نــقــطــة نــظــام

[ود أزهري]

السيد المشرف العام..,..السيد المدير العام..,..السيد المراقب العام..,

السادة المشرفين الأفاضل..,..والأعضاء الأصدقاء والأعزاء...,,

السلام عليكم ورحمة الله وبركاته..,,

أولا ً وفي بادئ الأمر التهنئة لكم بحلول شهر رمضان الكريم..أعاده الله علينا وعليكم بكل الخير..

ثانيا ً أعتذر لكل من طال غيابي عليه من جميع أخوتي وأخواتي وأصدقائي وصديقاتي في المنتدى...

اليوم هي الزيارة الأولى لي للمنتدى منذ فترة ليست بالقصيرة وذلك لتضافر الظروف حولي والتي

حالت دون تواصلي مع المنتدى بالشكل المطلوب...

والشئ الذي أحزنني كثيرا ً هو حال المنتدى مع أنه يزخم بكل هذا الكم من المشرفين والأعضاء ,

ومن خلال تنقلي بين صفحات المنتدى وجدت أنه ما زال هناك بقايا لأعضاء قدامى ما زالو يتواصلون

بروح واحدة ( وشوف عيني دي المحمدة الوحيدة الباقية من ما تركناه خلفنا ) .

وأيضا ً مما أحزنني أكثر وأكثر وأنا أتصفح رحيل عدد من الأعضاء كانوا يمثلون لب المنتدى وبؤرته .

وفوق ده كلو اتفاجأت بإنو إترفع مني إشراف منتدى الأغاني والكليبات السودانية بدون إخطار ,

وأنا ما جاي أتظلم من الحاجة الحصلت..بس أعتقد إنو الكلام ده مبهم جدا ً .

إتخيل نفسك عزيزي القارئ في مكاني والحصل كالآتي :

في يوم 24 / 3 / 2008 م طلب مني المشرف العام ملاقاته على الماسنجر لمناقشة أمر ما ,

والموضوع كان إنو يتم توكيلي بالإشراف على منتدى الترحيب بالأعضاء الجدد ,

ومن منطلق الحب والولاء لمنتدى أنا سوداني الكان عزيز على قلبي وافقت على قبول مهمة الإشراف ,

وبديت المشوار ده بكل ما أملك من وقت ومجهود والحمد لله بشهادة الجميع كنت في كامل الالتزام ,

وأبدا ً ما كنت أتخيل إنو تقدير المجهود والوقت الكنت بستقطعه حتى من وقت الجامعة

يكون بإنو يترفع الإشراف وحتى بدون رسالة شكر لما كان مني تجاه المنتدى...!!!

طيب ياخي أقل حاجة زي ما الناس إتناقشت في التكليف بالإشراف يكون في مناقشة برفعه...!!!

ولا أنا غلطان...؟!!

وللمعلومية أنا كنت في ( وش المدفع ) بعد رفع الإشراف من الطاقم القديم...

وها أنا ذا أراكم يا إدارة أنا سوداني المحترمة في نفس الغلطة الوقعتوا فيها قبل كده ,

لما رفعتو الإشراف من الطاقم القديم ( الذهبي )...وتم رفع الإشراف بدون تقدير المجهودات

ودي الخلتكم تفقدو ذلك الجيل شر فقدة...

كلام خاص عام للمشرف العام...

أنا يا عم صلاح قبلي كده مش قلت ليك إنو أنا المنتدى ده ما بخليهو إلا يخليني هو...

وبالظبط ده الشي الحصل وعلى مرآى من الجميع , المنتدى هو الخلاني...مش برفع الإشراف بس...

حتى بعدم التواصل ولو لمعرفة سبب الغياب ، مع العلم إنو وسائل التواصل كلها متاحة للإدارة .

وإليك يا عمنا السني...

بيناتنا كان في أحاديث وأحاديث عن مواصلة المشوار في المنتدى لآخر المدى ,

لكن أنا الآن فقدت ما كان لدي تجاه المنتدى , وما تشبه بالزول السبقني لكن ده الواقع وللأسف..!!

وغايتو أنا الحاجة الفي قلبي قلتها وفي المنتدى الأقرب لي قلبي الأصدقاء والأحبة ,

وما داير أعمل زي ما الناس عملت ( مع إنو كلهم عندهم الحق في العملوهو ) وأقول مع السلامة ووداعا ً

والأمور دي لأنو العلاقة الربطتني بي منتدى أنا سوداني أكبر من إنو أخليهو بالطريقة المبهمة دي ,

وأنا زول الفي قلبي في لساني والحق حق...والجزاء مفروض زي ما إتعلمنا يكون من جنس العمل ,

وبخلي المساحة دي لكل من عندو رأي يقولو وأتمنى صراحة الكلام ,

وطبعا ً الكلام الأهم كلام القائمين على أمر المنتدى و المسؤولين من الحصل .

وأخيرا ً وليس آخرا ً أحب أقول إنو أنا سوداني المنتدى العاش في كياني وعشت فيهو زمن جميل ,

ومن هنا بناشد كل الأعضاء قدامى متواصلين وجدد منورين بي إنو يواصلو نشاطهم في المنتدى

وبتمنى ليهم وللمنتدى كل التقدم وللأمام دوما ً...ورمضان كريم للجميع .


تحياتي.....ود أزهري..

[صلاح يحيى سليمان]

الابن محمد

لقد تغيبته عن المنتدى لفترة ليست بالقصيرة بدون
اخطار ايه شخص ...وتغيبك كان فى فترة حرجه
جدا ...تحدثت معك اخر مرة فى المسنجر فى
المشاكل التى كانت تدور وقتها ...وطلبت منك وترجيتك
بان تنتبه لما كلفناك به ..وعدم الدخول فى الشللية
والمجاملات ...ولقد وضحت لك مدى حوجة المنتدى
لشخصك...وكررت لك ان تحدد موقفك ومدى
انتمائك لاناسودانى.....ثم انقطعت عن المنتدى
ولم نسمع منك الا هذه المشاركة.

اين هو الظلم الذى تتحدث عنه؟؟؟؟

تم كذلك رفع الاشراف عن الاخوة استاروا وابن بطوطة.
مشرفين فى المنتدى ومسجلين غياب بالشهور...!!!!
مشرفين كلفناهم باختيار من كل المشرفين ..لمجهوداتهم
وناشطهم البارز...واشياء اخرى عديدة.......!!

الابن محمد ....ليس الوصول الى الاشراف هو نهاية
المشوار...ليس ان يصبح العضو مشرف انه وصل
لماكان يتمناه.....!
الاشراف التزام ....وجهد متواصل ....!!


