سوداني اسم بس

[فنونة]

الاخ العزيز تمبرلي
موضوعك مهم جدا".......بس لاسف احنا كسودانين مطنشنو وما مدينو اعتبار
ليهم ولي مقامو

لجمال الصدف,,انو قبل كم يوم كنا مجموعة طلبة سودانين مجتمعين طرا على بالنا الموضوع
ده..لمن انتبهنا انو احنا لمن بنتكلم ونتواصل مع الجنسيات الاخرى بنستخدم لغاتهم
فجأة إتسائلنا انو ليه احنا ما بنحكي معاهم بي لغتنا السودانية؟؟؟ او هم يحكو معانا سوداني
زي ما احنا بنخاطبهم بي لغتهم؟؟
احتدم النقاش بين مؤيد بالاغلبية ومعارض
اكتشفت انو.......احنا كسودانين بينقصنا الكتير من الثقة بكينونتنا كسودانين
بنتوهم انو لغتنا غير مفهومة............؟؟؟؟
ووووووووو بنتوهم حاجات كتيرة ممكن تعوق من نشر ثقافتنا ابسطا لغتنا.


لو نظرنا للدول العربية فقط حنلقى انو اغلبية لغاتا مفهومة وممكن يتكلم بيها الكتير
واحنا كسودانين؟؟؟؟؟؟؟لغتنا للاسف مندثرة وهي اللغة الاقرب للعربية
(سبحان الله)

يعني بس لو ختينا الرحم في قلبنا,,,,,,,وعرفنا قدرنا
كان كنا............في العلالي

تخلف لغتنا بسببنا
يعني الحل بسهولة جدا" نفرض نفسنا على الاخرين ونفتخر بي لغتنا
ونتكلم بيها قدام الكل فرضا" علينا............لو ما عملنا كدا وبدينا
بي احنا من انفسنا اعتقد ما في طريقة تانية انها تنتشر وتتفهم للعالم


سامحني طولت بس الموضوع عجبني......وتخيل كنت مفكرة انزل بوست
ععلى نفس الشاكلة,,,,,,بس انت بديتو وما قصرت

لي عودة بعد التعليق على ما قلت

مع محبتي :079:

[المصرداني]

اكتشفت انو.......احنا كسودانين بينقصنا الكتير من الثقة بكينونتنا كسودانين
بنتوهم انو لغتنا غير مفهومة............؟؟؟؟
ووووووووو بنتوهم حاجات كتيرة ممكن تعوق من نشر ثقافتنا ابسطا لغتنا.


لو نظرنا للدول العربية فقط حنلقى انو اغلبية لغاتا مفهومة وممكن يتكلم بيها الكتير
واحنا كسودانين؟؟؟؟؟؟؟لغتنا للاسف مندثرة وهي اللغة الاقرب للعربية
(سبحان الله)

:079:

قد يصيب التوهم البعض
لكن
أنا عشت في المملكة العربية السعودية فترة زمنية طويلة
ولاحظت , علي عكس ما ذكرت , أن السودانيين يتحدثون بلهجتهم
وهي مقبولة ومفهومة من قبل السعوديين واليمنيين وباقي أهل الخليج بل ومن قبل أهل الصعيد في مصر
أما ,وعن تجربة, اللهجة اللبنانية تحديدا فهي غير مفهومة علي الأطلاق
وأقسم أنني كنت أجد صعوبة في فهم مايقولون
أما اللهجة المصرية فأنما سبب شهرتها يرجع الي المسلسلات الحمقاء التي تقدم علي الفضائيات
وهي لهجة للتندر والفكاهة رغم أنني أكاد أكون من أهلها

[المصرداني]

عفوا تذكرت نادرة
وهي حدثت مع عديلي في احدى دول الخليج
زميله في العمل قال له أى لعديلي
أنتم ياسودانيين أسمائكم غريبة
عديلي أسمه همام


عارفين الأخ الذى تعجب من أسماء السودانيين أسمه شنو ؟؟؟!!!!!!!!!!!!!

