اخبار الهلال ( اخبار , شمارات , مناكفات , صور , كل شئ عن الهلال )

[acba77]

يااخى الهلال ما بهزو اعاصير الهلال معروف فى كل ارجاء الدنيا الهلال هو السودان

الواحد لمن يكتب ما يكذب انت بتخدع في نفسك انت قايل في زول بيصدقك (في كل ارجاء الدنيا الهلال هو السودان) شهرة المريخ فاقت الافاق بدليل ان له رابطه مشجعين في الصين خليك من البلدان القريبة
هل لك رابطة مشجعين في الصين ؟؟؟؟؟؟؟؟؟؟؟؟؟؟؟
هل لك انصار في الصين؟؟؟؟؟؟؟؟؟؟؟؟؟؟
اجب
حديثكم كلو كذب وضلال
اجب الاسئلة لاتدفن راسك تحت الرمل كالنعامة
ياتوا كاس جابوا الهلال من برا ورفع بيهو اسم السودان حتي نال شرف انة السودان ؟؟؟؟؟؟؟؟؟؟؟؟؟
من سنة1930 حتي الان صفر دولي فكيف تكون انت السودان ؟؟؟؟؟؟؟؟؟؟؟؟؟
78 سنة الكاس المرسوم في علبة البرنجي انت ماجبتو مطار الخرطوم ما معترف بيك خليك من ارجاء العالم ؟؟
ابوبكر كاكي احسن منك القدموا للسودان انت بي سنواتك الطويلة ما قدمتوا

[محمد الامين حسن]

اى الفريقين ترشح ليكون صاحب الشعبية الاكبر فى السودان

[الفراش الحائر]

يا اخوانا والله الحكايه ما دايره استفتاء
طبعا سيد البلد وحبيب الملايين ابو الهل

[شايقي وافتخر007]

الهــــــــــــــــلال وبس

[خلخول]

سيد البلد مافى وجه مقارنه بينو وبين الحمام الميت

[الفراش الحائر]

فى الهلال 11 واحد بيكوجنو فى حاجه اسمها كره القدم؟؟؟

شوط اول ( شوط اللاعبين ) :-
الكوره بين الهلال والخرطوم3 ....الهلال ممسمر من قوله تيت ومزنوقين زنقه الترزى يوم الوقفه ....ولعيبه الهلال شغالين جليط ووقيع وزليق ومسيك وكسروجرجير ومدافره ومناتله ومقابضه والناس نفسها قايم وكل لاعب يجرجر فى رجلينوه وواقف راجى الكوره تجيهو عشان يديها لى ناس الخرطوم ....باصات غلط...الواحد يثبت الكوره تنط منو هناااااااااك وياخد ليهو كم زلقه وكم وقعه واتدردق لمن يجيهو ريال بالجنبه عشان اعفصها تانى وما تنط وبعد داك يشوتها فووووووق زى حقت ناس كابتن ماجد ديك والجمهور المسكين جاهو وجع رقبه من المعاينه فى السماء ولما الكوره تنزل تنط تانى وتبداء المرمقه من جديد .......ولو شفتو الخطه مره 3/7 ومره 1/9 ومره 5/4 ومره 2/1/3/1/2/1 المهم فى الاخر عرفتها وفرحت شديد لانو كانت زى الغلوتيه لقيتها ؟؟؟؟/؟؟؟؟/؟؟

11 مكسح زاحفين فى الملعب ....مافى روح ....مافى ولاء...مافى حراره قلب....ناس يا ماعايزه تلعب يا ما بتعرف تلعب واظن الاحتمال الثانى صحيح لو كوره القدم بالشكل ده يبقى ...عمك على بتاع الدكان احسن لاعب وسط ....عثمان الترزى الفى الناصيه احسن زول يحاور ويخيط اللعيبه فى الميدان...عمك مختار جارنا الله يشفيهو قطعو ليهو كراعو عشان السكرى ممكن يكون مدافع صلب ويرجع جوليت ومرق الكنبه تانى.....هارون الغسال الداير من الشباب كلهم قروش فى الحله ممكن يكون مهاجم خطير ويغسل احسن المدافعين ويشر ليك الكوره فى الشبكه ....الصادق الحداد اصبع يدو الكبير قطعو ليهو حجر النار ممكن يبقى حارس السودان الاول... وليم الغفير( 70 سنه عمرو) بتاع المدرسه ده يمسك ليك احسن مهاجمين ومويه ما تمر....حاج بشير البجلد العناقريب ممكن نجيبو يعمل ليك خطه وتشكيلات ويكرب التيم شديد بدل ريكاردو.......غايتو خساره القروش والحوافز الاندفعت للعيبه والفنادق الاتأجرت والطيارات الخاصه والاكل السمح وبعد دهك لو مافى عمار .....

