مشكوره اخت رزان علي الموضوع الممتاز
وكانت عندي فكره ان اكتب عن المطربين السودانيين
الكبار والصغار.
الفكره ممتازه وياريت لو كانت عن التلفزيون القومي لان بعض الاعضاء ليس لديهم هذه القناة المشفره التي تدعى النيل الازرق
ياريت يكون الموضوع والنقد علي البرنامج العام
اتمنى ان يتواصل الموضوع ليكون النقد في كل المجالات
وان شاء الله حيكتب قلمي اوائل السطور في هذا الموضوع
لكي مني خالص الشكر والتقدير
تقبلي مروري
مشكوره اخت رزان علي الموضوع الممتاز
وكانت عندي فكره ان اكتب عن المطربين السودانيين
الكبار والصغار.
الفكره ممتازه وياريت لو كانت عن التلفزيون القومي لان بعض الاعضاء ليس لديهم هذه القناة المشفره التي تدعى النيل الازرق
ياريت يكون الموضوع والنقد علي البرنامج العام
اتمنى ان يتواصل الموضوع ليكون النقد في كل المجالات
وان شاء الله حيكتب قلمي اوائل السطور في هذا الموضوع
لكي مني خالص الشكر والتقدير
تقبلي مروري
شكرا اخ محمد نعيم عالاكلامك الجواهر
بالنسبة لاقتراحك عن التلفزيون السودانى انشالله الاسابيع الجايا حنشمل كل برامج التلفزيون القومى
وبنسبة لقناة النيل الازرق اعتقد ان القناة زات نسبة مشاهدة عالية والاغلبية من الناس بتصلا
ياختي التصوير المصورينو ليهو دا غريب
من المفروض ان يديهو حبة اضائة وكمان لون الاستديو غامض كتير
يعني بالعربي كدا انحنا ما ناقين غماض لو كان في لو فاتح بيدى المنظر هيبة
يعني لو خلو الكنبة تكون متقايلة للتانية بيكون ظريف
اما عن وجود ثلاة بقرب بعض دي كمان بايخة لو كانو كراسي منفردة بتكون احلى
يعني ما فاهمة هو هايم في الصوت ولا بيفكر في شغل تاني :079:
دا هايم منسجم مع الاغنية
اما المنظر من بعيد بالجد ما لطيف وبيديك الدرجة بتاعت الظلام
يعني عدم وجود ديكور لائق المكان اخ لو يخلوني اغير ليهم الديكور بس
طبعا انا الناقد ليس الفني بالتحدد ولكن الديكورى اكثر
حقيقة" أنا لي شهور ما بحضر تلفزيون (ما فيهو موضوع)
بخصوص برنامج أغاني وأغاني,, كان شفت منو حلقات زمان في الموسم الأول وهسي ما عارف هم وصلوا وين
بي خصوص الإضاءة الإتكلمتو عنها
قناة النيل الأزرق لمن بدت حبت تغير في النظام السائد وتبتكر حاجة جديدة,, وهي حكاية الإضاءة الخافتة وبساطة الديكور (مع مراعاة الأناقة)
وبشوف إنهم إتوفقوا نوعا" ما في الحكاية دي (حسب وجهة نظري الضعيفة)
ومستنين جديد البرامج من كل القنوات السودانية التي ضجت بها فضاءات البث التلفزيوني
وتنمنى إنو برامجهم تكون مليانة بالجديد المفيد وبعيدة عن التقليد
وكلامك فى محلو..وياريت قناة النيل الازرق ترجع تهتما اكتر بحكاية الديكوريشن
بس برجع وبقول الميزانيات الضعيفة البتوضع لمثل برامج كبيرة من النوع دا هى السبب الرئيسى
وراء ضعف الامكانيات..ويابن الخطاب لوطلعتا فوق فالموضوع حتلقا انا خاتا فديوهات للبرنامج فى موسمو الجديد ممكن تطلع عليها وتورينا اراءك وافكارك..ومنور الموضوع
شكرا الاخت رزان علي هذا الطرح الجميل .
وبالنسبة لبرنامج اغاني واغاني فهو من اجمل البرامج في القنوات السودانية وذلك يرجع للاختيار الموفق للمقدم الا وهو الشاعر السر قدور . ومن خلال هذا البرنامج استطاع المشاهد التعرف علي تاريخ الاغنية السودانية ومرحل تطورها وساعد علي ذلك المعرفة الدقيقة للمقدم لمناسبات الاغاني ...
وحسب علمي يحظى البرنامج بمشاهدة عالية.
