الغلّوتيّات (الفوازير) السودانية

[أبوالريش]

في أوائل التسعينات كنا نحتفل بعرسان، فأقمنا رحلة في إحدى المزارع بسلطنة عُمان. أتت إلي طفلة صغيرة، وكنت أقدم برنامجا في الرحلة، وقالت لي أنها تريد أن تشارك في البرنامج وعندها (فزّورة). قلت لها سأعطيك الفرصة، ولكن أولاً أريد منك أو من أحد الأطفال أن يعطيني الكلمة المقابلة السودانية لكلمة فزّورة. لم يستطع أي من الأطفال الإجابة. وكنت أريد كلمة (غلّوتية).

أحبائي .. لدينا في عاميتنا الكثير والكثير من الغلوتيات التي كنا نتبارى بقولها وحلّها ونحن صغار، هل تذكروا شيئاً منها؟ أريد مشاركتكم واجترار الغلوتيات التي قلناها في صغرنا حتى نتذكر هذا الفن الجميل الذي ذخرت به عاميتنا.

أمثلة للغلوتيات:-
دخل القش .. ما قال كش = الضُل
فتحتها فتحة كتاب .. لقيت فيها الأكل والشراب = البطيخة

و ....

جودوا بما عندكم

[شمعة امل]

[size=-1]


بووووست روووووووووووعه

يلا ياابو الريش حلى الغلوتيات دى ,,,



ديك شراره فى حبة فزاره

ديك صابونه فى الارض مدفونه



ياابو الريش انشاء الله تعيش ,,,,, :D

[/size][/font]

[حموودى]

تسلم علي الموضوع الجميل
واتوقع تفاعل كبير منك ومن بقية الاعضاء

وانا جايييييييييييييييييييييييك


.

[أبوالريش]

هلا يا شمعة ...

حنجي (للديوك) بتاعينك .. وخلينا نشوف المشاركين لو حيحلوهم ... ونختهم مع الغلوتيات الجاية.

تسلمي

[أبوالريش]

وانا جايييييييييييييييييييييييك


.

وانا منتظررررررررررك


شكراً للمرور

[محمد نعيم]

حبوبتى من جنها شالت جدى فى سنها

[أبوالريش]

الأخ محمّد نعيم ..

تشكر على المساهمة ..

وشايف مافي زول لحدي هسة جانا بحل لأي واحدة من الغلوتيات الفوق.
نواصل؟ والاّ نحل الما إتحلّ؟

طيب هاكم دي ....

فيها فد سنينه وفيها فد عوينه وبسسسم الله علينا

[شمعة امل]

هلا يا شمعة ...

حنجي (للديوك) بتاعينك ..

[size=-1]
:D
...............

[/size][/font]

[شمعة امل]

حبوبتى من جنها شالت جدى فى سنها

[size=-1]
دى الابره صاااح

[/size][/font]

[شمعة امل]

طيب هاكم دي ....

فيها فد سنينه وفيها فد عوينه وبسسسم الله علينا

ودى برضو اظنها الابره صاااااااح والا ماغلط

[أبوالريش]

ودى برضو اظنها الابره صاااااااح والا ماغلط

شااااطرة

يالا كمان أعرفي ديل:

1) ملكين في ككر .... كاد ده غاب .. ده حضر.

2) طويل وما بلحق الكعكول

3) حبوبتى تية تية قمصانا 100

يالاّ ورونا

[أبوالريش]

غلّوتية اليوم:

[align=center]من فوق راكوبة .. ومن تحت راكوبة ... وسطهن صبي يقلب في الهوبة [/color][/align]

[شمعة امل]

1) ملكين في ككر .... كاد ده غاب .. ده حضر.

[size=-1]
الشمس والقمر
[/size]

2) طويل وما بلحق الكعكول

[size=-1]
الضل او الدرب
[/size]

3) حبوبتى تية تية قمصانا 100

[size=-1]
دى ماعرفتها[/size]

[size=-1]
ماحليت الالغاز الفوق ماعرفتها والا شنو !!!
[/size]

[أبوالريش]

ديك صابونه فى الارض مدفونه


دي الفجل .....

الديك التاني حليهو لينا

[أبوالريش]

فاتت علي دي .....

ماحليت الالغاز الفوق ماعرفتها والا شنو !!!
مش قلنا إسمها (غلوتيات)؟

صراحة ده واحد من أغراض البوست. لأنو كتيرين بيفتكروا حكاية الألغاز دي جايانا من بره، وينسوا تراثنا.

حسب علمي:
في مصر إسمها (فزّورة)
وفي بلاد الشام إسمها (حزّورة)
وبالفصحى إسمها (لغز)
وبالعامية السودانية هي (غلّوتية)

[أبوالريش]

غلّوتية اليوم:

[align=center]كان شالوه رطن *** وكان خلوه أنبطن [/color][/align]

[شمعة امل]

الديك التاني حليهو لينا

[size=-1]
الحل هى الشطه

[/size][/font]

[أبوالريش]

شكراً شمعة أمل ..

في انتظار مزيد من المشاركات والغلوتيات ...

في كتير من الغلوتيات قاعدة بدون حل .... والجراب لسة مليان .. نجيب الحل؟ والا تحاولوا معانا؟

(حسب الموروث لما يغلب الناس الحل بيقولوا "عجزت")، ويرد عليهم صاحب الغلوتية ويقول (عفتكم) أو عفيتكم). دحين عجزتو والاّ نحاول كمان؟

[شمعة امل]

غلّوتية اليوم:

[align=center]من فوق راكوبة .. ومن تحت راكوبة ... وسطهن صبي يقلب في الهوبة [/color][/align]

دا الفم

[sunni]

يا أبوالريش،،
كدي أسمعك تاني تقول علي قديم

بعدين قصة (حبوبتي تية تية قمصانها 100)
لو ما أنا غلطان، هي (حبوبتي تية تية مصارينا 100)