سؤال لكل الاعضاء وجاوب دون مجاملة

[zaina]

من خلال متابعتى قبل ايام للقنوات الاماراتية جميعها بمناسبة احتفالهم بذكرى اتحادهم صدقونى اصابتنى غيرة منهم فقد وجدت ان القاسم المشترك بين كل مواطنيهم هو حبهم العميق لبلادهم وافتخارهم بوطنيتهم كثيرا لحد المدح
ورايت ان هناك القاسم المشترك بين اغلب الدول العربية وخاصة مصر ودول الخليج وبلاد الشام انهم جميعهم لديهم حس وطنى عميق

وعندما رايت حالنا تاثرت كثيرا لان الوطنية لغالبيتنا لا تعنى اى شئ
ولايعنى للكثيرين ان يحب السودان وشاهدوا عيد الاستقلال سنجد ان الغالبية لا يعنيهم ذلك

ولا نريد ان ندخل الوضع الاقتصادى باعتبار ان دول الخليج غنية فلننظر الى مصر التى بها اكبر نسبة عطالة فى الوطن العربى ولكن اى مصرى مهما كان حاله ستجده يعشق بلاده ويفتخر بانتسابه اليها
اتدرون لماذا غالبيتنا لا يفتخر بسودانيته او وطنيته وحبه لبلاده لان القبلية لدينا اعلى مرتبة والا لماذا فى بعض الوظائف يسئلون عن قبيلتك (انا شخصيا اذا سمعت زول قال لى سالونى فى المعاينة عن قبيلتك بتوجع شديد وبعتبر انوا ده استفزاز غير عادى)

وفى غالبية جامعاتنا تجد روابط لكل قبيلة وكثيرون منا يرون بعض القبائل ادنى مرتبة من غيرها
اما الجنسية السودانية فهى اصبحت من اسهل الاشياء التى يمكن ان يحصل عليها اى اجنبى وهذا كلام من مصدر موثوق به جدا ( وسيبكم من كلام المسئؤلين فى الجرائد عن التشدد فى الجنسية )
اى ان السودان بلد الكل

اما الشئ المحيرنى فى البرامج العربية عندما تستضاف شخصية سودانية تجد تغيير فى اللهجة وكان لهجتنا غير مناسبة(رايتها فى كثيرين )

وسؤالى اوجهه لكل من يقراء هذا الكلام وياريت اجابة تكون صريحة جدا ومن دون مجاملة عايزة اعرف اجابتكم البتحسوها لانى متاكدة ان كثيرون منا لا يفتخرون بجنسيتهم السودانية ولا يعنى لهم السودان اى شئ فاحدهم قال لى (بلا وطنية بلا كلام فاضى ]

لذلك احببت ان اسالكم هذا السؤال
هل تفتخر بانك سودانى ؟

[الفارسـ،،،]

من خلال متابعتى قبل ايام للقنوات
لذلك احببت ان اسالكم هذا السؤال
هل تفتخر بانك سودانى ؟

ســــــــــــــــــودانـــــــــــــــــي وافــــتــــــخـــــر شــــــديــــــــد والله وتسلمين علي الموضوع
والله انا مشتاق لي وطني ولي احبابي واهلي واصدقائي والله شعور لا يوصف وانا خارج الوطن الحبيب الله يحفظوا لينا ويبعدوا عن كيد الاشرار يا اختي الكريمة الوطنية دي شيء عظيم وحاجة حلوة شديد انا بفتخر بي وطني وبدافع عنو وانا في الغربة لي درجة عملنا اذاعة عن الدول العربية وهسي حانزل الصور في منتدي المغتربين تحياتي ليك والله واقــــــول بي كل فخر ســـــودانــــي وافـــتــــخـــر شديد ومشتاق والله لي تراب وطني الحبيب ... اخوك الفارسـ،،،،

[ودالدسـوقي]

[zaina]

اسعدتنى كلماتكم يا الفارس وود الدسوقى وده الكلام الكنت بتمنى اسمعه من كل القرئو الموضوع
زعلت انو غالبية القرئو الموضوع ما جاوبونى لان الهدف الخلانى اكتب هذا الموضوع هو ان اعرف شعور كل الاعضاء الحيقرئو الموضوع
لكن كل عضو قراء الموضوع وما عرفت اجابته زعلنى جدا جدا
بس اتمنى كل القرئوا يكون شعورهم للوطنية (افتخر انى سودانى ) مهما كانت مشاكل بلادنا وعنصريتنا
وكل عام وانتم بالف خير

[سمسم يوسف]

أكيييييييي بنفتخر ببلدنا يازينه وإذا ما إفتخرنا بيها حنفتخر بشنو

وإنشاء الله بلدنا دايما في تطور وعمران وتكون من أحسن البلدان

ولكي مني كل الإحترام والتقدير
لاإله إلا أنت سبحانك إني كنت من الظالمين

[جراح]

اكييييييييييييييييييييد


نعتز ونفتخر بهذا الشرف

[رهام الحضري]

طبعا اكييييييييييييييييييييييييد نفتخر ونتشرف
انا افريقي انا سوداني

[king cairo]

طبعا انا سودانية وافتخر
واللى ما بيفتخر دة فى نظرى انسان
ما عنده قناعة فى زاته .

