دعوة للنقاش هل من حق الرجل والمراة ان يفتشوا موبيلات بعض

[nourelsalam]

بسم الله الرحمن الرحيم
الاخوة والاخوات الاعزاء
السلام عليكم ورحمة الله وبركاته
الكل يعرف بكثرة الموبيلات فى السودان خاصة وفى العالم العربى بصفة عامة وكل من هبة ودبة يحمل موبيل حتى انا ناس الهلاهوب عملوا فيديو كليب بتاع موبيلى سرقوة لية موبيلى والكل يعرف عن ولع وحب الشباب والتفاخر بنوع الموبيل وسعة الذكراة والكلام الكثير عن الموبيلات حتى اصبح داء ومرض بسبب الموبيلات ونغمتى ونغمتك والرسائل والكثير عن عالم الموبيلات
هناك موضوع يتطلب منا المناقشة الهادفة والاراء النيرة والجادة
وهو ان بعض الرجال والنساء يبحثون عن ارقام بعضهم البعض انا لااعمم ولكن لاننكر ماقلتة لكم انة غير صاح ولا مبالغة فى الموضوع ونحن نعلم بان الكثير منا خاصة الزوجات والازواج والاخوان اذا سنحت لهم الفرصة وتلفتوا يمينا وشمالا ولم يروا احد يجرى التفكير السريع الى البحث عن ارقامك الخاصة فهل هذة الظاهرة ظاهرة لشخصية مريضة او هناك تفكير ثانى
انا اعرف وانظر الى الخصوصيات بان هناك اشياء خاصة بكل انسان ولايتوجب على الاخرين المساس بها فما رايك وماذا تفعل وماذا تقول ايها الزوج والاخ والزوجة والفتاة والام لمن وجدتة يبحث عن ارقامك الخاصة بك فى موبيلك الخاص بك
وقد تكون هناك مبررات للطرفين وكل الاطراف فى التالى
أحيانا يساور الرجل بعض الشكوك للإطلاع على هاتف زوجته ...
وسؤالي هنا موجهة الى الجميع
هل من حق الزوج والزوجة التفتيش والإطلاع على أرقام بعضهما البعض ومكالماتها و وقتها لأنه الكل يشك فى التانى ام مايحصل يعد من باب الفضول ام يقول احدهما للاخر اننى اريد ان اقراء مسجات جديدة واسمع نغمات جديدة وتكون هذة ليست الحقيقة
الرجاء من كل الاعضاء المشاركة ولاشك ان هنك قصص واقعية لك الخيار فى ذكر ما مر بك من مثل هذا الموقف السخيف ان شئت


مع تحياتى
نور الاسلام

[sunni]

الأخ نور الإسلام.

كعادتك والمواضيع السخنة،،، طيب نحن ليه بنتكلم عن الموبايل؟ يمكن لأنه شيء خاص وممكن يتناوله الغير؟ بس الكلام ده ممكن يعمم على كل الأشياء الخاصة.
الجيوب، الأدراج، الأوراق الخاصة، لما تسوق عربية زول،،، حتى لما تزور ناس، عينك وين بتمشي؟
المهم، كفرد في المجتمع،، انا الحمد لله ربنا حباني بزوجة واثقة من زوجها وانا مستعد أحلف إنه عمرها ما فتشت شيء من وراي، والعكس صحيح. لكن الظاهرة موجودة وبشكل مرضي. وفي رأيي البيعمل كدة بيكون واحد من الأمرين،، إما الشك (سواء أكان المبرر أو غير المبرر) وإما الفضول والشمار. وحسب رأيي، فالشمار والشك الغير مبرر هم أمراض، على صاحبهم أن يفكر إما في العلاج، أو فيمن رأى الرسول (ص) في ليلة الإسراء والمعراج من الناس اللي يصب الملائكة الكرام الرصاص المصهور على آذانهم،، والقصة معروفة. أما الشك المبرر، فحتى لو كان هناك تبرير، فالوسيلة للتأكد ما سليمة، لأنه مافي شيء أحسن من المواجهه، وصدقوني، لو في واحد أو واحدة بيلعب/بتلعب بالورق، فردة الفعل ح تكون عنيفة جداً،،، وفي الحالة دي، مافي أحسن علاج من العلاج النفسي، وإننا نحسس الطرف الغلطان بالذنب، يعني نفضل نردد بين بعض كلمات زي "ما أنا أكيد واثق/ة فيك" ، "أعوذ بالله من عمايل الناس، والحمد لله الما إبتلانا بالخيانة في علاقتنا" وهكذا. بس برضو تحديد العلاج يخضع لنوع شخصية الطرف الغلطان. لأنه في بشر أساساً ما بتحس.

