لو لم اكن سودانيا لوددت ان اكون .......

[من خلق الظلام يراني _mlk_]

>هل هذا واقع ام ماذا

تخيل كيف يكون الحال لو ما كنت> سوداني> كنت ح تلتزم بالمواعيد - كنت ح> تدفع فاتورة المحامي او الطبيب> قريبك - كنت قاضيت المهندس اللي> خرب ليك بيتك - كنت عملت مشروعك> بنفسك دون محاكاة - كنت بدأت دوامك> في الموعد المحدد - كنت حتنطق حرف> ال (ق ) و ال ( غ ) كما ينبغي - كنت> بطلت تسف صاعود - كنت صرت متخصص> وعالم في مجالك - كنت حتلبس شيك جدا> عند خروجك أمام التلفاز وأجهزة> الاعلام - كنت تتحدث بطلاقة> وإنسيابية بدون أ أ أ أ أ أ - كنت> عرفت ان بالدقيقة 60 ثانية> وبالساعة 60 دقيقة وباليوم 24 ساعة> وفي اليوم ممكن تعمل كذا وتنجز كذا> كنت اخترت المساق التعليمي بنفسك> و درست الجامعة بالكلية اللي> تناسب مقدراتك ومواهبك ورغباتك> المستقبلية كنت ح تتصل بالتلفون> قبل زيارة أحد في منزله بدري شويه,> مش و أنت في خشم الباب...كنت انتظرت> دورك في الصف..كنت ح تنهر أولادك> لما يبهدلوا ليهم بيت زول..و كنت ح> تتردد في أخذهم معاك المرة الجاية> لنفس البيت, علشان يبهدلوه مرة> تانية...كنت ح تتردد في إعطاء رقم> تلفون أو عنوان شخص ما دون> إذنه..كنت ح تتوقع يحصل شنو لما> ترقد طفلك الصغير, دون بامبرز في> سرير في بيت الناس..وكنت امتنعت عن> السماح بجلوس طفلك الرضيع في> المقعد الأمامي على حجر والده او> والدته...كنت ح تترد في زيارة شخص> ما أنصاص الليالي و صابح يوم مدارس> و عمل...كنت ح تخلي الصغار في البيت> عندما تكون المناسبة مناسبة> كبار...-كنت اتونست بصوت معقول,> حصوصا' عندما يكون الطرف الأخر> قاعد جنبك في نفس الكنبة.. و يا> حبذا عندما يكون الطرف الاخر> ساكت...كنت امتنعت عن التدخين في> منزل شخص اخر, او على الاقل> استأذنت قبل ما تولع...كنت ترددت في> ارسال حاجات وزنها خمسة كيلو و ما> فوق مع كل من تسمع بأنه ماشي> السودان...كنت رجعت القروش> الاستلفتها في وقتها, أو في> الحقيقة رجعتها و بس..كنت امتنعت> عن زيارة احدهم في مكتبه , للونسه> او مناقشة امور لا صله لها بالعمل> كنت خجلت من عدد المسكولات التي> تعملها, مش كمان تقول 'شنو يا> فردة, خمسه مسكولات ما ترد عليها؟> و الله الفيك اتعرفت'.....

[TETO]

الغاليـــــه mlk

كل ما قيل الان للأسف صحيـــح وبكثرة في مجتمعنا السودانــي وانا متاكد من ان الكثير من الاعضاء عارف وبتمر بيهو المواقف دي في حياتو اليوميه وكل يوم بحصل معانا شي من ديل ...

