائعة للابداع وزرعوا الفرح في النفوس

--------------------------------------------------------------------------------

كاس الوصل

المكان : مدينة دبي دولة الامارات العربية المتحدة

[بكور]

ما شايف كاس اكتر فريق ياتى فى المركز الثانى

[hanody]

acba 77
انا شخص محترم وانا بحترمك جدا بس ممكن تفكر شويه !!!

[محمد نعيم]

شكرا علي السرد الطيب وامنياتنا ان تعود الكوره الي الزمن الجميل

مشكوووور يا غالي

[acba77]

-- اخي بكور ليك حق ما تشوف لانو هلال زرقان ماعودك في المطار عند قدومة من الخارج بي اي كاس .طبيعي خالي الوفاض (صفر دولي) ومن المستحيل انك تستقبل المريخ في المطار وهو عايد من الخارج حتي لو كان مهزوم معزور اخي

hanody
ما هو الفريق صاحب الكوؤس المحمولة جوا في السودان؟؟؟؟؟؟؟؟؟؟

محمد نعيم
ما هو الفريق صاحب الكوؤس المحمولة جوا في السودان؟؟؟؟؟؟؟؟؟؟

[acba77]

لنجتمع تحت مظلة الوطن العزيز ونتكاتف جميعا لدحر وهزيمة كل من القطن الكاميروني وشبيبة القبائل الجزائري

[مواطن ص]

في دي انحنا ما معاك يامان
حدنا القطن وبس

[مواطن ص]

دا شنو دا الكلام الكتييييييييييييييييييييييييير ومسيخ دا
كاساتكم الضاربة دي انحنا ما بنتسمى بيها

[acba77]

كلام كتير ومسيخ في زول جابرك تعاين ليهو وبلا خجلة تكتب لو اصلا مسيخ ما كان عبرتو وما كان علقتة علية كلام كتير مسيخ دي الحقيقة رغما عن انف كل حاقد . كاسات محمولة جوا هو بالله في كاسات ضاربة وما ضاربة والله تتكلم في كاسات جوية هو الكاسات الضاربة دي الناس بدور عليها من سنه 1930 وحتي الان الحصاد صفر دولي وبرضوكاساتنا ضاربة حقد دفين لوما استقامت النوايا الي ان يرث الله الارض ومن عليها كاس عرقي بالطائر ما تجيبو

[acba77]

ان ما بجبرك لكن شان دا ربنا ما عايز يفتح عليك ببطولة خارجيا وبرضو اكرر لو ما استقامة النوايا الي ان يرث الله الارض ومن عليها كاس ماتجيبو بي طائرة وطالما خلعت جلباب الوطنية ربنا يستر في مباراة القطن

[كابو]

اخي قد يختلف الاخوان ويتشاكسان لكن ذلك لا يغير النظرة الوطنية للكل فكلنا فداء لهذا الوطن العزيز الذي رضعنا وشربنا ونهلنا منه وله علينا حقا .
فاذا تباري الهلال او المريخ او غيرة خارجيا واجي علينا ان نقف ونشد من ازرة والا اصبحنا عديمي الوطنية

[كابو]

اخواني الاعزاء

كل انتصار خارجي هو انتصار للسودان

[مواطن ص]

الوطن وطنا وتب شبر منو ما بندي الا مراكب العدو من فوق دمانا تعدي
وسودلنا فوق الجميع
وبنحبو وبنموت في حبه
ومادايرين غيره
بس المريخ دا ما معانا
واقولها بالفم المليان
ما بنشجعو ما بنشجعو

[مواطن ص]

كاس بالطائر ما تجيبو[/QUOTE]
دا احسن من كاساتكم
والله مستغرب في زول بشجع المريخ
ياربي بكون مدرك فكرا

[كابو]

الاخوة المتداخلين علينا الالتزام بادب الحوار وبلوائح المنتدي وعدم اللجوء للمهاترات والاساء .

[acba77]

انت جبتو شان تقول احسن من كاساتنا لمن تجيب الواحد يادوب يتفاهم معاك

[acba77]

في آخر 11 لقاء للقمة فاز المريخ5 مرات.. وفاز الهلال مرتين فقط وانتهت 4 مباريات بالتعادل!

حتى في المباريات الأربع التي انتهت بالتعادل تقدم المريخ على الهلال بالتسجيل في مباراتين!
سجل المريخ في مرمى الهلال تسعة أهداف مقابل سبعة للهلال!
آخر مباراتين للقمة فاز فيهما المريخ على الهلال وهز شباكه بهدفين مقابل صفر كبير للهلال!

[بكور]

-- اخي بكور ليك حق ما تشوف لانو هلال زرقان ماعودك في المطار عند قدومة من الخارج بي اي كاس .طبيعي خالي الوفاض (صفر دولي) ومن المستحيل انك تستقبل المريخ في المطار وهو عايد من الخارج حتي لو كان مهزوم معزور اخي

رايك شنو فى جماهير المريخ ( الصفوة ) لمن ضربوا المشجع الهلالى لمن جاء عشان يستقبلكم وانتو جائين من الجزائر.
مبروك عليك المريخ ومبروك على المريخ انو عندو مشجع زيك

[بكور]

بكل صراحة اخر مرة غلبتا فى الدورى الممتاز قبل مباراة الخميس متين.......؟؟؟؟

[ودالريف]

بكل صراحة اخر مرة غلبتا فى الدورى الممتاز قبل مباراة الخميس متين.......؟؟؟؟

يابكوووور قال ليك فى اخر 11 مباراة
ماحدد ليك سواء كانت فى الممتاز او كاس السودان
او درع انقاذ؟؟؟
مصيبتكم انكم دايما مكابرين وماعندكم حاجة ؟
والله انا لو من مشجعى هلال زرقان لما اشتركت
فى موضوع مثل هذا؟
هاك طمبل ده