نشفتا ريقتنا يا منير من كتر ما كوركنا(كممممممممممممممممممممممممملا)
الله يرحم حبوبتك عارف اني بحسدك عليها المهم(حت في بالك انها نعمة انك تلقى حبوبة تحبك بالشكل ده حتى لو ثواني) ان شاء الله تقابلا في الجنة حيث الخلود الدائم
لاكن انسألك يا ود عمي حكايتك دي في كم حلقة..........لانو انا وحدة ما فاضية وراي قرايييييية ومضغوطة شديد
ممكن تعملا لي في حلقة خاصة مرة وحدة عشان خاطري يا ود امي.
فنونة كتب:نشفتا ريقتنا يا منير من كتر ما كوركنا(كممممممممممممممممممممممممملا)
الله يرحم حبوبتك عارف اني بحسدك عليها المهم(حت في بالك انها نعمة انك تلقى حبوبة تحبك بالشكل ده حتى لو ثواني) ان شاء الله تقابلا في الجنة حيث الخلود الدائم
لاكن انسألك يا ود عمي حكايتك دي في كم حلقة..........لانو انا وحدة ما فاضية وراي قرايييييية ومضغوطة شديد
ممكن تعملا لي في حلقة خاصة مرة وحدة عشان خاطري يا ود امي.
فنونة اللذيذة صغيرتي الصبر حلو ولازم اخليكم تعيشوا القصة عشان ما أي واحد يمشي يقراءها وينساها بس شوية صبر وخلاص باقي بس حلقتين ما تشيلي هم ولو لازم ممكن ارسلها لك في الخاص ايه رائك وانا جاهز!!
أهـــــ ياحلوين الآن نشاهد الحلقة الثالث:
وكان يجلسي إلى جواري واحد من اهل الجزيرة ...... وطبعاً الباص فيه مراية كبيرة قدام السائق وكانت هذه المراية مقابل لي أنا ومقابلا للكرسي الأخير من البص ... وهنا مربط الفرس كنت أشوف كل الناس الراكبين في الكرسي الخلفي بوضوح شديد وكان في واحدة (والله والله يسألني من الكلام ده قمة في الجمال جمال لا يوصف عيون ماشاء الله ووجه صافي وسبحان الله كان المراية القدامي دي صورة واضحة بشكل كبير جداً وما اكذب عليك كنت انظر في المراية طول الوقت وأتمتع بهذا الجمال الرائع ........ وفجاءة وأنا انظر إليها رأيت عيونها تتحرك تجاهي (يعني تغمز) خجلت ونزلت رأسي وبعد شوية تاني رفعت رأسي ونفس الشيء أشوفها (ترفرف عيونها لي) أعصابي باظت وبدأت الرجفة وكانت تجلس لجوارها حاجة كبيرة وهي أمها وولد في العشرين من العمر إلا شوية وهي على هذا الحال حتى توقف الباص فجاء حصل فيه عطل ونزلنا وأنا جالس على الأرض والناس متفرقة فجاءة القى البنت هذه بجواري وهي تبتسم فقط ... وذي ما قلت ليك هي جميلة جداً جداً ....... المهم جلس سائق البص والكمساري يصلحون في العطل حوالي الساعة ونصف وكانت هذه البنت بجواري فقط تبتسم لا تتكلم انظر لها آراءها تبتسم وتحرك رموشها تجاهي ........ وبديت اسألي نفس أسئلة يمكن البنت دي أنا عجبتها ذي ما هي عجبتي وليه لا يمكن ....فكرت جادي وعشت دور أن هذه البنت حبتني عديل كدة ... المهم صعدنا الباص تاني ودارت نفس القصة انظر لها ترمش لي انزل رأسي شوية وأرفع تاني برضو تغمز لي ......
ووصلنا إلى كسلا ونزلنا في استراحة كبيرة لكي نصلي ونتناول الغداء فإذا بها من خلفي وبرضو تغمر المهم في هذه اللحظة حاولت الكلام معها فرفضت الكلام .......
