مهم جدا وبدون زعل

[هجره عصافير الخريف]

يا ناس هوي الموضوع دا مهم وكدي نفكر كويس بعد ما نقراء
واحد مكتوب جم اسمو سوداني تلقي خاتي صوره رمزيه لي عرب ولا خواجات دا كلام مالو لو ختا صوره من بلادي عيبو لي صور بلدي ولا ديل سمحين ونحن شينين داير اقول وانا كان ما بحبكم مابنقد انا لفيت وشفت اجناس كتيره ما لقيت اجمل من ناس بلادي والبتختو صورم ديل عندهم راي فينا رغم نحن العزه الفينا بس توزن العالم دا كلو يلا نعمل حمله في المنتدي ونغير كل الصور عشان نبقيبالجد سوداني سوداني والزعل مرفوع

[lord of murder]

[align=center]يا هجره
مالازم احنا سودانيين جوه وبي طريقة كلامنا وافعالنا يعني الصور اللي احنا خاتنها
دي ماليها اي دخل في الموضوع
يعني مثلا عشان انا خاته الصوره دي يعني انا ما بعتز بي بلدي ولا ما عاجبني نا سها
لأ طبعا
ده مجرد ممثل انا بحبو وما بعني اي حاجه لي بلدي
واي واحد خاتي صوره تانيه برضو اكيد بتعني ليهو حاجه زي ممثل او فنان بحبو
صح ولا كيف يا ناس؟؟؟؟[/align][/i][/b][/size]

[عجوز حلوة]

البحب بلدو ما بنقاس بصوره او توقيع الحب للبلد موجود في القلب مش لازم بالصور
واكيد نحن بنعز وبنحب بلادنا
وتقبل مروري.......

[sunni]

الموضوع يا جماعة وجهة نظر،، فكلامه (هجرة عصافير الخريف) فيه توجه جميل، كدي نحاول نفهمه وبعدها ننقد نفسنا.
منتدانا إسمه (انا سوداني) وإدافه كتيرة غير انه يلم أولاد البلد زي كتير من المنتديات السودانية،، بس نحن رافعين إسم بلدنا والإنتماء ليها كشعار ،، والمنتدى موجود في الإنترنيت،، يعني برضو من أهدافنا التعريف بي بلدنا، وعلينا ان نقبل بإنه بلدنا كثيرين من أقرب الناس لينا جغرافيا من العرب بالذات (حتى المصريين والسعوديين) بيجهلوا عنها الكثيييير،، بل خلينا نقول لا يعلموا عنها شيء،، والدليل ما يقولوه عنها. طيب،، خلي شعارنا وتوجهنا يكون كامل متكامل،، من ناحية أسماء،، ومواضيع،، وشعارات،، وتواقيع. وخلوا كمان في توجهنا (أفتخر ولا أتعصب). فنحن بحمد الله نفتخر بإنتمائنا لوطنا، وإن طافت حوله الكثير من المفاهيم المغرضة والظالمة. فهلا كنا وطنيين في كل سكناتنا وحركاتنا؟

كلامي ده ما إنتقاص لسودانية أي من يضع شعار أو توقيع ما ليه علاقة بالسودان،، ولكنها دعوة لتطبيق إنتمائنا قولا وفعلا،، جوهراً ومضموناً وظاهراً وباطنا.

الحمد لله نحن نتمي لوطن فيه الكثير من الملامح،، فمنها العربية والإفريقية والإسلامية والمسيحية والبدوية والحضرية. ومنها ملامح التاريخ القديم والحاضر المزدهر والمتغيرات الكثيرة المحيطة بيه. ودي لا تتوفر لكثير من الأجناس الأخرى،، يعني عندنا أرض أكثر خصوبة ممكن نكون منها شعارات تتحدث عن دواخلنا ومكنوناتنا

يديكم العافية

[صائغ الحروف]