سلام

[العسوله]

جد موضوع حلو تسلم يانور
انا بصراحة بشوف اذا كانت في ثقة كافية فدا بمنع اي شكوك انو افتش موبايلها او موبايلو وبعدين لو الناس بتتكلم مع بعض بالحاصل ليها اول بأول بكل صدق مافي زول حيفهم شي غلط والصورة تبقى واضحة للجميع لكن لو احد الطرفين بيستأذن من الطرف التاني والطرف التاني يقول لا بغض النظر عن سبب الرفض فطوالي حتبدا تساوره شكوك ودا حال العامة ما بس الازواج لو طلبت موبايل غيرك وقال لا حتقول في نفسك هو مخبي عليا شنو

وفي موضوع حق او لا بشوف انو لا اذا كان كل شي واضح

[شاربة توت ولابسة بوت]

عندما امنح زوجي الثقة ..
دا ما بيعني اني غافلة عنو !
بل بتعني الاطمئنان الواااااااعي !
ودا اساسه الحب الصادق .. والاحترام العميق ..
وهذا مسؤولية الزوج والزوجة معا !
والمصارحة بتدفع لمزيد من الثقة التي هي اغلى شئ بين الزوجين ..
والكذب واللف والدوران ......الخ
كلها اشياء بدمر الحياة الاسرية .. وتدفعها الى الانهيار .. وبحوله ( الحياة الاسرية ) لكيان محطم !
والصدق هو أساس البناء لأسرة سعيدة قوية ..

والحمد لله لا وجود للشك في حياتي ..

تحياتي نور الاسلام ..

[nourelsalam]

بسم الله الرحمن الرحيم
الاخ السنى
لك التحية والاشواق وانت تعطر البوست معادتك باشياء يفرح لها القلب جعل الله حياتك وحياة اهل بيتك كلها ثقة وحب ووئام وبهجة ومسرة وورحمة ودة اساس الاستقرار النفسى اهم شى للا ستقرار العاطفى وانت ربنا رحمك رحمة واسعة بزوجة رائعة وانت اكيد امك عافية ورضيانة عليك
اخى السنى اسال الله وهو فى سماوتة ان يجعل لك فى كل حرف مليون حسنة تدخر اليك الى يوم لاينفع مال ولابنون الا من اتى الراحمن بقلب سليم
الاخت العسولة
لك الشكر الجزيل على الرد والمرور على البوست اسعدت كثيرا بردك واسلوبك فى الكتابة والرد على الموضوع
المراقبة العامة شاربة توت
مشكورة وسعيك مشكور
مع تحياتى
نور الاسلام

[moony]

اخ نور اكون كذبت لو قلت لك انا ما بفتش موبايل زوجي
بفتشوا قداموا ما من وراه وبيكون كلوا بصيغة هزار
النشوف المرسل ليك مسج منو والضرب ليك منو
وهو صراحة بيكون مبسوط من الحركة دي
ومرات لمن اخليها بيجيب لي الموبايل براه ويقول لي طولت ما فتشتية
والرجل بحب زوجتوا تغير عليه وتشعروا بالاهتمام
اما تكون بارده وما تشتغل به دي ما جميلة خالص
التفتيش حلو لمن ما يسبب مشاكل وما يخرج عن الاطار العادي

[nourelsalam]

الاخت مونى
لك الشكر الجزيل والله يديكى ويدى زوجك الطيب العافية ودة زوج عملة نادرة لان الكثير من الازواج يتضايقون من مثل هذة التصرفات
ودى غيرة منك وشك بس بطريقة ظريفة
ههههههههههههههههههههه
تحياتى
نور الاسلام

