لماذا يتعمد تنفيذ رقيص العروس يوم زواجها ؟
وما الغرض من رقيص العروس امام جمهرة من الناس وهى غير محتشمة فى اللبس ؟
من هو اول من سنة هذه الفكرة ومن اي المناطق او القبايل اتتنا ؟
هل نعتبرها من العادات الضارة ويجب محاربتها اما هى موروث سودانى يجب التقيد والالتزام بها
والسؤال لاخواتنا المتزوجات هنا فى المنتدى
هل رقصتن رقصة العروس ؟
وسؤال لغير المتزوجات
هل رقصة العروس واجب القيام بها عندما تتزوجن ؟
تفتكر يا سنين ممكن يكون الحل شنو ولازم تاخد في الإعتبار فهم الناس الكبار واخد تجربتي دي
أنا حاولت أتفاهم مع بعض الناس المخضرمين من الأجيال السابقة كلهم اتجاه واحد ومافي زول حيديك أي اهتمام ويقول ليك دي تقاليد أهلنا من غير ما يفرزوا الصاح من الغلط والحل حيحتاج زمن طويل جدا كمان
alex muaaz
اي انسان في هذه الحياة لديه ثوابت في حياته من المستحيل التنازل عنها
مهما كانت الاسباب و الدوافع و المسببات و الشخصيات التي تعمل علي ضغط الانسان
من اجل الانصياع لهذه العادة السيئة ..
اذا لابد من ان يكون الانسان له مبداء في حياته يصر عليه و يقاتل من اجله حتي النهاية
حتي لو خسر الكثيرين من اجل هذا ....!!!!
حزن السنين اعتقد انو في توارد تخاطر اتولد بيناتنا والله بالامس كنت اناقش هذه المسالة مع اثنين من صديقاتي وذلك لانني في قمة الاندهاش والسبب هو
لدي صديقتي طبيبة صداقتنا تمتد الي المرحلة المتوسطة المهم هي اتخطبت واتحدد الزواج في منتصف هذا الشهر
و طبعا انا وزيرة العروس صديقتي يا ابراهيم قمة في الفهم والوعي
يوم الجمعة الماضي ذهبنا انا وماما للاطمئننان عليها فاذهلتني بقرارها ان ترقص ترقصي كيف الكلام دا
اندهشنا انا وامي جدا ( لايوجد بتاتا قصة الرقيص والكلام الفاضي دا في الاسرة ) وحتي امها غير راضية لكنها مصرة وانا مستغربة منذهلة والله
اجابت بانها تريد ان ترقص يعني حركة
طيب العريس رائه شنو
ردت بانه غير مقتنع لكن لانها اقنعاته بانه تقليد وهي سترقص للنساء ترك لها الخيار
لم استطيع ان اقول شئيا لانها تعرف رائ تماما
كيف ترضي الواحدة ان تستعرض زي القرد وتتراقص قدام الناس حتي لو نساء
بعدين صراحة الرقيص زاتو شكلوا قبيح وحركاته بايخة وانا بستغرب البنات البيعجبهم شنو فيه
بعض البنات لمن نتناقش في الموضوع دا بيقولوا الرقيص اهم من العقد ؟؟؟؟؟؟
انا في رائ ان احسن شئ يرقصوا الوحدة قدام مرايا عشان تشوف العبط الهي بتعملوا
وانا اسفة اذا جرحت اي اخ او اخت رائهم مخالف لكن كما قلت هذا رائي وقناعاتي
رقيص العروس بهدلة ليس الا
في رأي تقليد وتقليد قبيح كمان....خصوصا في السنين الأخيره....أخد شكل وطابع تاني..إتخيل عروس بترقص بي رده!!!!!!!
بالصدفة البحته أنا شاهدت شريط رقيص الرده ده...طيب معقول إنسان داخل علي حياة جديدة مفروض يدخلها وهو نضيف.... شأن ربنا يبارك ليهم فيها...
طبعا في ناس بقولو ليك الرقيص لي النسوان بس...ومافي راجل حايضرو....لكن ده مامنطق... إذا هم خايفين وخجلانين من الرجال.... أولي يخجلو من رب العالمين...