أنظر أسفل حبتي












































أسمه ( نخيره النخيران )
أقسم أن هذه ليست بنكته

[M.Hadad]

الاخ العزيز تمبرلي
موضوعك مهم جدا".......بس لاسف احنا كسودانين مطنشنو وما مدينو اعتبار
ليهم ولي مقامو

لجمال الصدف,,انو قبل كم يوم كنا مجموعة طلبة سودانين مجتمعين طرا على بالنا الموضوع
ده..لمن انتبهنا انو احنا لمن بنتكلم ونتواصل مع الجنسيات الاخرى بنستخدم لغاتهم
فجأة إتسائلنا انو ليه احنا ما بنحكي معاهم بي لغتنا السودانية؟؟؟ او هم يحكو معانا سوداني
زي ما احنا بنخاطبهم بي لغتهم؟؟
احتدم النقاش بين مؤيد بالاغلبية ومعارض
اكتشفت انو.......احنا كسودانين بينقصنا الكتير من الثقة بكينونتنا كسودانين
بنتوهم انو لغتنا غير مفهومة............؟؟؟؟
ووووووووو بنتوهم حاجات كتيرة ممكن تعوق من نشر ثقافتنا ابسطا لغتنا.


لو نظرنا للدول العربية فقط حنلقى انو اغلبية لغاتا مفهومة وممكن يتكلم بيها الكتير
واحنا كسودانين؟؟؟؟؟؟؟لغتنا للاسف مندثرة وهي اللغة الاقرب للعربية
(سبحان الله)

يعني بس لو ختينا الرحم في قلبنا,,,,,,,وعرفنا قدرنا
كان كنا............في العلالي

تخلف لغتنا بسببنا
يعني الحل بسهولة جدا" نفرض نفسنا على الاخرين ونفتخر بي لغتنا
ونتكلم بيها قدام الكل فرضا" علينا............لو ما عملنا كدا وبدينا
بي احنا من انفسنا اعتقد ما في طريقة تانية انها تنتشر وتتفهم للعالم


سامحني طولت بس الموضوع عجبني......وتخيل كنت مفكرة انزل بوست
ععلى نفس الشاكلة,,,,,,بس انت بديتو وما قصرت

لي عودة بعد التعليق على ما قلت

مع محبتي :079:

بالعكس نحن لغتنا واضحه جدا قد يكون في مفردات غير مفهومه ليهم لكن معظم اللغه واضحه

ذكرتيني قبل 3 اسابيع وانا جاي علي الخرطوم في مطار دبي وقفني ضابط الجوازات (اماراتي) وقال لي ازيك يا زوول وسالني قال في سودانيين استاءو لما قلت ليهم يازول وانا سالت سوداني قلت ليه اشرحها لي وقال لي معناها يا ابن العم اندهشت طبعا وشرحت ليه معناها واضفت ليه انها ممكن تكون بصيغه تحبب
الحاجه الزعلتني ليه واحد سوداني يدي معلومه غلط زي دي؟

نحن بنحاول نحبب الناس فيها ونوريها ليهم لكن في مننا البيصعبها عليهم بالمعلومات الغلط

[M.Hadad]

عفوا تذكرت نادرة
وهي حدثت مع عديلي في احدى دول الخليج
زميله في العمل قال له أى لعديلي
أنتم ياسودانيين أسمائكم غريبة
عديلي أسمه همام


عارفين الأخ الذى تعجب من أسماء السودانيين أسمه شنو ؟؟؟!!!!!!!!!!!!!

أنظر أسفل حبتي












































أسمه ( نخيره النخيران )
أقسم أن هذه ليست بنكته

هههههههه
والله كل شعب بيشوف التانيين غريبين

تتخيل انو الصينيين بيقولو اننا متشابهين :D

[أبعاج]

لهجتنا تميزنا عن غيرنا ونحن نفتخر بها !! والماعاجباه يكوس ليهو بلدا تانى

[M.Hadad]

لهجتنا تميزنا عن غيرنا ونحن نفتخر بها !! والماعاجباه يكوس ليهو بلدا تانى

خير الكلام ما قل ودل

[رؤى]

بس مثلا انا متولدش في السودان ولا عمرى روحتها فطبعا معرفش اى حاجه عن اللهجة السودانيه فيا تري ممكن تتحذف مشاركاتى برضه ولا ايه

[dalaa]

السلام عليكم
أنا بسأل سؤال أخواتى 00أنا سودانية و لكن مولودة و متربية فى مصر و بالتالى لهجتى مصرية ومش بعرف أتكلم سودانى 00ده معناه أنى لا أكتب فى المنتدى السودانى ولا أشارك فيه
أمال أشترك فين ؟ فى المنتديات المصرية لمجرد أن لهجتى غير سودانية ولا لخوفك أحسن الفيرس بتاع اللهجة المختلفة ينتقل للأشخاص اللى فى المنتدى.
و الله يا أخ محمد كلامك محزن