انا من المؤيدين للاخ السنى وهجرة عصافير الخريف
وكنت داير اثير الموضوع ده من زمان لكن خشيست من الفهم الخاطىء والحمد لله
ان هجرة عصافير الخريف اثاره وانا من الناس البتمو انتماء كامل للوطن
عشان كده احبز انو كل شى يكون عن الوطن مش تختو ليه صور ممثلين وممثلات اجانب
صورة علم سودانى فنان سودانى طبيعتنا الجميله ختوها ووروها للناس عشان نعكس صوره حلوه عن بلدنا ومايقولو متشبهين بالناس وبيه حضارات الاخرين وبيه كل ماهو لديهم وماهو لديهم لايقترب الى الحقيقه بادنى شى او الطبيعه فى كل شى دعوننا نظهر الصوره الحضاريه لبلادنا ولو كل زول عمل حاجه او صوره او اى شى عن بلاده لعكس الصوره الحقيقه لبلده وشكرا على الطرح الممتاز

[اسامه خضر محمد على]

يا ناس هوي الموضوع دا مهم وكدي نفكر كويس بعد ما نقراء
واحد مكتوب جم اسمو سوداني تلقي خاتي صوره رمزيه لي عرب ولا خواجات دا كلام مالو لو ختا صوره من بلادي عيبو لي صور بلدي ولا ديل سمحين ونحن شينين داير اقول وانا كان ما بحبكم مابنقد انا لفيت وشفت اجناس كتيره ما لقيت اجمل من ناس بلادي والبتختو صورم ديل عندهم راي فينا رغم نحن العزه الفينا بس توزن العالم دا كلو يلا نعمل حمله في المنتدي ونغير كل الصور عشان نبقيبالجد سوداني سوداني والزعل مرفوع

اوافقك دون ادنى تحفظ فبعض الصور والتواقيع لا تمت لبلدنا باى صله بل بعضهم يحتقرنا ولذا وجب ان نعاملهم بالمثل والنحمل الصور التى تعكس طبيعة ومنشأت بلدنا الحبيب حتى نعكسها للعالم وبالتالى نعكس اننا لدينا ما نفتخر به ولا نتبع احد لك كل الود والتقدير ودمته

[sunni]

[font=Arial Narrowلذا وجب ان نعاملهم بالمثل [/font]

عزيزي أسامة

هنا أسمح لي انه أختلف معاك،، فالمعاملة بالمثل تكون لمن يعلم،، ولكنهم يجهلون ما يقولوا،، فلتكن من يضحك أخيراً ولو بعد حين،، فلا يضير الشجرة عظيمة الجذور، ذرات تراب تضرب على ساقها

[مايا]

المواطنين بقولوا اماراتى وافتخر وانا بقول سودانية وافتخر
حبنا واعتزازنا بى بلدنا واهلنا غير قابل للنقاش
اكتر شئ استفزنى الاخ البقول هم بحتقرونا فلازم نعاملهم بى المثل
اخى العزيز وضع صورة للممثل او مطرب او0000 اى كان ده بكون
مجرد حب للشخصية التى قام بها هذا الشخص ليس الا
ولو فى اجانب بيحتقرونا مستحيل نعمم على الكل
طيب ما نحنا فى داخل بلدنا فى ناس بحتقرونا نعاملهم بى المثل برضو؟
وماتنسوا نحنا فى منتدى سودانى يعنى كلنا عارفين بلدنا كويس
مامحتاجين نخت صورة عشان السودانيين يعرفوا بلدهم من خلال سودانى
زيهم اذا فى زول ما عارف السودان ومابفتخر بيها ده يبقى نقص فيه
وتقصير منه

[صائغ الحروف]

يااخوان نحن نريد ان نعكس صوره
حضاريه لبلدنا ليتعرف المتلقى الجوانب الايجابيه
فيه اديكم مثل الان فى واحد اجنبى اى كان اجنبى عربى خاتى ليهو صورة فنان سودانى او ممثل سودانى اجيبونى رحمكم الله؟؟؟؟؟؟؟؟؟؟؟؟؟؟

[ابوبكر]

اتفق في الراي تماماً مع هجرة عصافير الخريف وصائغ الحروف واقدر اراء البقية ، المنتدى أسمه انا سوداني وبتمنى لو كل ما يحمله يكون سوداني خالص حتى لو صور مع احترام حرية الأخرين في الأختيار

[سيرينا]

الاخت هجره ما لازم الزول يعبرعن حبه لبلاده بالصور لكن برضو في كلامك دا وجهة نظر ..

