حاجه مهمه عايزة ارائكم سرعه

[شمعة امل]

اسفه لكل الاضايقو من تعليقى على كلام ا خوى وهج

بس كانت حميه بخوف على الاخ وهج

وبعدكم كلكم انى ماحااعلق على كلام زول تانى ابدا

وبعتذر تانى للاضايقو من تعليقى واسفه تانى وتالت ورابع

[أبو عمر]

يا جماعة ما في حاجة إسمها حب عن طريق النت.
ما في انسان بيتكلم مع واحدة حتى ولو لمدة عام .. بعدين يقوم يحبها ..
ممكن تكون صداقة .. علاقة تعارف وتبادل آراء مختلفة وكدا يعني.
وفي حاجة مهمة جداً : الانسان اللي يجلس على النت أكيد له معارف كتيرة وعلاقات كتيرة وزي ما قابلك وكذب عليك وقال لك (بحبك) وعاوز أشوف صورتك واسمع صوتك ...إلخ .. أكيد بكون قابل عشرين واحدة غيرك وقال لها نفس الكلام ..
فيا بنات حواء لا ينضحك عليكم بهذه السهولة ..
الصدق واضح والكذب واضح .. والعقل والحذر لابد منه ..
مهما وصلت درجة الصداقة ومهما أقنعك من كلام وحلف ليك .. ابداً ابداً ما تغلطي وتندمي على شيء كذا
والعاوز يتزوج يجب بالباب عدييييييييييييييييل كدا ويتعرف عليك وعلى أهلك ويخطبك ويعقد عليك ويصبح حلالك .. بعدين اخدوا راحتكم مع بعض .

[ايثار]

في اعتقادى انه حتى لوحصل مااظن يستمر..بالرغم من انه قريبتى تعرفت على خطيبها عبر النت بس طلع من نفس مدينتها وسأل عن اهلها سألت عن اهله واسع هم مخطوبين ....غلط كبير البنت تدى صورتها لشاب حتى لو كان خطيبها ايه الضمان ان الزواج يتم وصورتها تصير فى الحفظ والصون.

[$الجوكر$]

$ مـــــستحيـــــل $

[بنت الشوايقة]

سلام رائى انو مافى كلام اسمو حب ع النت او التلفون ابدا ممكن يكون شئ تانى غير الحب وانا بقول ليك او للبتفكر انها تخش فى قصة عبر النت دا عدم موضوع منهاما اكثر ولا اقل

[الجاسوسة]

لالالالالالالالالا
انا اطن ان كل واحد من الطرفين بيتسلى وبس وبعدين مافي بت بكامل قواها العقلية تدي صورتها لزول ما بتعرفة ولا عمرها شافتة
دة كلام فاااااااااااااااااااااااااااااااااااااااااااااااااارغ ومضيعة وقت بس!!!!!!!!!!!!!!!

[the magic]

فهمت البرنامج يا ريناد وربنا يحفظك
لكن يا hdma كيف اتفقوا على حب عبر النت بدون اصلا ما قعدوا
في ناس بتحب بعد عشرة وسنين وبعد ده كلو يكونوا ما متفاهمين
ارجوا ان تغيري وجه نطرك

[قمر ام درمان]

نصيحتي للبنت : اتركي قلبك بعيدا عن النت او الشات .. ولا تسمحي لأحد بالتلاعب بمشاعرك ..

ونصيحتي للشاب : بيت شعر لأحمد شوقي – فاتقوا الله في قلوب العذارى *** فالعذارى قلوبهن هواء

[roooaa]

انا بشوف انو دا كلام فاضي واي بت حبت عن طريق
النت اكيد ما جاده لا نو ماكل الناس بتكون صادقه

[صائغ الحروف]

انا برى انو مافى مانع من التعارف بدون صور اوخلافه
ويكونو ناس متعلمين واعين فاهمين الحياة بكل مافيها
والشى الاهم انو الناس تكون واضحه جدا جدا من كلا الطرفين
بدون اخفاء اى حقائق لكى لايحصل اصطدام عند واقع الامر
والله ياناس الوضوح ذيو مافى وقالو الواضح مو فاضح
والناس تتقى الله تعالى فى بنات الناس
والله اعلم

[زول دكتور]

السلام عليكم

ها أنا ذا أدلو بدلو ....