لكن السؤال الي لازم اسئلو

مش مفروض نغير التصرفات الي اصبحت تدل على رجعيه سودانية واصبحت دائما ما تشوه سمعه السودانيين في كل مكان ؟؟؟

موضوع جميــل

تقبلي مروري وتحياتي

TeT0

[من خلق الظلام يراني _mlk_]

فعلا سؤال يطرح نفسه مش المفترض نعمل على تغير هذه التصرفات التي تعمل على تشويه صورتنا في المجتمعات الااخرى
مشكور تيتو على اطلاالتك البهية

[basilbebo]

اولاً: لا يغير الله ما بقوم حتي يغيرو مابانفسهم!!؟؟دي هي القاعدة الربانيه عشان الناس تغير احوالها ؟!!
ثانياً:بالنسبه لي للالتزام بالمواعيد امر حث عليه ديننا الحنيف ولكننا اهملنا في امور ديننا فساءت امور دنيانا قال المولي عز وجل (ان الصلاة كانت علي المؤمنين كتابا موقوتا) من الايه الكريمه نجد انو المولي عز وجل ريط الصلاه يالوقت عشان نعرف اهمية الوقت ونتعلم ننظم حياتنا. و الرسول صلي الله عليه وسلم اشار الي ان عدم الالتزام بالمواعيد من ايات المنافقين (والعياز بالله)
النظام واحترام حق ألآخرين والعدالة في تطبيق النظام ، وعسانا ننجح في الحرب على فوضانا ولن نتغير حتي اذا اتعلمنا الصعود إلى الحافلة بانتظام .ونغير المقوله انو السوداني يقف فى الطابور فى حالتين بس، إذا وقف بجانبه شرطي وفى يده عصا غليظة، وإذا وضعت له حواجز حديدية تمنعه من تجاوز الشخص الواقف أمامه.ورينا بسهل الامور
واختلاف الراي لا يفسد للود قضيه بس القصد الفائده العامه

[أصلي]

السلام عليكم
يمكن القلتو يكون فيه شي من الصحة ولكن انا بعتبرو ده كلو صدي السودانى الاصيل مازال موجود وبكثرة
وبتعرفو وقت الحارة




أحياناً يغرقنا الحزن حتى نعتاد عليه وننسى
أن في الحياة أشياء كثيرة يمكن أن تسعدنا
وأن حولنا وجوهاً كثيرة يمكن أن تضيء
في ظلام أيامنا شمعة فابحث عن قلب يمنحك الضوء
ولا تترك نفسك رهينة لأحزان الليالي المظلمة

[الأمير حسن مختار]

السوداني الأصيل لأن يبيع وطنه وجنسيته بالغالي والرخيص عملاً بقول الشاعر:

[align=center]ولي وطنٌ اليت ألا لا أبيعه
وأنا لا أرى غيري له الدهر ملاكاً[/align][/b]

[saare]