[احسان]

هااااااااى اخ نور السلام
بجد موضوعك ساخن ومهم شديد
وعن انو الزوج والزوجة يفتشو مبايلات بعض فدى عادى على شان يعرفو بعض كويس
ومايكون اى واحد شاكى فى التانى بس مايعملوها بشكل غيرة قاتلة عشان ماتخرب عليهم حياتهم
اما عندنا هنا فى ليبا المعاكسات فى الموبايل دى زى الهبل يعنى الواحد بيكون قاعد وبيقلب فى الارقام على شان يعاكس بس ودى ممكن يجيب مشاكل للبعض بشكل كبير وعدم الثقة كمان

[منير]

والله الشايفنوا في الموبايلات ده يستوجب كل واحد يفتش عن جوال الزوجة والعكس صحيح الدنيا بقت ما فيها ضمان والشواطين الانسية كتار!!

[nourelsalam]

الاخت احسان والاخ منير
التحيات ولكم الشكر على المرور الرائع منكم
تحياتى
نور الاسلام

[عاشقة محمود عبد العزيز]

الموبايل أصبح من الاحتياجات الضروريه لكل واحد منا....
و يعتبر الموبايل من الخصوصيات اللي ما مسموح لكل منا التدخل فيها
لكن من وجهة نظري كل ما يخص الزوج يخص الزوجه والعكس صحيح ...
وبما ان لاتوجد فروقات بين الزوج و الزوجه لأنهم في النهايه يربطهم مصير واحد
و الزوج عندو الحق الكامل في الاطلاع ما نقول تفتش في موبايل زوجته وهي كمان
اما اذا بقت المسأله تفتيش دا بيدل على انعدام الثقه و وجود شك بين الزوجين و اذا وجدت
الصراحه ما بينم وكل واحد يطلع الآخر بمجريات اليوم من مكالمات و مسجات و مسكولات
أكيد ما ح يحتاج واحد فيهم انو يشوف موبايل الآخر...واذا حصل ح يكون بي نيه سليمه

نشكرك على الطرح الجميل أخ نور نظرا لوجود الكثير من أصحاب النفوس المريضه وعندهم هواية
تفتيش الموبايلات....ودي مسج ليهم

[nourelsalam]

الاخت عاشقة محمود
التحية لك والسلام والاحترام
وزى ماقلتى الموبيل هو من الحاجات الخاصة جدا والتى لاتقبل التفتتيش والبحث وحتى الرد من شخص اخر من عادتى ان لاارد حتى على موبيل زوجتى
تحياتى
نور الاسلام

[تونقا 2]

مشكور نور الاسلام على الموضوع
اخوانى واخواتى الطبيعه جبل دى حقيقه وما بننكره انحنا ناس فضوليييييييييييين

[الحزن القديم]

لكل شخص اشياءه الخاصه وقد لا يود ان يطلع عليها أحد
هذه الخصوصيه قد تكون ليس شي وجداني وقد تكون اسرار عمل
اعتقد ان كان البحث امام الشخص صاحب الشأن وبموافقته فلا غبار علي ذلك
اما ان كانت من خلف ظهره . فهذا تعدي علي حقوق الغير واسرارهم
وقد يكون دافع هذا البحث هو ( الشك )
كامل الشكر والتقدير

[nourelsalam]

الاخ تونقا 2
والاخ الحزن القديم
تحياتى على الرور والرد على الموضوع
تحياتى
نور الاسلام

[sunni]

يا أخوان،،،

حدث اليوم عندنا في الشركة حادث له علاقة بالموضوع،،،
تم إستدعائي من قبل المدير العام (عماني) وطلب مني التحقيق في إكتشاف صور لزميلات عمانيات محجبات وهم في جلسة نسائية بدون حجابات، وحتى في حوض السباحة !!!!!!!!!!!!!!!! وطلب مني معرفة كيف وصلت له الصور دي، ومين نزلها في جهازه؟؟؟؟
بعد البحث،،، وجدت أن الصور أخذت بتلفون واحدة منهم ثم تم تحويلها لجهازها،،، ثم قامت بتوزيع الصور عن طريق الميل الداخلي لكل البنات،،، وهنا في سجل السيرفر وجدت تحويل لنفس الميل من جهازها لجهازه في يوم آخر.... ومن هنا وصلت الصور كمان وجد فرصة في موبايلها (أثناء ما كانت بتصلي) وحول كلللللل ما عندها من صور ...... ودي مسأله أسوأ من خطرة على الأسر وعرضها،،، صح؟؟؟