في البداية الفكره جميلة انا لم اشاهد البرنامج ده لان اشتراكي انتهي ولم اجدد الاشتراك
ولكن انا مع الاخ محمد الرشيد بان مقدم البرناج الاستاذ الكبير السر احمد قدورالشاعر
والكاتب سوف يجعل البرنامج له قيمة بثقافته العالية وطريقة تقديمة الفنانيين ومعرفته
لتاريخ الا غاني السودانية
فكرة البرنامج في حد ذاتها جميلة شديد لكن أحياناً نجد أن الملحقات بتمثل أوجه نقص
مثلاً الديكور كما تفضل الاخوة فهو غير ملائم للون بشرتنا الداكنة أساساً والإضاءة كمان ..
يعني مثلاً كيف تعمل إضاءة خافتة ونحن أساساً محتاجين كشافات 1000واط مع لوننا دا ؟؟
أما من ناحية الأغاني المقدمة والمطربين نفسهم فما بقدر أفتي ليكم في الموضوع دا
ودا طبعا لعدم متابعتي للبرنامج في الموسم الحالي لكن الموسم السابق كان قمة حقيقية
ود المسالمة كتب:في البداية الفكره جميلة انا لم اشاهد البرنامج ده لان اشتراكي انتهي ولم اجدد الاشتراك
ولكن انا مع الاخ محمد الرشيد بان مقدم البرناج الاستاذ الكبير السر احمد قدورالشاعر
والكاتب سوف يجعل البرنامج له قيمة بثقافته العالية وطريقة تقديمة الفنانيين ومعرفته
لتاريخ الا غاني السودانية
منور الموضوع بارائك وافكارك ود المسالمة..والحمدلله ان الموضوع لاقا استحسانكوم
واكيد احنا كلنا متفقين على ان الاستاذ السر احمد قدور هو الاضافة الحقيقية لبرنامج
لان هوا فى حد زاتو قامة فنية كبيرة..ضليع بامور وخفايا الفن السودانى
فكرة البرنامج في حد ذاتها جميلة شديد لكن أحياناً نجد أن الملحقات بتمثل أوجه نقص
مثلاً الديكور كما تفضل الاخوة فهو غير ملائم للون بشرتنا الداكنة أساساً والإضاءة كمان ..
يعني مثلاً كيف تعمل إضاءة خافتة ونحن أساساً محتاجين كشافات 1000واط مع لوننا دا ؟؟
أما من ناحية الأغاني المقدمة والمطربين نفسهم فما بقدر أفتي ليكم في الموضوع دا
ودا طبعا لعدم متابعتي للبرنامج في الموسم الحالي لكن الموسم السابق كان قمة حقيقية
يديكم العافية
ولييييييييييييييييييي قدااااااااااااااااااااام
و....................الباقي على الله
تسلم ود الدرديرى عالاضافة والمداخلة الجميلة
والظاهر الكل متفق على ان الاضاءة والديكور المتواضع
هم عامل ضعف فالبرنامج نتمنا من قناة النيل الازرق تتلفت للحاجات المهمة دى وتحسن من كوادرا
سواء العاملين فالاضاءة والاخراج ومهندسى الديكور والمجالات الحساسة دى البيقوم عليها نجاح اوفشل البرنامج فى حد زاتو
لان مابيكفى انونهتم بالاعداد والتقديم ونهمل النواحى الجمالية الاخرى البتمثل عامل جزب كبير للبرنامج
سلام شباب ..اها جانا اسبوع جديد واكيد برنامج جديد ونقد جديد
ماحطول عليكوم كتير لان الكل فهم طبيعة الناقد الفنى اذا حنسلط الضوء اليوم
على برنامج
.
.
.
.
.
.
.
.
.
.
.
.
.
للمذيعة المتالقة نسرين سوركتى...على قناة الشروق
ودى نبذة عن البرنامج:-
برنامج حواري مباشر، هدفه ربط الفن بالسياسة وتأكيد دوره في بناء مجتمع أكثر أمنا و سلاما،و تأسيس سودان الوحدة والاستقرار من خلال حوار في مكان خارجي يستضيف شخصية فنية، قد يكون مغن أو ملحن أو شاعر غنائي أو ممثل أو مخرج أو رسام، يحاول البرنامج أن يفهم علاقته بالهم السوداني ويستفز حسه الفني في التعبير عن حب الوطن من خلال استعراض نماذج من أعمالهم.
الاخت رزان الشكر على طرح مثل هذة المواضيع يمكن ان تساهم فى رقى كل ماهو يمس السودان سواء من فن وسياسة او تعليم وكل ماهو يهم المواطن السودانى طبعا عن الموضوع الخاص بالنقاش ارى ان البرنامج الموضح عن الفن والشعر بوجة نظرى ان نظام الديكور وضع الاشخاص تناسب قدرات التصوير طبعا على حسب مساحة الاستديو والاضاءة وعدد الكمرات طبعا كل هذة امور فنية تتعلق بالامكانات المتوفرة اما كاشخاص اداءهم ممتاز كمقدم ومستضاف الشكليات لاتهم كثيرا
وين المشاركات ...ليه الاحباط دا
تسلمى احسان على نقدك الازع والفمحلو تمام
