[حلتنا من كم سنه مضت
ما سمعنا وحده خطبوها بالغلط
حلتنا طبعا بالعوانس والبايركس
إتملت
الشباب هاجر طفش
والبنات مشن الزلط
بقن إقشرن وإتحنكشن وإتلبسن
ويشاغلن في سيد اللبن
وحدات عديل إتعقدن
قالن هييييي
القبور ورانا مشن إتجندن
فاتوا الحرب ماتوا رجال هن
تاني جن
وصحباتنا منقسمات فئات
الفئه الاولى من سن تلاتين وما فوق
عانسات تحت ما يسمى(موظفات)
أوصافهن كالأتي:-
في مشيتن مستعجلات
في وقفتن مطرفات
وفي قعدتن مسترجلات
أنوثه مافي معضلات
من الوقوف الفي الصفوف والدفر في المواصلات
وديل فئه من الفئات
قطر العرس بالنسبه ليهن
عدا فات
ولو عرسنإلا يكون واحد
طلع المعاش
وبعد سنه بنسمع بيه......................مات
والفئه التانيه ديل الطالبات في
الجامعات
سنه أولى حب
سنه تانيه حب سنه تالته شوكشه وفات
او............
سنه أولى حب سنه تانيه حب سنه تالته
جاها عريس ليه مؤهلات
كان عرست!إتخارجت وكان
........................
حتمشي تلحق ناس حياة
والفئه التالته ديل الطاشرات
الطاشرات السيسابان
سكر نبات
كان دار تقع أقع الطاشرات
مالك ومال الإتكيست والجكست
والشوكشه فات
أقع السغار السوق حار
وبقت البوره بالجمله
وفكوا الجرسه وقالوا:
هوي يمه إن شاالله
عريس
إن شاالله كان ككو من البوره نيتفكو
عريس إن شاالله كان ما واعي يجيب الشيله قطاعي
عريس إن شاالله كان أحوص إسوك الركشه قايله بص
بس هو إج.
لو بتعرفي يابنيه توب العرس خلي القضيه
لا وش ممسح بالديانه
أخير عليه
قدوم زي بوز البندقيه :019: [/size][/size]
[grade="4B0082 FF6347 800080 FF6347 FF1493"]قصيده لي تاجر شايقي سرقوا ملاياتو
عذرا لاخوانا الشوايقه
إعيقك الله يا مجرم
وكيف حسه تصدقني
تسرقك بطنك إن شا الله
وتخليك ديمه متألم
حضير إن شا الله يبراك
وفلسا للجيوب يخدم
والعطش البحرق الجوف
يخلي الفقرا قايمه وقاعده ليك تعزم
تعيقني أنا!!!!!!!!!!!!!!!
إعيقك الله يامجرم
بمدفع كلاشنكوف
يواليك في المسيمع عاد يخليك
لا سمع لا شوف
تعيقني أنا!!!!!!!!!!!!!!
نان بالله لو سألوك!؟
نان عميان من الأسواق
تسوق الود في ساقي
تور يقطع الخناق
تسوقلك دافنه
تدقشك ترله في عتبه
تخليك لاضهر لا ساق
نان بالله لو سألوك!؟
ماتعرف القروش بي وين
ناس بانين عمارات
وناس تخزين
حكمت تجيني أنا المسكين
البلقط بي قرش وقرشين
تقرشك عقرب تلقاك فوق الريق
يكد جسمك مرطب تب
تقرشك سموم الصيف
تخلي وشيك قايم حب
وقرشا يبلعك
يجري يلف بين جده والصومال
يجيبك لينا تاني هنا
يرميك في الرصيف بي جاي
يسلخ لحمك الفوقك يخليك بس
عضام وعصب
تعيقني أنا!؟
تطرشق لي برنامج أخطط فيه لي سنين
يطرشق فيك كمبرسون يخليك إنت بس ساردين
ويطرشق فيك بوتوجازا
يكون جمبك صفيح بنزين
وترقد مانشوفلنا زول يقول ماشي في تحسين
تعيقني أنا!؟
كمان تسرق ملاياتي
المن كيسه ما إتفكن
ولا عارف نقوشن كيف
يفكك منهن الله اليوم قبل باكر
يخليك لافي صيف وخريف
يفك ضلعك
تفارق عقلك
تسك الماشي فوق عدلك
زي جملا عشاه الزيف
نفسك فااااااااااااتحه ترقد فوق ملاياتي
ترقد يابا في غرفه
تكون مفروشه بالصرفه
ونمله يخوموه بالقفه
لا تشوف جني بي عينك ولا بالعتبه تتعتب
عشان عملك تسوي العيب تسرق الجيب[/grade]
:019: [/size][/size]
