بنات ولكن ........

[حموودى]

بعد يوم مضني من العمل الشاق
وبسبب ضغط العمل وكثرة الاعمال تفطنت حوالي الرابعة عصرا انني جعاااااااااااااااان
حيث اني لم افطر وقاعد بي شاي الصباح بث
عندها قصدت احد المطاعم الفاخرة بمنطقة الرياض الخرطوم
وكان المطعم مريح وهاديء ومكيف
قررت ان اتناول طعامي بمكان مفتوح هربا من التكييف الذي اصبح يكتم الانفاس وغير صحي
فتوجهت الي مطعم السطح وكان به ظلال وارفه
وجلست وطلبت مايسد رمقي ولكن كان هناك ضحكات صاخبه تزعج الازان وتخدش الحياء
ضحكات بنات بنات عدييييييييييييييييييييل
فظننت اني لازلت ب (أدس أباب) ولكني تذكرت ان فتيات ادس ابابا يحترمون الاماكن العامه ولا يفعلون هكذا
ويا للمأساه انهم بنات بلدنا السودانيات
والكارثة الاكبر كانت انهم
كانوا يشربون الشيشه


؟


؟

[zaina]

ما يحدث الان شئ طبيعى لان العالم تغير كثيرا فكل شئ تغير لذلك عندما نرى مثل هذه الافعال فلن استغرب فكل شئ اصبح متوقع وبدانا تدريجيا نفقد الكثير من قيمنا الجميلة واخاف ان ياتى يوما نرى فيه بناتنا لابسين مايوهات على شواطئ النيل فى زمن العجائب ( واتمنى ان لا ياتى هذا اليوم)

[الأمير حسن مختار]

أحيي فيك وطنيتك وإحساسك الدافئ المرهف الذي ينم ويمت على نبل خلقك والغيرة المحتدمة لنساء وبنات سوداننا العزيز..

[align=center]حاجات مشينة بقت تكون من بناتنا
ما اتربينا كدا ولا دي كانت حياتنا
والدينا ربونا صح وبنرفع رأسنا
وما بنرضا بالغلط يدنس ترابنا[/align][/b]

[هوبة]

حمووووودي

الوضع اصبح عادي جدا بالنسبة للبعض ,,,, اجارنا الله واياكم من هذا الزمن ,,,,

تقبل مرووووووووري يا غالي وابدعنا دائما بما هو جديد يا رائع

[احسان]

[grade="00BFFF 4169E1 0000FF"]جاجات غريبة بس ما غريبة دي الحظارة يا مان

انت ما بتفهم ولا شنو خلاص البنات والشباب واحد

والبت بقت مباح ليها اى شي زيها زى الراجل انت ناسي

عزيزى حموودى بالجد الحياة اتغيرت كتير وبقي كل شي جديد هو لزوم التغير

والتطور ليهو دور كبير ما بقين نفرز البت من الولد الكبير

كلهم بياكلو ويشربو ويضحكو ومافي اى شي بيصير

لاز نعاين ولو اتكلمنا انحنا ما بنفهم في الحظارة كتير

بس نقول شنو الله يشوف والله يعين

عزيزى بالجد الله يعينك على هذا التفكير

بس تعمل شنو تسكت وتحتار كتير

ربنا يرجع الحياء لي بناتنا بالجد كدا

هسي هم فاكرات نفسهم صح بس مين السبب

انفتاح المجتمع ولا تربية الاهل الله يصلح حالهم بس

تحياتــــــــــــــي[/grade]

[مجدى عكاشه]

يا عمو الاستاذ ..

فى زاوية تانى كدة .. هى الشيشة حلال ولا حرام
بعدين .. فيها شنو البنات لمن يشربو شيشة .. ولا المشكلة فى المكان .. مافى البنات ..

يعنى نفترض مثلآ .. بت شربت الشيشة فى بيتهم
دى يعنى .. شنو !!؟ وبت شربتها فى مكان اممممممممم .. ممكن نقول عليهو مخصص لى كدة
هناك بت محترمة .. وهنا غير محترمة ..

طالما ... البت بتحترم الموجودين حولينها .. يبقى بالنسبة لى .. مافى اشكال
طالما البت .. ما بتحترم الحولينها .. فأساسا الموضوع ما محتاج شيشة عشان نقول
بنات ولكن .............

طيب .. فى بنات بيعملو اكتر من كدة ..
سجاير وهيلمانة ..
ديل تحت يا تو بند .. !!

بالنسبة لى يا صديق ...
اتجاوزت الحسابات بتاعت دي محترمة ودى لا ..
بقيت فى .. البيحترمنى .. بتحترمو .. مهما تكون اخلاقياتو كيف ..
لانى انا زاتى .. ما مثالى .. ولا ملاك ..