[align=justify]اول حاجة يا حزن السنين انا ما عارف في المقام الأول الفكرة دي نبعت من وين ،، ولا هي عادة ولا تابعة لي تقاليد معينة من زمان ،، ؟ يا خي انا ما عارف الفائدة من كده شنو ،، ؟
شنو يعني ،، البنات مثلاً ؟ الحريم الكبار ؟ ولا عشان يقولوا ليك الليله كان شفت فلانة دي رقصت رقيص مبالغ فيهو ،، قاعدين نسمع الكلام ده كتير ،، في كل البيوت ،، أقسم بالله العظيم عناصر الحريم ديل أحيانأً ما عندهم أى موضوع ،، على الإطلاق ،،
الحاجة التالثة برضو داير اعرف بعد العروس ما ترقص ،، بتكون استفادت شنو ؟ لا زم يكون في سبب ، صح ، في نوع من العروسات او البنات بكون عندهم فهم معين في حتة الرقيص دي ،، والواحدة يكون ( جسمها عاجبها ) خلاااااااااااص لازم ترقص ولازم توري الحريم الباقيين ولازم ولازم ،، سبحان الله ،، كل الكلام البتقال وكل المبررات البتتقال برضو اى كان نوعها فهي غيرمنطقية على الإطلاق ،،
انا واحد من الناس لو جيت وإتقدمت لي بت وإشترطت على الرقيص ،، بقول ليها الرقيص طبعا وربنا يوفقك في رقصيك عليك الله ارقصي للصباح لمن تفتري ،، وإنشاء الله يضوي ليك ،، وفي المقام التاني برضو اى بت بتفكر في حتة الرقيص دي ، دي بت ناقصة ولا بتفهم ولا واعية ولا بتشرفني تكون زوجة لي ،، وزي دي همها المظاهر ليس إلا وأنا عكسها تماما بهمني جوهر الإنسان ،، إذن نحن مختلفين،،
ربنا يهديهم ويهدي اى بت بتفكر في الحاجة دي ، لانو ده كلام فاضي وكلوا سيئات في سيئات خلاف ذلك ما في حاجة ،، ولي عودة[/align]
والله معاك حق انا كمان بعترض على رقيص العروس
اما الرجال هم المفروض مايوافقو على الرقيص والنسوان كمان يرفضن الكلام دى
دى رأى انا قبل الزواج اما لمن اتزوج بجاوب ليك الجواب بعد الزواج او بعد حفلة العرس
والله دا فى الانكل ياحزن السنين
لك كل الشكر على المساحة المهمة خاصة اخوك خاشى على الزواج وكدا
انا شخصيآ من المعارضين وبشدا لهذه العادة زمان شى والان شئ اخر
اذا كان البرنامج للنساء فقط ايضااعارض وبشدةالناس اتغيرت ودخل علين اجهزة الكمرات والبلوتوز
يعنى بكرة بتشاهد زوجتك فى جوال N70 ويمكن يتصل عليك صديقك من امريكا يكون المقطع وصلو هناك
حقيقى النفوس الضعيفة كتيرة وربنا يكفينا شرها؟؟
وبنصح اخوانا حقيقى ياشباب صديقك اذا ماضامنو ماتعطيه شريط عرسك بكر يقلب ليك فى سيدى
ويجينا هنا فى السعودية
طبعا حتقولوا استارو دا مالو الشفتو انا ماهين
والله ياشباب وجدة حفله عند صديقى مكتوب عليه مجهولة اتخيلو معاى شاهدها لقيت الحفل لاحدى صديقاتى
فى الجامعة والله اتخيلو منظرى!! البنت من البنات المابتسع صوت فى الجامعة والحفلة لاختها يعنى فى بيتآ من حقها تفرح وترقص اتخيلو البت المؤدب وهى بترقص حقيقى مارضيت ليها نسبة الى
يربطنا من علاقة وضيدا
اديك العافية حزن السنين]
تقبل مني فائق إحترامي وعظيم وتقديـــــــــــري
وأحر تحياتي القلبية من الرياض مقرونه بالمودة والمحبة والإخاء والسلام,