[انا كوول]

الصور ما بتعبر عن حبي لي بلدي حبها ما بيكون في الصور حبها بيكون في القلب

[بنت الحلفايه]

النقاش لا يفسد للود قضيه وانا مع وجهتين النظر يعنى هجرة عصافير الخريف لاانو فعل هم بينظرو السودانين بشكل عام بنظره( يعنى) ماحصل حد عربى كان او اجنبى لقيتو خاتى صورة بنت او شاب سودانى وكمان معى وجهة النظر انو ما لازم عشان افتخر واحب بلدى اخت صورتى انا سودانيه يعنى ده شئ داخلى بيكون فى الوجدان بس كمان لو عايزين يكون المنتدى بشكل خاص ومنفرد عن باقى المنتديات السودانيه او العربيه بصفه عامه تكون كل الصور ترمز للسودان يعنى زى البس المواحد يعنى صور سودانيه فقط وانا معاك ذاك ومن اليوم حااغير صورتى

[نوشا]

الا نتماء لوطن ليس بشعارات والهتافات والصور...
بالرغم من انهاوسائل لتعبير عن حب الوطن...
فحب الوطن محفور جوانا ...
كل شخص منا يعبر بطريقة خاصةلحبو لوطن...
وصور الاعضاء اختار شخصى كان اولا ..
قبل ان يكون اختار وطنى عدا البعض منهم.....
هذه وجهة نظرى ...تحياتى

[amani]

اعتقد انوا الصورة ما ليها اي اثر علي الوطن ولا حتي علي الشخصية حب الوطن في الدماء و القلوب موجود وليس بي الصور

يعطيك العافية وتقبل مروري

[السودانى الاصيل]

السلام عليكم
الشئ الانا لاحظتو فى الاخوه البحبو الفنانين والممثلين بقدسوهم وما اقبلوا فيهم
كلمه يعنى حب لدرجه بعيييده فى واحده كاتبه الفنان تامر حسنى ولابد ان التقى به
الكلام دا فى المنتدى
والاسواء من كداهنالك صور توقيعات غير اخلاقيه فى رايى وتاخذ مساحه كبييره
فى المنتدى ودا واقع العاوز مثال موجوده امثله
علشان كده اتمنى الناس تتنازل شويه وتخلى حب الممثلين والفنانين فى قلوبهم لو لازم تحبهم
الممثل ما بنقص حبو لو ما وضعتو فى توقيعك وشعار لييك وبعدين المرء مع من احب يوم
القيامه الممثلين والفنانين ديل تفتكروا بكونوا وين يوم القيامه
الاخ عصافير الخريف كسر الحاجز وابدى مبادره جميله الكل كان متخوف اقول رايو
غير نعكس اسم السودان دى ناحيه هامه لكن الجواب اكفيك عنوانو يعنى انا ممكن احلل
الانسان من توقيعو اعرفوا هو كويس ولا بطال زى ما بقول مثلنا السودانى لو عايز تشوف
فاطمه فى البيت شوف امحمد فى السوق
طيب كم هو جميل ان نعكس صوره مشرقه عن ديننا فى البدء وعن وطننا وعن انفسنا
ارجو التنازل والتعديل وسيجزييييكم الله خير ويا حبذا لو كان التعديل بدا من القلب اى بتغيير
العشق والوله الشدييد لله والوطن واى اشياء ذات فائده
كل التحايا لاخونا هجرة عصافير الخريف للموضوع الشجاع

