رابطة انا ســــــــودانى فى الخرطوم

[حموودى]

التاريخ: الثاني عشر من شهررمضان المبارك
المكان : حديقة الطفل


الموضوع:
الافطار الرائع


تم بحمد الله اقامة الافطار الموعود
وقد كان انيقا كما توقعنا والحمد لله


انيقا بحجم الخضره الزاهيه التي تزين مدينة الطفل الرائعه

وقد تجازبنا اطراف الحديث وتناولنا سيرة المنتدي العطره
وكان حديثا شجيا

زاده القا
تداخلات الاخوه المغتربين والمتواجدين بالسودان



السني . ابن بطوطه . الرائع استارو




وكان من ضمن اجندة الافطار مناقشة الوضع الراهن بالمنتدي
وقتلناه بحثا
وسنناقشه معكم في منتدي الشكاوى والافتراحات


نرجوا موافاتنا هناك

.

[sunni]

حموودي ، هافز، مجدي،، وبكور

الغريبة وانا بتكلم معاكم كنت شااامي ريحة البصلة المحروقة.

يديكم العافية، ومنتظرين (مخرجات الإجتماع)، ما تتأخروا علينا وتعملوها لينا زي نقاطة ودالحداد البتقطر بالسي سي. باقي على زمن الإجتماع 25 ساعة فقط

[sunni]

زاده القا
تداخلات الاخوه المغتربين والمتواجدين بالسودان



السني . ابن بطوطه . الرائع استارو



.

إنتو إعتبرتو إبن بطوطة ده خلاص إستقر في السودان ولا شنو؟ وينم الناس المتواجدين في السودان الضربو؟؟

السني = سلطنة عمان
إبن بطوطة = الإمارات (وفي رواية أخرى - البحر)
ستارو = السعودية

ولا يا حموودي بقيت زي صدام وضميت واحدة من الدول دي وعملتها ولاية ولا محافظة في السودان؟ غايتو إلا السعودية (بحكم الوضع الجغرافي)،،، ودي غايتو انا برررة منها، ما تورطنا

[محمد نعيم]

السلام عليكم يا رائعين

والله شئ جميل وفرحنا بجد

اخي حمودي كنت مع الاخ استارو حين اتصل عليكم لكن لم اتمكن من التحدث معكم لكن كنت معاكم بكل فكري

لكم التحيه اخوتي الكرام وتمنيت ان اكون معكم

لو تكرمتوا بان تعلمونا بالحضور جميعهم

ولكم مني خاص شكري وتقديري

[ابن الخطاب]

كان نفسي أكون معاكم
لكن لي ظروف أسرية قاهرة إضطريت أتغيب

لكن كان التواصل بالتلفون مع حمودي

[حموودى]

آخر الاخبار

تم تحويل الاجتماع الي دار المهندس (بالعمارات)
(دار مجدي)


وانضم الي الاجتماع كل من

ود حداد - هتان


لمراجعة اخبار الاجتماع اتبع الرابط الاتي

http://www.anasudani.net/fourm/showthread.php?t=19701


.

[حافظ عوض الله محمد]

حمودى
المستغرب ليه انا انو الود مجدى عكاشة طلع زول مرطب والعربية اخر تكييف مش زى المغتربين بتاعين انا سودانى النزلو اجازات وايديهم ناشفة
لسه ماجيت لموضوع الاستغراب يعنى زول بالطريقة دى مفروض يكون سوقو حار وماف داع ليوميات عاذب الحزينة دى




اهـ هتان مابعد ماطلعنا من دار المهندس مشينا اجتمعنا فى مطار الخرطوم لاخر الليل
الود بكور كان ماش التمرين هتان لقى ليك المعلم 92 وهاك يانقة
بالمناسبة هتان طلب ارسال رساله خاصة بين قوسين

ود الحداد فى انتظارك

[حموودى]

المستغرب ليه انا انو الود مجدى عكاشة طلع زول مرطب والعربية اخر تكييف

انا ظاااااااااااااااااااااااااتي مستغرب

[حموودى]

طبعا ياحافظ ويا شبابنا


هتان راجل حبوب
وما شاء الله اجتماعي من الدرجة الاولي وعندو معارف كميات
عشان كده كنته متأكدانو حا يلفلف بيكم


اما العاذب مجدي


مشينا امدرمان مع بعض
واتونسنا ونسه راقيه ورائعه جدا

زكرتني ايام شبابي لم كنته بقرا في خور طقت


ههههههه


المهم اليوم كان رائعا جدا
وجميل جدا
وياريت يتكرر


.

[بكور]

المهم اليوم كان رائعا جدا
وجميل جدا
وياريت يتكرر


.

دى فكرة مية مية ( دعوة لإفطار جماعى اخر )

[sunni]

دى فكرة مية مية ( دعوة لإفطار جماعى اخر )

بدل كدة، وعشان اللقاءات ما تتكرر،، خلوها لمة في يوم من أيام العيد،، يعني تاني يوم مثلاً

[بكور]

بدل كدة، وعشان اللقاءات ما تتكرر،، خلوها لمة في يوم من أيام العيد،، يعني تاني يوم مثلاً

فكرة مية مية لكن تانى يوم ما بدرى شوية
الوقت يتحدد بعدين ماشكلة

[احسان]

[grade="00BFFF 4169E1 0000FF"]يا حليلنا انحنا يا بنات

الشباب بيلتقو وقت ما عايزين

انحنـــــــا لينــــــــــــنا الله بس

يا شباب غرتا منكم والله وانا بقري في الافطار

يلا الله يديمها عليــــــــــــــكم وتكونو مع بعض دايما [/grade]