وشكرا

[حافظ عوض الله محمد]

لاشك اننا جميعا اخى ود ازهرى ندخل فى دائرة التقصير عن عدم السؤال عنك لاسباب عديدة ينحصر معظمها فى مشاغل الدنيا وهمومها .

ما اثرته من نقاش لن يجد اذنا صاغية من ادارة منتدانا والسبب انها امور كنا نتناقش فيها ويبدو ان رأى الادارة مسلم به وغير قابل للنقاش لانهم الاحرص على المنتدى من غيرهم ، ومن هنا بدأت نقطة الخلاف


ارجو ان يتسع صدر الجميع لما اود قوله
وجهة نظر الطاقم القديم ( اعضاء ومشرفين سابقين )
ان ادارة انا سودانى كل همها تكثيف الجهود لرفعة المنتدى من خلال اناس يقومون بادوار تؤكل اليهم وعليهم تنفيذها حرفيا ( من حذف ودمج ونقل وانذار وابتسامة فى وجه القادم الجديد ) دون الخوض فى النقاش والاسهاب فى كثير من التفاصيل التى تساعد على تهئية بيئة العمل

لاداعى لذكر امثله على خلافات سابقة نسعى جميعا لتجاوزها

وجهة نظر الادارة
ادارة المنتدى من خلال التكليف بالاشراف تتوقع من الشخص القيام بكل مايؤكل اليه من مهام مسلم بها

الاشراف التزام ....وجهد متواصل ....!!

ود ازهرى كن عضوا تتحفنا بالروائع ودعك من الادارة وتعقيداتها اللامتناهية
وبالمناسبة بعد رمضان شوف لينا حاجات كاربة لولدنا نميرى حسين

[ود أزهري]

سبحان الله.....!!!

هسي يا عم صلاح هل ده كلامك الإنت مقتنع بيهو وبتقولو على الملأ...؟؟

هل إنت متأكد من إنك جاوبت على التساؤلات الأنا طرحتها في ( الجريدة ) الفوق دي...؟؟

هل إنت متأكد من إنو تحليلك لموقفي صحيح في إنو تظلّم من رفع الإشراف...؟؟

هل إنت مقتنع إنو قراراتك صحيحة لدرجة إنك ترفع الإشراف من استارو ومن ابن بطوطة ,

وبدون اخطار ولا حتى رسالة شكر في المراسلات الخاصة على ما كان منهم تجاه منتداك...؟

وتصل لي إنك تحظر أحمد يس من جهة ,

وتقدم وسام الأفضلية لطرف المشكلة الآخر من جهة أخرى وفي نفس الوقت...؟؟

هل إنت ( مــثــلا ً من بعض ما بين صفحاتك ) مقتنع بالأسماء البتسجل في منتداك يوميا ً ,

والكنت بتمارس عليها قانون الحظر ,

لمخالفتها لوائحكم وقوانينكم بأنها أسماء غير لائقة وفيها ما فيها من الإساءة...؟؟

والسؤال الجوهري هو...

هل إنت مقتنع بالحال الوصل ليهو منتداك الإنت بتجاهد عشان ترفعو بين كبريات المنتديات ,

وما شايف أو مغمض عيونك من البيحصل وماشي سادي دي بي طينة ودي بي عجينة...؟؟

أعتقد يا عم صلاح إنو إنت في الفترة دي وللأسف في مرحلة لا تحسد عليها , ومع احترامي ليك

لم تجد الكفاية من الحكمة للتعامل مع مواقف كانت تحتاج للكثير مما لم تجده...

اخترت أن تخسر المجموعة التي هي تتناقش وتتبادل الآراء وتقوم الأخطاء ,

وتكسب المجموعة التي هي ( معك قلبا ً وقالبا ً ) وما معروف القلب حق منو والقالب حق منو...

مع احترامي لطاقم الإشراف الحالي اللي هم بصفقوا لكن ما عارفين الحفلة حقت منو...

أرجو يا سيدي العزيز أن تأخذ كلامي بواسع البال لكي تستطيع أن تجد المخرج الصحيح

من دوامة الهبوط التي أنت بصددها , وأتمنى لك دوام الصحة والعافية و للمنتدى دوام التقدم

والتطور في ظل نعمة الهدوء...


تحياتي.....ود أزهري..

[ود أزهري]

عمنا حافظ العزيز...

أشكرك بكمية على مداخلتك الكنت محتاج ليها عشان أعرف مدى صحة كلامي ومدى غلط كلام الناس ,

تعرف ياحافظ , البيني وبين المنتدى كبيرة ولا تقدر بثمن ,

عشان كده في الجاي من الأيام ما حأكون بعيد من المنتدى , لكن ما قريب برضو ,

لأنو زي ما وضحت ليك إنو أنا والمنتدى قدمنا لي بعض الكتير ، وما أنا أول زول يحصل ليهو الحصل ,

وأقرب مثال مؤيد لما أقول هو شخصك الكريم وعدد من الجيل الفريد الذي أؤكد أنه ما زال يرتاد المنتدى ,

وسيظلون يرتادونه , ولكن عبر الأثير إلى أن يصبح من حق الجميع إبداء آرائهم ووجهات نظرهم

بدون التعرض للمساءلة من ذوي الشأن , وينال كل ذي حق حقه وتعم الديمقراطية التعامل .

وإلى ذلك الحين يا صديقي العزيز أسعد الله أيامك ورمضان كريم ولنا لقاء قريب إنشالله...


تحياتي.....ود أزهري..

[اسامه خضر محمد على]

الاخ العزيز المبدع ود ازهرى قبل كل شى ارجو منك ان تقبل اعتزارى الشديد فى عدم السؤال عنك وسبب غيابك وتانى حاجه حكاية الظلم فى المنتدى بقت ظاهره يجب على الاداره الموقره الوقوف فيها كثيرا ودراستها ومعالجة اسبابها ولكن الملاحظ ان كل ما يشتكى عضو عن ظلم وقع عليه ترد الاداره وتثبت للكل ان ليس هنالك ظلم بل تخيلات من العضو وان العضو هو من ظلم الاداره بتلك الاتهامات ولكن فالنجلس جلسه اخويه مع بعضنا ونرى كمية الاعضاء الذين اتهموا الاداره بالظلم وكم عددهم وماهى شكواهم واى ظلم وقع عليهم ونسأل انفسنا س}ال واحد بس هو هل كل هؤلاء الاعضاء كازبون وغير منصفين ويدعون على الاداره ما ليس بها ؟؟؟ ثم لمصلحة من هذه المشاكل التى تثار من وقت الى اخر ومن المستفيد منها ؟؟؟ هل المستفيد منتدانا ام بعض المشرفين ؟؟؟؟ ام هنالك اعضاء لهم مصلحه فى الذى يحدث ؟؟؟ قد نجد هنالك اعضاء مخطئين ولكن ليس كلهم وقد نجد هنالك اخطاء اداريه فماذا فعلت الاداره لعلاج تلك الاخطاء ؟؟ واخيرا اخى يا هرم من اهرامات الابداع فى منتدانا خليك قريب (كما تقول ) وستجد شكواك اذن صاغيه ومساندة منا نحن ما نظن انفسنا حادبين على مصلحة هذا المنتدى وبحكم اننا من قدامى الاعضاء ووجودك معنا يزيدنا قوه ومنعه لصد الظالمين وانت تعرفهم وانا اعرفهم والجميع يعرفهم ولك كل الود والتقدير يا مبدع ويا فنان وخليك قريب

