حلمنتيشيات

[سحر محمد]

جانا العيد وقلت أدق عليك واسأل
رن الهاتف المحمول ..
ورد علي صوت قال آسف الرقم مشغول
وبعد شوية جاتني رسالة نصية ا س ام اس وفيها بقول:
صباح الخير صباح القشطة والمعمول
بعد شوية جاي زيارة ابارك العيد وجاية بتول
اووووب يا ناس جاية بتول ..بتول الشينة شناة الغول
وقلت خلاص اصبر واحتسب اجري
يا ريتها القعدة ما تطول وسرعة تزول
دخلت الغرفة استشور واخت مكياج
وقلت اسوي ليه مسكول
ودق علي سيد الناس تاج الراس
زولي المرهف الاحساس
سلام يا جكس اخبارك ؟؟؟مشتاقين
وكل سنة وجوز الحمام طيبين
ضاع الكلام مني ومت خلاص وقعت اقول
شوية شوية يا مهبول خفف كلامك المعسول
رد على سيد الناس كلام معسوول !!!!!!
ده مسودة او كشكول يعني حاجة عادية زي الفول
تعال في السطح يا محبوب
ندردش ونحكي ونشرب من يدك مشروب
مبالغة ياخ بنبالغ ولو شافونا ناس أمي ..
حاجة عادية بروبلم مافي قولي طلعت اشر التوب ..
قلت خلاص في العصرية نتلاقى ....
وبعد شوية دق الباب فتحت لقيته جدو محمد لابس شورط
وفوقها فنلة بالمقلوب مبالغة ياخ اكيد خرف ..
وطلع ورقة فيها رقم ودق يقول::
ويييين يا فردة مشتاقين
طولت الغيبة و مستنين.....
ومسكت الضحكة يا آميييييييين .....
شوف الراجل عمرو تجاوز السبعين
وبقول فردة اكيد قردة وطمعانة في قرشين
ده كله كوم والموبايل كوم تاني ان تسعين
وبعد شوية جاتنا بتول !!!!!!!!!!!!
لابسة التوتل المشغول......
كعب عالي وشايلة كمان يو اس بي ومعاها محمول
وقام جدو يصول ويجول ....
كبو عصير قدموا للضيوف معمول ..
واتاري الجكس حاجة بتول ..
دنيا غريبة وصدق من قال ::
القرد في عين اللي بحبوا غزال
وقبل المغرب بشوية
طلعت السطح شايلة هدية
لابسة اسبورت وجنز خطير وربطة بنفسجية
ولكن يا فرحة ماتمت وماتت بحزن وأسية
طلعت لقيت جوطة شديد شفع فركشوها لي
ونزلت في حالة نفسية .....
ومر العيد وما شفته وقلت خلاص أرجى عيد الضحية .....

انشاء الله تكون نالت اعجابكم .....
تحياتى

[فجر]

ود الدسوقى بتسال عنى غيابى وعن سكاتى وعن سبب غتساتى
سكاتى ما كان على الفاضى كنت بافتش واتامل فى الدنيا الغريبه وجيتكم وجايبه
ليكم شمارها صدقونى حتسمعو العجب وما تتكلموا اسمعو واستغفرو:D


عارفيــــــــــــــــــــــن

الدنيا أديكم شــــــــــــــمارا
بقت دوارة
مشقلب حالا
كمان غدارة ..
الأستاذ شايل صفارة
الدكتور بي شمالو
ساق الطيارة
وباليمين
غازي السيجارة ..
يا خسارة ..!
والسفارة
الفي العمارة ..!
والعوارة
تجيب الجزمة ..
من العطارة
وللكتب تغشى
الجزارة
والحضارة
يا سيد مرارة
انك تعاين وبي حقارة
الخازوق تكون فوق
للحمارة
وفي الحمير
الابسة نضارة
والحب ..
الأصبح تجارة ..
ولوالدنيا شترتك بي
حجارا
عليك الله ما تزعل
دي حاجة بسيطة
من هزارا
و الدنيا
يا سيد مرارة
أصلو ما بتديك اقامة
كفاية عليك
فيزة زيارة
يازول كفــــــــــاك
شتت سريع
قبل ما يبقى فيك
الحصل
للخشب جوة النجارة
حسبا بالعقل
ما بالتجارة

ولود الدسوقى ووايا سلام مربع
وبي حرارة


عرفتو انا كنت غاتسه وين وليه؟؟؟!:D

[سحر محمد]

قالو زهجانه واظنك
ما عرفتي سؤالي عنك
يا اللذيذة الكلكي جنك
عايز اكون انا ابقي منك
اي حاجه قريبه منك
تبقي طربيزه ابقي كرسي
تبقي راكب ابقي تكسي
بيكي اسافر لام دقرسي
وتبقي حافله ابقي بوكسي
وياسلام لو ابقي ببسي
تشربيني
تقرطعيني
تدفقيني
وما مهم
هي قرطعيني
بس مهم شوفت عيونك ابقي اي حاجة قريبه منك
تبقي وردي ابقي ترباس
تبقي سانتو ابقي كدباس
تبقي بنكي ابقي حراس
تبقي برعي ابقي عباس
تبقي اوبرا ابقي ترباس
ابقي غرقان تبقي رفاس
رفسيني
وفتشيني
وغرقيني
وفنجطيني
وماهم
هي رفسيني
بس مهم شوفت عيونك وابقي اي حاجه قريبه منك
تبقي فالق ابقي مفلوق
تبقي كسره ابقي طايوق
تبقي منفوخ ابقي مطفوق
تبقي ويكه ابقي لايوق
تبقي شناق ابقي مشنوق
تبقي حراق ابقي محروق
وياسلام لو تبقي خازوق
مقلبيني
وزهجيني
وعكريني
ومامهم
هي مقلبيني
بس مهم شوفت عيونك وابقي اي حاجه قريبه منك
تبقي حيطه ابقي طوبه
تبقي روسيا ابقي كوبا
تبقي جمباظ ابقي هوبا
تبقي غنمايه ابقي لوبه
تبقي فاطمه ابقي زوبه
ابقي راس هي تبقي قوبه
الميني
وعوريني
وبشتنيني
وزهجيني
ومامهم
هي عوريني
بس مهم شوفت عيونك وابقي اي حاجه قريبه منك
تبقي سكر ابقي ضبان
تبقي بوليس ابقي بمبان
تبقي كبده ابقي مصران
تبقي شيته ابقي طرزان
ابقي حفله وتبقي سكران
فرتقيني
وجهجهيني
وبهدليني
ومامهم
هي فرتقيني
بس مهم شوفت عيونك وابقي اي حاجه قريبه منك
قالو زعلانه واظنك
قالو قرفانه واظنك
ماكي عارفه سؤالي عنك
يااااااااااااا اللزيزه الكلكي جنك
عايز اكون انا ابقي منك اي حاجه قريبه منك
أبقى أختك أبقى أمك
أبقى ليك فستان يضمك
أببقى مقعد فيه تقعدى
ةقلبى مسند ليك جنبك
واحدة من أنغام جميلة تدندنيها
أو مجلة بتقرآ فيها
أو حفيرة صغيرة
لما تكنسى تدفينها
أدفنينى
ما مامهم لو تدفنينى
بس مهم شوفة عيونك وابقى حاجة قريبة منك
أبقى مصحف وتبقى تالى
تبقى لوءلو وأبقى غواصة
تفتش فى اللاالى
وابقى حب اللب تسالى وتكسرينى
مامهم لو تكسرينى بس
مهم المس سنونك وابقى حاجة قريبة منك
تبقى كعبة وابقى طايف ولجمالك ابقى شاف
تبقى مقلة وابقى سيلاً دمعو جارف
وتمسحينى ما مهم لو تمسحينى
بس مهم شوفت عيونك وابقى حاجة قريبة منك
ابقى شكلة وتبقى حجاز
ابقى لمبة وتبقى لى جاز
تبقى فينى وتحرقينى
اي حاجه قريبه منك