[هنو]

[overline] لكم خالص التحايا كان نفسي اكون معاكم في الفطور حصلت لي ظروف واعتزرت ليكم واصلت بي التلفون مع حموودي المرة الجاية ان شاء الله[/overline]

[بكور]

[grade="00BFFF 4169E1 0000FF"]يا حليلنا انحنا يا بنات

الشباب بيلتقو وقت ما عايزين

انحنـــــــا لينــــــــــــنا الله بس

يا شباب غرتا منكم والله وانا بقري في الافطار

يلا الله يديمها عليــــــــــــــكم وتكونو مع بعض دايما [/grade]

ياستى ما تزعلى اول ماتجى الخرطوم ادينا خبر وليك احلى لمه رايك شنو؟

[استارو]

والله خليتونا الواحد مشتاق لرمضان فى السودان
امكن لى قرابة الخمسة سنوات ماصمت فى السودان
لكين بأذن الله ..... دى خلوها مفتوح

نتمنا أن سودانى دائماً رافع راية الافطار الجماعى وياريت الناس الفى الخارج
تحاول تعمل لمة وافطار جماعى ولا شنو ياودالدردير نقوم ننسق لافطار فى الغريب العاجل

[حموودى]

والله خليتونا الواحد مشتاق لرمضان فى السودان
امكن لى قرابة الخمسة سنوات ماصمت فى السودان
لكين بأذن الله ..... دى خلوها مفتوح

نتمنا أن سودانى دائماً رافع راية الافطار الجماعى وياريت الناس الفى الخارج
تحاول تعمل لمة وافطار جماعى ولا شنو ياودالدردير نقوم ننسق لافطار فى الغريب العاجل

حبيبنا استارو

رمضان ده شهر استثنائي

والله قبل يوم من رمضان
كان الجو سخانه تلللللحم
والناس كانت شايله هم الصيام
لكن ربك رب الخير والحمد لله
لطف علي عبيدو
والله نص الليل بالظبط السحاب اتلم من وين ماتعرف
ومطره كده جااااااااااااامده


ومن ديك وعيك


الحمد لله
الحمد لله

اللهم ادمها نعمه



تخريمه:


لو قدرته حاول حصل باقي الشهر ده


وربنا يجمعنا كلنا كده يااااااااااارب

.

[مجدى عكاشه]

حمودى
المستغرب ليه انا انو الود مجدى عكاشة طلع زول مرطب والعربية اخر تكييف مش زى المغتربين بتاعين انا سودانى النزلو اجازات وايديهم ناشفة
لسه ماجيت لموضوع الاستغراب يعنى زول بالطريقة دى مفروض يكون سوقو حار وماف داع ليوميات عاذب الحزينة دى




اهـ هتان مابعد ماطلعنا من دار المهندس مشينا اجتمعنا فى مطار الخرطوم لاخر الليل
الود بكور كان ماش التمرين هتان لقى ليك المعلم 92 وهاك يانقة
بالمناسبة هتان طلب ارسال رساله خاصة بين قوسين

ود الحداد فى انتظارك

طقنى عين علييييييييييك الله .. شى عجيب ..

على اى حال .. جلابتك ياحافظ ما جلابيت جلابة ولا عشان الواحد ما هبش فى القصة دى ..


والله يا السنى .. صحبك خاشى لى فى دور جلابى عجيب ..

شفت جلابة ( سعد قشرة ) .. بس عمك حافظ دة ..!

العجب حمودى الهو ظااااااااتو مستغرب دة ..

صحبك خاشى ليهو فى لابتوب .. ومتجدع فى الحديقة .. ولا هاى فايف زاتو

الشباب مجدعين وعايزين يرموها فينى انا ال( مسكين دة ) ..

حليلنا نحن يا بكور .. عذابة سااااى وساكتين .. ولا انت ما عذابى يا بكور ..!!؟

عمومآ كدة


فى مقترحين ..
\

نعمل افطار تانى .. او نعيد على بعض فى تانى يوم ..

انا بفتكر حاجة ..

اساسا موضوع مافى .. والشغل حار .. ورمضان ماشى مشى عجيب

نفطر مع بعض .. ونعيد على بعض .. هو الدنيا دى فيها شنو مثلآ عشان نعملو يوم واحد ..

ولا رايكم شنو ..!؟

بالاضافة لى اننا بقينا كتار .. وفى العيد انشاء الله حنكتر زيادة

وزيادة كاربة كمان ..

عشان كدة نعملها حركة بى حركتين ..

ومن هسه .. انا ما حجيب .. حاااااااااااااجة ناشفة ولا لينة .. اخوكم السنة صايم عذابى

ومعيد عذابى .. والعذابة طبعآ معذورين ,, نحن بنجى نلقط الحلاوة فى العيد

ونهبش العصيدة فى رمضان ..

وخلوها على الله ..

[waya]

[grade="00008B FF6347 008000 4B0082"]يا شباب ,, يديكم العافية

ويا ريتنا لو كنا معاكم ,,

غايتو أنا جاي السودان قريب ,, ان شاء الله تعملوا لي افطار ( ستة ايام من شوال )
عشان ( برش الفطور العامر ده )[/grade]

[حموودى]

مجدي العزابي



صاحب الفارهه

قلته لي عذابي؟


طيب انا عازمك يوميا فطور

غايتو جنس تقطع

حافظ من ديك وعيك يامجدي
انحنا زاتنا دقسنا فكيناهو مع هتان
حايكون اقنعو انو يلعب معاهم كوره
تلقاهو اسي راقد سلطه

.