[حافظ عوض الله محمد]

تعقيب الاخ ود ازهرى على رد المشرف العام ..

العزيز ود ازهرى مثل هذا الكلام يجب مناقشته داخل الغرف المغلقة ،
ما اتوقعه من المشرفين السابقين ان يعو ان التكليف بالاشراف لاينتهى برفع الاشراف ، بمعنى ان المشرف السابق يجب ان يتعامل وكأنه من طاقم الادارة ، ولايعتبر رفع الاشراف نهاية دوره فى الادارة

[ود أزهري]

الصديق العزيز ود مزاد بحري...أسامة ود الخضر...تحية طيبة خالص خالص...

الموضوع يا أسامة ما موضوع ظلم وظالم ومظلوم...

الموضوع هوعدم القدرة على إدارة المكان النحنا بقينا نعتبر إنو بيتنا التاني ،

والغريبة في الموضوع إنو رب البيت شخص كلنا بنحترمو كل الإحترام ونشهد له بوافر الحكمة ,

كيف يعني حاجات صغيرة زي دي ما يقدر ليها...ويفوت عليهو تقدير مجموعة من الأمور في منتهى

السهولة بمكان لتقديرها تقديرا ً صحيحا ً , إذا ً يا أسامة معناتا وراء الأمور أمور تانية ما عندنا علم بيها ,

وتانيا ً...أحب أنبه للمرة التانية إنو يا أخوانة أنا نقطة النظام الوقفت ووقّفت الناس فيها دي ,

ما عشان فقدت منصب مشرف , وللما عارف الفي رقبة المشرف يقول تعال يا اشراف ,

المهم عشان ما كل مشاركة أصرف فيها كمية من حروف اللغة ,

يا أسامة العلاقة الربطتنا بي بعض ما بالساهل الإستغناءعنها...

لكن لازم توضع النقاط فوق الحروف وزي ما قلت ليكم لازم كل ذي حق يأخد حقه...

وعلى كده يا أسامة خليكم قريبين وطالبو بي حقوقكم من كبيركم لي صغيركم ونحنا هنا قريبين...


تحياتي.....ود أزهري..

[ود أزهري]

يا حافظ...

للمعلومية...ما عندنا غرف مغلقة وما دايرين الغرف المغلقة...

ونقاشاتنا دايما ً على الهوا وقدام الجميع عشان كل زول يعرف البيهو والعليهو...

وعشان كمان أي زول عندو حق ياخد حقو , وما دايرين حق زول يمشي لي زول تاني...

وأنا حأكتب كده لمن أقتنع تمام الإقتناع بالمنتدى وأشوف الزول المناسب في المكان المناسب

وأشوف الإدارة المقنعة وأتأكد إنو المنتدى ماشي لي قدام بعدين يكون للحديث بقية...

ولحدي الزمن داك خليك كده يا حافظ ولنا حديث...


تحياتي.....ود أزهري..

[مجدى عكاشه]

رايكم شنو فى ادارة جديد ة .!!؟

ود ازهرى المدير العام وعمنا احمد يس المشرف العام واسامة خضر عضو مميز ..!!

يا الله المشاكل دى بتتحلى لمن تحصل استقالات جماعية وتعينات جديدة ..!!؟

ولا الثأر حيكون عنوان ادارة المنتدى الجديدة ..

يا الله حتعملو انتخابات لترشيح الادارة الجديدة .. وهل حيكون فى برنامج انتخابى عشان نحن الاعضاء

المساكين ديل ما نروح فى الكرعيين ساى ..!!

ولا الجووطة العلى الهواء مباشرة دى بداية لى اعتصام كلى وليس جزئي ..

يالله حنشوف مظاهرات فى المنتدى ضد السلطة القائمة .. وحيكون فى فريقين عمل

ناس الحكومة براهم وناس المعارضة براهم ..!!

على اى حالـ


طيلة السنوات الماضية كانت المعارضة فى انشقاق مستمر ..

هل حيحصل العكس وتكون المعارضة هنا متماسكة وتزحف نحو المركز للاستيلاء على السلطة

تحت قيادة رشيدة وهو الدكتور ( احمد يس ) خلى بالك اوعى تركب طيارات الايام دى ..!!

ولا الجوطة دى كلها المراد منها كتابة باللون الاحمر كلمة ( احتج ) ..!!

مع انو فى منتديات تانية ممكن تكون حريصة على تناول المواضيع دى بشكل جميل ..!!

لكن يا الله الموضوع دة كان مشا منتدى الشكاوى والاقتراحات حيكون افضل للمنتدى لكن ما افتكر

ن حيكون افضل للعضو او جماهير العضو .. عشان هناك مافى زيارات متعددة من الاعضاء

وحتى امكانية الاستقطاب زاتها ضعيفة للحاجات دى .. \

الى بس الناس بتيعين الشمار الزينا دييييييييل ,, \

نتفرج فى الناس القدام وقدام القدام زاتو .. ونستغرب يا الله قصد الناس دى شنو شارين غسيلهم هنا

فضائح ودق صفائح .. ولا مافى حل تانى عشان نسمعكم ..!!؟

اما شى عجيب ..!!
\

وحقيقة اكتر حاجة ممكن تكون ملفتة للنظر

السادة ( المطبلاتيــــــــة ) .. زينا كدة وزى ناس حبايبنا كتااار قاعدين وشايفنهم وكلنا فى الهوى سوى

وبنتمنى الخير للجميع لكن الموضوع ممكن يكون مرح برضو ..!!




خروج من النص ...!!


تفتكر يا ود ازهرى انت حصل اتناقشت فى موضوع فكرى ثقافى كان او سياسى او رياضى

واخد منك الوقت والالحاح دة ..!!؟

عشان كنت بتكلم مع حبيبنا السنى يوم امس بليل ..

