مســـــــــــــــــــدار + مســــــــــــــدار

[ود أونسه]

الاغبش تعــال نــوخ واخــــدلك قعــــــــــده

النعـــــرف خبـــارك طولنـــا منــك مـــــده

كان شمرت ساعدك ود مرغني معـاك جده

بعود مســـــــدارنا لي زمنـــو القـــديم العده

[ود أونسه]

يا هامــــس ارح قـــرب وســــولك نمـه

اصـــدح بالجميـــل خلي الخلـــــوق تتلمه

الغوث الغوث جميع مسدارنا اصبح رمه

تعالـــو نشيـدو تاني قبــال يمـوت ننذمه

[ود أونسه]

يا ناس وين هـــم الفرســـــان دوام راكبين

دافــــرين في قفا الحــرف الاصيل عاقبين

قبــل مـا بتم كلامــــك يجـــــوك مندفقين

يات من رده صاغ حكمه وعفاف وحنين

[ود أونسه]

راجين طلــــــــة الاخـــــــوان ترانا نغنـي

من دغشــــــا كبير قاعــــــد براي مستني

الا القعده طالت رجــــــــاي اضحى تمني

هجر الحوش صعيب بعد الصحاب جنني

[هاشم الرزقابي]

جاري وراء النجوم ما أظن تحصل ميسزا عشمان في الوصال ياكهنة من تلميذا

جاهل ذي فلان مابتعرف التميزا باعوك بالرخيص مابتسوى حتى بريزا

[الاغبش]

تسلم من كل شر وتختاك كمان القحة
في درب الخوة ماشين يمين لا جوة
باكر بصلو الكرام لا تنسي شرط الخوة
وقاعد معاك سوا نقول يا ابو مروة

[ابوالميم]

ياناس النم والمسادير والكلام الكلو حلاوه
بهديكم سلام بالكوم مليان عبير وغلاوه
من زولا عشوق بالحيل والنم بيطلى طلاوه
صلاتى على الحبيب تتجلى لمن تزيدنى علاوه

[ابوالميم]

الليلة البلوم طربان يقوقى يصيّح
والعاشق ينوح لمن صباحو يبوّح
عناب الحجاز فدّع غصونو مرّيح
ام لهجا ترد الروح بعد ما ترّوح
دا الحارق حشايا ولى قليبى مسيّح

[الطاهر التاي]

أهلا يا صــحاب جـيــتكم بعـد فرقةـ وزمانا طال
ما خـلـيت هواكم.. أو نسيت ...لكين الظرف بطال
تايهين في البلود لا حب لا حبيب لا حتى حبة مال
ورجعنا ليكم جينا ... حالكم سمح وكمان يسر البال

[حبوبة]

راجين طلــــــــة الاخـــــــوان ترانا نغنـي

من دغشــــــا كبير قاعــــــد براي مستني

الا القعده طالت رجــــــــاي اضحى تمني

هجر الحوش صعيب بعد الصحاب جنني

صدقني راسي شطب
وغلبني اجاريك تب
اقرأ مساديرك اطرب
أدور ارد اتكبكب ......وبراحة انسحب

سألتك الله أكان تنقطع
ونحن بنشيل وراك بي هع

[حبوبة]

أهلا يا صــحاب جـيــتكم بعـد فرقةـ وزمانا طال
ما خـلـيت هواكم.. أو نسيت ...لكين الظرف بطال
تايهين في البلود لا حب لا حبيب لا حتى حبة مال
ورجعنا ليكم جينا ... حالكم سمح وكمان يسر البال

مرحب حبابك يا جنى
الظروف المولى يهونا
وزيد الحمد يديك ويزيل الضنا
و(غيب وتعال تلقانا نحن يانا نحن)

[انقرضى]

ياشهد الكلام با اسم فى مسمى
ويا اغبشنا هوى بالله زيد الحمى
ود يس الحبيب جرب تجر النمة
ما هو شغل صعيب ابدأ وهى بتنتم

[حبوبة]

سلام ياصحبة الركن الرطيب

مالكم هجرتو والا النم صعيب
قي كلمكم لمحة من بلدي الحبيب

ريحة الدعاش طعم النيل وصوت الدليب

[السودانى الاصيل]

سلام ياصحبة الركن الرطيب


مالكم هجرتو والا النم صعيب

قي كلمكم لمحة من بلدي الحبيب

ريحة الدعاش طعم النيل وصوت الدليب

يا شمس الهدايه بشوفك خلاااص طولتى
ومن يوم 10/4 لليوم تانى ما دخلتى
الاخبار شنو ما تميتى لينا القلتى
وجودك مهم وواضح شديييد لو غبتى
اظهرى بانى وتانى لو مشيتى وفتى
لازم بالاذن وبالعليك تحكى


اتفقنا

[حبوبة]

الأ صيل يا ذوق ياجنا الحبان
تسأل منك العافية وتغشاك بالحنان

بعيد عنك وعكة صغيرة يافنلن
الله لاوراك {وجع الأضان}

العيال وتغيير الفواصل
تحسس ربيعي والجري حاصل

ومعاكم نواصل ,,,, يا لذاذ بعد الفاصل:D


تسلم يا أصيل

[دفء القلوب]

يسلمووووووووووو

[ليالي]

والله يا اخت شهد الكلام فكرة المسدار حلوة شديدة و حابة اشارك
لكن مشكلتي مع الكلام السوداني ما بجيدوا في اشعاري برغم محاولاتي
اذا ممكن اشارك معاكم لكن بأسلوبي ....
و ليك تحياتي

[عمرالنعيم عثمان]

السودان بلد لكن بتدور الفكه

وفيهاماسى غير العمله مابتنفكه

الداير المجاس وبالقصص اتحكه

اللوك المره من الغربه مااتشكى

[حبوبة]

ختيت ايدك في الجرح
كلامك زين مامحتاج شرح
علة لمتين نفضل نزح
خطوة قدام واتين تتطرح ِ

[mohamed merghanh]

يا القمري التقوقي أطربت سكّان شجرك
ومافي زول بهتمّ بي حزنك أو بي ضجرك
يا بوست السدار مين في الغياهب زجرك
وفكّاك عكس الريح وبي قسوة غتّس حجرك