بشرب سجاير .. مع العلم .. ان السجاير ما كتب عليهو
خصيصآ للرجال .. ولا الدين حكم عليهو بى ان حرام
يعنى اذا جات بت وشربت سجاير .. تأكد ان الدين حيقوم ويقعد
ويحرم السجاير .. على البنات ..
ويقولو خصيصآ للرجال ..
وهو اساسا ما خصيصآ لينا .. ولا حرام ..
طيب .. وبعدييييييييييييييين ..!!

مافى حل .. عشان لمن نفحص الامور كويس ..
بنلقا ان فيها شنو .. لو البت شربت شيشة .. فى مكان عام ..!!؟
هل حرام .. !! .. وهل خروج عن احترام الاخرين ..!!
وهل هى قليلة االادب ..!!؟

امممممممممم ..

الله يعينا غايتو

[سيبو9]

[align=center]لم أستغرب كثيرا من ما كنت تقصده و تحاول أن توصله لنا يا أخي حمودي

قصة البنات بشربن شيشه قديمه جدا في البلد دي .. تقريبا كنت أعلم ذلك منذ عامين أوأكثر

لكن المختصرالمفيد أن الكل يعلم ذلك وأقصد الذين يختصون بإبعاد تلك العادات والمحرمات والأماكن الواضحه مثل الشمس ، رغم علمهم ولكن لا يحرك فيهم ساكنا ...

جزاك الله خيرا[/align][/size]

[شمعة امل]

اخ حمووودى

بنت تدخن شيشه قلة حياء وانعدام خجل دا امر مفروغ منو ناهيك عن الاضرار الصحيه

والاشكال الاكبر فى البيوت الاتربو فيها البنات ديل اكيد تربيهم تربيه غير سويه

والناس ديل موجودين من زمان بس كثرة الضغط تولد الانفجار

يمكن الفتاه التى تدخن تعتقد بانها اكثر جاذبيه وانها تستطيع لفت النظر

ولكن مالاتعرفه انها فعلا تلفت الانظار ولكن باشمئزاز

موضوع حوارى مفيد

تسلم اخوى

[مجدى عكاشه]

يخوانا ..

سلامات وكدة

منو القال الشيشة قلة حياء .. ولى يا شمعة هو امر مفروغ منو ..!!؟

الشيشة للرجال حلال .. وللبنات حرام
طيب الشيشية حلال ولا حرام ..
مع العلم ان الشيشة فى شهر رمضان .. جزو اساسى فى اى منطقة
تبقى حلال او عرف مشاع ..

طيب ..

اعلمى .. ان جهات ثقافية عدييل ..
بيشربو الشيشة .. وهى عبارة عن حياتهم
وبسموها .. الوناسة بتاعتهم
بتجى الحبوبة الكبير .. والعمات .. ويقعدو
وهاكى يا ونسة .. مع الشيشة ..

طيب ديل ما محترمات مثلآ .. مع العلم
ان دى قبيلة كاملة موجودة فى السودان ..
ومع العلم تانى .. انها عبارة عن كيانات متفرقة .. بين الشمال والوسط

..

قد تكونى ما صادفتى الحكاية دى .. بس موجودة فى الاهالى ..
وفى بيوتهم كمان ..

الفرق ,,

الشيشة فى الشارع .. والشيشة فى البيت ..
وهى حلال ولا حرام ..

وحلال متين .. وحرام متين ..
عشان لمن نحن بنشرب الشيشة مافى زول بيتكلم ..
لكن البت لمن تمسك الشيشة .. الهيلمانة بتقوم ..

والحلال .. بيبقى حرام .. والعكس هو الصحيح ..!!

[شمعة امل]

مجدى عكاشه

مابعرف عن الشيشه كتير ومابعرف نكهتها ولا طعمها

ومابعرف الفايده منها شنو حتى

بالنسبه لحلال او حرام دى فى زمن الرسول (ص) ماكان فى دخان

يعنى مانزل نص صريح بانها حرام لكن الواحد بيخاف على صحتو برضو

والعوائل البتشرب شيشه ديل حريين يعملو الدايرنو مادام داخل بيوتهم وبادب

اما تقول لى بنت فى مطعم بتشرب شيشه قدام العالم وبااعلى الضحكات والاصوات

واضح كالشمس انها قلت حياء واستنكار لنفسها ولاانوثتها يمكن من وجهة نظرى على الاقل

(يعنى يعملو السبعه وزمتها عشان يلفتو النظر)


وبالمناسبه : سوال هل ممكن نقول ان التدخين من الخبائث ؟

اذا الجواب نعم فهو اكــــيد حرام

[قمر وراكبه همر]

كلما تقدم الوقت زاد الجهل وتقدم الناس كانت المصيبه اكبر

[kholoud]

"والله الزمن بيقه بخوف بالجد بس السبب الاساسي هو التربيه البت نفسها كيف وفي اسباب كتيره منها الضغط عليها كمان في البيت وامكن يكونو اهلها متشددين فما بتلقى توجيه من الاهل وما بتكون متقربه من اهلها شديد والله يستر علينا وعليكم تقبل مروري" شكرا للك موضوع حلو شدييييييييييييييييدالصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

[مجدى عكاشه]

طيب ..