[align=center]تخيل كيف يكون الحال لو ما كنت سوداني



كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف ال (ق ) و ال ( غ ) كما ينبغي وما كنت حا تقول للتسعة تزعة - كنت بطلت تسف ساعوط - كنت صرت متخصص وعالم في مجالك - كنت حتلبس شيك جدا عند خروجك أمام التلفاز وأجهزة الاعلام - كنت تتحدث بطلاقة وإنسيابية بدون أ أ أ أ أ أ– ولو ما كنت سودانى كنت عرفت ان باللدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا وكنت خططت لحياتك ومستقبلك و كنت اخترت المساق التعليمي بنفسك و درست الجامعة بالكلية اللي تناسب مقدراتك ومواهبك ورغباتك المستقبلية مش عشان ود جيرانكم اختار الكلية دى بالزات يعنى اخنق فطس.. كنت ح تتصل بالتلفون قبل زيارة أحد في منزله بدري شويه, مش و أنت في خشم الباب ده طبعا لو اتصلت وما جيت داخل زي قدر الله بدون حتي ماتدق الباب وتدقو ليه؟؟مش في سلك تجرو وتدخل!!بدون مراعاة لحرمة البيت ولو ما كنت سوداني...كنت انتظرت دورك في الصف وخلصت معاملتك بنظام بدل الململة البتعملوها وكنت ح تنهر أولادك لما يبهدلوا ليهم بيت زول ويعيثوا فيهو فسادا وحضرتك قاعد تضحك ومتعوجب لي اولادك ورافع لي ناس البيت الضغط والسكري....كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!!واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم ..والطامة الكبري لو كان عندهم حوض سمك ...
و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت ح تتردد في إعطاء رقم تلفون أو عنوان شخص ما.. دون إذنه او حتي سؤاله اذا كان عندو رغبة يتواصل مع الناس ديل أو مفهمم انو ما عندوا تلفون من اصلو بدل تورطو وتحرجو كدة!!!.وكنت امتنعت عن السماح بجلوس طفلك الرضيع في المقعد الأمامي على حجر والده او والدته ولمن يحصل حادث الحبيب ياكلها لا لذنب جناهو سوي انو اهلو سودانين!!...كنت ح تترد في زيارة شخص ما.. أنصاص الليالي و صابح تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء علي امل انك تمشي وتخليهم ينومو وانت برضو قاعد تبرأ فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي!!!ولو ما كنت سوداني ...كنت ح تخلي الصغار في البيت عندما تكون المناسبةمناسبة كبار..-كنت اتونست بصوت معقول, خصوصا' عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...كنت امتنعت عن التدخين في منزل شخص اخر, او على الاقل استأذنت قبل ما تولع...كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...كنت رجعت القروش الاستلفتها في وقتها, أو في الحقيقة رجعتها و بس..كنت امتنعت عن زيارة احدهم في مكتبه , للونسه او مناقشة امور لا صله لها بالعمل كنت خجلت من عدد المسكولات التي تعملها, مش كمان تقول 'شنو يا فردة, خمسه مسكولات ما ترد عليها؟ و الله الفيك اتعرفت'.....كنت حا تقعد فى صالون الناس بدل تلوص فى البيت كلو..كنت حا تبطل التحشر فى خصوصيات الناس وتعمل الحالة واحدة وتدى نفسك الحق تسأل اى سؤال يخطر فى مخك( لو كان فى يعنى) ..كنت ما حا تمشي مستشفى الولادة وتقعد تحقن النسوان الفى العنبر كلهم واللللللللللله عيب كبير يا سودانيين اصلا ما شفت غيركم بتحاوم فى عنابر الولادة وكمان معاها هرجلة وإزعاج ..اصلا انتو البوديكم شنو مستشفي الولادة؟؟ عشان تودو نسوانكم اوكي آمنا بالله طيب اقعدوا في الاستقبال لزومو شنو الحوامة في العنابر يعني حبكت تباركو للام استنو لمن تطلع في البيت أما لو كانت اختك او زوجة اخوك يا ريت الزيارة تكون من طرف الاوضة وتتوكل علي الله ... ولو ما كنت سودانى كنت بطلت تطلع بالعراقى والسروال والسفنجة وراسك مكشوف وصوتك يجيب الطاش..