[قمر ام درمان]

الاخت عصافير طرحت موضوع مثير للجدل وفي نظري انو الصورة تعبر عن
الانسان وتعكس داخله .. هل انت واقعي .. هل انت سطحي .. هل انت انسان
ناضج .. في المنتدى صور ممثلين ومطربين مطربات خليعات متبرجات .. واعتقد
اننا في منتدى محترم مع احترامي لرأى الاخوات والاخوان في اي صورة يحبوها
واطرح سوال للاعضاء كيف نعبر عن حبنا للوطن ؟؟

[رهام الحضري]

الصور ماليها دخل في الحب والاعتزاز بالوطن والافتخار بيهو يعني الاعضاء الخاتين صور تانية مامعناهو انهم مابفتخرو بالوطن وزي ماقالو الحب في القلب والله يعز وطنا
لكن برضو معاكم حق مفروض نفتخر باي حاجة لوطنا وفي بعض الصور تستحق الحذف
يديك العافية وتقبل مروري

[nizar]

من الملاحظ ان كل الاخوان الذين انتقدو راي هجرة عصافير الخريف هم دون السن القانونية التي تمكنهم من الرد على مثل هذه الامور بموضوعية وهذه المرحلة الكل عبر بها (المراهقة) والكل كان لديه فنان او فنانة او ممثل او ممثلة يحبها ويولع بها والكل احتفظ بصور المشاهير والكل لصق صور على جدار غرفته او داخل دولاب الملابس الاااااااااا من رحم ربي لذلك انا مع كل الاراء الشاركت فى هذا البوست ولكننالراي السديد هو راي كاتب البوست والاخوان السني وصائغ الحروف واسامة وابو بكر وبت الحلفايا وظاهر من ردهم انهم ناس كبار وعاقلين لان فكرهم بيختلف عن الباقين .... فاتركوهم سوف ياتي يوم وينسوا هذه الايام بس فى واحد لازم يغير اسمو ده ( loard murder ) شنو اسماء افلام الكرتون المرعبه دي . وما تفهموني غلط وخلو اخوانكم واعماكم يردو لانكم اكيد حا تزعلو وتقولوا نحن ما صغار وكيف نحن دون السن القانونية وكيف وكيف سامعين يا شطار ؟؟ وبلاااااااش صور الفنانين والفنانات دي وخليكم سودانييين صورة وصوت وجسد مش السودان فى قلوبنا والسودان جوة حدقات العيون والعبارات الحلوة الرنانة بتاعت التعبير دي

[فتى السقاي]

يلا خلينا ليكم البوست اتصرفو فيهو صح انتو اكبر واعقل لكن ما معناها كلمة الاصغر ما تنسمع
والله كلامك دا بزعل يا نزار الرسول صلى الله عليه وسلم استأذن الولد الصغير عشان يدي الكبار
يشربو بالله عشان بوست عادي تقول لينا اننا صغار على الكلام دا اي واحد وزمنو نحنا زمنا دا انو الواحد لازم وطبيعي يحب ليهو فنان او ممثل او حاجة من هذا القبيل لكن حبنا للبلد ما لازم نظهرو لي زول وما لاو\زم نقنعو ولا بهمني يقتنع اصلا لأنو حبي لي بلدي زي ما سبقوني وقالو بكون في القلب ما شرط يكون ظاهر على عيني وراسي المنتدى اسمو انا سوداني وانا ما حاخالف الحاجة دي لكن انا سوداني وبحب بلدي وبحب جنسيتي يعني ما بقت الا على الصورة الرمزية الصغيرة دي عشان خلاص انتا ما بتحب بلدك عشان ما خاتي صورة سودانية لالا يا حبيبي ما شرط لو كدا معناها المنتدى دا نصهم او اكتر من النص
ما سودانيين يا جماعة خدوها بالعقل شوية .
اسف على الاطالة .
اتقبلو مروري .