الغلّوتيّات (الفوازير) السودانية

[حموودى]

:

بيوض بيوض .. في الخلا موجود

انتو بتجيبو الكلام ده من وين؟؟؟؟



انا ماشي لي حبوبتي عديييييييييييييييل

.

[أبوالريش]

انتو بتجيبو الكلام ده من وين؟؟؟؟



انا ماشي لي حبوبتي عديييييييييييييييل

.

وصلنا ....

طيب ده ما هو بالضبط المطلوب.
أمشوا للحبوبات .. قبل ما يبقوا الحبوبات ناس (تهاني) و(تسنيم) والتراث ده كلو يضيع

[محمد نعيم]

الكعكول (الصمغ)
للحصول علي الصمغ العربي تجرح الشجره وعندما يتجمع يتكون في شكل دائري وتقوم بقطعه
وتاااااااااااااااني بيتكون محل ماقطعته

تجرح الشجره والله حلوه منك

دا توضيح للحناكيش ولا شنو؟

[أبوالريش]

غلّوتيّة اليوم:

بقر ابوي رقل رقل عقالهن واحد

[رجويه]

غلّوتيّة اليوم:

بقر ابوي رقل رقل عقالهن واحد

اخي ابوالريش شكر علي الغلاوتيه
لكن ماعرفتها كلمات اول مرة اسمع بيها لكن نستفيد منك

[ابوبكر]

حبوبتي تية تية مصارينا 100

اعتقد أنو دي البصلة ولاشنو ؟

[أبوالريش]

اخي ابوالريش شكر علي الغلاوتيه
لكن ماعرفتها كلمات اول مرة اسمع بيها لكن نستفيد منك

الأخت رجوية ...

الحل والشرح جايين
والجراب لسة مليان .. وبرضو منتظرين مساهمات الأخوة والأخوات.... خليك معانا ..

[أبوالريش]

حبوبتي تية تية مصارينا 100

اعتقد أنو دي البصلة ولاشنو ؟

أبوبكر أخوي ....

إنتو بصلكم عندو مصارين والا شنو؟

الغريبة إنو الحل صحيح، لكن الغلوتية نفسها ما صحيحة. الغلوتية الأوردتها أنا هي:حبوبتي تية تية قمصانها مية
والحل صحيح هو (البصلة)
ذكر السني إنو سمعها (مصارينها)، ورديت عليهو بإنو يمكن في غلوتية تانية "أنا ما عارفها"، لأنو في كتير من الغلوتيات بتتشابه.

عموماً (قمصانها 100) بتتناسب مع حكاية قشرة البصلة، وكل ما تقشّر واحدة بتلاقي قشرة تانية (قميص) لحدي ما تكمل البصلة.

بس مصارينها 100 دي يمكن تكون (العنقريب) أو مقصود شئ تاني ما عارف. ولو كان الحل هو العنقريب، يبقى نبدّل (حبوبتي) بي (جدّي) عشان مسألة التذكير والتأنيث.

خليك متابع

[أبوالريش]

وينكم يا جماعة؟

المشوار لسة في بدايتو

طيب ... بالنسبة للغلوتية:

بقر أبوي رقل رقل .. عقالهن واحد

الحل هو: .... النجوم

[ابوبكر]

طيب يا ابو الريش وريني دي شنو ؟
قطع البحر بلا عضم ضهر

[أبوالريش]

قطع البحر بلا عضم ضهر

ده الصوت ....

ويمكن لو مشينا الصفحة الأولى أو التانية حنلقى الغلوتية وحلها من بعض الأخوة.

شكراً على المشاركة .. ومنتظرينك تاني

[أبوالريش]

طيب يا جماعة .. نشوف غلّوتية اليوم:

طاسة طمنطاسة .. في البحر غطّاسة
بطنا لولي ... وضهرا نحاسة

منو يعرفا لينا؟

[aliman62]

طيب يا جماعة .. نشوف غلّوتية اليوم:

طاسة طمنطاسة .. في البحر غطّاسة

بطنا لولي ... وضهرا نحاسة

منو يعرفا لينا؟

أولاً مشكور كتير على الموضوع الجميل.

ثانياً: حل الغلوتية هو { القمره }
مع تقديري لكم

[حموودى]

طيب يا جماعة .. نشوف غلّوتية اليوم:

طاسة طمنطاسة .. في البحر غطّاسة
بطنا لولي ... وضهرا نحاسة

منو يعرفا لينا؟

دي القرنتيه

صح؟؟


.

[ودنوباوي]

لا وانتو الصادقين دي الرمانه مع تحياتي ليك يا ابو الريش

[موكب فرح]

طيب يا جماعة .. نشوف غلّوتية اليوم:

طاسة طمنطاسة .. في البحر غطّاسة
بطنا لولي ... وضهرا نحاسة

منو يعرفا لينا؟

سلام ابو ريش جيناك راجعين تاني.

الحل : دي البطه.

صح؟؟؟

[موكب فرح]

[align=center]طيب خد :

دخل القش ما قال كش.[/align]

[أبوالريش]

[B]واحد قال ... القمرة

وواحد قال .. الرمانة

]وواحد قال البطة (يمكن دي أقرب واحدة)

والحل جابو حمودي وهو ............. القرنتية[/font][/size]

[أبوالريش]

[align=center]طيب خد :

دخل القش ما قال كش.[/align]

يا شباب .. الشئ الوحيد البيدخل القش بدون ما يكشكش هو ....... الضل[/font]

[M.Hadad]

[B]واحد قال ... القمرة

وواحد قال .. الرمانة

]وواحد قال البطة (يمكن دي أقرب واحدة)

والحل جابو حمودي وهو ............. القرنتية[/font][/size]

غايتو الكان بتقولو لي حبوبتي الله يرحمها انو ده ابوالقدح