الاخوة الافاضل فى انا سودانى
السلام عليكم ورحمة الله وبركاتة
وكل عام وانتم بخير
الكل يعلم ويعرف بان عيد الاضحى على الابواب
وانشاء الله هناك الكثير من الاعضاء الفى السودان وهناك الكثير من الاعضاء خارج السودان ومن سيقضون عطلة عيد الاضحى فى السودان وهم من مختلف الدول ومن شتى بقاع العالم لان الكل ينوى ان يكون فى ايام العيد بين الاهل والاصدقاء وفى ربوع السودان الرائع سودان المحبة سودان العز والاهل
ودى فرصة رائعة عشان الناس والاعضاء الرائعين يتلقوا ويشوفوا على الطبيعة بعضهم البعض
طيب فى البوست دة عايزين نشوف الاعضاء الفى السودان اية عايزين يعملوا بخصوص ان يلتقوا مع القادمين الى السودان من الخارج والداخل خلال ايام عيد الاضحى ونحن ديراين لينا عضو يفكر لينا كيف نلتقى ووين نلتقى حتى لو اقل عدد ويكون دة اول لقاء للاعضاء الرائعين فى انا سودانى وامكن اكون انا عضو بقيت كسلان شوية فى الفترة الاخيرة ولكن والله اشتاق اليكم فى كل يوم
الرجاء من الاعضاء فى السودان ان يردوا ويكلمونا عن كيف يكون اللقاء
والرجاء من الاخوة الاعضاء القادمين الى السودان ان يردوا على الموضوع عن امكانية اللقاء الودى المقترح وانا ممكن اكون اول من اقول ليكم اية رايكم رابع ايام العيد نتلاقى فى الوقت والمكان البقولوا عليهو اغلب الاعضاء خاصة الفى السودان لانهم عارفين الاماكن والجو كيف يعنى اللقاء يكون فى صالة او مكان مفتوح او مقفول
وانا فى انتظار الرد
وكل عام وانتم بخير
نور الاسلام