معليش، انا ذكرت القصة دي بس عشان أطرح تساؤل،،،، هل الموبايل شيء شخصي،،، ولا يمكن يكون نافذة للحياة الشخصية يمكن يفتحها كل ذو نفس ضعيفة؟؟؟؟
عشان كدة ياريت نشيل تصنيف الموبايلات من قائمة الأشياء الشخصية،،، لأنه ممكن يسبب حرج من النوع ده،، ومافي واحد مننا يضع فيه أي شيء شخصي من صور لأهله أو مواضيع تم نقاش أشياء شخصية أو عائلية فيه... حفاظاً على سرية وخصوصية كل ما هو غير عام،،، وما عاوز أقول شخصي وبس.


سلام

[سودانية نار]

يا أخوان،،،

حدث اليوم عندنا في الشركة حادث له علاقة بالموضوع،،،
تم إستدعائي من قبل المدير العام (عماني) وطلب مني التحقيق في إكتشاف صور لزميلات عمانيات محجبات وهم في جلسة نسائية بدون حجابات، وحتى في حوض السباحة !!!!!!!!!!!!!!!! وطلب مني معرفة كيف وصلت له الصور دي، ومين نزلها في جهازه؟؟؟؟
بعد البحث،،، وجدت أن الصور أخذت بتلفون واحدة منهم ثم تم تحويلها لجهازها،،، ثم قامت بتوزيع الصور عن طريق الميل الداخلي لكل البنات،،، وهنا في سجل السيرفر وجدت تحويل لنفس الميل من جهازها لجهازه في يوم آخر.... ومن هنا وصلت الصور كمان وجد فرصة في موبايلها (أثناء ما كانت بتصلي) وحول كلللللل ما عندها من صور ...... ودي مسأله أسوأ من خطرة على الأسر وعرضها،،، صح؟؟؟

معليش، انا ذكرت القصة دي بس عشان أطرح تساؤل،،،، هل الموبايل شيء شخصي،،، ولا يمكن يكون نافذة للحياة الشخصية يمكن يفتحها كل ذو نفس ضعيفة؟؟؟؟
عشان كدة ياريت نشيل تصنيف الموبايلات من قائمة الأشياء الشخصية،،، لأنه ممكن يسبب حرج من النوع ده،، ومافي واحد مننا يضع فيه أي شيء شخصي من صور لأهله أو مواضيع تم نقاش أشياء شخصية أو عائلية فيه... حفاظاً على سرية وخصوصية كل ما هو غير عام،،، وما عاوز أقول شخصي وبس.


سلام

اخي السني اولا احب ان اسجل اعجابي الشديد برودك وموضيعك الموضعية والمنطقية في جميع مشركاتك ماشاء الله عليك وانا بجد بستفيد منها
ثانيا انا بأيدك تماما
وحصلت لي مشكلة زي دي
انا واخواتي محجبات
وفي حنة اختي وعملناهابيتنا وكان الحضور كلهم نساء
مافي راجل بالغلط
كنا بدون حجاب
وصورت اخواتي وصوروني
بالموبايل بتاعي
وبعدين الموبايل ضاع
واخواتي زعلوا مني وانا كنت شايلة هم
ومن ذاك اليوم استحالة اصور حد بطريقة لا قدر الله لو ضاع الموبايل يكون فيه مشكلة بالنسبة
ليهو
الموبايل يجب ان لا يحتفظ به باشئاء شخصية يمكن ان تسبب لك الضرر في حالة اضلاع احد غيرك عليه
وتسلموا

[أميرالجعلي]