[سحر محمد]

والله انتى جميله جدددددددا يا ربى والله الرد على ود الدسوقي والكلامك خلتنى اضحك من اعماقى يديكى العافيه يا احلى واجمل فجر تقبلى تحياتى

[فجر]

والله انتى جميله جدددددددا يا ربى والله الرد على ود الدسوقي والكلامك خلتنى اضحك من اعماقى يديكى العافيه يا احلى واجمل فجر تقبلى تحياتى

سحوره خجلتينا وما كنا عارفين اننا حلوين
لكن هسه عرفنا ومررررره مبسوطين:D
وكل شويه حنجيك ناطين
يا إنت يا انحنا القاعدين
تسلمي سحوره ودايما ما منقطعين

[كجووول]

الشكر ليك يا حبة لدعوتك الجميلة
وانشاء الله انا معاك معاك يعني لصقة
وهاك التانية

الناس طلعت القمر ونزلت
وتاني طلعت القمر
وهنا كان ركبت بص ..... يمسكك وجع ضهر
دا غير تصل وسخان ومغبر وريحتك صقر صقر
هناك السجاير الكبير عند القفير
وهنا البرنجي هاك يا وزير
حقو نقوم نشخبطة ونلخبتة
رايكم شنو نشخبطة
نجيب دستة المانيات نجكسن
ونعرس ونجيب دكتور الخرطوم ينفسن
يا كل واحدة جابت تيمان
يا طلقناهن ذي بقيت النسوان
تاني نشخبطة ونلخبتة
نجيب ستة من السويد نوديهم المسيد
ونشل الف من ناس المسيد نوديهم السويد
يا كل واحد من ناس السويد غير اسمو لطاهر وعبيد
يا كل واحد من ناس المسيد طالب باصرار شديد
لاعادة حقوق الانسان من جديد
نشخبطة اي نلخبتة برضو اي
نجيب سبعة من امريكا نوديهم القطينة
يا كرهو وسبو لينا
يا كمان امنو وصلو بينا
يا عشونا جداد يا فطرناهم سخينا
يا قامو اتقلبو علينا
وكيف رايكم نشخبطة ونلخبتة

كجووووووووووووول

[ودالدسـوقي]

ود الدسوقى بتسال عنى غيابى وعن سكاتى وعن سبب غتساتى
سكاتى ما كان على الفاضى كنت بافتش واتامل فى الدنيا الغريبه وجيتكم وجايبه
ليكم شمارها صدقونى حتسمعو العجب وما تتكلموا اسمعو واستغفرو:D


عارفيــــــــــــــــــــــن

الدنيا أديكم شــــــــــــــمارا
بقت دوارة
مشقلب حالا
كمان غدارة ..
الأستاذ شايل صفارة
الدكتور بي شمالو
ساق الطيارة
وباليمين
غازي السيجارة ..
يا خسارة ..!
والسفارة
الفي العمارة ..!
والعوارة
تجيب الجزمة ..
من العطارة
وللكتب تغشى
الجزارة
والحضارة
يا سيد مرارة
انك تعاين وبي حقارة
الخازوق تكون فوق
للحمارة
وفي الحمير
الابسة نضارة
والحب ..
الأصبح تجارة ..
ولوالدنيا شترتك بي
حجارا
عليك الله ما تزعل
دي حاجة بسيطة
من هزارا
و الدنيا
يا سيد مرارة
أصلو ما بتديك اقامة
كفاية عليك
فيزة زيارة
يازول كفــــــــــاك
شتت سريع
قبل ما يبقى فيك
الحصل
للخشب جوة النجارة
حسبا بالعقل
ما بالتجارة

ولود الدسوقى ووايا سلام مربع
وبي حرارة


عرفتو انا كنت غاتسه وين وليه؟؟؟!:D

لمـا قريت القصـيده اتذكرته المقوله الشهـيرة لعلماء الاجتماع
بانو الانسان مهما كان لايؤثـر علـي المجـتمع ... ولكـن المجتمع
مهما كـان خمجـان سجمان مجـنان لازم يـؤثـرعلي الانسـان
وعـيادة المجانين بتاعـتك انا شـايف بعـد ده احسن تقفليهـا وتشـوفي
لـيك رقـشــة تسـوقيـها ـ.ـ.ـ
امـا عـن تاثـير الكومبيوترات علي المجتمعات هـو تاثـير فـورمـاتي ياتي
علي حسب الامراض التي تفاجئنا من عام لاخـر واصبحت امراض مابعد
الملانيم لاتحـتاج لكفأءات طـبية عـاليه بقدرما تحـتاج الي فورمات وباك أب
وكما فوجـئنا في السـنوات الماضية بانفلونزا الطـيور .. وجـنون البقـر ..
وان كنت اتوقع بان بواسـير السـمك هي المرض القادم فاصبحت الامراض
خارج المناهـج الطـبيه يعني مافي المقـرر عشـان كده الرقشـة واجـبه ..

بالعربي كده الطـب ذاتـو بقي شغلانية مامضمونه ويمكن
Delete في اي وكت

امـا عـن الشعـر فقـد دخـل مجـال الكومبيوتر ولكي هـذه القصيد باهـداء خاص.


ليــه يبقا بيناتنــــــــا الزعـــــــــل *** ما كنا أحلى من العســــــــــــــــــــل
احساسنا مربوط من زمــــــان *** بي (داتا كيبــــل) متصـــــــــــــــــــــــل
والكلمة (ويرلس) والعيـــــــون *** ب(الانفــــــــــرا رد) تتصــــــــــــــــــل
***
ما كنــــــت متخيـــــــل أكــــــــون *** في يوم مطــــــارد بال(هاكــــــر)
خشيتــــــــي رغــم انو القليــــــب *** (باسويردو) أقــــــوى من الحجـــــر
نزلتي (فايل) كــــــان غـــــــريب *** والفيهو كـــــــــان (سيســــتم إرور)
لو حتى (نورتون) ما ســـــــــــأل *** يمكن يكــــــــون (فايروس) خطـــــر
ما بنســـى يوم (فرمطتي) لـــــي *** احساســــــــي في لمح البصــــــــــــر
و(سطبتي) في جـــــواي هــــواك *** (إي اكس إي) ويــــــــن المفـــــــــــر

وعـشان اثـبت ليك انو الطـب بقي في كف عفـريت



شوكة الحوت
لدكتور الرضي


القصة إنو شاعر القصيدة دي كان طالب طب
و كان بياكل في سمك في الداخلية و وقفت ليهو شوكة
في حلقو.. فأخدوه أصحابو للمستشفي.. فقابلتو دكتورة بتتمرن و
قالت ليهو أمشي لدكتور ENT
بتاع أنف و أذن و حنجرة..