شكرا

[رزان]

انا معاكوم ان فى كلمات دخيلة على لغتنا السودانية

ودا شى طبيعى نسبة لانفتاح السودان على الدول العربية

بشكل عام..ودخول ثورت التكنلوجيا والفضائيات النتشرت انتشار

النار عالهشيم..فشى طبيعى ان الناس والشباب على وجه الخصوص

يتشربو الثقافات دى ويمتصوها.

وعالافكرا مالسودان بس البعانى من المعضلة دى..لا دوول عربية كتييرة وعلى راسها

مصر..يعنى انتا اليلة لومشيت مصر ..او حتا تابعتا المسلسلات المصرية حتلقا الشباب المصرى

بيتكلم لغة عجيبة..يعنى مالغة المصرية المعتادة..ذى(يامعلم-قشطة-نفضلو-موزة...الخ) وهم بسموها الغة الروشة دا طبعا حسب مفهومون

ونفس الحكاية الشباب السودانى..بيدخل مصطلحات عربية وخليجية..نسبة للثقافات النفتحت على السودان

[شيرو]

برايي انو حتى التكنولوجيا والفضائيات الانتشرت المفروض ما تاثر في لغتنا ابدا لانو اللهجه السودانيه
احسن لهجه وانا بفتخر بيها ... واما اناس المولدين بره وما عارفين حاجه عنها اكيد امهم وابوهم مازيهم وممكن يتعلموها منهم وانا بعتقد انو ده ما عذر لانو هنا في ناس كده ومتعلمنها..وفي ناس تانين يجيبو الضغط والسكري لمن نكون نحن كلنا قاعدين في مناسبه وهم بتكلمو بالسعودي ما عارفه قاصدين شنو smiels0:

[خيركم]

الاعزاء السودانيين جميعا
لكم التحية والتقدير
نحن كدة والماعاجبة يغور مكان ما يعجبة...
لغة مفهومة للعرب جميا بس امكن فيها بعض المفردات الغريبة على الكثيرين...
عجبني كلام فنونه الله يحفظها ...
لازم نحن نعتز باننا شعب متفرررررد ما بنشبه الباقين ...
لو عايزين تعرفوا الكلام دا ....
اسالوا اي واحد ما سوداني عاش في السودان لفترة ...
اكيد حتسمعوا منه ما يجعلكم تفخروا انكم سودانيين مية المية زي ما قال ابوعاج..
لكم وللسودان كل الحب

[قمر ام درمان]

والله يا M. Hadad كأنك بتتكلم بلساني .. انا عشت في الغربة اكثر من عشرين
سنة متمسكة بلهجتي السودانية وما ادخل كلمة غير سودانية الا اذا كانت كلمة غير مفهومة
للجناس التانية .. وانا لاحظت انو كل الاولاد ا لعرب في السعودية يتكلمون بلهجتهم اذا
كانت سورية مصرية لبنانية وهم مولودين ومتربين في السعودية لاينسون لهجتهم ولا يدخلوا
اي الفاظ تانية كل الاجناس في السعودية تتحدث بلهجتها ماعدا السودانيين .. الواحد لما
تسمع كلامه ماتعرفو دا بدوي .. صعيدي.. سعودي متسعود .. تحتار في اي بلد دا عايش ..
والمعروف انو الناس المابعرفوا اللغة العربية وعاشوا في السعودية تعلموا اللهجة السعودية
بحكم انهم بعملوا فيها .. بس الجنس الوحيد البعوج لسانه السودانيين زيهم زي اي تكروني
باكستاني .. او هندي ..
هل بخجلوا من لهجتهم !! ؟؟
المغاربة او التوانسه بتكلوا عربي .. لكن لهجنهم كانها رطانة .. واحيانا بكون في شريط ترجمة
للغتهم العربية .. رغم كدا متمسكين بيها وماحاولوا يغيروها ..
الله يهدي الجميع .. ويرد ثقتهم في نفسهم

[هديل الحب]

انا من رأي انو في سودانيين اتاثروا باللهجات الاخرى بسبب اغترابهم عن السودان ودي حاجة طبيعية
تقبلوا خالص تحياتي

[بنت كوش]

موضوع جمييل جدا

فعلا هي مشكله ومشكله كبيره كمان

شنو يعني تتكلم بي لهجه غير لهجتك؟

علي شان تسبت شنو يعني ؟

وبعدين تعالو غيرنا لهجتم اسمح من لهجتنا في شنو ؟؟ والله لو ما اشنا مااسمح

في ناس بيحاولو يقشرو وكدي وصراحه دي في وجهة نظري بترجع لي

عدم الثقه بالنفس .

