تعالوا نقول : عـفـــا الله عـمــــا سـلــــف

[ودالدرديري]

لنقف جميعاً مع أنفسنا لبرهة من الزمن
ونرى ماصار اليه الحال هنا وأين سيؤدي بنا هذا الطريق
انه يؤدي مع الاسف الى لاشيء
ونحن بالتأكيد لانرضى بأن يكون حصادنا من هذه العائلة الكبيرة عبارة اسمها لاشيء
لذلك خلونا نقعد في الدايمة دي ونتعاهد وننسى الخلافات ونقول عفا الله عما سلف

ونرجو ان يكون قد عفا الله عما سلف فعلاً لكي تعود لهذا البورد نضارته

يديكم العافية


ولييييييييييييييييي قدااااااااااااااااام















و................الباقي على الله

[موكب فرح]

لك التحية ود الدرديري علي ما دعوت به للم شمل الاخوة.

وفعلا الناس محتاجة تقعد الدايمة ويفكروا حبتين.

جزيت خيرا لدعوتك الاخوية الصادقة هذه

وتقبل مروري

اخوك موكب

[ابن الخطاب]

ياريت يا ود الدرديري عشان ما نفقد ناس بنحبهم وهم زي أخوانا
ودايما" بقول نعاين لي مصلحة المنتدى
ومصلحة المنتدى في رجوع الأعضاء ديل ولم الشمل

لك الشكر عزيزي ودالدرديري على المبادرة الطيبة

[ودالدرديري]

موكب فرح

ابن الخطاب

لكم الشكر والتجلة على المرور المعطر الحلو
اتعودنا انو الدنيا تجمع عشان تفرق وبرضو بتفرق عشان تجمع من جديد
واقسى فراق هو فراق الناس العزاز علينا والاحلى لما يعودو لينا تاني
وبين فراقهم وعودتهم بنعيش لحظات مُرة بقدر مكانتهم عندنا ومكانتنا عندهم
واثناء ذلك بتكون ذكرياتهم هي العزاء الوحيد لينا في غيابهم
ولما يعودو بتكتمل اللوحة وتتلون بآخر لون نهائي وجميل
ومنتدانا عبارة عن لوحة كبيرة ألوانها أعضاء وعضوات أعزاء وعزيزات
وعشان دموع الفراق ماتلخبط ألوان اللوحة بندعو الجميع للإتفاق على كلمة واحدة
عـفـــا الله عــمــــا سـلـــــف

وسنظل نرددها حتى يكتمل العقد الفريد مرة أخرى
وبطلب من كل البمرو بي جاي لو موافقين على الكلام دا يكتبو جملة واحدة بس
عـفـــا الله عــمــــا سـلـــــف
وبي كدا حنكون اتفقنا ياجماعة على فتح صفحة جديدة بيضاء ناصعة
نلونها بكل الوان الاخاء والتواصل والود والمحبة

يديكم العافية


ولييييييييييييييييييييي قدااااااااااااااااااااام













و..........................الباقي على الله

[sunni]

ياريت والله يا خلف،، ياريت الناس تكبر عقولها وتخت مصلحة المنتدى،، وتنسى المصلحة الشخصية

عفا الله عما سلف

[ودالدرديري]

السني

يديك ألف عافية وعافية زيادة
نحن عايزين منتدانا يحافظ على مكانتو الوصلناها بعد كل التعب التعبناه
لانو حرام الابداع والتوهج دا كلو ينطفي في لحظة

اها ياخوانا في انتظار جملة واحدة منكم : عفا الله عما سلف


عشان نمشي ليييييييييييييييييي قداااااااااااااااااااااااام












و.....................الباقي على الله

[sunni]

خلف،، أسمح لي أضيف لي كلامك حاجة،،،

كلمة (عفا الله عما سلف) عاوزينها قول وفعل وإحساس،، وإلا ح نكون منافقين في قولها قدام الناس،، ياريت الناس تفكر في تصفية القلوب،، مش في النطق

[احسان]

بصراحة انا من امس رافضة ارد على اى بوست من البوستات

عشان ما اتفهم اني بايد كلام الادارة وانى واقفة ضد حد فيهم

بس بشكرك يا الدرديري يا رائع على البوست الادانى فرصة انى اكتب

وياريت الجميع يفكر كويس والاعترف انو خلاص ما بيقدر يكتب ولا يشارك في انا سوداني

ممكن ينسحب ويخلى منظر انا سوداني زى ما هو رائع وجميل وبدون غيوم سوداء

ونتمنى من الكل يبطل نقاش والله كلام ماياا صح تعبنا خلاص من النقاش المابيودى لى فايدة

وصحى المنتدى دا بتاع منو مش حقنا انحنا ولازم نحافظ عليهو وما نشتغل بالخلافات الخاصة