قلت ليهو حاجة غريبة جدا

ما حصل شفت لى موضوع خلى الناس تتناقش فيهو بى صورة الشد والجزب دى الى المشاكل ..

ودى ظاهرة خطيرة جدآ بتنتهى بى خواء معرفى رهيب ..

والغريبة ان كل الناس الهنا كويسين جدا على مستوى ابداعاتهم ومميزاتهم الحقيقية ..

لكن الاجتهاد فى الضر .. اكتر من الاجتهاد فى الخير

ومداخلتى هنا كانت للاسف اجتهاد فى الضر ..

عشان المناخ الملوث ممكن يلوث كل البيئة المحيطة بيها ويأثر على البيئة البعيدة منو جزئيآ ..!!

ومافى زول يلومنى بعد كدة ..!!

اساسآ لى زمن خرمان لى شكلة فى المنتدى هنا

وحشوف لى كبش فداء اتشاكل معاهو .. يا حظرونى يا حظروهو يا الاتنين فى الهوى سوى ...!!


وعلى الله .. وعليك يارب توكلنا ..

[حافظ عوض الله محمد]

للمعلومية...ما عندنا غرف مغلقة وما دايرين الغرف المغلقة...

ونقاشاتنا دايما ً على الهوا وقدام الجميع عشان كل زول يعرف البيهو والعليهو...

ود ازهرى قصدت بالغرف المغلقة ان توقيت النقاش الان غير مناسب اضافة الى انه لن يجد الاذن الصاغية
لا ادرى لماذا احس ان الشللية التى وردت فى رد المشرف العام تعنى لى اشخاصا محددين

عشان المناخ الملوث ممكن يلوث كل البيئة المحيطة بيها ويأثر على البيئة البعيدة منو جزئيآ ..!!

ومافى زول يلومنى بعد كدة ..!!

اساسآ لى زمن خرمان لى شكلة فى المنتدى هنا

وحشوف لى كبش فداء اتشاكل معاهو .. يا حظرونى يا حظروهو يا الاتنين فى الهوى سوى ...!!

مجدى حتشوف كبش فداء ياحظروك وياحظروكم الاتنين
، اخشى انك تتطبل للادارة بصورة مريبة ( لم اقصد الانضمام الى حكومة المعارضة التى ذكرتها ) ولكننى وددت ان اشير الى زحفك نحو السلطة اذا جاز ان نسمى الاشراف سلطة


مجدى ، همسة
احذر السنى ابو الريش اذا حاول اقناعك بالاشراف ، كن عضوا نغوص ونستمتع بمداخلاته ومشاركاته التى تضفى القا خاصا

[مجدى عكاشه]

ود ازهرى قصدت بالغرف المغلقة ان توقيت النقاش الان غير مناسب اضافة الى انه لن يجد الاذن الصاغية
لا ادرى لماذا احس ان الشللية التى وردت فى رد المشرف العام تعنى لى اشخاصا محددين


مجدى حتشوف كبش فداء ياحظروك وياحظروكم الاتنين
، اخشى انك تتطبل للادارة بصورة مريبة ( لم اقصد الانضمام الى حكومة المعارضة التى ذكرتها ) ولكننى وددت ان اشير الى زحفك نحو السلطة اذا جاز ان نسمى الاشراف سلطة


مجدى ، همسة
احذر السنى ابو الريش اذا حاول اقناعك بالاشراف ، كن عضوا نغوص ونستمتع بمداخلاته ومشاركاته التى تضفى القا خاصا

والله يا حافظ مباااااااالغة لكن ههههههه

يازول اشراف شنو الوعدونى بيهو دة هههه

لكن جدعتك شديدة ياراجل ..

عمومآ انا ححاول اشرح ليك نقطة مهمه جدآ .. التطبيل نوعين ..

نوع للحكومة .. ونوع للمعارضة .. طبعآ نوع المعارضة بيطبل من ناحية حقوق الانسان وكدة

يعنى الدنيا رمضان يخوانا والناس تهدى شوية والغفران وماعارف اية ( وفكو الحظر )

وتطبيل الحكومة زى عمايلى البعمل فيها دى ..

لكن يا اخوى الاشراف دة لو فيهو قروش سمحة كدة .. وشهرة فى الامم المتحدة ممكن

تخلى الواحد يهاجر كندا او امريكا او استراليا او حتة نافعة نستفيد منها

على الطلاق ومعنى ما معرس .. اطبل للحكوومة عينك ياتاجر .. مصلحة بس ههههه

لكن بزمتك كدة .. وجع راس .. وحزف مشاركة .. ونقل .. وتحزف زول ينطو ليك فى رقبتك

حاظرو مالك وانت دكتاتورى وانت ماعارف اية .. تتساهل وما تحظر يقول ليك انت مشرف تعبان

تتونس مع الناس يشبكوك انت مشرف ماجادى ........ يازول مالى ومال الحركات دى

خلينا نتفرج ونشعللها .. ونسأل .. واساسآ موضوع مافى ..!!

عشان كدة يا فردة خمس معاك السجارة المرة الجاية

وكان فى اشراف مقابل الطبيل .. صدقنى حديك معاى صفحة صفحتين كدة تبلبيهم ريقك العطشان دة

هههههههههههههه

عمومآ يا سيدى لمن نتلاقا فى الافطار يوم الجمعة ححكى ليك الشمار ..

عجيب مرة .. شى غريب ..

لكن انا ماكنت عايزك اساسا ترد على انا كنت مستنى ود ازهرى عديل او استاذ احمد يس لمن يرجع بالسلامة

والغريبة .. فى الاجتماع البهناك داك محل ( الزقاق ) ماشايف زول نهائى من السادة ابناء المعارضة

الى الراقى جدآ فى كتاباتو الاخ اسامة وهو لسة بيناضل عشان يرد حق استاذ احمد يس ..

والله حكاية جميلة خلاص لمن تخت هدف قدامك وتناضل عشانو ..

واخوك طبعآ كان حيشتر الاجتماع واشعللها فوق واكتب بالخط العريض ( نكورك ليكم ماجتو .. نجيكم تكوركو )

قلت يا مجدى عكاشة هوى بطل طبيل وحركات واصبر شوية خلى الاجتماع يسخن .. عشان نجى نعمل حركة حركتين


والله يا حافظ يا صحبى .. المشاكل ماحلوة لكن مرات لمن تحس ان فى هدف وفى غاية من الازمة .. بتقيف

مع الخط الانت بتراه مناسب وصادق .. اما لمن يكون فى خط صيغة المبالغة فيهو واضحة والمشاكل اساسا

بقت بين افراد بيعينهم ما بيتمو عدد اصابع اليد الواحدة بتزعل ..

