ايها الغائبون .. اين انتم ؟؟

[مايا]

اخوانى الاعزاء
ارجوا منكم مساعدتى فى البحث عن صديقة مصرية كانت تدرس معى بالجامعه بى مصر حصل بينا خلاف بسيط افترقنا بعده انا تزوجت وجيت على الامارات وهى تقريبا مازالات فى مصر حاولته انى افتش عليها في كل مكان لكن للاسف وماعارفه كيف ممكن الاقيها لو فى زول فى مصر ممكن يساعدنى ياريت واكون شاكرة -----

[ibn batoota]

الأخت مايا
أولا مرحب بيك معانا في المنتدي..
أحي فيك روح الصداقة والإخوه..
بس لو أفدتي الناس بعض المعلومات عن صديقتك دي بتسهل عملية البحث والمساعده..

لك التحية أختنا مايا

[مايا]

شكرا ليك على اهتمامك وردك
هى صديقتى من ايام الدراسة ولغاية ما انا سبته القاهرة كانت ساكنه فى مدينة ابوبكر الصديق فى شارع مصر اسماعيلية يعنى شارع جسر السويس الرئيسى قريب من مدينة قبا واسمها انجى حسن على لملوم مصرية الجنسية وهم بتين وولد وانا طبعا معاى رقم التلفون القديم وحاولته اجيب الرقم من السنترال بس ما وفقته وكانت بتدرس فى معهد اسمه الالسن بس حاليا اسمه اكاديمية الالسن بدرس علوم كمبيوتر وسياحه وعنوان الاكاديمية مدينة نصر الحى الثامن ودرست فيه عام 1997 ولغاية ما جيت الامارات هى ماكانت متزوجه دى كل المعلومات عنها بتمنى انكم تساعدونى حتى لو بى معلومات ممكن توصلنى ليها 0

تحياتى اخ ابن بطوطة

[ibn batoota]

علم أختنا مايــــا وجاري البحث

وإنشاء ربنا يوفق في لم الشمل

[sarona]

عزيزتي مايا
اتمنى من الله ان تصل رسالتك لاكبر عدد ممكن ...
وتتمكني من العثور على صديقتك .
وقد قمت بأرسال المعلومات لبعض الاخوة بالقاهرة...
واذا في جديد حتما سأبلغك
وربنا يسهل
ودمتي

[مايا]

تحياتى sarona
وكل الشكر على كلماتك ومحاولاتك الجادة التى اتمنى من الله عز وجل ان تنجح ويعلم الله اننى اريد فقط ان اعتزر لها سؤ تفاهم لم اكن السبب فيه ولمحبتى لها ولانها كانت اكثر من اخت وصديقة فاتمنى ان اراها او اتحدث معها قبل ان تفصل بيننا مشيئة الله 0 وفى انتظار اخبارك السارة اذا اراد الله 0

وكل تقديرى واحترامى لشخصك

[مايا]

علم اخى المشرف اهتمامك وجارى الشكر المتواصل لشخصك الكريم
وفى انتظار نتيجة البحث

احتراماتى اخى ابن بطوطة

[حازم جمال]

الاخت مايا اولآ احيك على روح الصداقه النادره التى تتحلين بها اما بخصوص صحبتك ورغم انى بكره المصريين عما وما بدورم لكن عشان خاطر عين تكرم الف( مايا ) اتصلت بى صديق مقيم فى القاهره عشان يبحث معانا عن صحبتك .
لكن ياما يا اختى اسمحى لى معليش وكت الله فكاكى من المصريين مالك بتحفرى تفتشيهم
واكرر اعتزارى على تدخلى فى خصوصياتك لكن بقول ذى ما قالو (بريدا بت بلدى )

حليلى انا لو ما كنتا سودانى
وأهل الحاره ديل أهلى

[مايا]

اخى العزيز حازم
اولا توقيعك ينم عن شخصيتك وبقول ليك حليلى انا لو ما كنته سودانية وناس حازم ديل اهلى
تحياتى ليك وشكرى وتقديرى لك على ردك اولا وثانيا على اتصالك رغم انك ما بتحب المصرين 0
اما بالنسبه لى مشاعرك اتجاه المصريين والله ما براك انا عشته معاهم 16 سنه وعرفتهم كويس جدا فى منهم البستاهل انك تكره وتخاف منه وفى منهم الزى صديقتى انجى البجبرك انك تحترمه وتقدره والله فيهم ناس كتير طيبين ومحترمين وبحبه السودان والسودانيين جدا واكيد فى العكس يعنى مافى قاعده ثابته فى مصر او فى اى مكان فى العالم حول حب الناس 0

واكيد من منطلق حبك لى بنات بلدك وغيرتك عليهم سالته انا لى بفتش عليها
بفتش عليها لى سببين اولا عشان هى تستاهل يفتشوا عليها وتانى حاجه خائفه جدا انى اموت قبل ما تعرف انى ما انا السبب فى زعلها 0 واسؤا شى فى الدنيا انك تزعل او تزعل زول من غير ما تعتز وتقضى حياتك عادى كان شئ لم يكن بالجد حاجه مؤلمة جدا والدليل على كده انه طول المده دى والله العظيم ما قادره انسى 0

[زوز]

الوفية مايا ....
اولا انت تستاهلي الاشادة والتقدير على روح الاخلاص والوفاء دي ...
ثانيا الصداقة الخالصة الصادقة ما عندها جنسية ولا وطن ولا لون ...ولا يمكننا ان نقول المصريين بيستاهلوا ولا لا ... وزي ما هم سيئين نحن عندنا الاسوأ لكن الناس بتحكم بالغالب طبعا .... المهم انا افتكر انو صديقتك انجي من القلة اللي تستاهل يفتشوا عليها ... وضاعفي جهودك ونحن معاك ان شاء الله ...

