لكل مغترب في المملكه العربيه السعوديه

[شيرو]

مابزعل بالعكس بفخر

[ابن عوف]

انا بزعل فى حالة نطقت بطريقة استفزازية اما اذا كنت ماشئ وواحد خليجى نطقها ما بتلفت ليه واذا جاء واتكلم معاى قالى بنده عليك ومابترد عادى ارد عليه بكل برود ويش درانى انك بتنادى على عالم ماينفع معاها الا البرود لانهم قاصدين يتريقوا ويضحكوا من غير لمراعت حالتك مرات بتكون عايش نفسيات ما عاوز تتكلم مع حد ويجيك بكل برود يقعد يتكلم بطريقة صراحة تستفيذ الواحد طريقة فى الكلام ويجيب ليك كلام ما عارف من وين بجيبوه بس انا باخد حقى اول باول بتكلم لهجتهم بطريقة استفزازية ولو حسيت انه البخاطبنى جاهل بتكلم كلمتين بالانجليزى ودى عقدة بالنسبة لهم
ودمتم .

[قمر ام درمان]

انحنا السودانيين في السعودية شريحة مهمة في المجتمع السعودي
وكلمة زول ارتبطت بالسودانيين .. وبقينا مميزين بيها كاي مجموعة
عربية لها لغبها الخاص .. وانا زولة وبفتخر بيها ومابزعل .. بل
العكس بقيت مميزة عن باقي الجنسيات الاخرى

[الطالبابي]

زووووووووووووووووووول .......
وما اروعها من كلمة وما اروع معانيها
ابدا لا ازعل اذا واحد قال لي يازوووول
زووول من معانيها المتعددة معنها رجل
وافتخر لما يقولوا لي زووووووووووووووول
ودمتم بود

[بنوته سودانية]

على حسب الطريقة الاتقالت فيها
لو بتريقة بشاكل طوااالي ماعندي اي نقاش معاها

[عاشقة الرومانسية]

عندك حق يا خوى محمد نعيم وانا بفتخر لم حد يقولى يا زول واللة

[ابراهيم عبد الله]

ياوزل انتا داير شنوا والله انحنا السعودين ديل معذبننا فى الكلمة دى عذاب وشايلين ليهم الصبر بس لاكن حسب وجهة نظرى انا الكلمة مافيها شى وانحنا بنعتز انه نتيميز بيها عن بقية الشعوب

[اروع ابتسامه]

البقول لي يازول وهو بيضحك بديهو علي راسو بلجزمه

[احلى soso]

[align=center]انا ما ازعل لان معظم الناس يقولوها
كتمييز لانك سوداني
زي ما بنادو المصريين (يا بيه) احيانا
والسوريين (يا زلمه)
والهنديين (صديق)040[/align]

[قمر وراكبه همر]

الزول انا بفتخر بيها ولاكن السعودين بيقولوها بنيه سيئه بنية الأستهزاء واكيد بزعل وبنبزو وبشاكلو

بقول ليهو>>>>>>>>> احسن من كلامكم وش لونك هههههه لوني ابيض ولا وش علومك ههههه علومي هندسه مكنيكيه ولا اقولك كانو قاعد يدعس بنزين

[الدلوعة شيراز]

اصلا البيقول الكلمة دي ماعنده سالفة لانهم هنا مابقولوها الا عشان قصدهم يستفزوك فانا حكون ارقى منهم وماحرد عليهم لكن انا مبتزعلني الكلمة البزعلني انهم شايفين نفسهم علينا كانهم ملوك الارض
وعشان كدة انا شايفة السودان تاج راس الكل وملكة البلدان وما يهمني اي احد متخلف وعقله صغير ..

[الاسد الجسار]

كلمة زول كلمة عربية اصيلة وهي لا تدل على معنى مشين بل من المفترض ان نعتز بها ونفتخر بها

[لورانس العرب]

[align=center]انا ما ازعل لان معظم الناس يقولوها
كتمييز لانك سوداني
زي ما بنادو المصريين (يا بيه) احيانا
والسوريين (يا زلمه)
والهنديين (صديق)040[/align]

أنا معك فيك كلامك 100%100
ولست مع الذين يعتبرونها مسبه والسودانيين المعروف عنهم
الامانه والشهامة صحيح هم عصبيين شوي بس حلوين
تحياتي

[كوكيتا]

والله انامابزعل بالعكس

لانوالسودانيين مافي زيهم والله والناس كلهابتحترمهم

لكم ودي..

[لولو]

فعلا كلمة يازول بنعتز ونفتخر فيها لكن لو انت قاصد يازول القاعدين يقولها السعودين لينا (انا راي بيقولها من باب السخريه ) ولو انا فعلا بعتز وافتخر فيها ماحااقول انا (بفتخر بالكلمة دي واسكت ليه )


انا قايتو لما يقولها لي الرد دائما بيكون تزول من الدنيا للاخرة

[ميسـون]

بالعكس يا اختي كلمه زول او زوله تدل انو عندك شرف ونتي من وين لاكن امن ينادوك هنايه بتضايقي مش او تزعلي شكرا على الموضوع الحلو دا تقبلي مروري اختكي _ ميسـون _

[هديل الحب]

انا ما بزعل لانه دا كلامنا ولازم نفتخر بيه

[suDaNeSe BoOoY]

لي شنو ازعل كلمة زول دي بتخليني مميز عن الناس

[المسيري الأحمر]

أنا عايز أعرف حاجه......وهي ليشنو تركز ناس السودان علي مغتربين الخليج تقول مافي مغتربين

سودانيين إلا في الخليج.

في سودانين في ليبيا+مصر+أمريكا+السويد+كندا.....

السبب شنو ؟؟؟؟؟؟!!!!!!!!!!

[الدويحي]

طبعا أنا بقبلها بكل رحابة صدر ..
بس الظريفة واحد صاحبي سعودي قال لي أنو كان فاكرها شتييمة ..
يعني حتي بعض الأشقاء والأصدقاء من جنسيات أخري بيفتكروها شتيمة ..
لكنها في الحقيقة شكر..وفخر..