لو ما كنت سودانى ما كنت اكلت ميراث اخوانك الصغار واستوليت على بيت ابوك لى يوم يبعثون عشان بس انت الكبير!!ولو ما كنت سودانى كنت إبتكرت فى خريطة بيتك بدل تشف حقت صاحبك بالكربون وكنت استثمرت فى حاجة غير الركشة !! ومحلات الاتصالات !!لو ما كنت سودااااااااااانى ما كنت سوقت معاك كتيبة وانت ماشى المطار وما كنت عملت الضوضاء والغوغاء العجيبة البتعملوها فى المطارات ولابسين الجلاليب والبراطيش وراسكم كاشف وفي احسن الاحوال لابسين طاقية ويوم تحبو تقشرو تلبسو مركوب نمر يقزز .. ونسوانكم معنكشين بى دهب البيت كلو ولابسين الاحمر والاخضر والترتر وزفة الوان ما شوفناها حتي في اعتي صحن سلطة ده غير شباشب الظار البرتقالي والليموني وهلمجرا وشفعكم يكوركو ويتساككو ده غير التحنيس والدناءة عشان يمشو ليك الوزن !!! ولو ما كنتو سودانين كنت قعدتو محترمين فى الطيارة وما قرفتو المضيفات بي الطلبات والاصوات والمشية والجية والهمجية وبكاء الشفع والشنط والكراتين والصفايح الداخلين بيها الطيارة والاصوات العالية والجلاليب الشربانة وما كان نسوانكم غيرو التياب فى الطيارة وما كنتو فكيتو الاحزمة ووقفتو قبل الطيارة تنزل..لو ما كنت سودانى ما كان ممكن تدخل فى زول شمال وتقول ليهو راتبك كم؟؟؟؟ولو ما كنت سودانى ما كان ممكن تفكر انك تمشى عرس بتاع ناس وتقيف بكل بجاحة تصور العروس بى موبايلك وانت ما بتقرب للعروس ولا حتى بى حواء وآدم بدون ما تسأل نفسك منو الاداك الحق ده في إختراق خصوصيات الناس ومنو السمح ليك تدخل وتتعشي وتصور!!!! ..ولو ما كنت سودانى ما كنت طلعت من شغللك ولمدة تلاتة ايام وسبت المراجعين يتبهدلو عشان حبوبة جار جاركم ماتت عن عمر يناهز المية وشوية والبكا جاى خبر من الشمالية.. والمراجعين برضو لو ما كانو سودانيين ما كان سكتو عن حقهم وكل يوم يمشو ويجو المؤسسة عشان موضوع تافه ما بياخد اكتر من عشرة دقايق!!! لو ما كنت سودانى كنت استفدت من غربتك وامنت مستقبل اولادك وقدمت استقالتك ورجعت بلدك بي كرعينك مش بالصندوق..لو ما كنت سودانى ما كان كل يوم جاييك تلفون رسل وجيب وحول عشان هم يقعدوا ياكلو فى حقك لا شغل لا مشغلة ويشتغلو ليه؟؟كفاية عندهم سودانى مغفل زيهم يرسل بدون تفكير ..ولو ما كنت سودانى مستحيييييييييييييييل تدى اخوك يبنى ليك بيتك وترجع بعد خمسة سنين تلقاو لسة ما حفر الساس ولو سألتو عن القروش الحولتها طول السنين دي يزعل منك ويخاصمك ويعملها حكاية طويلة وعريضة ولو ما كانو اهلك زااااتهم سودانييين ما كان غلطوك وطلعوك انت الكعب!!وجبروك تسكت عن حقك وطلعت من الموضوع بي ازمة نفسية!! صدقنى لو ما كنت سودانى كانت حياتك مشت بى اريحية ونظام ورااااااااحة كانت مجاملاتك حا تكون حلوة وفى حدود المعقول بدل كل يوم جاري ولاهث من بيت لي بيت في الفارغة والمليانة!!..كنت نمت لما تحب وتصحى لمن تحب..كنت انت القررت مشروع زواجك بمن تحب بدل القبيلة كلها تقرر معاك..ويجزمو بأغلظ الإيمان انو فلانة هي البتناسبك !!!عرفو احتياجاتك كيف؟؟ميولك كيف؟؟طلبك كيف؟؟ انا ما عارف!!!!!. كنت سميت اولادك الاسماء البتحبها مش البختاروها ليك عمك وجدك ونسيبك وتقوم الدنيا وما تقعد لو ما سميت ليهم الاسم الدايرنو ويسلبوك ويسلبو الام ابسط الحقوق انها تسمي الكائن الكانت شايلاو تسعة شهور وتعبانة فيهو ده!!! .كنت استمتعت باجازتك وبى وقتك وحياتك بدل كل واحد يديك الفتوي الفى دماغو..لو ما كنت سودانى كنت حا تكون سييييييييييد نفسك وووووووووووووووووووووووووووووو وووووووو.