المهم الرحلة كلها بالطريقة دي والباص كل ساعة يتعطل ........ والمهم وبعد الوصول إلى الخرطوم وقبل السوق الشعبي ....... تعطل الباص وقالوا حا يجي باص تاني فنزلت واستأجرت سيارة بوكس عشان امشي لان الوالد والخال منتظرين في السوق الشعبي من الساعة خمسة والساعة وصلت وقتها التاسعة مساء ...... المهم وأنا راكب قدام في البوكسي فإذا بأخو البنت يأشر لي ويستأذنني بالنزول .. فنزلت وقال لي بالنص يا أخي أنت البنت دي شاغلتها ليه ........ قلت ليه أنا ما شاغلتها ........... المهم كان الموقف في هذه اللحظة صعب جداً ..... والناس اتلموا وجاءت أمها وبدأت تتكلم وتشتم وتقول: والله دي قلت أدب والله دي صعلقة جديدة انت قايل بنات الناس لعب ..... المهم نزل سائق البوكس وذي ما قلت ليك كان شوية كبير وقور وسألني أنت عملت كدة قلت لا وطوالي راح سألني أنت عاوز تعرسها يعني ...... فما كان مني إلا جوابته أيو نعم عاوزها على سنة الله ورسوله وأنا إنسان جادي ..... المهم الناس اتلمت كتير وكانوا عاوزين (يدقوني) ولكن الراجل بتاع البوكسي كان عاقل شوية وأم البنت أصرت على أن تأتي الشرطة (البوليس) وسبحان الله جاءتني قوة من السماء وجعلتني أكون واقف بكل قوة ولا اهتزيت ولا رجفت ولا خفت وبالجد كنت جادي وعاوزا ..... ومرت الدقائق والشكلة مدورة... وبعد لحظات جاءت الشرطة وكان اثنين عساكر... وأول ما جو أم البنت صاحت وقالت تعالوا ولازم تأدبوا الولد ده ..... كان العسكري فاهم شوية(وهو من أبناء جنوب السودان) و صبر الأم وسألني أيه في: قلت له وبكل شجاعة أنا البنت دي عجبتني وعاوز أتقدم لزواجها على سنة الله ورسوله وإذا ما في مانع منها أو من أهلها أنا جاهز وجادي وهسي لو داير أسوق الوالد أنا ما عندي مانع ...... أبوي منتظرني الآن في السوق الشعبي نمشي ونسوقوا ونمشي بيتهم ..... العسكري قعد يضحك وقال لي كيف الكلام ده معقول ....... المهم الجماعة اتكلمو مع الأم وقالوا ليها إذا ما عندك مانع هو جادي وإذا عندك مانع الموضوع انتهى الراجل ده جاء عديل وما لفى ولا دور ولا عمل حاجة تسيء لي بنتك ....... سكتت المرأة وقالت كيف يعرسها من الشارع ... نطيت وقلت ليها أنا عاوز اعرف إنكم وين وبجيكم وبأهلي على طول ......... سكتت الأم وقالت لولدها خلاص أديه التلفون......... ضحك الجميع وبدوأ يباركوا وفيهم بدأ يكبر الله أكبر الله أكبر .... أخذت التلفون ...... وذهبت وقابلت الوالد وعزيت خالي و مشيت امبدة بيت ناس حبوبتي الحنينة وبكيت ...... وفي اليوم الثاني تحركت مع الوالد والوالد و الخال إلى الجريف بيتنا وأجرنا أمجاد وذهبنا..
وغداً الحلقة الرابعة
الصبر سمح والشمار ما يحرقكم...
sarona كتب:منبر انت جادي...
وحده تغمز ليك في الباص....
تقول عايز تتزوجا...
عجيبة والله ...