يا شابة ازيك ونهارك سعيد تانى ..
نفترض .. افتراض

بت فى مطعم .. بتقرا فى كتاب ..
بتشرب فى شاى .. ومعاها حجر شيشة كااارب كدة ..
لا بتتكلم مع زول .. ولا شغالة بى زول ..
فى حالها .. وماشغالة بالحضور الشغلة ..
محترمة نفسة فى قعدتة .. وفى شكل شربها لى الشاى .. والشيشة ...
وبتقرا فى الكتاب .. مع العلم ان فى مكان عام ..
هل حنقول انها بتحاول تلفت الانظار ...

طيب اعترف يا ستى ..
ان الشيشة للبنات .. هى امر غير معتاد
وعادة جديدة فى المجتمع السودانى تحديدآ فى الاماكن العامة ..!!
وبالمناسبة .. لقت العادة دى رفض عديد جدا من الكيانات .. سواء نسوية او رجالية
لكن ...................
الرفض كان ناتج من رفض اى شى جديد
يعنى البت السودانية عمومآ نحن رافضين ليها اى جديد ..
عشان الرفض المكرر جا الرفض دة ..
واذا فحصنا الشيشة من نواحى اخرى .. شرع .. وضرر
بالتأكيد كل الدخان ضار .. لكن ما كل الدخان حرام ..
يبقى فى شى مكروه ..

انا ما ضليع فى الدين عشان اشرع او افتى فى الامر ..
لكن طالما ياستى فى عوائل بتشرب الشيشة .. يبقى الموضوع عايز وقت
عشان يتقنن ويبقى فى مكان عام ..
وافتكر ان فعلآ طلع برة ..

..

بعد كدة .. حتكون حكاية عجيبة

[شمعة امل]

طيب ..

يا شابة ازيك ونهارك سعيد تانى ..
نفترض .. افتراض

بت فى مطعم .. بتقرا فى كتاب ..
بتشرب فى شاى .. ومعاها حجر شيشة كااارب كدة ..
لا بتتكلم مع زول .. ولا شغالة بى زول ..
فى حالها .. وماشغالة بالحضور الشغلة ..
محترمة نفسة فى قعدتة .. وفى شكل شربها لى الشاى .. والشيشة ...
وبتقرا فى الكتاب .. مع العلم ان فى مكان عام ..
هل حنقول انها بتحاول تلفت الانظار ...

مادام الاحترام كاتلا كدا ماتشرب شيشتها فى البيت :D

[مجدى عكاشه]

والله لزيزة انتى لكن هههههههه
لقيتك بتعرفى تجاوبى ..

عمومآ ..

الجو بهناك اجمل من البيت
عشان كدة فضلت تشربها فى مكان عام ..
بعدين ما كل مكان عام يبقى مكان عام ..
فى اماكن عامة مخصصة للكلام دة
بتلقى بدل البت عشرة بنات بيشربو شيشة ..


فى السودان ..

[شمعة امل]

الجو بهناك اجمل من البيت
عشان كدة فضلت تشربها فى مكان عام ..

:D :D

بعدين ما كل مكان عام يبقى مكان عام ..
فى اماكن عامة مخصصة للكلام دة
بتلقى بدل البت عشرة بنات بيشربو شيشة ..


فى السودان ..

والله دى عوجــــه



لكن بالجد ياحمودى حال البنات بقى مابسر ابدا

وماشين من سيئ لاسواء ربنا يكفينا شر القادم

تقبل مرورى

[حموودى]

آآآآآآآآآآآآآآآآآآآآآخ انا
وجع قلب فظيع
اختلط الحابل بالنابل
لم نعد ندري من الصالح ومن الطالح
اصبح الامر فوق المحتمل
شابات مثقفات بنات عيله
و..................

[أبو أحمد]

لا حول و لا قوة إلا بالله

[الحزن النبيل وبس]

[حموودى]

سؤال مباشر

البنات بتوع الشيشه ديل بنات صغار وفي الجامعات والثانويات
مع العلم انو الاماكن الراقيه دي غاليه جدا
وحجر الشيشه الواحد بصل لي ثلاثين الف


اهااااااااااااااااااااا

ديل طلبه ماموظفين بجيبو القروش دي من وين؟

؟؟

.