الإخوة الاعضاء،، عاوزيين نتكلم في هذا البوست انا وود الدرديري عن انطباعات الزيارة الأخيرة التي كانت لأرض الوطن،، وبنحاول نوصل للناس داخل المنتدى او خارجه بالصور (من السودان فقط) عن التطور الهائل والطفرة الكبيرة التي حصلت للسودان مؤخراً،، وانه اصبح فعلا لا يقل عن مصاف الدول الاخرى من جميع النواحـــي،،
وبنحاول نغطي جميع الجوانب بالصور عشان يشوف الجميع ماوصل إليه السودان من تطور، وحنتحدث تحديدا عن:
- زيارة سد مروي..
- زيارة الولايـــــة الشماليــة..
- زيارة دارفـــــــور
- التطور العمراني الهااائل ف السودان.
- الجامعات السودانيـــة
- الشخصيات السياسية والفنيـــة والرياضية التي التقيناها.
والله الشوق ليكم وللمنتدى مابتوصف
والشكر لكل الاخوة الذين التقيناهم وأعطوا لهذه الاجازة طعماً ولوناً رائعاً مثلهم
وجميع الذين لم نلتقيهم والذين هاتفونا لهم منا التقدير وكل الحاجات السمحة
الانطباع الاول عن السودان هو التطور الهائل في البنية التحتية
الشوارع والمعمار الراقي والمدن الجديدة وطرق المواصلات
وكذلك الخريطة المحتملة المستقبلية لمدينة الخرطوم وماجاورها
الملاحظة الأولى المهمة هي أن الوضع المعيشي للمواطن لم يواكب هذا التطور
بمعنى انو البلد ماشة ليييييي قداااام بس المواطنين واقفين في محلهم والجيوب خاوية على عروشها.
ماعارف هل دا ناتج عن عدم قدرة لمواكبة هذا التطور أم لم يستوعبوا الحاصل أم ان الحالة المعيشية
للمواطن هي البند القادم في إهتمامات الحكومة بعد أن تم تنفيذ الأول ؟؟؟؟
ولحدما نلقى إجابة للسؤال دا حنحكي ليكم عن الرحلة بالتفاصيل فانتظرونا ..
بعد السلامات والاشتياقات والاندياحات مع الاهل والاحباب والاصحاب
وبعد الشيات والمرارات والحاجات تواعدنا مع احد الروائع بالبورد لكي نلتقي
الساعة كانت تشير الى السابعة مساء وأمامنا على الطاولة عدة الجبنة والشيشة والبخور
كان الجو رائع جداً وانا مستمتع بالمنظر الآسر للضفة الغربية للنيل الابيض
بعد دقائق وصل الشاب الرائع الاخ الصديق حافظ عوض الله رزيناً في مشيته كالعادة
وبجانبه يمشي واحد حلبي طويل تدل ملامحه على المشاكسة والظرف في وقت واحد
تخيلت انه واحد عامل لي عكننة في البورد وطوااااالي واقف لي في الزرارة الأولى
وفعلاً كان هو .... الشاب الخلوق المهذب والمشاكس الاخ مجدي عكاشة
ياجماعة الزول دا لما الاقيهو بحس انو عايز ليهو مشكلة معاي ماعارف ليهـ !!!!
ادب جم وتهذيب مبالغ فيه وشباب حي وحيوي هكذا هم حافظ ومجدي
كان هذا هو اللقاء الاول لنا وايضا المرة الأولى التي أرى فيها مزن بيتش .
وقد تخلف الجيو عن هذا اللقاء بسبب موعد مفاجيء ( دي بجيكم ليها راجع )
حاتكلم عن الولاية الشمالية شوييية لحدي ما تجي باقي المواضيع براها
دي الزيارة الثالثة للولاية الشمالية،، موطن الجدود وروعـــة وطيبة الناس وهدوء المكان،،، حقيقة بحب دائماً كل ما أفكر بهدوء أمشي هناااك طوالي،،، لا مواصلات،، لا ضوضاء،، لا ازعاااج .
يا سلالالالالام ع الناس دي طيبة وبسيطــــة كيف،، وكان بصحبتنا طبعاً قافلـــة طبية من جامعـــة التقانة،، قمنــ بنتظيمها أنا واخي أيمــن وعدد كبير تعدى ال (200) طالبة وطالبة من زملائه الدكاترة
كفايـــة كدا صور الشمالية، لأننا شكلنا ماشين للغريق بعد ا ما خشينا البحر وكلمة شكر لكل فريق التقانة ع الخدمة اتي أسدوها لأبناء منطقتي،، وشكراً لأبناء المنطقة على كرم الضيافة من قبلهم!!
بالجمبة:
ود الدرديري يلا صور مروي وهااارموني،، الفضااائح الجد
المكان مزن بيتش
المناسبة عيد ميلاد شقيقة ابراهيم الجيو
عدد كبير من الحضور يجمع بينهم قاسم مشترك وهو السماحة شكلاً ومضموناً
على النجيلة جلسنا فرحنا وإتآآنسنا وعن الهوى تحادثنا
ومن بعيييد ظهر حافظ عوض الله وبمعيته الحلبي مجدي عكاشة وتاني منو.........
الاخ الاستاذ الراقي الصديق الجميل حموووودي
وكانت هذه بداية للقائات أخرى امتدت حتى منزل الأخ حموودي العامر به وبأهله
لهم منا كل التجلة والاحترامات
طبعاً اكتشفت حاجة عجيبة ....
هذا الحمووودي يمتلك خامة صوتية نادرة تماماً
وله أخ رائع عازف ماهر على آلة الأورغ وكان القصد أن نجتمع معاً لإجراء بروفة
فكانت المفاجأة أن صرنا نستمع للأخ حمووودي ونستجديه أن يغني لنا أكثر وأكثر
وللمعلومية الزول دا فنان بصورة رسمية ومعروف بالحتة دي
وماعارفو ناكر الحتة دي ليه
يمكن لحاجة في نفس يعقوب المكوجي والله أعلم .
الجيو ولله متشعلقين ويا ود الدرديري نشكرك على فت الجماعه وقول لحمووودي كان ناقصاك محبه غرزه
لكن يا الجيو ما تقول لي الصور عفانااااااات :D يا مان وبالجد لفته جميله منكم تلقى حمووودي شبكم( قنبله ومغارز الدنيا وراجل المره :D ههههههههه)
وعلى قول بلبل2 دي شنو الشحتفه دي يعني لازم الشمار في جرعات على العموم نحن في انتظار الجرعه القادمه من الشمار والصور
تخريمه شايفين صوره الجيو وهو قاعد جنب صاج اللحم لو ركزتوا في الصوره حتشوفوا رياله الجيو:D سايله هع هع طبيعي يا اخوانا الجيو اول مره يشوف ليهوا جحم اقصد:D لحم شرط عين غرزه
اللقاء الثالث كان مع أروع شخصيات المنتدى على الاطلاق
الشاب الوجيه الراقي بالجد محمد الحداد
والاخت المدهشة لييييييي بي هناااااك لحــــ غروب ظــة
وأروع فنجان جبنة في مكتبها العامر بها
حقيقة ان المنتدى قد جمعنا بأروع أصدقاء على الاطلاق
و هم من يجعل تواجدنا في المنتدى جميلاً
وننتظرهم بفارغ الصبر
[/align]
[/color]
[/img]
[/img]
[/img]
[/img]
ويا ود الدرديري نشكرك على 
فت الجماعه وقول لحمووودي كان ناقصاك محبه غرزه 