مفروض نتكلم بيها في كل حتا لي غيرنا يفرض لهجتو علينا؟؟؟

احكي ليكم قصتين متناقضتين .. وهي قصه حقيقييييييييه

في اخوين اتولدو في الخليج بيجو السودان بس اجازه

الكبير رافض فكره انو سوداني واي زول يسالو بيقوليهو انو مواطن

وبعدين شكلو مساعدو في الكضبه دي وما مايتكلم سوداني

خاااااااااااااااااااالص الا في السودان بس


واخو الاصغر منو عكسو فخور بي انو سوداني وبيتكلم سوداني مع اي زول

لي درجه انو اصحابو لبنانين بقو بيتكلمو سوداني بي طلاااااااااااااااااقه ...


يعني ياجماعه لهجتنا مفروض نفرضا علي الناااااااااااس ونعتزا بيها....

[احمد حمدى]

انا معاك مفروض كل واحد يتكلم بلهجتو بس نحن ما نكون قاسين على اخوانا اللى اتربو وعاشو اكثر من نصف عمرهم خارج السودان وقد تخرج منهم بعض الكلمات من باب العفوية ومن غير قصد

[المسيري الأحمر]

أنا سوداني و بفتخر بالســــــــــــودان و اللهجه السودانــــــــــيه

[المسيري الأحمر]

لكن ياجماعه أعذرو كل سوداني و سودانيه عايش بعيد عن الوطن الحبيب زي حالتنا

بالنسبه للألفاظ و الكلمات الخارجه عن لغتنا الأم , لأنو الإنسان كل مايطول غيابو عن الوطن و يعيش

لفتره طويله برا السودان لازم يتأثر بالبلد إلي هو عايش فيها , لكن دا ما معناهو إنو ينسي إنو سوداني....



ســـــــــــــــــــــــــــــــــــــــــلام

[همسة عطر]

اخي M.Hadad

اشكرك على التنبيه لهذا الموضوع .. وضرورة المحافظة على الهوية السودانية وعدم طمسها بلهجات أخرى (خليجية .. اسيوية .. وغيرها .. وما خفي كان أعظم) .. والحمد لله الكثيرون ممن طالت غربتهم ولكن لم تتغير لهجتهم ، علماً بأنهم يحادثون الآخرون بلهجاتهم دون أن يؤثر ذلك على لهجتهم ، وإنني في هذا المنتدي أحبذ الكتابة باللغة العربية الفصحى .. ولا توجد لغة اجمل من اللغة العربية لغة القرآن ولغة أهل الجنة .. وبهذا المناسبة احكي لكم قصة أخاً لنا في الغربة اعوج لسانه واصبح ينطق بعامية أهل الخليج وكان يتحدث مع أخوه في السودان وحتى لا يخسره مالاً من جراء اتصاله فكان يقول له بالعامية الخليجية (سكر التلفون .. انا حا أكلمك) والتي تعني (أقفل التلفون) ويكرر ذلك باستمرار والطرف الآخر يقول ليه : (قلت شنو؟! تقول شنو؟!! ) واخوه يكرر سكر التلفون .. فما كان من أخوه إلا أن قال مسكين اخوي أكيد جرى لعقله شئ في غربته الطويلة..
ودمتم بخير ونعمة ..

[ليالي]

الله يديكم العافية يا شباب .
انا وحدة مقيمة في البحرين و عندي صديقات بحرينات ،، في بعض الاحيان لما اكون في البيت بتكلم سوداني و حتي لما امشي لصحباتي بنسي اني قاعدة مع بحرينيات فبتكلم سوداني و حتى هم في البداية بيستقربوا و بيسألوني عن بعض الكلمات و حسي بقوا احسن مني و ده شي حلو اننا نعرف نتكلم لهجات بعض لكن ما ننسي لهجتنا الام( اللهجة السودانية )