[kholoud]

[frame="6 80"][align=center]طبعــــــــــــــــــــــــــــــــا بكل فخر
رعاك الله جزاك الله خير[/align][/frame]

[أبو عمر]

يا بتنا .. نحن عشنا في الغربة كثيييييييييير وشفنا جنسيات كتيييييييييييير .
ويمين بالله ما أعظم من الشعب السوداني .. بالرغم من كل التشققات الحاصلة في السودان إلا أن السودانين في الغربة تجدهم مع بعضهم البعض في كل المناسبات وقد حضرت مناسبات كثيرة وشاهدت مجاملات كثيرة والناس الغير سودانين لما يشوف السودانيين بمختلف أشكالهم وألوانهم في الغربة مع بعضهم البعض .. يمين بالله يحلف يقول ديل كلهم أهل ومن (حلة واحدة).
سوداااااااااااااااااااااااااااااااااااااااااااااااااااااااااااااااااااااااااااااااني الفي وجداني بريده.

[حبوبة]

العوافي عليك آبنية

1 السؤال عن القبلية ليه 3 احتمالات
1 بعد دارفور والشرق وكترة الكلام عن الأقليات أصبحت في أولوية لبعض القبائل وهو ماتجينه ملحوظ حتى في زيادة الفرص الجامعية ومجانيتها لهم.
2 من له اليد العليا (شخصيا) يريد قبيلة محددة
3 أحيانا تطلب منهم موازنة الهيمنة ,,,,, وأكيد في محاباة

السؤال عن الجنسية
(بلد حدادي مدادي بنفرح بيه يوماتي) من الصعب التحكم في الداخل والمارق عشان نحن بطبيعتنا رواعية (جمع راعي) وبعدين يابتي المليون ميل دي ما هينة.
وكملن انت قلتيها (بلد اي زول) حتى ان كان (زلمي او person ) نحن بكرمنا بنحضنو ونلمو وبعدين يبقى لينا حار.

أما تغيير اللهجة (وده بيوجعني وجع) انا حاولت افسرو برضو رجعتو للكرم السوداني (المافي محلو) بيحاولو يبسطو عشان يحببو الناس فيهم (أو شان يعملو عرب اكتر من العرب) معليش بريتكم :D

أما الفخر
لو ما كنت سوداني وأهل الحارة ماأهلي كان أسفاي وامأساتي واذلي

[السودانى الاصيل]

موضوووع جميل ودا شى طبيعى
اختى الغاليه زينه
نحن نفخر بالسودان كل الفخر لان السودان لو
وضعنا فى الحسبان انه دوله فقيره نسبيا
فلديه القيم التى لا تشترى بالمال
وكل العالم يحب الشعب السودانى وصفاته
ولقد مررت قبل فتره قليله مصادفة فى احد المنتديات
شخص كتب انه زار السودان ولم يجد فنادق وبلد فقيره وجمله من
الانتقادات وذكر انه مكث خمس ايام

وهممت بالتسجيل فى ذلك المنتدى السعودى فقط لكى ارد عليه
ولكننى نزلت الى الردود وكانت المفاجاه
الكل رد عليه بجمله من محاسن السودان والكل ذكر صفات فى
السودان حتى انا قد اكون لا اعرفها والبعض احضر له عدد من
الفنادق فى الخرطوم تحير سكان الخرطوم نفسها
تهللت اسارير وجهى وتمنيت لو احضر كل البوست لمنتدى انا سودانى مع العلم ان كل المتداخلين غير سودانيين
اديك العافيه

[محمد حيدر]

نعم انا سودانى وافتخر وافتخر بانى سودانى

[zaina]

يا بتنا .. نحن عشنا في الغربة كثيييييييييير وشفنا جنسيات كتيييييييييييير .
ويمين بالله ما أعظم من الشعب السوداني .. بالرغم من كل التشققات الحاصلة في السودان إلا أن السودانين في الغربة تجدهم مع بعضهم البعض في كل المناسبات وقد حضرت مناسبات كثيرة وشاهدت مجاملات كثيرة والناس الغير سودانين لما يشوف السودانيين بمختلف أشكالهم وألوانهم في الغربة مع بعضهم البعض .. يمين بالله يحلف يقول ديل كلهم أهل ومن (حلة واحدة).
سوداااااااااااااااااااااااااااااااااااااااااااااااااااااااااااااااااااااااااااااااني الفي وجداني بريده.