يعنى ود ازهرى دة هسه منزل بوست طويل وعريض .. مشكلتو زول ولا زولين .. ذنبنا نحن هسه شنو

نتخارج مثلآ من المنتدى عشان هو كعب وادارتو كعبة ..

لا لا لا طبعآ .. طوالى تجى وتنزل رايك فى الموضوع سوى كان طبيل او زغروتة بالمعنى الواضح ..

وحاجة اخيرة ..

انت طواااااااااالى ياحافظ شغال تقص كلامى حتة حتة وترد على الحتة البتعجبك ..

( اقرا الكلام كلو يا مان بعدين رد على ) ..

وبستناك يوم الجمعة عشان اعطشك بعد الفطور هههه وما تنسى سجايرك عبد الواحد داك

يلا يا حبيبنا ونتلاقا تانى

[بكور]

اخترت أن تخسر المجموعة التي هي تتناقش وتتبادل الآراء وتقوم الأخطاء ,

وتكسب المجموعة التي هي ( معك قلبا ً وقالبا ً ) وما معروف القلب حق منو والقالب حق منو...

.[/color][/font][/B]

انا حاتكلم معاك فى النقطه دى بس
بما انو المنتدى خسر معظم المجموعة البتتناقش وكلنا حسينا انو غيابهم فرق كتير انت شايف انو المنتدى ما ناقص يفقد زول تانى
انت لو فى عضو جديد اول واحد بترحب بيهو لو فى موضوع مهم ردك بكون دايما فى البداية
انت من اكتر الناس نشاط فى المنتدى وبعد ده كلو داير تنسحب
ياسيدى والله كفاية الناس المشو
وفكر فى كلامى ده

[ود أزهري]

السلام عليكم...

كل سنة وإنتو طيبين وربنا يحقق الأماني...

يا مجدي يا عكاشة أنا ما عارف إنت بترمي لشنو...

يازول القصة ما قصة حكومة ومعارضة , لكن الحق حق , ولازم أي زول يعرف الغلط منو والصاح منو...

وزي ما أسامة قال , معنى القرارت دي إنو كل المحتجين غلط والادارة هي الصاح وبدون مناقشة...

وعلى كل حال أقرأ الآتي...

أنا لمن بديت ارتباطي بالمنتدى ده كنت كثير المشاركات في جميع أركان المنتدى ،

وأصلا ً ما مفروض أقول ليك الكلام ده لأنك ما زول الليلة ولا أمبارح في المنتدى...

المهم , زي ما قلت إنو الإشراف ما غاية العضو...لكن لمن تكون عضو ويطلب منك إنك تبقى مشرف ,

ويحصل نقاش طويل عريض لتعيينك ويتم ذلك , وتجتهد كل الاجتهاد في إنك تأدي دورك

على أكمل وجه , وتجي آخر حاجة تلقى نفسك وبدون ما يكون في نفس النقاش الطويل العريض داك

من مهمة مشرف رجعت لمهمة عضو لازم إذا ً يا سيدي العزيز إنك ( تحتج )...

أصلا ً يا مجدي مافي منتدى اجتمع فيه أعضاء وإدارة وتبادلوا الآراء ,

إلا وكان الإحتجاج حاضرا ً عشان الخطأ ما يكون عضو من ضمن االأعضاء...

بعدين يازول إنت في رأيك كل ما يحصل حاجة غلط وسيد الحق ينسحب ويقول السكات من ذهب ,

بكون الطرف التاني على حق...؟

أبدا ً...ما عيب إنو الزول يغلط...لكن العيب إنو الغلطان يصر على غلطو , ويكرر الغلط ده أكتر من مرة ,

المهم المقصود إنو يكون في حسن إدارة للمنتدى بدون خيار وفقوس زي ما بقولوا...

ومني ليكم , أسهل طريقة عشان تبقى مشرف إنك تصفق بي يد واحدة .
ولعلمك أنا اتخاطبت مع كمية ما ساهلة من الأعضاء عشان أعرف وجهات نظرهم في القرارت

اللي أخدتها الادارة مؤخرا ً وكلهم كان ردهم واحد ,

إنها قرارت عقيمة والما فيها أكتر من اللي فيها...لكن لا حياة لمن تنادي...

وكلهم فضّلو إنهم يمشو جمب الحيطة...وإنشالله الحيطة ما تكون مايلة...عشان ما تقع...

وتاني بقول ليكم كلكم تكونو عارفين إنو الجزاء مفروض يكون من جنس العمل...

ومافي زول يخلي الغلط في مكانو...عشان الغلطان ما يشوف نفسو صاح...

وسبحان الله...!!

شايف المشرفين بقو يدافعو عن بعض على حساب كلام الأعضاء الصحيح...!!

والكبير من يومو كبير يا محامي دفاع الإشراف...يعني ما حتكبر في نظر الناس بالقلتوا ده...



وبرجع تاني...


تحياتي.....ود أزهري..

[اسامه خضر محمد على]

السلام عليكم...

كل سنة وإنتو طيبين وربنا يحقق الأماني...

يا مجدي يا عكاشة أنا ما عارف إنت بترمي لشنو...

يازول القصة ما قصة حكومة ومعارضة , لكن الحق حق , ولازم أي زول يعرف الغلط منو والصاح منو...

وزي ما أسامة قال , معنى القرارت دي إنو كل المحتجين غلط والادارة هي الصاح وبدون مناقشة...

وعلى كل حال أقرأ الآتي...

أنا لمن بديت ارتباطي بالمنتدى ده كنت كثير المشاركات في جميع أركان المنتدى ،

وأصلا ً ما مفروض أقول ليك الكلام ده لأنك ما زول الليلة ولا أمبارح في المنتدى...

المهم , زي ما قلت إنو الإشراف ما غاية العضو...لكن لمن تكون عضو ويطلب منك إنك تبقى مشرف ,

ويحصل نقاش طويل عريض لتعيينك ويتم ذلك , وتجتهد كل الاجتهاد في إنك تأدي دورك

على أكمل وجه , وتجي آخر حاجة تلقى نفسك وبدون ما يكون في نفس النقاش الطويل العريض داك

من مهمة مشرف رجعت لمهمة عضو لازم إذا ً يا سيدي العزيز إنك ( تحتج )...

أصلا ً يا مجدي مافي منتدى اجتمع فيه أعضاء وإدارة وتبادلوا الآراء ,

إلا وكان الإحتجاج حاضرا ً عشان الخطأ ما يكون عضو من ضمن االأعضاء...