مهما كان ومن هو السبب فيها لان دا بيتنا كلنا والاغتلاف بين الاهل ما بيخلينا نسيب البيت

ويلا يا حلووووووووين عفا الله عما سلف :079:

[فجر]

الرائع دوما ابو فجر لخصت كل الكلام فى جملتك دى وبالجد

عفا الله عما سلف

ودمت لنا دوما ايها الغالى

[عجوز حلوة]

اتمنى القلوب تصفي ويرجع المنتدي لحالته الطبيعيه والمتعودين عليها من اخوه وصداقه واشكرك العم ود
الدرديري ولك مني كل الاحترام
واخيرا
(عـــــــــــــــــفا الله عــــــــــــــــــما سلــــــــــــــــــــــــف)

[ودالدرديري]

الروائع دوماً :

احسان

فجر

عجوز حلوه

لكم الشكر جميعاً على الاحساس الجميل والتفاعل الأجمل
وفعلاً النفوس الطيبة مايجي منها إلا طيب
وكلامكم دا دلالة على ان المنتدى به قلوب بيضاء ونفوس صافية

تخريمة :
لفتة مسئولة وبارعة جداً منك يا عجوز حلوه حذف بوست الوداع
وأجمل حاجة عجبتني انو مكتوب في خانة سبب الحذف : بحب المنتدى
وصراحة الجملة دي وقفت فيها أكثر من نص ساعة وإتأكدت انو المنتدى بخير

ياخوانا كلنا بنحب المنتدى حقو نخت ايدينا في ايدين بعض ونحافظ على الحب دا
ونقول بصوت واحد : عفا الله عما سلف

يديكم العافية


وليييييييييييييييييييي قدااااااااااااااااااااام













و..................الباقي على الله

[عجوز حلوة]

الروائع دوماً :

احسان

فجر

عجوز حلوه

لكم الشكر جميعاً على الاحساس الجميل والتفاعل الأجمل
وفعلاً النفوس الطيبة مايجي منها إلا طيب
وكلامكم دا دلالة على ان المنتدى به قلوب بيضاء ونفوس صافية

تخريمة :
لفتة مسئولة وبارعة جداً منك يا عجوز حلوه حذف بوست الوداع
وأجمل حاجة عجبتني انو مكتوب في خانة سبب الحذف : بحب المنتدى
وصراحة الجملة دي وقفت فيها أكثر من نص ساعة وإتأكدت انو المنتدى بخير












و..................الباقي على الله

العم ودالدرديري انا حذفت البوست لاني ما قدرت افارق المنتدي ساعه وهو المنتدي الوحيد المشتركه فيه وحبيته كتير ولمن كتبت البوست كنت مضايقه ولمن مسحته ارتحت وشكرا على كلامك اللطيف....

[ودالدرديري]

وتتوالى المفاجئات والإندياحات المبدعة والسعيدة
عجوزحلوة تأكدي تماماً انو المنتدى وناس المنتدى بيحبوك أكتر وزيادة
وربنا يديم المحبة والاخوة الصادقة ويبعد عننا وعن منتدانا اولاد الحرام وبنات الحرامات

يللا ياشباب زي ماإنصدمنا ببوستات الوداع عايزين نتفاجأ بــ عفا الله عما سلف
منتظرين أحلى المفاجئات السعيدة من أحلى وأغلى ناس
بس أكتبوا الجملة دي فقط عشان نتصافى والجو يروق

يديكم العافية


ولييييييييييييييييييييي قداااااااااااااااااااام
















و.....................الباقي على الله

[sunni]

عجوز حلوة،، انا كنت مصر ما أشارك ولا أكتب أي حاجة في بوستات الوداع دي،، لأنه ما عاوز اربط إسمي بيها،، عشان كدة الكلمة الجميلة دي ما جاتني،، وخليني اسه اقيف وأصفق ليك

[align=center] [/align]

[نفسيات]

تسلم الرائع ود الدرديرى على البوست
وبصراحة دا منتدانا لو ما حافظنا عليه
منو اللى ح يحافظ عليه
ويا عجوزتنا الحلوة ربنا يخليك لينا وما عاوزين
نفقد واحد من الاسرة الجميلة دى
والقيتو هنا من طيبه وخوه صادقة ومحبة الاعضاء لبعض
ما ليقتو فى المنتديات اللى كنت مشترك فيها عشان كده
حبيت منتدى انا سودانى شديد وبقول انا سودانى لحدى ما اموت
وعفا الله عما سلف يا غالين

[عجوز حلوة]

عجوز حلوة،، انا كنت مصر ما أشارك ولا أكتب أي حاجة في بوستات الوداع دي،، لأنه ما عاوز اربط إسمي بيها،، عشان كدة الكلمة الجميلة دي ما جاتني،، وخليني اسه اقيف وأصفق ليك

