جميع المغتربين(( هل لكم نية في العودة الى السودان))؟؟!!

[ابراهيم عبد الله]

رمضان كريم والله الواحد عوز يرجع اليوم قبل بكرة بس الناس مرتبطة بعمل واجازات سنوية مافى احلى من السودان والناس الطيبة الفيهو ولمة الاخوان والاخوات والحبوبة وريحة المطر والنيل .. ماتذكرونا ساكت مشكورين

[ايثار]

والله ارجع الليلة قبل باكر....بس الواحد يحسن ادارة دخله عشان يقدر يأمن مستقبله ومستقبل اولاده وماتضيع سنين الغربة هدر.

[المسيري الأحمر]

والله الكل عايز يرجع السودان لكن المشكله إنو السودان مابنقعد, يعني الواحد لو ماعندو راس مال قوي ويعمل مشروع قوي ماحيقدر يعيش حياه كريمه في السودان يعني الواحد لازم لما يرجع السودان يرجع وعندو مشروع قوي عايز نفيذو طبعاً بعد دراسه السوق السوداني.........

[خيركم]

اعتقد ان الناس كلها اغتربت لهدف محدد وهو في الغالب تحسين الوضع المعيشي في السودان الحبيب.
بس كمان السودان نفس في بلده اغترب اقصد انه اصبح حاجة تانية غير السودان الكان..

الناس اتغيرت
والمدن اتغيرت بصورة تحير... الواحد البلد الكان عايش فيها حياته كلها فجاء اصبحت هي غير البلد...
المهم العودة عايز تخطيط دا ما تهرب بس بالضبط عايزة مشروع للعودة...
عايزة مشروع اقتصادي يلم الناس ويكون مصدر دخل حتى لا يكون هناك اي سبب للاغتراب مرة اخرى....

[فارس الرومانسية]

[mark=FF6699]القدم ليه رافع وربنا يسهل[/mark]

[يوسف أبوزيد]

أكييييد سارونا,,, نية العودة موجودة لدينا كلنا,,,, والسبب بأختصار,, ما حنلاقي بلد أدفى وأحن علينا من بلدنا,,, كونه الشخص موجود بين أهله وناسه وأحبابه دي براها بتكفينا للعودة,,, أما مكان الإقامة,,, شفتي البحر الأحمر,, عديهوا شوية كيدي,, بتجيك حاجة اسمها السعودية ,, بس دي زااااتها,, أنا فيها,,,,

وأحي فيك الأسئلة الجميلة رغم (صغر عمرك) بتدل على وعي كبير,,,,

تسلمي

ومن منا من لم تراوده فكرة العودة والعودة الطوعية للأم الرؤوم والحضن الدافئ الوطن رغم المتاريس والعوائق وإنشاء عودة قريبة جداً للعول والديار . وحتماً نعود ولازم نعود ومرحب بالعودة الغير مشروطة والأسباب عدة وعديدة للعودة ومنتفية تماماً للركون وفراغ الماعون آل غربة آل آل وهم آل ويا إخوان العرجاء لمراحها .

[hadi5n]

أكييد ناويين نرجع أو بنحلم نرجع ...
بس كيف لطريقة ...
أصبح حتى الرجوع للوطن شبه المستحيل ...
أصبحت الغربة بلا فائدة يعني قدر حق الأكل ومصاريف الأهل ومرات ما بتكفي ... نلجأ للديون ...
وعايزين نرجع السودان ... بس كيف ومتين والله الله أعلم ...
يعني بقينا متورطين وك يوم الحالة زايدة سوء
وربنا يهون
ودعواتكم معانا ربنا يفرجها
واليوم قبال باكر نكون في السودان
هو في أحلى من الإنسان يكون في أرض الوطن وخاصة السودان

[الدافعابى]

بنحلم بيهو يوماتى وطن حدادى مدادى ......
المفروض الواحد مش يفكر ....
المغتربين نوعين
الاول من اجل المادة وهذه هى الغالبية ....
والثانى سياسى وديل لا بيعجبهم العجب ولا الصيام فى رجب ....

[توأم روح]

الموضوع فكرته حلوه وكل واحد يستشعر عندما يقرأه
حقيقة كل واحد بحن للسودان ويتمني كل لحظه يغمض عين ويفتح يلقى نفسه قدام اهله واحبابه
بس الواحد بكون مقيد بفتره زمنيه معينه عشان ينزل لاهله والحمد لله بعد ان اصبح العالم غرفة
صغيره شوف العين بقى ساهل والتواصل اسهل اللهم الا النفس المفقودة0
اما موضوع الرجوع نهائيا فيختلف من شخص لاخر لان بعضهم جديد علي الاغتراب بعد ان
يئس في الحصول علي عمل في السودان لا اعتقد انهم يعودون قريبا ونتمني من الله الصحة
للجميع حتي يعودوا لذويهم سالمين غانمين0

[omer20]