تسلم ياابوعمر كلامك جميل بس ياريت لو كل السودانين بهذا الفهم

[zaina]

العوافي عليك آبنية

1 السؤال عن القبلية ليه 3 احتمالات
1 بعد دارفور والشرق وكترة الكلام عن الأقليات أصبحت في أولوية لبعض القبائل وهو ماتجينه ملحوظ حتى في زيادة الفرص الجامعية ومجانيتها لهم.
2 من له اليد العليا (شخصيا) يريد قبيلة محددة
3 أحيانا تطلب منهم موازنة الهيمنة ,,,,, وأكيد في محاباة

السؤال عن الجنسية
(بلد حدادي مدادي بنفرح بيه يوماتي) من الصعب التحكم في الداخل والمارق عشان نحن بطبيعتنا رواعية (جمع راعي) وبعدين يابتي المليون ميل دي ما هينة.
وكملن انت قلتيها (بلد اي زول) حتى ان كان (زلمي او person ) نحن بكرمنا بنحضنو ونلمو وبعدين يبقى لينا حار.

أما تغيير اللهجة (وده بيوجعني وجع) انا حاولت افسرو برضو رجعتو للكرم السوداني (المافي محلو) بيحاولو يبسطو عشان يحببو الناس فيهم (أو شان يعملو عرب اكتر من العرب) معليش بريتكم :D

أما الفخر
لو ما كنت سوداني وأهل الحارة ماأهلي كان أسفاي وامأساتي واذلي

الاخ شمس الهداية
يعنى القبلية اكيد ليها دور فى الكلام ده ودى معضلة كبيرة لااعتقد انو حنتخلص منها بسهولة لانو بتخلق نوع من الظلم وده بيجعل البعض ما عندوا اى وطنية كسودانى (يعنى لما بعض القبائل يحسسوها انها ادنى مرتبة بتخلى الواحد يكره انو سودانى وما تستغرب موجودة وما بجيب كلام من عندى ساكت

اما قولك صعب التحكم فى البلد والله ماصعبة لو اتشددوا شوية وده كلوا بس عشان يكون فى تنظيم فى البلد (لانو حتة بلد حدادى مدادى دى مشكلة وبتخلى البلد فوضى وبالتالى الاحساس بالوطنية بيقل
فكل الدول العربية بتشدد فى الحتة دى حتى لو مساحتها ما ذى السودان لان سبب بلاوينا دى انو نحنا بلد مافيه نظام وبالتالى مشاكله كتيرة

اما كرم سودانى بخلى الواحد يغير لهجتوا (برى يايمة كرم شنو ده الا كرم ناس سوريا )

والله فخرك ده نحن بنفتخر بيه كمان

[zaina]

موضوووع جميل ودا شى طبيعى
اختى الغاليه زينه
نحن نفخر بالسودان كل الفخر لان السودان لو
وضعنا فى الحسبان انه دوله فقيره نسبيا
فلديه القيم التى لا تشترى بالمال
وكل العالم يحب الشعب السودانى وصفاته
ولقد مررت قبل فتره قليله مصادفة فى احد المنتديات
شخص كتب انه زار السودان ولم يجد فنادق وبلد فقيره وجمله من
الانتقادات وذكر انه مكث خمس ايام

وهممت بالتسجيل فى ذلك المنتدى السعودى فقط لكى ارد عليه
ولكننى نزلت الى الردود وكانت المفاجاه
الكل رد عليه بجمله من محاسن السودان والكل ذكر صفات فى
السودان حتى انا قد اكون لا اعرفها والبعض احضر له عدد من
الفنادق فى الخرطوم تحير سكان الخرطوم نفسها
تهللت اسارير وجهى وتمنيت لو احضر كل البوست لمنتدى انا سودانى مع العلم ان كل المتداخلين غير سودانيين
اديك العافيه

الاخ السودانى الاصيل
كلامك ده بفرحنا كتير وبخلينى اتمنى انو ياريتنى لو اقدر اخلى كل سودانى مابفتخر بسودانيته (صدقنى ده واقع انا شفته و بقى لى سبب خلانى اكتب الموضوع ده) ان يفخر بسودانيته ويكون السودان فى نظره اجمل من كل البلاد حتى لو عايش فى اخر الدنيا

[المتحمسة]

اشتركت فى منتدى انا سودانى ^^

[الفرح المهاجر]

بلادى وان جارت علي
عزيزة واهلى ان ضنو عل كرام
والله افتخر انى سودانى

[حلوة بس فقيرة]

اكيد بفتخر وبقولها وانا رافعة راسي فوق وبصوت عالي

[الاشيتر]

والله السؤال زاتو غريب

بس نجاوب نعمل شنو


انا سوداني

وافتخر واقول لكل الدنيا انا سوداني

وانا سوداني

[/size]