[align=center]تقوم الغناية بتاعة " التعليمة" التي تمرن العروس علي الرقصات
و توريها كل الحركات
بما فيها حركات الغنج و الشغل بالجاز
و أيضا حركات الجيش
وتعلمها كيف تتلوي .. وتحرك أماكن إسترتيجية في جسمها
وكيف تفاجيء العريس
من قبل أن يتوقع .. فتقع فجأة
علي الأرض قبل أن يمسكها
و بالتالي تسجل عليه قون ( هدف ) في مباراة الرقص[/align][/b][/size]
[align=center]وبتكون في حلقات تدريبية
أو بالأصح سلسلة لقاءات
أو لمات او حفلات مصغرة .. يسمونها التعليمة
وهي سلسلة دروس لتعليم العروس و تدريسها
وتدريبها نظري و عملي
علي مختلف أنواع الرقصات
السودانية .. البطيئة منها والسريعة
و لتمرينها علي اكتساب مقدرة التحكم
في كل أنحاء جسمها
رأسها ورقبتها و صدرها
ووسطها و مؤخرتها و قدميها
و لتطرية عودها و زيادة ليونتها
ليصبح جسدها في ليونة عود البان
و هم يغنون لها : يا فريع البان
أو : فريع البان المال و انتني
يا الله لي أنا .. أو كلمات زي دي
و لتعليمها أيضا إسترتيجيات عسكرية وتكتيكية لمراقصة العريس
و كيف تناور عريسها عندما ترقص معه
و تدخل معه في منافسة ليري الحاضرين
من فيهما هو الأشطر من التاني
فدورها هي أن تفاجأه بالوقوع علي البرش
أوالسباتة أو الموكيت
ودوره هو أن يتنبأ بذلك
و يتنبأ بأنها تنوي القيام بتلك الحركة
فيمسك بها قبل أن تقع
فلو أمسك بها قبل ان تقع يكون هو الفائز
ويكون أدخل فيها " قون" يعني سجل هدف
زي تسجيل هدف في مباراة رياضية
و إن سبقته هي بالوقوع علي الأرض
قبل أن يمسك بها
تكون نجحت في هزيمته و أدخلت فيه قون
فهل هو اشطر منها ؟
وهل يستطيع معرفة نيتها في الوقوع و يتنبأ بذلك
ويمسكها قبل أن تقع ؟
و بالتالي يكون قد سجل فيها هدفا .. وتحسب له نقطة ؟؟
أم هي ستكون اشطر منه
و تختار لحظة يكون فيها داقس شوية
و تقع بسرعة قبل أن ينجح في الأمساك بها ؟؟
و قد تتحيز لها نديداتها و صديقاتها
من البنات المشجعات
فيكونوا متفقين معها علي رمز
أو كلمة في الأغنية
عندما يقولونها
تقع هي طوالي
و طبعا سيكون توقيت اختيارهن
لقول تلك الكلمة
هو عندما يشعرن أن العريس دقس شوية
و تشتت إنتباهه مؤقتا
في إتجاه آخر
أو مؤقتا فقد تركيزه ورفع عينيه
عن العروس
بعد أن كان يراقبها مثل الصقر المتحفز
أو إلتفت إلي ناحية أخري لشيء جذب إنتباهه
عن العروس مؤقتا
و قد تقوم إحدي هؤلاء البنات
المشتركات في المؤامرة
بمناداته مثلا لجذب إنتباهه
بينما في نفس اللحظة تقوم زميلتها
بأعطاء الأشارة اللازمة للعروس
لتقع بينما إنتباه صاحبنا مشتت
فتكون العروس سجلت فيه هدفا
و هذا غش في اللعب .. ولكنه مسموح به..
ولا يوجد حكم ليصفر ويقول أن هذا تسلل
و أن الهدف يجب عدم الأعتراف به[/align][/b][/size]
والله الموضع جميل ويستحق النقاش والنقاش الجاد
ولقد كتبت فى هذا الموضوع من قبل فى احدى المنتديات وتناولته بنوع من الدرامة وانى سوف اقتبس الموضوع للفائدة ولكم الشكر
]