شوط تانى ( شوط الجمهور):-
لو بتسمع كوره للهلال فى الراديو خلى جنبك كبايه مويه وشريط بندول عشان الصداع ويستحسن تسد اضنينك او تغفل الرادى وتنوم اخير ليك .........
لو بتشاهد الكوره فى التلفزيون اى تربيزه شيله من قدامك عشان ما تكسرها وما تمسك اى حاجه فى ايدك عشان ما تكسر بيها الشاشه ويستحسن تدى التلفزيون ضهرك وبعد داك تعمل زى ما عمل بتاع الراديو تسد اضنينك وتغفل التلفزيون ونوووووووم......
اما لو كنت فى الاستاد اييييييييك دى ما مصيبه كبيره خلاص ....شيل معاك حبوب الضغط عشان الضغط حا يرتفع عندك....انبوبه اوكسجين عشان خمه النفس.....مويه بارده لانو ريقك حا ينشف من السب واللعن....كيس طراش زى حق الطياره داك عشان ترجع فيهو .....اتصل على الاسعاف وخليهم جاهزين عشان لو جاتك غيبوبه الناس ما تحتار ......لو ما قدرت تكمل شوف اقرب ركشه وبيتكم طوالى ........... يستحسن ما تخش الكوره العشره حبات دى اولى بيها بيتك واولادك من الكلام الفاضى ده..........

زمن اضافى :-
اسامى الاشخاص المزكوره اعلاه وهميه

[AAL]

اعلن البرازيلي ريكاردو المدير الفني للهلال قرار رحيله من الهلال في مؤتمر صحفي عقب لقاء فريقه والخرطوم الذي جري امس

كتب
ابراهيم الجيلي
وقال ريكاردو اليوم هو الوقت المناسب لاعلان قرار الرحيل والمغادرة من تدريب الهلال وقبل تنفيذه يجب ان نقدم كلمات الشكر للاخ والصديق صلاح ادريس رئىس مجلس ادارة النادي واعضاء المجلس وجماهير الهلال عامة علي المساندة والعمل من خلال اكثر من ثلاث سنوات قضيتها بالهلال كاشفا بان قرار الرحيل اتخذه لظروف خاصة جدا ورغم الفترة الطويلة مع الهلال الا ان الظروف التي ادت لهذا القرار كانت اكبر من اي شيء رغم ان مجلس الادارة قد وفر كل امكانيات الابداع التي تساعد علي تحقيق الانتصارات والانجازات.
وقال ريكاردو بان الظروف مع الهلال قد اتاحت له مشاهدة جماهير تحب فريقها بجنون لم يشاهدها في حياته وتستطيع ان تمنح الدافع للاعبين وتقدم ريكاردو بالشكر لكل اعضاء الجهاز الفني الذين عملوا معه بكري عبد الجليل واحمد ادم وفوزي المرضي الذي قال انه صديقه الشخصي وجمال عثمان المترجم ومواطنه قابريال مدرب اللياقة.
واشار ريكاردو ان ذهابه امر يخصه واسرته ويمكن للهلال احضار مدرب جديد لقيادة الفريق بعقلية جديدة وتمني ان يرفع من قدر الهلال وقال ان تعامل الشعب السوداني الراقي كان وراء قضائه لفترة ثلات سنوات مستمرة مع الهلال.
ونجح في تكوين صداقات مميزة في الشارع العام والسوبر ماركت وامتدح البرازيلي دور الاعلام السوداني وقال انه ساعده في تقديم خدمات جيدة للهلال .
وقال ريكاردو ان الهلال يملك القدرة في التقدم عربياً خلال مشوار البطولة القادمة موضحاً بانه انتابه احساس الفشل والتراجع اذا واصل لفترة قادمة مؤكداً بأنه لم يترك الهلال لاية مرارة او معاناة وقال ان ذهابه تم الترتيب له مسبقاً مع مجلس الادارة وتمت التسوية مع المجلس في الجوانب المالية والعقد موضحاً بانه الآن يحتاج للراحة قبل التفكير في العمل ولكن اذا طلب اي نادي خدماتي سأذهب في الوقت المناسب ايضاً بعد ان تلقيت عشرات العقود سابقاً وضعف الراتب الذي اعمل به في الهلال كاشفاً بانه كان قد عقد العزم على عدم العودة بعد ان ودع الأهلة العام الماضي ولكن هناك ثلاثة اشياء مهمة جداً كانت سبب العودة لمواصلة الاستمرارية أولها علاقتي المميزة مع صلاح ادريس رئيس نادي الهلال الذي يعتبر اكبر الهلالاب عملاً وغيرة على النادي والسبب الثاني هو عزم اللاعبين وروحهم القوية والذين قاتلوا من اجل انفسهم حتى وصلوا للمربع الذهبي ودور الثمانية والسبب الثالث والاخير انه شعر بامكانية تحقيق البطولة الافريقية بعد ان قدم الفريق مستوى جيداً .