فقبل ما يفوت منها نزلت الشوكة.. فقال


أمام حضرة عيونك ديل
و رموشك السوداء زي الليل
كتمت اللهفة و الآهات
بلعت الويل
أمامك سيدة البنوت
كتمت شعوري و الإحساس
و كيف تغلبني شوكة الحوت

و لمن صوتك الرنان
تفجر في ضلوعي حنان
شعرت بضجة في قلبي
و في عيني بالزوغان
وشفت عليك مليون لون
عملت
release
أخمخم جين وكم هرمون
.....
و نزلت مني شوكة الحوت
و فضلت شوكة في قلبي
ولا بتعدي لا بتفوت
نشوف دكتور بتاع إضنين و
ENT؟؟
منو الدكتور؟
دا ما إنتي
عشان قدامي لو بنتي
بنور عينيك
و لون الورد في خديك
و خصلات شعرك الإتوسدوا لكتفيك
تزيلي شقاي و آلامي
وييييين دكتور بتاع إضنين و
ENT؟؟
بدون ما يلمس العيان
بدون مشرط ولا
forcep
بدون قوة و بدون جبروت
ينزل مني شوكة ؟؟
و ديل واحدين يلوموني
يقولوا لي بتبالغ
و ديل و الله ما شافوك
و هم و الله لو شافوك
أكيد قدامك الواحد
بيبلع ليهو غرزة شوك



التحتها خط ما عرفتها
forcep:
نوع من مقصات الجراحة




ام عـن لهلوبه ooopsss اقصـد سـحــر
شايفكم اتفقـتو سـريع..انتن يالنسـوان بس متمعـن ليكن
بي طرف شمـار


لهلوبه

هذه القصيده للمتجكم العلفي

يا ام ريداً شعل في جسمي لهلوبه
انا المعيوس دوام كسره
وفارد ضلعي راكوبه
انا المفروم اكيد كفته
وجنبك قالب الهوبه
اشيل احزاني واتوجع
واعاين ليك بعيني الدوام تدمع
اجيب الفانته
ما تنفع
اقدم كولا
ما تنفع
اعزمك سينما
ما تنفع
الف في القهوه واتمرصع
وارقص جيركي واتوقع
والبس ليكي شارلستون
وقمصان قوس قزح مليون
انا المخروط انا المغبون
انوم فالق اقوم مفلوق
انوم منفوخ اقوم مطفوق
انا المتروك بدون احباب
وانا المشنوق في حلق الباب
وانا المارق من المولد بدون حمص
وانا الامسخ من الترمس
وانا الرامني في الكوشه
وانا العفصتني نعنوشه
وانا الضاربني نوك اوت
وكل اسناني مدشوشه
وحي لو حي تفيد ملكوم
لو بترجع اللكوم
ولو بتروح الدوشه
كنت اقوم واقول ا حي
هه.. كنت احوم واصول ا حي
كنت انوم واقول ا حي
كنت اعوم واقول ا حي
هه كنت اصوم واقول ا حي
كتلتني الجضوم وآآآآآآآآآه ا حي
وحي وا حي وحي واحي
انا اللاعب وفاقد اتوه
ودايماً وارمي في البوشه
انا الكاتلاني حنتوشه
وانا الشارني في الكوشه
انا الشارني في الكوشه

عايز اكون



توقيع اليـوم






..

[فجر]

ود الدسوقى انا لما جيت البوست جيتكم زايره بس انت بتضطرنى اكتب
وكومان تقول لى خلى الطب وشوف ليكى ركشه طيب اسمع ياسيدى

غصيدة " ركشة الهوى السعران "

لمن جيتك
رميت ازمة البنزين وراي
امتطيت ركشة الهوى السعران
وكنت براي
بغازل في صف الرغيف
وانشتل في الطريق حفرة
يا زمني الضعيف
وغنماية الزمن الرهاب
دخلت مدارس الانجليز
وفتحت كتاب
اسمو الضهب انت السبب
يا ازمة مصانع الدقيق
زمنا كعب
كعب طويل زي عواميد الكهربة
زمنا يخلى ود الدسوقى يقول لى خلى الدكتره
تسكن براك في دنقلا
وحللك ديمة مكربة

[فجر]

وكمان احكى ليكم يا شباب حكايه ود الدسوقى فى سوق الغرام
ماتتكلمن ولا تعلقن عاينن بس واسمعن

سوق الغرام

صاحبنا ودالدسوقى كان ماشي السوق قاشر..جمعت الصُدفة بوحدة اسمها لهلوووووبه اقصد ...:D و لسوء الحظ، صاحبتنا ما كانت هاضماهو، و دخلو في مناقرة... الله وحده بيعلم نهايتها !!!

لقاها يوم في سوق الغرام..
أخونا كان قاشر تمام..
شاكي القميص و كارب الحزام، و الجزمة بتلمع في الظلام..
لابسة اسكيرت و البلوزة...حاجة لخبطت النظام..
أخونا ما بكّاي خلاص، طوالي قام رصّ الكلام..
" هووووي يا بنية، حبيني أوعك تابي ريدي
أنا الناعم زي الفينو..انا الطاعم زي الفتة
ما تبقي مسيخة زي الفتة...أخير ترضي و تريديني"
*أريدك أنا يا عولاك يا عرة يا شحات
يا عرة يا العنقرته مسلولة لبرّه و خشمه مارق لبرّه؟
أريدك أنا يا الكل ما أعاين ليك مورم خشمك بالسفة
و في الكَم مرة شفتك بس تجيني الدوخة و اللفة...أريدك أنا؟؟*
" هوووي استني يا مفجوخة النخرة، غبارك وراكي رابط تقول الزولة دبابة!
* أريدك؟ يا سلامة الريدة..ريدة التابه و اليابه، هوي يا أبو راس تقول كورة يا أبو شلوفة مبهولة، يا كبكاب يا ريّال، يا أبو نخرة أتقول ماسورة*
*تريدني أنا السمّوني أمورة، أريدك انت الدايش الملخوم بأكل الدوم تقول دلدوم!
"شناتك شلتي مني النوم يا أبو قدوم، خلاص سِبتك يا جربانة يا الماسكاكي كاروشة يا الجزمة الخلاص كملت، قامو رموكي في الكوشة، يا الطوالي حبوبتك مكملة فيكي برطوشا!
الكان زمان أمك تغمض عشان تشيل بوسة..يا مربوشة يا أوضة وقع حوشا!
"أنا...أنا الطاعم زي الكفتة أنا الناعم زي الفينو

[waya]

سوسو ..