[align=center] [/align]

تســـــــــلم يا عمنا السنـــــــي انا ما عارفه اقول ليك شنو بس بجد انا بوقف ليك وقفه احترام وتقدير وبعتبرك عم لينا كلنا

[عجوز حلوة]

تسلم الرائع ود الدرديرى على البوست
وبصراحة دا منتدانا لو ما حافظنا عليه
منو اللى ح يحافظ عليه
ويا عجوزتنا الحلوة ربنا يخليك لينا وما عاوزين
نفقد واحد من الاسرة الجميلة دى
والقيتو هنا من طيبه وخوه صادقة ومحبة الاعضاء لبعض
ما ليقتو فى المنتديات اللى كنت مشترك فيها عشان كده
حبيت منتدى انا سودانى شديد وبقول انا سودانى لحدى ما اموت
وعفا الله عما سلف يا غالين

تسلم يا اخ نفسيات ويديك العافيه وخليك للمنتدي البعزك كتير

[TETO]

في البداية اود ان اقول شكرا لك يا ود الدرديري على الجهد الي تبذله في اعاده الحياة السابقة للمنتدى

وما بقدر ازيد على كلام باقي الاعضاء الاعزاء غير اني اقول

عفا الله عما سلف

[Hoomy]

نرجو أن لايقلقنا هذا الموضوع أكثر من اللازم
فجميع أعضاء أنا سوداني تربوا في هذه المدرسة العملاقة
هذه المدرسة التي عنوانها - الصدق والاخاء والولاء
على ذلك فيمكننا أن نقول أن هذه السحابة الصيفية العابرة
فقط جاء لتظللننا فنرتاح قليلا ونواصل ابداعنا
هؤلاء الأعضاء الذين خرجوا هم تربية أنا سوداني وانا واثق من رجوعهم باذن الله
فقط هي استراحة لمراجعة بعض الدروس التي تحتاج لمراجعة
وسيواصلوا باذن الله لذلك أرجو ان لاننزعج
فقط كما قال الأخ ودالدرديري: عفا الله عما سلف لتكون عنواننا
ونواصل

[الاشيتر]

السلام عليكم ورحمة الله وبركاته

(عفا الله عما سلف ))

عفاء الله عما سلف ما اجملها جمله رددها السودانيين فى كل مجتمع وهي كلمة الصلح التى يتفق عليها جميع ابناء الوطن الواحد ، وبعدها مافي حاجه خلاص بيضاء زي اللبن ((وتعالوا ندفن الكلام ده فى الواطه )) دي كلها كلمات عندما تُقال تعني الصلح الكامل الشامل وتصفية النفوس من كل ضغينة او بغضاء او ماشابه ذلك .
عليه نرجو من الجميع الالتزام بها قولا وفعلاً ومعنى واؤكد ان كل انسان كتب هنا كان يعبر عن صدق القول والمشاعر تجاه هذا المنتدي الذي نتمنى جميعاً ان تكون روح الاخاء والفضل والصدق هو مايجمع اهله الطيبين .
نشكر الاخ سوني على هذا الموضوع الذى صفى به النفوس كما اسلفت .
عليه نرجو من الجميع ان يدخلوا هنا ويقولوا صافيه لبن وعفاء الله عما سلف
كما نرجو من الاخوات
بنت ازهري وسنت والاسبانيه
ان يدخلوا هنا ولارجعة الى الماضي ، وكل يعرف اين كان الخطاء ويعدل مساره بنفسه مادام هناك عفاء الله عما سلف .
وزي مابنقول الكلمة دي مافي زول بفوتها طب والبفوتها جد يكون كسر بخاطر الناس وده شي ما كويس عشان كدي نقول عشان خاطرنا ترجعوا
وصدقوني عفا الله عما سلف دي خلاص بعدها إلاّ الصلح الكلمة دي الناس بتعفي فيها حتى الدم وهي اصعب شىء عندنا في السودان بينهوا بيها مشاكل بين قبائل متحاربه بالسنيين
عشان كدي نقول كُلنا ياناس عفاء الله عما سلف

اخي جد انت انسان حكيم ووجدتُ للمشكل حلل لك التحيه والاحترام وقوفاً

رجاء : ايّ بوست كان بخصوص هذا المشكل الذى حصل ان يتم سحبه لأننا توصلنا الى الصلح بهذا البوست

عجوز حلوه : فعلاً عجوز حلوه وبهذه الحلاوه الطيبه كانت عودتك لنا وكيف تفوتينا ياعجوزنا الحلوه وتخلي خشمنا ملح ملح (هههه) لك التحيه على العوده وياسلام عليكي اصيله .

والسلام عليكم ورحمة الله وبركاته

الاشيتر اليوم مع عقارب الساعه اينما كانت قال الصلح واجب وهذا البوست هو محضر خير وفال خير .