منقول

شكرا ريكاردو , قضينا في قيادتك اجمل و اسعد اللحظات في تاريخ الكوره السوداني
و كل التوفيق في حياتك و مهنتك

[TETO]

طبعا هلالنا فوووق وسيد البلد الكلام دا ما عاوز درس عصر

[AAL]

كل عام و انتم بخير للجميع, اكيد الهلال سيد البلد :D
لكن السنه دي خيب ظننا و شكلو المريخ هو الح يبقى سيد البلد

[AAL]

يا سلام عليك ياا خلخول و انت بتشجع تشلسي
يعني بلوز و بلوز اللون الازرق ده بنحبو في اي فريق , لكن ناس اصفر بي احمر ديل شاترنها شتره مبالغه

[acba77]

سيد البلد مافى وجه مقارنه بينو وبين الحمام الميت

طالما الحمام الميت هزمك بي لفة طمبل انت تكون شنو؟؟؟؟؟؟؟؟؟؟؟؟؟؟؟؟
اتوقع جاحة كدة اقل من الحمام لان الحمام الميت ما قدرت تنستر امامه تركك تجر اذيل الهزيمة وتركك تشوت القوارير يا ملوحة

[acba77]

انتو يا اخونا بتتكلمو كيف خليكم من السودان المريخ شهرة فاقت الافاق علي المستوي الخارجي بدليل ان له رابطة مشجعين في الصين غض النظر عن الوطن العربي
لو عايزين تتاكدوا اكثر ارجعوا لدخل مباريات الدوري الممتاز ساعتها تعرف من هو الفريق صاحب اكثر شعبية بالسودان

[acba77]

كيف يكون بطل الاندية الافريقية بدون بطول خارجيا ؟؟؟؟؟
الاتحاد الافريقي فاكرنو اتحاد شداد

[العنيد جدا]

والله ريكاردو عمل للهلال كتير ادانا تالت افريقيا دي انا اصلا ما كنت متوقعة والهلال ما بحلم بيها

[حازم جمال]