طيب ياسيدي منتظرين الحلقة القادمة
يا سارونا انت خلي القصة تنتهي وبتعرفي ليه هي بتغمز وما سر لو قلت ليك ما كانت بتغمر في النهاية حا تفهمي ولكن انا ما كان عندي مفر غير ان اقول عاوز اتزوجها مع انها لو كل واحد من الشباب او الرجال شافها من جمالها وحشتمها حا يقول نفسي كلامي والله جمال يفوق الخيال سبحان الله بس انتظري وشوفي وبعدين بشرح ليه ان قلت عاوز اتزوجها لك الشكر يا هندسة!!
ههههههههههههههههههه
لا حول الللللللللله يا منير هههههههههه
حأديها كمان ضحكة
ههههههههههههههههههه
بس انتا شكلك واحد على نياتك والبت الشاغلت في وسط الشكل و اللمة دي ما نجدتك _حب على فاضي الله يعينك
ما تقول لي ما عرستها هههههههههههههه
منتظرة الباقي بفارغ الصبرواللللللله جد أموت لو طولتا أكتر من كدا
عارف أنا غرتا من البت دي ما أنا حاجزاك .
أهــ يا حلوين انا جيت ودي الحلقة الأخيرة حاولت اختصر واضغط عشان شايف الشمار قتلكم..
وبعد يومين .... اتصلت عليهم والجماعة وصفوا لي البيت ....... وذهبت وكانوا يسكنون الحلفاية ببحري...... ودخلت واستقبلتني الأم والأب والأخوان طبعاً رحت لحالي...... وجلست معاهم وأتكلمت وخلاص حددنا اليوم الحايجو أهلي ليهم ..... فطلبت بعد ذلك أن أجلس مع البنت ..... فرفضوا بشدة وقالوا لي لو ما جاء وخطبوها رسمي ما حا تشوفا لأنك خلاص شفتها وعجبتك..... ما أخذت في الموضوع شيء وبالفعل ........ بعد أسبوعين جاء أهلي كلهم الوالد والوالدة والأخوان والخيلان والأعمام والجيران ....... ومشينا ...... وبعد ما تمت الدوارة الرسمية والكلام البقولوا الجماعة في القعدة .. قامت أمي و النسوان وقالن لازم يشوفن العروس ........... ويا للمفاجأة ظهرت البنت ولكنها بكماء لا تتكلم ...... وجاطت الحكاية وزعلت أمي وأخواتي وعملن شكلا مع الجماعة والعجاج قام وغايتو بقيت أنا وأخوي سامي عاوزين بس نمرق الجماعة ونركبهم الحافلة بأي طريقة ....... المهم طلعن أمي وأخواتي وكل الأهل وركبنا الحافلة وذهبنا ....... وفي البيت الجماعة قعدوا وبشتونني بشتنة شديدة خلوها ساكت اهانة وشتم ونبذ وطلعوني أي كلام ......
وفي اليوم الثاني ...... أتشجعت وركبت وذهبت ليهم في البيت وجلست معاهم وقلت لازم اعرف الحقيقة .......... فحكوا لي ما جعلني ابكي وأبكي وأبكي ............ خبروني بقصة البنت كاملة حيث تعاني من مرض نفسي حاد ويقولون فيها شيطان وفيه جان ود عمتها عمل ليها عمل وغايتو كلام كدة غريب ......