سوسو حنكوشة فريقنا بالتحنكش سالة روحنا مجننانا
كلامها بس ايقاع كمنجة
في غالب المرات رطانة
قولة اه اي تجنن
التقول بس اسطوانة
الله جابها لسانها سكر
التقول بس برتكانة
سوسو اكلها بجي معلب من فرنسا وبتسوانا
مرت سمعت بالكوارع
جاتا صرعة جننت كل المعانا
شالوها في شبحا يتلتل
وبعدما كشفت وفحصت
جرينا تووف للصيدلية
قالو سوسو علاجها ما في الاجزخانة
علاجها بيتزا عصير مشكل
الله يا سوسو العجيبة نحن لو عايزين علاجك
نبيع نفسنا وناس فلانة
اما بيتهم لقطة سكر
بشتن الناس المعانا
برت جمب الباب في منقة
وخطوة منها سيسبانا
لو ضغطت علي الجرس
النجف جوة بيضوي
ومن خلال ضوه البلالي
الباب بيفتح في رزانة
خطوة في الهول بي رجولك
جوة صوت مزيكا يضوي
زي يقول ليك ويلكمانا
ولما تغطس جوة في الكرسي تقعد
العصير يجيك براهو
شايلا تربيزة بتقول ليك
لتفضل اشرب ويلا فرتق
انت ياخ ما مستوانا
سوسو حماماتها ساونا ونحن بالكاروشة ندعك وا شقانا
هم بياكلوا البيتزا
ونحن نضرب بوش مصلح
فيهو شطة ملهلبانا
هم بصيفوا في الملايو
ونحن نحلم بس نصيف
في الدبيبة وود عشانا
ان شاء الله ياسوسو التحنكش يسري منك في دمانا
عشان نقول اي اه نجنن
ويبقي مرة الحظ طرانا

[سحر محمد]

وهاك دى زيادة

عايز اكون منك قريب أى
حاجة قريبة منك
أبقى أختك أبقى أمك
أبقى ليك فستان يضمك
أببقى مقعد فيه تقعدى
ةقلبى مسند ليك جنبك
واحدة من أنغام جميلة تدندنيها
أو مجلة بتقرآ فيها
أو حفيرة صغيرة
لما تكنسى تدفينها
أدفنينى
ما مامهم لو تدفنينى
بس مهم شوفة عيونك وابقى حاجة قريبة منك
أبقى مصحف وتبقى تالى
تبقى لوءلو وأبقى غواصة
تفتش فى اللاالى
وابقى حب اللب تسالى وتكسرينى
مامهم لو تكسرينى بس
مهم المس سنونك وابقى حاجة قريبة منك
تبقى كعبة وابقى طايبقى جنة ولجمالك ابقى شاف
تبقى مقلة وابقى سيلا دمعو جارف
وتمسحينى ما مهم لو تمسحينى
بس مهم شوفت عيونك وابقى حاجة قريبة منك
ابقى شكلة وتبقى حجاز
ابقى لمبة وتبقى لى جاز
تبقى فينى وتحرقينى

[waya]

يالحبي ليكم ذاد أنا شاكي من حرمانكم
رضيان أكون حرجل تبيعوني في دكانكم
أنا من كترة الشوق حبيت كلب جيرانكم
ياللذيذة الكلكي جنك داير أكون أنا أبقي منك أي حاجة قريبة منك

تبقي أوضه أبقي بابه .. تبقي وكالة أبقي بوابه
تبقي شتله أبقي تيرابه .. تبقي مويه أبقي شرابه
وترويني ومامهم .. بس المهم شوفة عيونك

تبقي بوسنه أبقي صربك .. تبقي رواحة أبقي دربك
تبقي دلوعة أبقي خاربك .. تبقي بكايه وأبقي ضاربك
وتشتكيني .. ومامهم !!؟

تبقي شعر أبقي خصله .. تبقي بوتجاز أبقي وصله
تبقي سكين أبقي نصله .. تبقي حلة وأبقي بصله
وتطبخيني .. ومامهم !!؟

تبقي كرتون ابقي خربوش .. تبقي علاقة أبقي شاكوش
تبقي رأس أبقي طربوش .. تبقي صدام أبقي بوش
وتشتميني .. ومامهم !!؟

تبقي جزار أبقي ساطور .. تبقي شايقي وأبقي طمبور
تبقي كورة وأبقي جمهور .. تبقي سودان وأبقي دارفور
وتمرديني .. ومامهم !!؟

تبقي صابون أبقي خيشه .. تبقي حلق أبقي غويشه
تبقي طحنية أبقي عيشه .. تبقي طروادة أبقي جيشه
تبقي كهربا أبقي فيشه .. وتكهربيني .. ومامهم !!؟

تبقي حافلة أبقي بص .. تبقي ملح أبقي فص
تبقي واحد أبقي نص .. تبقي جوهرة أبقي لص
وتحندقيني .. ومامهم !!؟

تبقي محسن أبقي مامون .. تبقي موسي أبقي هارون
تبقي حشاش أبقي غليون .. تبقي جاز وأبقي جالون
تبقي حنان وأبقي حنون .. تبقي عاقل وأبقي مجنون
وتجننيني .. ومامهم !!؟

تبقي أمم أبقي عنان .. تبقي ياسر أبقي عرمان
تبقي سفه أبقي خرمان .. تبقي حفلة أبقي فنان
تبقي شينة وأبقي شنان .. وتجكسيني وما مهم

بس المهم شوفه عيونك ياللذيذة الكلكي جنك داير أكون انا أبقي منك اي حاجة قريبة منك

تأليف قديم لأخوكم waya

[ودالدسـوقي]

ود الدسوقى انا لما جيت البوست جيتكم زايره بس انت بتضطرنى اكتب
وكومان تقول لى خلى الطب وشوف ليكى ركشه طيب اسمع ياسيدى

..................................
................................


زمنا يخلى ود الدسوقى يقول لى خلى الدكتره

زي ماقال المـثل قـلبي عـلي البنيه
وقـلب البـنيـة عـلي الشهـادات


حـلـيل زمـانك يـاحـبـوبتي السـره بت ابوسـكين

المهـم دي بـدون تعـليق



جات الإمتحانات و رجفت
و من بحر الندامه غرفت

لعنت الريده و الرايدات
و قلت بلاش يقرو بنات
ماهن حاجة ما عارفات
غير الشاهي و الشربات

يا قانون زمانك فات
و جن يقرنك الحرمات
لو كان بقن عاقلات
يقعدن يعوسن الدوكات

شوف جنس الزمن شن جاب
و قالت بدرس الآداب
فوق للركبه شايله خطاب
ويمكن يسقطو القرقاب

الفي الهندسة مشاكلانا
شايله المسطره و فالقانا
في المطبخ طبيعي مكانا
شان تقعد تسوي غدانا

المطرود انا و محروم
و أصحابنا معاي بالكوم
خليناه للحروم
و بشتنن إقتصاد و علوم

الفي الطب مبشتن حاله
كيف تكشف على الرجاله
سته سنين قرايه بقاله
و العجب العرس في باله

عاين للصيدله الممكونه
في كيمان حريم مدفونه
أحسن واحده فيها سكونه
أما عن العقاب أعفونا

عاين الجات تهز في ضراعه
قالت دايره اقرأ زراعه
حرتت و تيربت بسراعه
سوت في بلدنا مجاعه

عاد يا خواني واقعه حكيه
في البت البقت بطريه
حلف التور طلاق بالميه
ما تكشف عليه بنيه

مفارق جاتني كم كيسوره
الله يخت عليكم بوره
لا تلقوا العرس بالكوره
بعد الطرده كيف الشوره










توقــيع اليــوم


.