الواحد لمن يكتب ما يكذب انت بتخدع في نفسك انت قايل في زول بيصدقك (في كل ارجاء الدنيا الهلال هو السودان) شهرة المريخ فاقت الافاق بدليل ان له رابطه مشجعين في الصين خليك من البلدان القريبة
هل لك رابطة مشجعين في الصين ؟؟؟؟؟؟؟؟؟؟؟؟؟؟؟
هل لك انصار في الصين؟؟؟؟؟؟؟؟؟؟؟؟؟؟
اجب
حديثكم كلو كذب وضلال
اجب الاسئلة لاتدفن راسك تحت الرمل كالنعامة
ياتوا كاس جابوا الهلال من برا ورفع بيهو اسم السودان حتي نال شرف انة السودان ؟؟؟؟؟؟؟؟؟؟؟؟؟
من سنة1930 حتي الان صفر دولي فكيف تكون انت السودان ؟؟؟؟؟؟؟؟؟؟؟؟؟
78 سنة الكاس المرسوم في علبة البرنجي انت ماجبتو مطار الخرطوم ما معترف بيك خليك من ارجاء العالم ؟؟
ابوبكر كاكي احسن منك القدموا للسودان انت بي سنواتك الطويلة ما قدمتوا

اولاً يا حبيبنا براحة عشان ما ينطق ليك عرق وتروح فيها
سالتا سؤال واحد وكررتا جملة (اجب على الاسئلة )اكتر من مرة وحتا سؤالك الواحد يثير الضحك ويدعو إلى الدهشة
مالنا ومال روابط الصين !!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟
وبعدين كيف سنتاكد ان للمريخ رابطة فى الصين والهلال لا يملك مثلها
طيب طالما الكلام ساكت وزى ما قالوا ما عليهو ضرائب امسك دى
الهلال عندوا رابطة فى جزر الواغ الواغ والمريخ ما عندو
حد يقدر يقول لا
يا شافى اشفى

[acba77]

اولاً يا حبيبنا براحة عشان ما ينطق ليك عرق وتروح فيها
سالتا سؤال واحد وكررتا جملة (اجب على الاسئلة )اكتر من مرة وحتا سؤالك الواحد يثير الضحك ويدعو إلى الدهشة
مالنا ومال روابط الصين !!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟
وبعدين كيف سنتاكد ان للمريخ رابطة فى الصين والهلال لا يملك مثلها
طيب طالما الكلام ساكت وزى ما قالوا ما عليهو ضرائب امسك دى
الهلال عندوا رابطة فى جزر الواغ الواغ والمريخ ما عندو
حد يقدر يقول لا
يا شافى اشفى

كل انحاء العالم تقول لا لانة كلام غير منطقي والحقيقة تقال الهلال محليا وبعض الدول العربية

[السودانى الاصيل]

صدقت يا ود الخبر الهلال تييييم 100% امرض بس موووووت ماااافى

[عبدالرحمن ابراهيم]

الهلال اول فريق سودانى يحرز بطولة خارجية فى سمبتبر عام 1966 وهى كاس دورة استقلال الكنغو التى هزم فيها فريق الشواطين 6/1 وفؤيق الدافووان 4/1 وتعادل مع منتخب الكنغو 1/1 وحرز كاس البطولة وحملة الكابتن ابراهيم يحى الكوارتى هذا الخبر منقول من صحيفة الراى العام عام 1966 وكذلك من منتديات الهلال

[عبد السلام بشير محمد]

اخر شمارات الهلال تركيزهم على الملك فيصل عجب العجيب يموووووووتو ويشيلو من زعيم البلد وبقو يطلعو الاشاعات كلمعتاد والمرة دى قالو مكرمنو عشان يفكو ويخربو مزاجو وبعدين يجرو وراة لكن عشم ابليس فى الجنة يا رمتالة وهو باااااااااااااااااااااااااااااااااااااااقى فى الزعيم وشفناهو فى المنتخب ماشاءالله يصول ويجول وهاااااااااااااااااك يامهند جيب قوون دمت يا عجب للمريخ والسودان وانتو ياحساد عايزين باى طريقة تدمرو الزعيم *** ارجو الراجيكم فى مدينة الحديد والنار واحسن تعملو شوية ترميم قبل الانهيار و يارب النصر للعطبراوى ونحن ماااااااااااااااااااااااااااااااااشين انتو وين من المستقبل القريب وعشت يا مريخ

[ودعلبوب]

عجبنـــــــــــــــــــــــــــــــــا ولدنا أقصد عمنـــــــــــــــــــا