[مايا]

زوز احترامى
احيك على كلماتك التى افتخر بها كثيرا ولك منى كل التقدير
اكيد الصداقة ما عندهل جنسية ولا لون ولا وطن ولا مكان والدليل انه مكانى معكم فى هذا المنتدى الملئ بالحب كما اتمنى جمعنى بكم ولم اعرف اى منكم معرفه شخصية ولم ارى اى منكم ولكن احساسى بكم اعمق من اى ملامح 0
واذا قرات صديقتى كلماتكم هذه فسوف تحب بلدى واهل بلدى اكثر

[عاشقة محمود عبد العزيز]

لك كل التحـيه و التقدير العزيزه مــايــا...
وأنا والله لا أملك ولا وسيلة مساعده غــير الدعاء
ان ربنا يجمع شملكم انت وصديقتك من جديد ان شاء الله......

[مايا]

ما اكثر ما تملكينه عزيزتى
عندما نجد من يدعوا لنا ولا نعرفه ولايعرفنا فهذه نعمة من الله سبحانه وتعاله اشكره عليها
كل الحب اختى العزيزة على مشاعرك الطيبة ادامها الله عليك

[حازم جمال]

يامايا والله انا عشان خاطر صديقتك انجى قربت اغير نظرتى عن المصريين وبعدين سيرة الموت الجابا شنوالله يديكى طولة العمر وتشوفى صحبتك وتشرحى ليها موقفك وبعدين فى ناس محتاجه انك تكونى معاهم( واتاكدى انى فى الصف الاول معاهم )
المهم يامايا لازم تتمسكى بالأمل لانو هو الوحيد الحينور ليكى رحلتك فى البحث عن انجى
وان متاكد انك حتوصلى لانو دائما الامانى النبيله بتتحقق خاصه اذا كانت من ناس اصلا نبيله .

( ومازال البحث مستمر )

[مايا]

اخوى العزيز حازم
لا املك امام كلماتك الا الشكر فلك منى الف مليون تحية واحترام
حاقول ليك كلمة بتقوله لى الوالده لما بتكون تعبانه بقعد جمبها بقول ليها يلا قومى بى سرعه عشان نحنه من غيرك ولا حاجه ومحتاجين ليك بترد وتقول لى تحتاج ليك العافيه 0
وانا بقول ليك تحتاج ليك العافيه حازم 00 ويارب دائما تكون فى الصف الاول فى حياتك و نجاحك يارب
وانشاءالله لو لقيته حاعرفك عليها عشان بى الجد تغير رايك فيهم 0

[شمس الغربه]

السلام عليكم ورحمة الله وبركاته




طول مفارق حيوا
يااخونا كيف وازيو


من يوم فراقو ديارنا
ماشفنا زي زي زيو


زولا حنين زي زولنا
حبيب حنين زي زولنا
والله مابتخلى

الحي مصيرو يلاقي
الحي مصيرو يلاقي
طال الزمن او قـله

كانت قلوبنا تغني تغني تغني
لو جانا يوم أو طله




أخيتي الكريمه والعزيزه علينا

][®][^][®][شهد الكلام][®][^][®][

البسمتو الضوايا

وأخيتي الكريمه والعزيزه علينا

][®][^][®][سودانيه نار][®][^][®][

العيد جاب الناس ماجابك لينا



طول فراقو علينا وعارفنو مابالأيد

وينكم اخباركم وحشتونا أرجعوا أوحتى طله
يأخواني لو في زول أخبارهم بعرفها يقول ويطمنا
قولوا معاي أخوتي وأخواتي وناشدوهم الرجوع

وبارك الله فيكم

[ابراهيم الجيو]

[quote="شمس الغربه"][align=center]


الحي مصيرو يلاقي
الحي مصيرو يلاقي
طال الزمن او قـله

[/quote]


شمس الغربة,,, قناة الشروق التي لاتغيب


البت كويسة خااااالص,,,

بس عندها شغل كتير اليومين دي,,,

وشكلها كدا برا الخرطوم ف مهمة رسمية,,

حسى كلمتني ف التلفون


رائعة التومات ما عندك,,,

[بنت سدن دن]

أنا ما فهمت حاجة .

[sarona]

أنا ما فهمت حاجة .

ألعزيزة بنت سدن دن


شمس الغربة مشكورة بتسأل عن غياب العضوة العزيزة ( سودانية نار )

ومشكور ابراهيم الجيو شرح انها بخير و سبب غيابها مرتط بظروف شغلها ......



شمس الغربة ما تفقدي غااالي يلرب .......

سودانية نار .............

....


...


...

مشتاقين




.

.

[ibn batoota]

[align=center]


الي فراشات المنتدي العزيزات ننوسه وشمس الغربه

اقف عاجزا عن كتابه ما تستحقون وكلماتي تنحني خجلا
علي ما تقدمونه من مشاركات تدل علي زوق رفيع
كنتم بمنتهي الروعه وانتم تنثرون قطرات الندي يمينا ويسارا
وكم عانقت كلماتكم العزبه جدران قلوبنا واضافت رصيد محبتكم بها
كنتم ولا زلتم اميرات وفراشات منتدانا الغالي




تمنياتنا القلبيه الصادقه للاخت ننوسه
في الامتحانات النهائيه التي سوف تبداء اليوم
ونسال المولي العلي القدير ان يجعل النجاح حليفك
وان تعودي وانت الدكتورة ننوسه



ده القبيل راجينو نحن لو تبشر بيهو غيمه

العزيزه شمس الغربه التي حصلت علي وظيفه مرموقه
وستباشر مهام الوظيفه الجديده اليوم نسال الله لك التوفيق
والسداد في حياتك العمليه وان يكون النجاح هو طريقك دائما

[/align]