[ودالدسـوقي]

أنا من كترة الشوق حبيت كلب جيرانكم
ياللذيذة الكلكي جنك داير أكون أنا أبقي منك أي حاجة قريبة منك

تأليف قديم لأخوكم waya

كـمـاااااان كـلب جـيرانهـم
في دي بالذات انـا بـره
تحـب كلب جـيرانهـم ... تحـب كديسة جيرانهم ...
تحـب زي ماانت عـاوز انا ماعـندي اي دخـل

ماكنته واقـع نـبذ في الحـناكـيش انـا بلمع في المطـوه
وراجـيك تبدأ الاشـتباك .
تجـي تقـول لي كلب جـيرانهـم
وابقـي تســالي وتقـرشــيني


ياود انت معانا ولا معاهـم


انا غـايتـو في معـركة الحناكـيش دي معاك
لكـين تبقي حلق أبقي غويشه
لالالالالا انت ياwaya مااضـنك تجـيبها البر

وسـاظـل عـدوآ للحـناكـش حتي لو خـليتوني براي


تحفة فنية للشاعر الرائع ( د. محمد بادي )

وهي قصيدة يخاطب فيها
أحد الحناكيش
ويورد فيها
طرفا من روائع
التراث السوداني الأصيل
حيث يقول:



هوى يا وليد يا دلوعة يا مرنوعة
أعدل إيدك المفدوعةواتلحلح
واقيف دغرى وواس صدرك
مع صدرى واتشدّع

ليك الحق ..........!!!!
شان ولدوك فوق اسفنج
وحتى أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك
بعد مازدتا فوق سنتين
وفى سن عشرة نومك كان على الليدين
غطاك بالشاش وفرشك بيحرير الصين
والبتدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين

وليك الحق...........!!!!!!!!!!
عشان ما خضتا فى وحل المطر والطين
ومن الترعة ما سويت شراب الهين
وما قيلتا فى ضل دومة بى فرعين
وما شاققتا عرق النيل مع الوزين

وليك الحق........!!!!!
عشان ادمنتا عيشة اللين
مشي الاسفلت ما جربتو بالكرعين
ركوب اللورى فى شمساً تصر العين
وما عانيت وقوف الصف وراء التموين
عشان يا انتى ما بتدرى سجل ابواتك البدرى

دحين اسمع .. أقيف واسمع
سماك الباكى مجدو الزال
يا ما كانوا تحتوا رجال
ابوخنجر وابوشوتال
والصقر البجيك خوجال
صوتن كان يمين جلجال
ومكسيين كمال وجلال
لكن الزمن اسرع
سيفن بلحس الفقره
وما كان برضو بالحقرة
وكانوا بضبحوا الشقره
وكانوا بضوقو العادوه نوم الكوع
وكانوا بموتوا فى شان حرمة المفزوع

الجعلى اب شرابا حار وقالوا بعدى يومو خنق
والشايقى البياكل النار وفوقو نحاسو متخنق
ودرفون البجا الصقار وحاقب سيفوا ياكل الشق
والغرباوى عينو شرار وكضب القالوا عندو عرق
والنيلى البعرفوا كتار على كتل الأسود جرّق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع

هوى يا وليد
حصل جربتا كب السارية
فى القلعة وخلا العتمور
وشفتا بروقه تترقص وتتحرقص
تقول مطويه فى قرقور
وعاوى الزيفة ينفخ
فى جبال النقعة زى الصور
والحصحاص يجرفوا السيل
يكنسوا على مهاوى الخور
وقلب الصاقعة يتطرقش
يكب النار دمار وشرور
وشفتا الحال عرق مقلوع
جبل متروم فرع مكسور
جمال غرقانة بى حالا
وحد المويه فى الغرغور
ود ابن ادم المسكين
نجاتو تحت قرون التور
والعوتيب يجيك يجرى
يشيلك وانتى ما بتدرى
وما بيرفع

هوى يا وليد ...
حصل سادرتا بالديداب
وقدامك مراحك وراكب الخباب
ودربك طولوا يملا العين
سحاب وغبار ومويتو سراب
وهوى كرباجك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقييل من ضحاها
على المعالى ونسمة الهباب
وتفرش ليك حزمة نال تحت
سيالة تريانة فروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاص
أو رعدا تقول رصاص وكت فركع

هوى يا وليد ...
حصل صحاك عز الهجعة
صوت شتماً بعيد مخنوق
وجاتك شخرة الطنبارى
مشتاقاً يسوى القوق
ونومك طار واتقسم
والرشرش صبح مفروق
واتلفحت نص من توبك الجرجار
على الدلوكة سايق سوق
وتلقى هناك بنات بلدك ولاد بلدك
يعلو الصفقة تقدح فى القلوب الشوق
ونغم الفال ابشرن يا بنات بالخير
والجنيات تطير لا فوق
وكم زغرودة تتفجر
تفور بالناس بعد ما تروق
يعوم الوز صدورو تشابى
للمجهول وما بتضوق
تميل زينوبة زى البان
يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس
عشان زينوبة ما بتحوق
وعاد تتحزم الجنيات
وتتنظم تقيف في روق
وكل واحد يهز ضرعاتو
والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين وما مشرية من السوق
ويتقدم عريس السمحة رافع صوتو
كان بسوقوا بيهو النوق
والعنجاوى ينزل فوق ضهورن
بس تقول منشحطة فيهو بروق
يبدا مجرو بالترقوة ويتحدر
مع الضلع القصار ملصوق
واحمر عين يشم الدم بعد ما يرش بنات
عمو ويزيدن شوق
وثابت حيطة لا بتهز ولا بتلز
وصارى جبينو كلو عروق
وقال بعد العقد طلقانة ما يحجزوهو
إلا يخلو ضهروا شقوق
هناك الحال مغير جد
وهيجة الناس تفوت الحد
وكان حجازو مد الليد بتسمع كع

هوى يا وليد ...
حصل شارفت دغشا بدرى
فوق حجرة مخانق النيل
فى سنة تساب والشرقي
حزم القيف وطفح الكيل
وشوفتا الهيبة فوق اسيادا
والشخرى البكتل الحيل
وشفتا الجارى يحفر
فى جروف كوكبنا
بس داير يشقو عديل
يجيك بي صدرو متحزم
ومتلقف صفوف فى صفوف
يحاكى الخيل
ومويتو الهايجة تبلع جب
وتجقم فى مدالق السيل
وفوق الرملة مشرور
العشارى طويل
معشعش بين نوايبو الطير
حليلو جزايرو جاها النيل
وحالف ما يخلى شبير
حزم اطرافا يكسر فيها
بالهدام وينحر فيها بالقرقير
وبكرة يموصها يشرب طينها
يزرع فيها شلالات هدير وهدير
وتكسح مركب النواتة عايمى
على قرون الموج جناحها كسير
رواسيها مالى اصابعوا فى المجداف
يقوم لافوق ويجى من تانى فوق الدفة
رافع ايدو ينده فى جملة الصلاح واهل الخير
هناك الموت يمين شافوهو شوف العين
ومافى شفيع ومافى مجير
تقول الزول يعرف اجلو
ومكان موتو لولا إنو
ما كشفو الإله لى غير

شن فضل بلا الغرق البدور ناعى
وفعلا كانوا يا هو مصير
ومشيت المركب الغرقاني بين موجتين
طفروا منها النواتا بطن اللجّة قالوا اخير
تماسيحاً يقالدوا الموج يصارعوا
عتاوة العرق الكتالو مرير
ساعة يعومو بالضرعات وساعة فج
صدورن ضمة مااتبلت ولو قطير
ديل يا وليد ولاد النيل
رضو الهيجة من صدروا
ومن الطيبة رضعوا كتير
الواحد فعايلو كتر ونضمو دقاق
نهرتوا يمين تسوى الفاق
ومراً أصلاً لا ضاقوه لا بنضاق
كفاك يا وليد بلاش فاقة
خلاص أنا تهتا فى الاشواق وما برجع
وهسع ضمة لا شايفك ولا بسمع .