يا أخوان،،،

حدث اليوم عندنا في الشركة حادث له علاقة بالموضوع،،،
تم إستدعائي من قبل المدير العام (عماني) وطلب مني التحقيق في إكتشاف صور لزميلات عمانيات محجبات وهم في جلسة نسائية بدون حجابات، وحتى في حوض السباحة !!!!!!!!!!!!!!!! وطلب مني معرفة كيف وصلت له الصور دي، ومين نزلها في جهازه؟؟؟؟
بعد البحث،،، وجدت أن الصور أخذت بتلفون واحدة منهم ثم تم تحويلها لجهازها،،، ثم قامت بتوزيع الصور عن طريق الميل الداخلي لكل البنات،،، وهنا في سجل السيرفر وجدت تحويل لنفس الميل من جهازها لجهازه في يوم آخر.... ومن هنا وصلت الصور كمان وجد فرصة في موبايلها (أثناء ما كانت بتصلي) وحول كلللللل ما عندها من صور ...... ودي مسأله أسوأ من خطرة على الأسر وعرضها،،، صح؟؟؟

معليش، انا ذكرت القصة دي بس عشان أطرح تساؤل،،،، هل الموبايل شيء شخصي،،، ولا يمكن يكون نافذة للحياة الشخصية يمكن يفتحها كل ذو نفس ضعيفة؟؟؟؟
عشان كدة ياريت نشيل تصنيف الموبايلات من قائمة الأشياء الشخصية،،، لأنه ممكن يسبب حرج من النوع ده،، ومافي واحد مننا يضع فيه أي شيء شخصي من صور لأهله أو مواضيع تم نقاش أشياء شخصية أو عائلية فيه... حفاظاً على سرية وخصوصية كل ما هو غير عام،،، وما عاوز أقول شخصي وبس.


سلام

أخي السني

[nourelsalam]

الاخ السنى
السلام عليكم ورحمة الله وبركاتة
اخى اشد الل العظيم انك من الاخوان الرائعين ومن احب ان اقراء ماكتبوا دائما وابدا وخاصة فى مواضيعى
اخى من الاشياء المحزنة والمولمة حقا ان ينجح من صنعوا الموبيل فى تشتيت الامة المسلمة ومن وضعهم فى تناحر ليل ونهار بلا انقطاع حتى يتم تدمير الاخلاق المسلمة بالكامل وتنام اعين الجبناء هولاء الكفرة الفجرة واليهود من صنعوا كل ادوات الدمار الشامل الى امة الاسلام المسلمة والتى كنا نتفاخر باننا مسلمين الى قريب العهد ولكن الان صارنا امة مستسلمة الى كل موضة والى كل تقليد اعمى
ومن الموسف ان يصير الموبيل والكاميرات من ادوات الابتزاز ومن الادوات التى يخاف منها الكثير بسبب سؤء الاستغلال وسوء الاستعمال
والكل يعلم عن ملاين القصص عن كيف يستغل الموبيل فى قصص التحرش بالاطفال والفتيات عندما يصور هولاء الفتيات والعيال فى اوضاع غير اخلاقية خاصة فى مسائل الجنس وفى الكثير من المرات تكون التحرشات الجنسيية بالقوة ويقوم هولاء الوحوش البشرية بتصوير هولاء الضحايا فى الموبيل ومن تلك اللحظة يقوم هولاء المرضاء الوحوش باستغلال هولاء الفتيات والعيال ويقومون بتهديدهم فى كل الاوقات بانهم سيفضحون امرهم ان لم يرضخوا لهم فى كل الاوقات بممارسة الفاحشة والجنس معم وبدون رضاهم ولكن بسبب الصور والتى يحتفظون بها فى الموبيل
اخيرا الموبيل فى نظرى اداة اتصال واداة تعاون الانسان على الحياة وليس معول لهدم الاخلاق والقيم والمثل
تحياتى
نور الاسلام

[كيمو]

ههههههههههههههههههههههههههههه
والله يا حبيبنا ما عارف اقول ليك شنو
والجماعه ديل خلصوا الكلام المكن يتقال
يعني ما حاضيف حاجه ليك حاجه جديده
لكن بالجد الموضوع خطير جدا وتشكر