الكآبة والحزن والملل في الغربة

[simsim]

اعزائي شلة الراكوبة ,,, سلام عليكم
جلسة الراكوبة جميلة وفيها كل المعانى الروحية السامية خصوصا لما تكون الشلة متفاهمة وبرتاحوا لبعض وحاجاتم كلها بعملوها مع بعض يعنى البساط احمدي بينهم . وانا لسه بساطى بعيد شوية يمكن الغربة اثرت فينا كتير خصوص في الحاجات الطبيعية والواحد ما عايز انساها لكن عشان تغير الاوضاع ببقي التفكير فيها صعب شوية .
انا مقيم في جدة من فترة وحياتى تقريبا بروتين واحدة وحتى الان والحمدلله كتير .
طبعا اكيد حا يكون في زهج وملل وكآبه ليس بصورة مستمرة ولك الغالب في الغربة لان الناس محرومة من الونسة العادية والهواء النقي والتصرف الطبيعي واللمة الحلوة والكلام بأي طريقة لان الناس كلها واحد وفاهمين بعض وزي ما قلت ليكم الراكوبة دى لمتها حلوة وزيها ما في ان شاءالله . انا بحب الشاي السادة والحليب والقهوة مرة مرة .
عايزن نسرح في زكريات الشلة والجيران اخبار الحلة ونعيد المواقف الجميلة والطرائف الحلوة والمناسبات المفرحة او الحزينة والمولد الندوات والمحاضرات الثقافية وايام المراحل المدرسية لانو في تقديري هى دى الحياة البسيطة الفيها كل المعانى الانسانية السودانية والتى من النادر جدا ان نجدها في شعب غير السودانيين.
اسف جدا اذا زحمتكم بموضوع عادي

[سودانية نار]

موضوعك ابدا ماعادي المهم في المنتدي دا الناس تفضفض لبعض
ويا غريب عن ديارك مصيرك تعود

[معتز]

الله لا يوريك ليها لانه انا مجرب والله متعذبين اخر عذاب

[جذاب وما كذاب]

[frame="7 80"]والله يا سمسم كلامك في محلاتو
وبالجد الغربه بتغير الناس
وبنسوا العادات والتقاليد السودانيه السمحه

غايتو الله يدي العافيه ساي[/frame]

[منير]

والله يا سمسم صحيت فينا معاني وألهبت فيها ثورات أهــ ثم اهــــ ياريت الزمن الفات يعود ويرجع وياريت ارجع لي عمر سنتين أو ثلاثة أو حتى 15 ما مشكلة بس كيف ارجع وكيف اصير صغير لا هم لا غربة لا سفر ........ حليل بلدي وحليل اهلي وحليل اصحابي وحليل كل الحلة والجيران حليل لمتنا في ظل الصبح وفي شمس الظهر ومشتينا كتار للبحر في رمضان وحليل فريق الكورة وشلة المدرسة وحاجات كثيرة يا سمسم والله الذكريات جميلة .... لك الشكر اخي وانت تفتح لينا هذا الموضوع ...
والله الواحد لو خيرو بمال الدنيا ولي قعدة في كرسي في الشارع بعد المغرب ومعاك الأصحاب وناس الحلة جاين وماشين ده يسلم وده يقيف معاك والهبوب ضاربة ...
لك التحية مرة اخرة وربنا يرجعنا لي اهلنا ولي بلدنا ونودع المآسي والمشاكل والهموم أمين يا رب العالمين..
منير

[حافظ عوض الله محمد]

الغربة سلاح ذو حدين
1/ تحسين الاوضاع المعيشية والاجتماعية للفرد
2/ ذوبان فى المجتمع الجديد ونسيان الاصل


الحل
تحديد هدف , تحديد برنامج , تحديد سقف زمنى لتحقيق الهدف
عدم الاسترسال فى الذكريات
محاولة التعايش
خلق روابط اجتماعية جديدة
عدم نسيان الاصل

[هتان]

بس حابي اذكركم

طالما الواحد ماسك درب الله عدل ماف عوجه بتجيك
و لا تحزن فالله معك

[المك نمر]

موضعك كبببببببببييييييييييييييييير
ويامافي ناس الغربة عملت قيهم عمايل
كلام مابتوصف ...ولك كل الود

[ايمن حريقة]

[move=up]الجابركم عليها شنو [/move]

[صلاح حامد]

كلامك جد جميل ولاكن القربة تخلى الواحد ينسى اشياء جميلة راسخة فينا ولو ما عمل الواحد حسابة ممكن ان ينسى حتى انو من اى قطر يكون دا كلو من ضقط الغربة والامة وزى ما قال الشاعر
[move=right][a7la1=993300]العانيتا انا انشاء الله مايعانى حبيب الناس فى بحور سعادة وانا ازداد لهيب
ولاكن ارجع وقول كل شى قسمة ونصيب يا ربى الطف عبدك قريق [/a7la1][/move]

[عفراء]

الاخ سمسم يجد الغربة عذاب ربنا يرجعنا كلنا من غربتنا هذاى