توقــيع اليــوم


.

[توتة البنوتة]

سلام عليكم أنا واعوز بالله من كلمه أنا بحب الشعر الحلمنتيشي وفتشت النت كله عشان القى شي حلو في النهايه سالت صديقه وصفت لي منتدى سوداني انا وخصت بالوصف ود الدسوقي وwayaانا قلت اكيد زي بقيه الشعراء بس بعد ما قريت البتكتبوه فعلا اعجبت بالكتابات وطبعتها
انا بحاول اكتب شعر بس ما عندي حد يقرا ويديني رايه والعندو وقت يقرا ويديني رايه انابديه البكتبه مع انو شويه بلييييييييييييييييييييييييييييييييييييييييييييييييييييييييييييييييييييز سعدوني
ويديكم الله الف الف الف عافيه

[ودالدسـوقي]

.

الأسـد
ان وقـع كـتر البتابت عـيب
ليس هـناك خطأ مطـبعي .. فاسـتبدال الصقر بالاسـد تحتمه
ظـروف واقعـية اوبالاحري تحـيلية تسـبق ماساكـتبه لاحـقا

بعـد هـذه القصـيده


سيد بشبش
شعر: عصام السنوسي

سيد بشبش سيد بشبش
عامل حازم وسيفه بيرقش
أمره بيمشي وكفه بيطرش
وعينه الحارة في يوم ما بترمش
عند المكتب رسمي بيغضب
جوة البيت يرفس ويضرب
وسط أصحابه بيرقص ويلعب
راجل نكتة وصاحب مقلب
وآخر الليل يقابض ويهبش
سيد بشبش راجل دين وراجل دولة
وراجل خطوة وصاحب مطوة
وصاحب خولة وصاحب جولة
وبيني وبينكم سيد بشبش
راجل واعي وفاهم
فاهم فاهم
وعامل انه الواحد يعني
وغايتو وبرضه ولازم
بالمفتوح ده كلام سر
ما فيش واحد يمشي يسمع
سيد بشبش راجل دوغري
لكن في الليل هجيجه يولع
وزي ما تقول بحب المنقة
و الحاجات النايس ولظلظ
وقبل ما ندخل ونحكي القصة
لازم نعرف صورة بشبش
أصلع أسمر بادية عليه علامة النعمة
وعرجة خفيفة في حادث حركة
شكل سيادته عموما مدهش
وددايما شايل سبحة
تسبح وحدها دون تسبيح
أوتوماتيك
حكمة ربك وقسمة صحيح
سيد بشبش راجل
Urgent
Rich, intelligant
Smooth and elegant
But sometimes
And this is really
He appears slightly hesitant
وفي عصرية وكانت جمعة
سيد بشبش حكك دقنه وهذب شنبه
وشه بينضح نظرة ولمعة
طق عصايته وخت عبايته
وخبط الباب من خلفة برزعة
خلى البيت يتراجف كله
حاجة نفيسة بناتها ثلاثة
بالاولاد يكملوا سبعة
في المرسيدس أخذ القعدة
كدوسه البني تهبهب ناره
هز دماغه هز
يعني سيادته بحي في جاره
وعاد البنز قال يا ليل
وسط الشارع يلوي غباره
وأثناء ما سايق وسط السكة
كان بيدندن يعني بيمدح
دشكا دشكا دشكا أو دشكا دشكا دشكا
وأثناء ما سايق يغني ويمدح
وعينه الزايغة بتجمع وتطرح
هناك على زاوية لمح المنقة
سيد بشبش تمساح لو يلمح
قلبه ينطط جوه ضلوعه
يطق الروب يثكلب ويردح
لف ودور حول المنقة ودور ولف
رسم الزاوية وكشف المسرح
وبسمة أنيقة صناعة برة
بسمة ثعلب حنكة وخبرة
ما نتفاهم يا خلق الله
وعاد خلق الله ما فهامة وناس واعين
اشارة خفيفة وغمزة عين
عارفين الحال والأمر الواقع
كان الرد الفرح بشبش
وخلى سيادته يهدي يمين
مساء الخير آنسة مرمر
اسمك روعة اسمك سكر
أما سيادته سيد بشبش
رائع مدهش اسمك منعش
موسيقي ومطرب
بس خازوق الناس تتمقلب
وتمشي تقول لسيادتك شبشب
لا يا بت يا نكتة صنفك متعب
وهناك في شارع كم مش عارف
البيت الناصية أشجار وزخارف
عربات تتلاعب أنوار ورفارف
كانت ربة وهيصة تولول
ناس بتصفق وناس بتزغرد
وناس بتهلل
ناس بتنادي شيلي وختي
وناس بتغازل أموت يا أنتي
وناس مبسوطة غاسلة وكاوية
وناس ركاني بتعزف زاوية
وناب بتغني حني يا تتي
وسيد بشبش أمير الموقف وبطل الساعة
كان مشغول مع ناس مرمر
يصلوا جماعة
ولمن تم صلاته وسلم
قام يسلم بالأحضان
قال مشتاق وكاتلو الشوق في الحبان
وزي ما قلنا قبيل عن بشبش
راجل بهجة جد فنان
جدع العمة هناك وعصايته
ولحق جزمته والقفطان
وهاك يا دانص
ودارت حلقة عجاج وغبار
ناس بتسوي ردحي جد
وناس في الردحي رقيصها هزار
وناس انبطحت وناس اندرشت
ناس انكرشت عشان تنمد
وفجأة في لحظة حصلت كبسة
زي ما تقول البيت انهد
الجو اتلغم
فال اتسمم
وصل الكومر شكله يخوف
نزل امباشى معاه الأورطة
عملت سد وجاط الموقف
سيد بشبش ضرب اللخمة
ربط الساعة مكان الجزمة
لبس الجزمة فاكرها عمة
لف العمة محل الساعة
جذب قفطانه رمى الشماعة
فكر ينط من فوق للحيطة
تلب توف جوه البلاعة
جوه الكومر بالبوليس الناس شحنوها
البتباكى والبتوجع والبتعذر والبتشفع
الضحكات باهتة
وفي نص الكومر كان متمحن سيد شبشب
ماسك سبحته
مرة يقحقح ومرة يسب
مشغول بأولاده وحاجة نفيسة
وناس المكتب
كيف القصة هناك بحكوها
وكل ما مرمر تبسم ليه
يسب للمنقة ويوم زرعوها

سيد بشبش


فمن أسماء الأسـد ... هو الفرناس ، القرقوس ، الهرماس ، الدلهمس ،
العنبس ، الباسل ، الغضوب ، القسقس ، المدلف ، الدرواس ، الأشجع ،
العفريت ، الضرغام ، الضّمور ، الغضنفر ، الهزبر ، المقرفص ، الهباش
، الفصفاص ، المكفهرّ ، السرحان ، الدرباس ............. الخ

فكـم من الاسـماء الاسـديه ينطـبق علي الاسـتاذ بشـبش
ماعـندي حق كان غـيرته المثل للاسـد ان وقـع كـتر البتابت عـيب

قارنت بينبي وبين صورةبشـبش وقلت لنفسـي بصـوت عـبـسي( نسبة الى عنترة )
من منا مثله دربااااااااااس ... ومن منا فصفاص ... ومن منا مقرفص ...