بعدين يازول إنت في رأيك كل ما يحصل حاجة غلط وسيد الحق ينسحب ويقول السكات من ذهب ,

بكون الطرف التاني على حق...؟

أبدا ً...ما عيب إنو الزول يغلط...لكن العيب إنو الغلطان يصر على غلطو , ويكرر الغلط ده أكتر من مرة ,

المهم المقصود إنو يكون في حسن إدارة للمنتدى بدون خيار وفقوس زي ما بقولوا...

ومني ليكم , أسهل طريقة عشان تبقى مشرف إنك تصفق بي يد واحدة .
ولعلمك أنا اتخاطبت مع كمية ما ساهلة من الأعضاء عشان أعرف وجهات نظرهم في القرارت

اللي أخدتها الادارة مؤخرا ً وكلهم كان ردهم واحد ,

إنها قرارت عقيمة والما فيها أكتر من اللي فيها...لكن لا حياة لمن تنادي...

وكلهم فضّلو إنهم يمشو جمب الحيطة...وإنشالله الحيطة ما تكون مايلة...عشان ما تقع...

وتاني بقول ليكم كلكم تكونو عارفين إنو الجزاء مفروض يكون من جنس العمل...

ومافي زول يخلي الغلط في مكانو...عشان الغلطان ما يشوف نفسو صاح...

وسبحان الله...!!

شايف المشرفين بقو يدافعو عن بعض على حساب كلام الأعضاء الصحيح...!!

والكبير من يومو كبير يا محامي دفاع الإشراف...يعني ما حتكبر في نظر الناس بالقلتوا ده...



وبرجع تاني...


تحياتي.....ود أزهري..

الاخ ود الزعيم اولا اهنيك واهنى نفسى وجميع اعضاء المنتدى ( الغير مطبلين) بعودتك الينا لتتحفنا بالجديد والمفيد ولتواصل ابداعك كماكنت وستظل مبدع دون منازع اسمى واجمل الامانى بمناسبة العيد والذى اصبح لنا عيدين برجوعك يا مبدع ويخليك ربى

[TETO]

السلام عليكم...

كل سنة وإنتو طيبين وربنا يحقق الأماني...

يا مجدي يا عكاشة أنا ما عارف إنت بترمي لشنو...

يازول القصة ما قصة حكومة ومعارضة , لكن الحق حق , ولازم أي زول يعرف الغلط منو والصاح منو...

وزي ما أسامة قال , معنى القرارت دي إنو كل المحتجين غلط والادارة هي الصاح وبدون مناقشة...

وعلى كل حال أقرأ الآتي...

أنا لمن بديت ارتباطي بالمنتدى ده كنت كثير المشاركات في جميع أركان المنتدى ،

وأصلا ً ما مفروض أقول ليك الكلام ده لأنك ما زول الليلة ولا أمبارح في المنتدى...

المهم , زي ما قلت إنو الإشراف ما غاية العضو...لكن لمن تكون عضو ويطلب منك إنك تبقى مشرف ,

ويحصل نقاش طويل عريض لتعيينك ويتم ذلك , وتجتهد كل الاجتهاد في إنك تأدي دورك

على أكمل وجه , وتجي آخر حاجة تلقى نفسك وبدون ما يكون في نفس النقاش الطويل العريض داك

من مهمة مشرف رجعت لمهمة عضو لازم إذا ً يا سيدي العزيز إنك ( تحتج )...

أصلا ً يا مجدي مافي منتدى اجتمع فيه أعضاء وإدارة وتبادلوا الآراء ,

إلا وكان الإحتجاج حاضرا ً عشان الخطأ ما يكون عضو من ضمن االأعضاء...

بعدين يازول إنت في رأيك كل ما يحصل حاجة غلط وسيد الحق ينسحب ويقول السكات من ذهب ,

بكون الطرف التاني على حق...؟

أبدا ً...ما عيب إنو الزول يغلط...لكن العيب إنو الغلطان يصر على غلطو , ويكرر الغلط ده أكتر من مرة ,

المهم المقصود إنو يكون في حسن إدارة للمنتدى بدون خيار وفقوس زي ما بقولوا...

ومني ليكم , أسهل طريقة عشان تبقى مشرف إنك تصفق بي يد واحدة .
ولعلمك أنا اتخاطبت مع كمية ما ساهلة من الأعضاء عشان أعرف وجهات نظرهم في القرارت

اللي أخدتها الادارة مؤخرا ً وكلهم كان ردهم واحد ,

إنها قرارت عقيمة والما فيها أكتر من اللي فيها...لكن لا حياة لمن تنادي...

وكلهم فضّلو إنهم يمشو جمب الحيطة...وإنشالله الحيطة ما تكون مايلة...عشان ما تقع...

وتاني بقول ليكم كلكم تكونو عارفين إنو الجزاء مفروض يكون من جنس العمل...

ومافي زول يخلي الغلط في مكانو...عشان الغلطان ما يشوف نفسو صاح...

وسبحان الله...!!

شايف المشرفين بقو يدافعو عن بعض على حساب كلام الأعضاء الصحيح...!!

والكبير من يومو كبير يا محامي دفاع الإشراف...يعني ما حتكبر في نظر الناس بالقلتوا ده...



وبرجع تاني...


تحياتي.....ود أزهري..

العزيـــــز ود أزهري...
في البداية كل سنة وانت طيب على قول اسامة للغير مطبلين

ومنتظرين منك العودة الى ابداعاتك كما كنت دائما في سماء المنتدى وتاتي لتشرف بوستات الكثيرة في جميع ارجاء المنتدى

ومنتظرين منك العوده
وليك مني كل الشكر

تحياتي
TeT0

[مجدى عكاشه]

اسامة .. ود ازهرى ..

كلـ عام وانتم بخير وتحديدآ ود ازهرى بأعتبار اننا ما عيدنا علييك ..
وربنا يحقق امانيك يا سيدى وتكون راضى وهادى وامك وابوك راضين عنك .. قول امييين

عزيزى ود ازهرى .. وعزيزى اسامة

لم تختلف حوارات الاخ ود ازهرى كثيرآ من حوارات اسامة فى السابق .. فقد ناقشت اسامة حتى رحل النقاش عنا واصبحنا فارغين .. ليس لعدم توصلنا الى نتيجة مرضية للطرفين .. ولكن اعتقدت انا ان حلبات النقاش يمكن ان تكون اجمل واللطف فى زاوية اخرى ...