أولا :

الردود تنم عن نضج ووعي جيد لاغلب المشاركين .. أظن أن عمري المتاخر نسبيا يعطيني الحق في هذا التعليق !

ثانيا :

كل من الذكر او الانثى مخدوع في هذه المتاهة العنكبوتية .. خداع كبير جدا .. والخادع هو ابليس وجنوده ! فشبكة العنكبوت هذي من أكبر مصائد الشيطان ... كونوا على حذر أخوتي و أبنائي !

[السودانى الاصيل]

على حسب الشخصيه
وفى الغالب ما ناجحه

[جعفر يوسف ابراهيم]

السلام عليكم ورحمة الله وبركاته
كيفكم ان شاء الله تكونو بخير
ياجماعة عندي موضوع وحابه اخد رايكم فيهو
هل انتو بتأمنو بقصه الحب عبر النت؟؟؟يعني ممكن انت تتعرف على وحده في شات وبعد كده تتكلم معاها في الايميل ويبقى حب من حق وحقيقي؟؟؟ وهل مسألته انو البت تتطلع ليهو صورته امر عادى؟؟ عليكم الله ارائكم سريييييييييييييييييييييييييييع

الاخت ريناد الحب شيء عظيم ويجب علينا اان نصيغه ونزينه بالوفاء والاخلاص والمشاعر تنبع
من القلب ويحسها الانسان ولا حب في وجهة نظري الا بعد الزواج ياما ناس حبت ولم تصدق القسمه
بالزواج يمكن التعارف عبر النت لكن يجب ان يكون في حدود الادب والاحترام ويجب ممن تتعرف عليه
ان تسال عن اصله وفصله فللناس اصول ومن اراد التعرف بعد السؤال عنه الاشتراط برؤيته الشرعيه ان كانت نيته صادقه فالاصول في التعامل في مثل هذه الاشياء الحساسه خطر جدا
اسعدك الله ورعاك

[الملثم]

شكلك كدا واقعة في الحاجة دي,,,,,,

على العموم أطمنك
الحب ما ضروري الناس تتلاقى و تقعد على طول
صحيح الزول عبر النت بتعرف علي ناس كتار
و لكن طريقة الكتابة و دبلوماسية التعامل من شخص
لآخر تتختلف تماماً قد تجد من يعجبك من طريقة كتابته
و ألفاظه و ردوده الجميلة و تبدأ تفكر فيهو أطول وقت ممكن
و أول ما تفكر أكيد في جماليات إنت لو ماشفتها حسيتا من خلال أي تعامل
,,,,,,,,,,,,,,,,,,,,,
و أديكم سر:::: أنا شخصياً حبيت من خلال التلفون
ستة شهور بتكلم بالتلفون ما شفنا بعض نهائي
ابتديت أفكر فيها كتير جداً
الشهر الثامن حتى اتلاقينا
و الله لمن شعرة جلدي قامت,,,,,,,,,,,,,,
و إن شاءالله حنتزوج قريب لو ربنا سهل
الأمور
و قسماً و عظماً في حياتي
ما شعرت بي إحساس أجمل من الإحساس
الكان جواي لمن شفتها,,,,,,,,


لمن شفتك
( الملثم)
سرحت فيها رموش عينيك
و قريت ملامح ريد سنيني
علي سطور كفة إيديك
و أبقى تايه أشكي حيرتي
للسكة و مشيك
لو بعادك راحتك إنتِ
أنا فيني مغروسة
الملامح و مقلتيك
و الدروب الفيها خطوك
حتى الزمان المشتهيك
يا سفر شوق الوصال
الفي خيالك بعتريك
و يا مسام ضي الشموس
علي رياض زهر البنفسج
و الربيع الجاي منك و تاني ليك
* * *
سرحت فيك
و كنت فاكر إني بتحمل
بريقك و بسمتك
إلا رقراق دمعي
فجأة بان من روعتك.

[sma7a]

حب عبر الانترنت فاشل بدون شك
ممكن نوع من الاعجاب
بس صدقات فى النت انا مجربه
والله بالجد احلى صداقه
لاكن على حسب الفهم والناس

[ريناد]

الله يتمم على خير يالملثم لكن ماانا اطمن!!!!!!!!!