اللهم أني أشهدك بأني لا أدربس ولا أفصفص ولا أقرفص
ولا ادروس ولااسـرحـن ولااعـنبس ولاادبرس
كـما فعـل الرجـل لانـني مستفلس
وشـكرأ لشعوركم بانني لا ..............
.........................................






,

[waya]

سلام عليكم أنا واعوز بالله من كلمه أنا بحب الشعر الحلمنتيشي وفتشت النت كله عشان القى شي حلو في النهايه سالت صديقه وصفت لي منتدى سوداني انا وخصت بالوصف ود الدسوقي وwayaانا قلت اكيد زي بقيه الشعراء بس بعد ما قريت البتكتبوه فعلا اعجبت بالكتابات وطبعتها
انا بحاول اكتب شعر بس ما عندي حد يقرا ويديني رايه والعندو وقت يقرا ويديني رايه انابديه البكتبه مع انو شويه بلييييييييييييييييييييييييييييييييييييييييييييييييييييييييييييييييييييز سعدوني
ويديكم الله الف الف الف عافيه

هلا توتة ,,

غايتو أنا برررررره ,,

شوفي ود الدسوقي بيقول شنو :

[grade="00008B FF6347 008000 4B0082"]حظي التعيس الهردبيس
الناس يرك فوقها الحمام
وانا فوقي قد برك الكديس

يوم انقشرت وقلت اكسح
بيت عرس يوم الخميس
طوالي فو تتفرتق الحفلة
وتموت ام العريس

حظي التعيس للترزي
امشي عشان اقيس
كل القماشات قاعدةface
الا قماشي يدخل عليهو وياكلو تيس

حظي الكعب
من زمن شافع صغير بلعب
اشيل النبلة اقلبا لب
وتسمع رب
ومن الجو يقع لي ضب

حظي الدلم ما عندو دم
في الكبدة يطلع لي عضم

حظي الحشر النحس جواي منتشر
في البسكويت القي القشر
كرعي جوه البنطلون ما بتنحشر
سنارتي في البحر الكبير تقبض جقر

حظي الكعب حظي اللعين
سايقني واصل بي وين
الناس نضاف ومروقين
وانا بي هناك مليان سكن وعجاج وطين

الناس تكيس ماجدة رنده وماجدولين
وانا بي هناك قايدني ناس بت الحسين

حظي التعيس والدبرسة
اي واحدة اكيسا
يجي ود لزينة يعرسا [/grade]

[waya]

ود الدسوقي ,, كجووووول ,, سحر .. فجر ..

[grade="00008B FF6347 008000 4B0082"]تقولي لي سليتك
تقولي لي جفيتك
تقولي لي عفصتك
بعفصك وبعفص حنانك
دبايب وعقارب تداعب بنانك
بتسال عن حالك
وكيفن هو حالك
سالت تمرجي البطاطس بعادي
تجاهل وقبل لغادي
بحبك لمن بغادي
وبعاتبك بلغة سواقين التكاسي
حبيب مال انا ليش هذا عذاب
حبيب انت في كذاب
انت قول في حب واجد بعدين سوي غير نمونا
انت كنسل حب مالي
انت خرب كل حالي
شنو؟؟؟؟؟
ما عاجبك
ياخيييي ديشك
وديش الحب الخلاني سجينك
وديش الشوق البربط بيني وبينك[/grade]

ده شوق سااااي ,, بس

[عمـرابية]

.
اللهم أني أشهدك بأني لا أدربس ولا أفصفص ولا أقرفص
ولا ادروس ولااسـرحـن ولااعـنبس ولاادبرس
كـما فعـل الرجـل لانـني مستفلس
وشـكرأ لشعوركم بانني لا ..............
.........................................

,

حـاشـاك انتـه
يااسـتاذ
من الدربسـه والقـرقفصـه والعـنبســه والدبرسـه


بـس فـوق ردك للاخـت فجــر بتقـول
وكما فوجـئنا في السـنوات الماضية بانفلونزا الطـيور .. وجـنون البقـر ..
وان كنت اتوقع بان بواسـير السـمك هي المرض القادم فاصبحت الامراض
خارج المناهـج الطـبيه يعني مافي المقـرر

يعـني نتهـيأ للبخــرات والمحـيات ولا البطـري ....




الاخـوان والاخـوات الاعـزاء
وكمـا ورد لعـلمي انـو
ودالدسـوقي
متغـيب لظـروف العمـل ... مـسافر وحيعود
يـوم الخمـيس
...........



عــرس الزينـيـيين

اسـم الشـاعـر غـير مـتاح الان


البت سعـديه محمد خـير الاسـتاذ
والود عثمـان وداحمـد نور تـيراب الشـر
والفـنانين والشـيالين والرقاصين
وهيصـه خمج ..... وهـاك ياخـج
ولازال اللـيل طـفـلا بعــد

ابشـر ياود ... من كـد وجـد
اضحـك وتضحـك مـنك جـواك بالجـد
من كـد وجـد
انسـي الكـلمـات الرنـانـه
واتهـوزز بعـد الفـنانه
وخـليها مشـاعـرك ســريه
ووزعـلك حـفـنه من البسـمات بالزنـديه
مااللـيله عرس عثمان تيراب الشـر
لي سعــديه

الفـرح الكان موجـود جـواك غلبو
لاكـان عـارف .. ولاكـت عارف .. موجود جـواي
ومشاعر القوم الأنطـربـو ...
تنسيك لو لحـظه زمـن بكـاي
يانـاس الدنـيا الفـيها غـبو
يانـاس الدنـيا الفـيها غـبو
في التلت التالت من الليل ... وقـبل الأذان
يصـرخ محمـود ود جبرالدار امام الحـله
لازال الليل طـفـلا يحـبو
يحـبيك الجـن الكـلكـي ...
يعـلق فوق عضنيك قـربو
والناس الجـايه من النســيان
تقـول شـايلاهـا الهـاشمـيه
العجفه ... النجفـه ... السامره ...
الضامره ... الخمريـه
الكـل فرحـان ... بي عـقـد قـران .. الود عثمان
تـيراب الشــر
لي سعـديـه


جزء من عرس الزينيييين
كلام
ودالدسـوقي
عـمـرابيــه


تـوقـيع
اعـتذر للجـميع
لفوضـي الامـس





تـم التعـديل
لصـدور اوامـر يقـال انهـا
غـير قابـله للنقـاش

[ودالدسـوقي]

.


