كلمة حق في حق البرنس

[الجامد]

[color=00008B[/color][]لم اكن انوي التعليق علي هذا الموضوع ولكن ما كتبه الاخوة المريخاب في حق قائد الموج الازرق والمنتخب الوطني كان قاس جدا ويستحق الوقوف اولا ما بدر من هيثم مصطفي تصرف اكثر من عادي في الجو السائد في تلك اللحظة والشحن الذائد الذي صاحب المناسبة
ثم ان يا اخي هي كورة وليست مؤسسة من مؤسسات التربية والتعليم والحاجات دي عادية في الكورة بس زي ما بقولو الققم مستهدفة

مع تحياتي وتبريكاتي للمريخاب بالكاس الملح/font]

[misse10]

انا من امبارح بمبح ليهم وبقول ليهم الحاجات دي عادية في كورة القدم لكن الظاهر هم مابيعرفو الكورة اصلا ولا ما شافو كرستيانو رونالدو عمل شنو في مباراة المان يونايتد وبنفيكا البرتغالي

[الهمبريب]

الاخ الجامد تحياتى
اولا لو مثل هذا التصرف اتى من اى لاعب آخر غير هيثم مصطفى لكان الموضوع عادى ...ولكن يأتى من كابتن الهلال وقدوة اللاعبين فهذا هو المرفوض من الهلالاب قبل المريخاب ...فلماذا يدافع الهلالاب عن هيثم مصطفى ..اذا كانت ادارة الهلال قد عاقبت اللاعب فى كل ما بدر منه من قبل لما سمح بتكرارها مهما استفزه الخصوم ..نعم هيثم لاعب موهوب ومهم فى تشكيلة الهلال والمنتخب ولكن ذلك لايعنى ان نوافقه الرأى فى كل ما يقوله وان ندافع عنه بالحق والباطل ...ليس بالضروره معاقبته بالايقاف بل يجب ان يقال له انت اخطأت ..وان يعتذر لمن اخطأ فى حقهم ونحن على ثقه بأن ذلك لن يقلل من مكانته شيئا بل سيغفر له كل من اخذ شيئا فى نفسه تجاهه ..فالنعترف بان هيثم قد اخطأ فى حق العجب ..وربما اخطأ العجب بما استفز هيثم ولكن لا ترد الاساءه بالاساءه ..وكما قال اليوم قسم خالد يجب ان لا نشعل نار الفتنه بين النجمين فالنقل خيرا او نصمت ..والله المستعان

[الفراش الحائر]

يا اخوانا حتى لو صدر ده من هيثم
هل ننسى له كل الفات ونمسك فى سفاسف الامور
البرنس عندو تاريخ بيشفع ليهو والموضوع مضى وانتهى
وانا اتحداكم العجب زاتو ما زعلان وهسى بكونوا متعشين سوا
وللاسف الصحافه المريخيه بتخوض فى الموضوع وتكبر فيهو ومتناسيه انو
المنتخب على ابواب تحدى قريب ضد تنزانيا فى مرحله مهمه جدا ولا تقبل انصاف الحلول
بس الله يهدى كتاب الوصيف ديل

[خالد موسي]

خافوا الله ياهلالاب ، غريبة جداً إنكم تعتبروا شتائم كابتن الهلال الذي نقل على الهواء لملايين البشر الرياضيين بالعادي.
شنو العادي في الملاعب دي الأنتو بتتكلموا عنو، ياخي نحن حتى عرفنا ما بيرضي جنس الكلام ده وبعدين شنو يعني لمان لجنة الإنضباط تأخد قرار في حق هيثم؟؟ يعني بدونو السودان ما حيغلب وللا شنو؟
نحن متابعين الكورة من حولنا كيف بيتطور ويرتقي ، وشفنا لجنة الإنضباط في الدوري الممتاز السعودي
الإتخذت قرارات إيقاف في حق لاعبين أكفاء آخر واحد فيهم كان حسن كيتا الذي صدر ضده قرار يمنع لعبه في أي نادي سعودي.
يا هلالاب شيلوا الغشاوة من عيونكم وقوموا بمحاسبة هيثم بتاعكم ده قبل أن يستفحل أمره، وفي إعتقادي لو قمتو بمحاسبته لمان شاط القارورة في إتجاه دكة البدلاء ما كان إتكرر منو جنس الحركات دي.

[هنو]

[overline]لكم التحية اني اتفق مع رائ اخي الفراش الحائر وبعدين في ملاحظة العجب بدا بي الاساءة لي هيثم وهو رد علي والناس ماشافت العجب وهو بردا لي عشان كده حكت علي البرنس وهو برد وبعدين الكلام دة في لحظة زعل شوفوهم بعدين برة[/overline]