أنا غيتو بكره حاجة اسمها تفاحة
لو وصلتني ريحتها بس بمرض
لا بحب طعمها ولا ريحتها ولاعصيرها
مرة غشيت روحي وأكلت تفاحة شربت معاها زجاجة بيبسي
والله مرضت مرض زي الملاريا عافاكم الله
تاني حرمتها عديل
وما ده السبب أنا ما بحبها فعلا
على الرغم من لونها وشكلها الجذاب
ومع إنو الشاعر قال فيها:
يا ليتني كنت تفاحـــــــــــا مفلجة
أو كنت من قضب الريحان ريحانا
حتى إذا وجدت ريحي فأعجبــــها
ونحن في خلــــــــوة مثلت إنسانا
طبعا ده وصف جميل جدااا من الشاعر
والتفاحة المفلجة هي المقسومة لأنو احنا
لما نقطع التفاحة بتطلع ريحتها وهي ريحة جميلة
جدا بتغزل بيها أهل الأدب إلا أنا
لكن بحب الكومثرا والجوافة مووووت والبطيخ
انااااااااااا بحب موت الكمثره و البطيخ والسبب فى ذالك مجهول وكمان بحب الموز المصرى بتحديد وكمان مع الاسف ماعارف ايه السبب انم بكرها بشده الجوافه والمناجا والسبب يعود الرائحه لانى ولا مره ظقتهم
بحس اني باكل الياف وحاجات ما لذيذة خالــــــــــــــص
يسلموووووووووو علي البوووووووست يا فردة
يا عسسسسسسسسسسسل وكمان مشتاقين كتيييير تحت تحت كدا[/grade]
وأنا كمان مشتاقة ليك ياعسل
لكن التفاحة بتقيف بيني وبينك
يشهد الله بكرها قدر شنو
ما بس كدة
لما قريت جزء يسير من كتاب"قصص الأنبياء"للإمام أبي الفداء إسماعيل بن كثير، الكتاب اتكلم عن سبب اخراج سيدنا آدم عليه السلام وأمنا حواء من الجنة، الغريبة إنو الأسباب إلي ذكرها الكتاب ما ذكر من ضمنها التفاحة مع إني قلت لنفسي قبل أن أسترسل في قراءة الكتاب إنو أول حاجة حتكون التفاحة، لكنلحدي لحدي الجزئية الأنا وصلتها حسي من الكتاب ما ذكرت التفاحة أبدا، الكتاب ذكر شجرة الكرم والحنطة و....وكمان منهم من قال الحية وإلخ.
ههههههههههههههههههه
عاملة فيها زعيمة يالتفاحة بس أكمل الكتاب ونشوف
أختي قالت لي:التفاحة صحيا ممتازة
لكن لما سألت أبوي قال ليها: التفاحة بتنفع للرجيم و...نسيت المهم حاجات بسيطة كدة
وهي على فكرة يتحلي بشرة الوجه لو أكلناها بشكل شبه يومي
المنجا بحبها كتير ولحب الأنناس نوعا ما
احسان:
حددي موقفك كيف يعني بتكرهي الأنناس وبتشربي عصيره
أنا والله حاجة ما بحبها في التفاحة
الفراش الحائر كتب:انا غايتو بحب الكيوى والكمثره والفراوله
مع انى لاشوفتهم ولا اكلتهم ولا عارف طعمهم
يمكن يكون ده حب من طرف واحــــــــــــد
الله اعلم؟؟؟؟؟
هههههههههههههههههههه
اختار الكمثرة أو الكيوي
فجبن أن لا تختار
لا توجد منطقة وسطى
ما بين العاشق والنار
اها جاكم الاشيتر جد بحب الموز حب غير عادي ما عارف ليه عشان اكلوا ما مُكلف ولاشنو
بعدين المنقه بس عندي طريقه لاكلها غير عاديه
اشرحها ليكي
اول حاجه بشتري لي منقه منقتين من السوق عزل من النوع الكُبار داك بجي اغسلهم غسيله تمام واجدعهم جوه الزير بعد العشاء بلبس لي حاجه كده تتحمل المهم نقول عراقي من الشماعه ما نضيف واقعد في نص العنقريب وابداء في كد المنقه بخليها ليكي نضيفه تندم علي يومها القامت فيهوا اكده كده صاح يعني باخد راحتي تماماً في اكلها ، بعدين شوفي العراقي بتاعي ده وجزء من ملاية العنقريب بيكونوا اكلوا معاي وقولي وشي وخشمي ببقوا صفر عديل كده ، منها والحمام والنومه طوالي .
الاشيتر عكس عقارب الساعه الناس في وادي وهو في وادي تاني
شهيتكم اكل المنقه مش كده .
بتحبها ليه
رد: بتحبها ليه