بمـناسـبة تكـرار الكـثير من الكلمـات الاجـنبية
بحـياتنا اليومـية

وبالذات اوكـي واخـواتهــا


اسـم الشـاعـر غـير مـتاح الان



( أوكي ) ترددها وقلبـك يطـربُ
وتلوكُ من ( أخواتها ) مـا يُجلَـبُ

فتقول : ( يَسْ ) مترنمًا بجوابهـا
وبـ( نُو ) ترد القولَ إذ لا ترغـبُ

وتعدّ ( وَنْ ) مستغنيًا عن ( واحدٍ )
وبـ( تُو ) تثنّي العدّ حين تُحسِّـبُ

تصف الجديد ( نيو ) و ( أُولْدَ ) قديمَه
و( بْليزَ ) تستجدي بها مـن تطلـبُ

وإذا تودعنا فـ( بـايُ ) وداعُنـا
وتصيح ( ولكمْ – هايَ ) حين ترحـبُ

مهلا بُنـيّّ .. فمستعـارُ حديثِكـم
عبثٌ .. وعُجْمَـةُ لفظِـه لا تُعـرَبُ

تدعو أخـاك اليعربـيّ كـأعجـمٍ
مستعرضًـا برطانـةٍ تتقـلـبُ !!

تستبـدل الأدنـى بخيـر كلامِنـا
وكـأنّ زامـرَ حيِّنـا لا يُطـرِبُ !!

أنـعـدّ ذاك هزيـمـةً نفسـيـةً
أم أنّه شغـبٌ .. فـلا نستغـربُ ؟

مهلا أخي في الضّاد يا ابن عروبتي
إن الفصاحـةَ واجـبٌ بـك يُنـدَبُ

حسْبُ العروبةِ أن تخـاذلَ قومُهـا
فلنحتفـظْ منهـا بلفـظٍ يَـعْـذُبُ



ماتنسـوا بانني لاذلت مصـرا عـلي العمـل
بمنفسـتو هـيئة حلمنتيش العليا لاثـبات قانونيتي
بدخـول وطـن الابتسـامه ... كما اود ان اضـيف اليه

البيزعـل لامـن إبكـي ... ما معـانا
البيحـرد الاكــل لمـدة يوم ونص ... مامعـانا




حلمنتيشيات ود بادي


مسدار جزيرة عبدلة
محمد بادي..

الدكتور محمد بادي الذي كان فارس المنصات حتى منتصف الثمانيات
ثم غادر في الغربة الخليجية، واستقر به المقام الآن في ( أدنوك) اختصار
أبوظبي للنفط ، (ما أدنوه ولكن أبعدوه عن محبيه..)
للشاعر قصائد كثيرة كلها تقطر عسلا... ولكن مسدار جزيرة عبدلة
له طعم خاص ، كاللبن المقنن في مغربية شتائية، ورائحتها أزكى من رائحة القنقر ال
مسلّت على جمر السنط.. هي فيلم تسجيلي حي، يقول ود بادي عن تلك القصيدة أنه قالها
وهو جالس في ظل شجرة في جزيرة عبدلة بمنطقة شندي.. واليكم القصيدة كاملة.


أنا أخو البت اللكعت قرن الخمرة النازة
على وردان الصبوة الراكزة
الجنيات الهازة .. صدورن لازة ورقّ النص زي خيت الشلة
بالحيل آ جني إي والله
الجنيات الحزمو الجبة
وبرق الشتوي عليهم نايا و صب
قول ما دل .. رجالا حصدوا الغلة
عيشن هادو انكال واتعبّ
ومنو كتير في الوا طا انكبّ
وباقي مصوبر واقف قبة
الحمد آلاف... الشكر آلاف
الحمد آلاف والشكر آلاف
العيش الرقد أصناف أصناف
الولد الكالو.. عزام .. حلاف...ضياف
الرزق الجانا مدلى.. الحلق الجاف اتبل
بالحيل آ جني إي والله
الوادي الجانا مترقن
مدّ جناحو الطايل شرقا وغربا
القبلي بروقو على القلعات يضّربن
الدكن البعدن قربن
فوق صنقور المحلة الطالت كبن
قول للمحلة بيوتك خربن
قول ما دل.. الحلق الجاف اتبلّ
بالحيل آ جني إي والله
مرحاتنا شرابن يوت ماغبن
شبعانات في الشقل أب شوك ما شبن
الحمل ولدن وربن
حلماتن تقلن...
. جرّن..
فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة آ وليد ..
السعن آ بنية..
القربة كمان.... كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر لبن الشاي بالعملة
سمح الخمج الفوق أسيادو
سمح العز المن أجدادو
الجنيات المشو ما عادو
كان بالردة أكان اتنادو
غرب حامد وشرق بلة
كانوا بحلبو الضرع الدلة
كانوا بحضرو الخير القدحو معلا
الجنيات ما كفرت بنعمة الله
بالحيل آ جني إي والله
ذات في يوم والغيمة تهتّف مطرا نقّع
فوق نوار الطلح الفقع
والوادي دعاشو كنو العطر الفوق أولاد النعمة منقع
شفنا الوادي يقشقش في دمعات الليل
والتعل الشايل بدا يتفقع
تلب حامد فوق مخلوفة أب زور واتربع
طلق الرسن أب زمة وسوّا خبيبا بدّع
هوّد في رقّاب الصي
لا قوه ثلاثة زبيدية
خالفين سيقانن فوق السنكيت ورقاب ألبل بيناتن مرخية
محجوبات بالخرز الفصلو السوميت
كل واحد درقة وسيف وطبنجية وباقي جرابن مليان دلميت
الجنيات اتقبلو وضاقو الحارة وضاقو المرة
وكان حجازن صقر الجو
حامد كان عارفين ضاقوه رجال قبالكن
شوفو أرزاقكم أخير من ضو
حامد عوج الطندب آ وليدات
عوج الطندب نار القصب الهبلت ما بتعدلو
شوفو شلوخو تلاتة مطارق
وكل تلاتة يمين سياف اتقبلو
حبوب القارح ... ما دلة
ولدا ما ختالن زلة
شن قولك فيهو عليك الله
بالحيل آ جني إي والله
وينا مراتع الدرت الباسط دايما ببكي عليهن
وين بنوت الحلة البكّر عصرا بدري يسون في شاهيهن
بعد الليل ما يهّود ونحن نهّود.. عاد أماتن ينادن ليهن
نمشي على القيزان نتقادم.. نقيس الخطوة مع التاتاي ومشيهن
والله البعد الحاصل ما نساني
وحات خالقنا في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ما ليهن
الخوف يا ناس كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن
مو زايغ ...رسيان وميقّن
زولن كان خدران ومحقّن
من الشوفة عروقو يطقّن
كان الدنيا بصح تتخلا
كان بركن معاهن فوق رملاة الحلة
الا كمان بنشوفا مذلة
الجنيات الغابت جابت
إنت الجيب قايلو قميص افرنجي وكرتونات كرملّة
لا لا و حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العلة
الولد الجاب حقايب سفرو تقال... تقال من جنس كتاب ومجلة
الحكمة النضمي إياهو الكان.. الحكمة الولد اتوضى وصلّ
عات البلد الدخلت فيهن سكنت .. سكنت خلالالالالالاص ما بتتخلا
نحن كمان طارين الحلة ودرنا الطلة
نعيشا معاهم حلوة ومرة
ونشيلا معاهم فرحة وميتة
حلاة الموت كان فوق عبدلة
حلاة الموت كان فوق عبدلة
حلاة الموت كان فوق عبدلة






.