اى بمعنى النقاش فى اشياء قد تكون مفيدة لى انا وانت وهم .. اما بما يختص بما تلوته الان على مسامعى فعزرآ يا صاحب الالم .. لقد رمقتنى بنظرة حقد دون ان تدرى .. وكما يبدو ان الغمام قد اختلط عليك .. ليس الامر وحده .. ولكن .. كما قلتها لاسامة من قبل .. اذهب بعقلك الى مالانهاية .. تجد الحقيقة ..!!

واعزرنى .. فأنا طبال ان شئت .. وعازف على البيانو ايضآ .. واحيانآ استمتع جدآ بالرقص بقدم واحدة فوق الحبل وعلى دق الطبول .. هى هواية دائمآ ما كنت اعشقها .. دق الطبل .. ففية اريحية وخيالآ خصبآ يمكن لكل مستمع ان يستشعر ذلك الاحساس من العازف .. واشهر الفنانين الان .. هم من دقو على الطبل .. فهو تاريخ وانشودة .. وبها رمز القوة ورمز الاثارة ..

اما بما يتخص بمحامى المشرفين او محامى الدفاع .. فهو اللقب الثالث الذى تحصلت علية من ناتج حوارى مع اطراف معينة .. الاول كان من اخى اسامة وهو ( مطبل ) والثانى خارج المنتدى ( عايز الشهرة ) والثالث هو ( محامى المشرفين ) ..

( اديتنى احساس انى بتكلم مع برالمة فى الجامعة تخيل ) ( يعنى لمن يكونو فى برالمة زعلانين اكتر حاجة ممكن يعملوها ان يوصفوك بى وصف ويمشو عليهو ) ( الغريبة انى لحدى هسه ما قلت لى زول انك حتكبر فى نظر فلان او علان .. او انك مطبل لى ناس علان .. او انك عايز تكون محامى هناي او محامى هناية ) ...

نقطة نظام ..

ود ازهرى .. كنت اتوق للحوار معك فى زمن ( فات ) .. فأنت محاور جيد كعزيزى اسامة .. واعتقد انك صاحب قضية طالما فردت لنفسك مساحة للنقاش عبر اليات متعددة .. ولا اخفى عليك سرآ .. اتيتك انا خالعآ كل معالم الترفيه وخالعآ كل اسقاطاتى النفسية .. واتيت بيد واحدة لكى اعبر لك عن ما اشعر به .. وحملت فى طيات كلامى تسائلات جمه .. لم تجب عليها وليس مهمآ ان تجيب عليها الان ..

فقد رحل الغمام وبدأنا المراحل الاولى من دق طبل السلام ..
فهل سترقص معنا فى باحة المنزل .. احتفاءآ بقدوم العيد وقدوم عام السلام .. ام تكتفى بالصمت لتعود لتنبش قبرآ صمت عنه اخرون ...!!

ويا عزيزى وختامآ لك انت واسامة ..

ان كان الاشراف شرفآ .. فقد نزع منك هذا الشرف ايها الازهرى .. وان كان الاشراف تكليفآ فهى استراحة محارب ليعود لميادين القلم مرة اخرى .. حقيقة .. اتعجب ..!! جدآ .. فكل مشرف ينزع منه الاشراف يكون مبتسمآ وفرحآ فهو قد يكون عضوآ مرة اخرى يدخل متى يشاء وليس على عاتقه توقيت او مسئولية .. فيكون فرحآ لانطلاقة كعصفور حر وطير رائع فى سماء المنتدى ..

وما اجهله .. لماذا كل الحقد على نزع اشرافك .. حتى وان كان من غير كلمة شكر .. هل انت سعيد بنزعة .. ام حزييين ؟؟

ان كنت حزينآ كما ارى .. فأن الاشراف كان لك شرفآ ومكانة اجتماعية تتحرك بها .. وانت حزين على انتزاعه منك .. وان كان تكليفآ فعليك بالفرح فقد اصبحت حرآ تتحرك متى تشاء وتأتى متى تشاء .. فلا تعتمد كثيرآ على ما كنت علية فأنت كنت مكبل والمكبل دائمآ ما يحلم بالحرية ..


ولى عودة مرة اخرى لنقاشك بشكل متزن وليس بشكل وصف او تلميح .. فلسانى ايضآ حر وطليق ويمكنه وصف العديد من الاشياء المدفونة فى ترادجيديا الحوار ..

وكل عام وانتم بخير ..

[ود أزهري]

مجد الدين بن عكاشة...

أولا ً وقبل النهاية أحب أقول ليك إنو الكلام الملون أبدا ً ما مقصود بيهو إنت إلا إذا كنت تريد ذلك...

فتــّش بين سطور الموضوعات بتعرف إنو كلامي موجه لشخص بعينه ،

لكن هو ، وزي ما أنا شايف ، إنو ماشي ( جوّة ) الحيطة..!! ،

وبقول ليهو أعمل حسابك الحيطة مضروبة بوهية جديد...!!

وبعدين يا حبيبنا للمرة ( الما عارف كم ) بقول ليك وللعامة إنو أنا ما عملت لي نقطة بالطول والعرض ده

عشان أقول ليه شلتو مني الإشراف ؟...عشان نفوت من النقطة دي...
الموضوع وما فيهو إنو السادة الكرام في الادارة ( وللمرة التانية ) ما وجدنا عندهم القدرة على اتخاذ

القرارات الصحيحة...سواء على مستوى الأعضاء أو على مستوى المشرفين بالعموم...

كنت أتمنى إنو الوضع يكون أفضل مما هو عليه الآن ، وأن النقاشات والحوارات بين جنبات المنتدى تكون

في مواضيع أهم من كده...

وعموما ً كون الناس تكون بتناقش موضوع يصب في مصلحة المنتدى ، وينظرون لمستقبل مشرق له دي

ما حاجة كعبة...

وأيضا ً يا مجدي ،

زي ما قلت لأحد أعضاءنا أمبارح إنو الموضوع ده داير حل جذري بمعنى كلمة جذري ،

عشان يكون من حق الفرد ، عضوا ً كان أو مشرفا ً ، أن يعبر عن رأيه مقرونا ً بالحرية المغلـّفة بقالب

احترام الرأي الآخر...

ومن الحاجات الما عاجباني كمان ،

الطاقم الاشرافي الحالي اللي هو عبارة عن ( شكرا ً وإلى الأمام دوما ً يا إدارتنا الرشيدة ) ،

مع احترامي لهم ولهن جميعا ً كأصدقاء وصديقات أعزاء لا يمكن الاستغناء عن صحبتهم...

لكن أعتقد إنو الكشتينة لازم ( تتشكـّة ) ، وتتعاد التوزيعة من جديد بحيث إنو كل واحد ياخد مكانو الصحيح

بعيدا ً عن مبدأ ( الخيار والفقوس ) زي ما قلت قبل كده...