المهم تعاطفت مع البنت وبديت أبحث في الموضوع وعرفت أنو في واحد في امدرمان الثورة بعالج هذه الحالات بالقرآن الكريم ...... وهو أنصار سنة وبالفعل ذهبت ليه ودفعت ليه قروش وجبت ليهم وبدأ جلسات مع البنت كنتا احضرها وأشوف عجائب لا تصدق، تثور هذه البنت وتستفرغ وتهيج وتصبح عندها قوة عشرة رجال ما يقدر يمسكوها ... وأستمر الحال لمدة تقرب للشهر وقال الرجل الذي يعالجه أن فيها جان مسلم جابوا ليها أحد كان يحبها ويريد الزواج منها .. ولكن مع مرور الزمن سوف تتعالج ................ واستمر الحال وبحمد الله بدأت والبنت تتكلم وتتحدث وتأكل .......... وتركت الموضوع علي كدة .... ورجعت السعودية بعد حوالي شهرين إلى شوية ......... وبعد ستة شهور اتصلت علي البنت ومعها أمهما وقالوا لي خلاص أصبحت كويسة وما عندها مانع في الزواج مني ولكني ترددت واستخرت والله وحسيت براحة لهذا الموضوع لكن الوالدة والأخوات رفضن وبشدة وقدر ما حاولت ما استطعت ......... وعملت معاهم كل الأساليب زعلت وقطعت الاتصال وعملت فيها عيان وكلوا ما نفع الوالدة ركبت رأسها وقالت لي تموت أحسن من البنت دي ...... المهم اتصلت عليهم وأخبرتهم بأنني لا استطيع وسأظل أخوها ما استطعت ... وبعد ثلاثة شهور اتصلوا علي وقالوا لي جاءه عريس قريب ليهم ونحن أدينا .... ولا اكذب عليك كانوا محتاجين شوية حاجات من السعودية والحمد لله ما قصرت معاهم بالقدرني ليه الله وكنت على اتصال حتى تم الزواج ..... ورسلو لي شريط الفيديو بتاع الزواج والآن هو عندي ...... ولكن للأسف وبعد ستة شهور من زواجها ...... حصل بينها وبين زوجها خلاف في أيه ما أدري المهم وصل للانفصال يعني أطلقت ........ والآن هي تدرس في إحدى الجامعات على حسب معرفتي وأنجبت من ذلك الرجل ابن صغير سمته (ذرياب) ولكن لي فترة منقطع لأنهم رحلوا من الحلفاية ومشوا بور تسودان وما عرفت أيه الحصل عليها تاني ......
وهذه القصة حتى هذه اللحظة معلقة في دواخلي وكل ما أتذكر اليوم الأول فيها ارتعش ويملكني الخوف....
هذا كل الحصل وبالتفصيل الممل ودون أي زيادة أو نقصان وسرد كل شيء حصل!! مع شكري وتقدير على كل من دخل وقرأء وعلق وتأثر وانفعل بهذه القصة الواقعية وإلى اللقاء مع احداث وحكاية أخرى.
اخوك منير
تحياتي منير....
بس أسمح لي الجماعة ديل مامريحين ابدا
لعدة أسباب:
1/ الشوشرة اللي عملوها لبتهم لما البص وصل
2 / الكذب وعدم الوضوح لما اتفقت وحددت معاهم
3/ الاهمال في علاج البت رغم علمهم بمرضها
وربما لو ارتبطت بيها ما كنتو استمريتو
عموما قدر الله لك الخير ...يا منير
sarona كتب:تحياتي منير....
بس أسمح لي الجماعة ديل مامريحين ابدا
لعدة أسباب:
1/ الشوشرة اللي عملوها لبتهم لما البص وصل
2 / الكذب وعدم الوضوح لما اتفقت وحددت معاهم
3/ الاهمال في علاج البت رغم علمهم بمرضها
وربما لو ارتبطت بيها ما كنتو استمريتو
عموما قدر الله لك الخير ...يا منير
ولما تركب البص تاني ابعد من المرايا....
مشكورة يا هندسة وربنا يديك الصحة والعافية وان شاء الله القصة نهاية توقعتيها المهم دي توبة تاني ما في معاينة لأي مراية مش مراية بص بس حتى مراية البيت ما قاعد اعاين لك التحية والتقدير..
moony كتب:ما توقعت تكون النهاية كده خالص
اتفجأت قصة رهيبة وما عادية
وماتخيلت تحدث لي زول
سبحان الله
والشكلة الام عملتها ولا المسلسلات زاتوا
لكن بيني وبينك ذكرى حلوه مش كده
لك الشكر يا مووني وكثير ما حا يتوقع واي زول بحكي لي القصة دي بقول علي اني جرئي شديد ولكن طبعاً ذكرى لا تنسى ابداً وكل مناي ان اقابل الزولة تاني واشوفها بقت كيف والحصل عليها شنو!!
رد: الحب في الباص