**********************


الرجاء إضافة وجهة نظرك....



كنت حسنت اسلوبك شوية ...وقلت كلام حلو (إضافة ومشاركة)


الله لو ماااااااااااااااكنت سوداني (امنية عزيزة)


كنت ارتحت من المجاملات الاتلفت اعصابي دي (احلام يقظة)


كنت خليت اسلوب الامر والنهى (مشاركة)



كنت اهتميت بى اولادك اكتر من الضيوف يا زول "إضافة"


كنت استمتعت بى ماهيتي براااااااااااااااااااااااااااا ااااااااااااااااي " واحد موجوع"


علي الطلاق بالتلاتة لو ما كنت سوداني كنت رجعت السودان !!!!!!!!! "أفهموها براكم"


لو ما كنت قشراني ما كان ضغطي ارتفع من مناظر القشرانين المبهدلين البشوفهم في الشارع (واحد قرفان)


لو ما كنت سوداني كنت ارتحت من القناة السودانية المشغلاها مرتي ليل ونهار وكنت ارتحت من الالوان النارية بتاعت المذيعات واهم حاجة كنت ارتحت من المذيع الاسمو اساااااااااامة الخليفة((واحد مستاءءءءءء من تلفزيون السودان))


يا أبو الشباب اسامة الخليفة برااااااو؟؟؟وايمان ......... ((استغفر الله العظيم)) وغيرهم وغيرهم والهبل بتاعين فرق الكوميديا القايمين ليهم في عباطة جديدة ديل والاماكن الاعبط البصورو فيها والوساخة وعربات الكارو والركشات وووووووووووووووووووووووووووووو ووو الوجع كتيييييير((واحد ممغوس))



كنت حا انوم في سريري!!!ما تستغربو !!! طول الوقت كان معانا ضيوف مأخدين سريري "واحد مغيوظ"


كنت..... ولأ مافي داعي.(واحد خواف)


كنت ح تهتم بمظهرك وإنت حايم فى الشارع مبهدل ومنظرك لا يوحى لأى شخص بإحترامك "إضافة"



تلفزيون السودان واذاعة امدرمان,معظم فنانى السودان
هلال مريخ ,السعوط,السوق للشعبي , االعراكى مع السروال,
الحاجات دى بتجيب لى الطمام ..نسيت اهم شئ :الكوز المعفن دة بجيب الطراش زاتو



لو ما كنت سودانى كنت اتعلمت تقول لو سمحت لما تكون عايز حاجة و شكرا لما تتعمل ليك.... كنت متفائل و مبتسم بدل 111 المالية الوشوش . بس يا جماعة ما ننسى انو السودانين عندهم حجات كويسة برضو.....






(الأخ السودانى الكريم..... لو تزكرت أى عيب فينا أرجو إضافته مشكوراً لا لكى نفضح أنفسـنا و لكن لكى نرى أنفسـنا

بوضـوح و شـفافية )[/align][/size]

[رءوف]

لو ما كنت سودانى كنت نزلت فى مطارات تشبه مطارات خلق الله بدل المطارات الضيقة دى
لو ما كنت سودانى ماكنت مريت بميناء سواكن اللى هى اساسا وجه السودان البحرى وشفت
الناس الواحد منهم شهرين لم يرى الماء
لو ما كنت سودانى ماكنت دفعت رشاوى من بورتسودان لى مدنى للمرور عشان لوحة السيارة سعودية

,,,,,,,بس بالمقابل الحمد لله انا سودانى بحفظ جيرانى ,واصون عرضى ,واكرم ضيوفى ,واحفظ الامانة
والحمد لله انى سودانى مسلم
موضوع غاية الروعة

[saare]

لو ما كنت سودانى كنت نزلت فى مطارات تشبه مطارات خلق الله بدل المطارات الضيقة دى
لو ما كنت سودانى ماكنت مريت بميناء سواكن اللى هى اساسا وجه السودان البحرى وشفت
الناس الواحد منهم شهرين لم يرى الماء
لو ما كنت سودانى ماكنت دفعت رشاوى من بورتسودان لى مدنى للمرور عشان لوحة السيارة سعودية

,,,,,,,بس بالمقابل الحمد لله انا سودانى بحفظ جيرانى ,واصون عرضى ,واكرم ضيوفى ,واحفظ الامانة
والحمد لله انى سودانى مسلم
موضوع غاية الروعة