وبعدين يا زول ألومك كتير اللوم على جملة ( لماذا كل الحقد على نزع اشرافك )...!!!

هل دي الزاوية الشايف بيها الموضوع ؟

خلي نظرتك أبعد من كده...

وأنا زي ما قلت قبل كده حأفضل أكتب في مساحتي المخصصة لي دي ( بس )..

لغاية ما أصل لي قناعة في داوخلي إنو الجميع عرف الغلط وين والصاح وين...

ومش كده وبس..،

لازم كمان تتم المعالجة الصحيحة لكل خطأ حصل وكلف المنتدى فقد أحد الأعضاء...

ومن الجهة التانية ، حأفضل أكتب برضو لحدي ما أشوف أربعة مشاركات في البوست ده ،

يهمني كتير أشوفها ، صلاح ، السني ، ود الدرديري ، أحمد يس...

وأنا متأكد إنهم مرّوا على البوست ، وقروا السطور حرفا ً حرف ، أتجعب عدم تواضعهم وردّهم...!!

على العموم يا مجدي أنت ( كاتب مميز انا سودانى ) ، إذا ً لابد أن يكون الحوار معك أيــّما حوار...

بس البعيبو عليك ، إتجاهك دايما ً للوصف والتلميح ،

أتمنى في قادم الأسطر إنك تكون خالي من التكلف وتدّينا الجواك على أحمديّ البساط...

وللحديث بقية...


تحياتي.....ود أزهري..

[احسان]

السلام عليكم...


أصلا ً يا مجدي مافي منتدى اجتمع فيه أعضاء وإدارة وتبادلوا الآراء ,

إلا وكان الإحتجاج حاضرا ً عشان الخطأ ما يكون عضو من ضمن االأعضاء...

عندما نقول هذه لي لراعي البيت والاخرى للام ومن بعدها نفكر في الابناء يصبح الموضوع مجزاء
وويصبحوا متفككيني
ولكن عندما نقول للعائلة يصبح الامر جماعي وجميل جدا
فلماذا نفكر بان البيت مقسم وهناك الافضل من دون اخوته وان هناك انحياز لجهة معينة
بهذه الطريقة عمرها لن تسير القافلة ويصبح كل حزب بما لديهم فرحين
من خلال كلامك اصبح لدينا ثلاثة احزاب حزب الادارة وحزب الاشراف وحزب الاعضاء
واريد ان اقول لك اني لست من مايدى الاحزاب رغم وجودها وان الدولة تقع تحت اسم واحد
والاحتجاج شي لازم منه في كل الاحوال وفي كل مكان ولكن كيف نفسر طريقة الاحتجاج او
كيف نسرد الموضوع للجميع هنا تقع المشكلة وهي كيفية طريقة النقاش مع بعضنــــــــــــا

ومني ليكم , أسهل طريقة عشان تبقى مشرف إنك تصفق بي يد واحدة .

ان كنتا تصف بيد واحدة فلن نسمع صوت الصفيق
فلذلك تحتاج الى يد اخري تساعدك علي الصفيق
لذلك ليس طريقة جيدة ان تصفق بيد واحدة لتحصل علي شي

السلام عليكم...

وسبحان الله...!!

شايف المشرفين بقو يدافعو عن بعض على حساب كلام الأعضاء الصحيح...!!

ممكن يكون في اختلاف في راي محدد وليس دفاع عن باطل
مع اني لم اجد دفاع مشرف عن مشرف اخر علي حساب الاعضاء
وكلنا هنا واحد والمشرف ليس سوء عضوء فقط لديه صلاحية لنقل شي
وانت اعلم مني في ذلك ولكنه يظل عضو يشارك مثل غيره ويتحدث بطريقته
اى لن يتحدث بطريقة مشرف لان المشرف ليست لديه طريقة خاصة او محددة

عزيزى ود ازهرى
اهلا بعودتك لـــيــــــنا
وعيــــــــــد سعــــــــــــبد عليك وعلينــــــــنا
تحياتــــــــــــــي

[مجدى عكاشه]

عارف يا ود ازهرى ..

ويا اسامة .. ويا المنطط لى عينيك .. ههههه

انا بنسحب من النقاش .. لانى لمست فية روح الندية الشخصية .. يعنى مافى ندية قانونية .. او ندية فكرية .. للاسف .. كلام لى ناس وناس ..

والقيل والقال وكثرة السؤال ..

فى بداياتى .. كنت اظن ان النقاش حول الاشكالات .. عبارة عن حوار صاخب وبه الكثير من المرح والشد والجزب .. قانون .. لائحة .. شروط .. واعتزار .. وخطأ .. وتحليل كل ذلك عبر منهج السلوك العام لدى الكلـ ..

ولكن ...................................................


بعد جولة هنا وهناك وبعضآ من زوايا المنتدى المختلفة .. اكتشفت بما لايدع مجالآ للشك .. اننا واياكم ندور حول دائرة مغلقة .. يكاد الفراغ فيها ان يصيب عيناى بالعمى والحمى وصداع الشاشة ..

لذلك ..

اود مع خالص شكرى واحترامى لكم .. الانسحاب راضيآ مرضيآ من هذا النقاش لضعف المحاور وسطحية الصراع .. فعلى ما يبدو ان القصة تدور حول عدد من الشخصيات ..

إذآ .. عزيزى ود ازهرى .. وعزيزى اسامة .. اتمنى ان لا تقحمو مريضآ مثلى فى اموركم الشخصية .. هنالك ( شات ) ( ماسنجر ) ( رسائل خاصة ) .. وانت تعلمها جيدآ يا ود ازهرى .. هناك يمكنكم مواصلة القضية التى تعنيكم ..

فكما يبدو هو منتدى .. وللكل .. وإن وضع بوست فى اى نقطة من نقاط هذا المنتدى .. ترانى ازاول مهنة الكتابة ووضع الراى فيها .. وللاسف .. كانت امنيتى مجارتك ايها الرائع ود ازهرى مع وضع الاعتبار انه ليس المكان المحبز لدى .. فأنت زو فائدة ومنك نستفيد ومنك اعضاء يعشقون قرائة ما تكتب ليل نهار ..

فلماذا كتابة الاشياء التى لا تفيدك ولا تفيدنى ولا تفيد قومآ جالس وقابع فى مخيم العلم ..

عزيزى .. وختامآ ..

اعتزر .. فقد اخطأت عنوانآ كنت اجهل انها ساحة لحوار هادفـ .. تحياتى وتقبل فائق شكرى وامتنانى .. انت وكل من معك ..