اكيد كل واحد اتمنى ارجع بلدو
ونتمنى الرجوع الى الوطن سالمين غانمين انشاء الله
وربنا يرد غربة كل مغترب عن وطنه سالما غانما

[hadi5n]

والله اليوم قبل برة إذا وجدنا طريقة بنرجع

الآن أنا بالسعودية ومعي الأولاد
ولي ثلاثة سنوات ما رجعت وما معروف الرجعة متين
لأنو المرتب ما بكفي وما بحوق بين السكنن والأكل ومصاريف الأهل
كل شهر داخل في ديون جديدة
اضافة لمصاريف العلاج

كيف نرجع السودان وكان رجعنا نعمل شنو ؟؟؟ لا في بيت لا في عمل ؟؟؟
لا في حاجة نتطلع منها المصاريف ؟؟؟
والله المستعان

[ياسر الطيب الحاج]

لكل منا ظرفه الخاص الذي دفعه الى الخروج بحثاً عن الرزق الحلال وعندما تزول تلك الظروف ببقى ما في داعي للعودة الى الوطن الغالي (وطني وان شغلت بالخلد عنه نازعتني اليه في الخلد نفسي).
مع خاص الأشواق ودمتم

[خيركم]

الاعزاء محبي السودان
لكم التحية والتقدير لطرح هذا الموضوع الذي يهم كل السودانين، المغتربين والغير مغتربين..
للعودة للسودان الحبيب لابد من التخطيط السليم للاستقرار...
العودة من غير مشروع يضمن الاستقرار معناهو العودة للغربة من جديد والاغتراب الان اصبح مشروع صعب وغير مقبول خصوصا للسودانين حيث ان الناس اصبحت تفد للسودان من كل مكان...
تعالوا نفكر في مشروع للعودة ..
اول اقتراح من عندي
معهد تدريب تقني يقوم بالتدريب في المصانع والمشاريع القائمة بالسودان...

[نادر محمد ناصر الزبير]

انا بصراحه عمري ماجيت السودان شفتها في الصور بس
وما لي النيه امشي الا لو الظرووووف

[ابراهيم الجيو]

[flash=http://www.youtube.com/watch?v=zenJU7LU7cc]WIDTH=400 HEIGHT=350[/flash]


حلوة يابلدي

[البوسنوى]

بسم الله الرحمن الرحيم

اللهم صل على محمد وعلى آله وصحبه أجمعين
السلام عليكم ورحمة الله وبركاته
:)
اهلا وسهلا...
كيف حالكم ان شا الله طيبين...
لجميع المغتربين هل لكم رغبة او نية في العودة والاقامة في السودان؟؟!!

مهما كانت اجابتكم فما السبب وما هي البلد التي تقيمون فيها الان...؟؟؟

عايزة تفاعل لو سمحتوا ومشاركة وردود...
يلا سلام باي باي

مالك على ياسرونا , لسه ماحان الوقت والمنادى ما نادا.....
السبب ببساطة عندى مشاريع وبزنس...
والبلد هى " Bosnia"


طرحك رائع...

[ابومريم]

نحن نحب العودة الى بلدنا الحبيب لان الغربه مريرة ولها مؤثرات سوى كانت المؤثرات على اولادنا أم نحن اولا ندهور مستوى الاولاد فى الدراسة وثانيا نبعدهم عن اهلهم وهذااضرة شئ فى حياتنا وخاصة للبنات ولا أحب أن اطيل عليكم ابومريم معيجنة

[ابومريم]

اكيد نحن نحب العوده وأنا انشاءالله الصيف حاانزل السودان

[خيركم]

بالتأكيد كل المغتربين عايزين يعودوا للوطن خصوصا لو كان الوطن هوالسودان الحبيب ..
بس هل هم بعرفوا حاجة عن السودان دا هل عاداتهم هي عادات السودانيين ؟؟؟
هي بحبوا السودان دا كما كان يحبهم ابائهم؟؟؟؟
اعتقد ان الغربة دي مصيبة للاباء والابناء كلهم !!!!!
الاب ما عارف يرجع والابن خايف من العودة لوطن هو ما بعرف عنه غير انو كان وطن الاب ..... ولاب اهو عايش في بلد الغربة ما في سبب يرجعوا لوطنة (غير انو هو وطنة وبحبو) اقصد البلد مشغولة عنه والواحد للاسف بدأ يشعر ان والوطن ما عايزه
كيف؟؟؟ هل سمعتوا مسئول من الحكومة قال عايز المغتربين يرجعو ووضع خطط لعوتهم؟؟؟؟؟
بس بكرة تجي الانتخابات تسمعوا الكلام دا.!!!!!!!

[محمد صالح محمد جبارة]

اكيد الرجوع انشاء الله لانو نحنا اصلا عايشين فى السودان بس اجسادنا خارج الوطن دعواتكم بالخير والسلام لى بلدنا قولوا ياااااااااااااااااااااااارب