تسلم على المرور رؤف لاكن الحاصل شنو فى قصة الرشوة من بورتسودان لي مدني الباين جيت السوادن بالدس

[رءوف]

تسلم على المرور رؤف لاكن الحاصل شنو فى قصة الرشوة من بورتسودان لي مدني الباين جيت السوادن بالدس

انت بس حاول امشى اجازة بى عربيتك وشوف ح يعملوا ليك شنو
عشان ياخذو منك قروش يقولو ليك السيارة دة لوحاتها اجنبية وانت
رخصتك اجنبية او سعودية لازم تنتظر هنا شوية الى ان ياتى الملازم
تسالهم الملازم مشى وين يقولو ليك مشى شغل وجائى بعد ساعتين
وطبعا انت ماعاوز تنتظر ..تقوم تنادى العسكرى تقول ليهو ياخى خذ
دى 50 الف لم يجى الملازم سجل لى مخالفة هههههه
ياخذ اسمك من الجواز ويسجل رقم السيارة ويشيل ال50 وهكذا الى ان
تصل بيتكم
شفت كيف الرشوة ؟؟؟؟

[saare]

انت بس حاول امشى اجازة بى عربيتك وشوف ح يعملوا ليك شنو
عشان ياخذو منك قروش يقولو ليك السيارة دة لوحاتها اجنبية وانت
رخصتك اجنبية او سعودية لازم تنتظر هنا شوية الى ان ياتى الملازم
تسالهم الملازم مشى وين يقولو ليك مشى شغل وجائى بعد ساعتين
وطبعا انت ماعاوز تنتظر ..تقوم تنادى العسكرى تقول ليهو ياخى خذ
دى 50 الف لم يجى الملازم سجل لى مخالفة هههههه
ياخذ اسمك من الجواز ويسجل رقم السيارة ويشيل ال50 وهكذا الى ان
تصل بيتكم
شفت كيف الرشوة ؟؟؟؟

والله صدقت يارؤف لاكن انتظر سنة كده لمن اكون ضابط ويشغلونى فى اتجاه سواكن ادخلك مجان وخلى الباقي بالنية لاكن السودان كلو اتعود على الرشاوي انا اكون ماشى اطلع ورقة ولا حاجة من مكتب حكومي اشيل معاي اصحابي واحد ملازم والتاني نقيب ونجي داخلين سوا الله يعين المواطن السوداني

[omar babikir]

[align=center]تخيل كيف يكون الحال لو ما كنت سوداني



1/ ..لو ما كنت سودانى ما كنت اكلت ميراث اخوانك الصغار واستوليت على بيت ابوك لى يوم يبعثون عشان بس انت الكبير!!

2/ ما كنت عملت الضوضاء والغوغاء العجيبة البتعملوها فى المطارات ولابسين الجلاليب والبراطيش
وراسكم كاشف وفي احسن الاحوال لابسين طاقية ويوم تحبو تقشرو تلبسو مركوب نمر يقزز ..

3/ ونسوانكم معنكشين بى دهب البيت كلو ولابسين الاحمر والاخضر والترتر وزفة الوان ما شوفناها حتي في اعتي صحن سلطة ده غير شباشب الظار البرتقالي والليموني وهلمجرا وشفعكم يكوركو ويتساككو ده غير التحنيس والدناءة عشان يمشو ليك الوزن !!!

4/ ولو ما كنتو سودانين كنت قعدتو محترمين فى الطيارة وما قرفتو المضيفات بي الطلبات والاصوات والمشية والجية والهمجية وبكاء الشفع والشنط والكراتين والصفايح الداخلين بيها الطيارة والاصوات العالية والجلاليب الشربانة وما كان نسوانكم غيرو التياب فى الطيارة وما كنتو فكيتو الاحزمة ووقفتو قبل الطيارة تنزل..[/align][/size]

ديل ما بوافقك عليهم والباقي 100%