سودانين ليبيا هل هم مختربين ام لاجئين؟

[صلاح حامد]

السلام عليكم ورحمة الله

اولا قبل ما ابدا موضوعي

احي غزة واهلها الشجعان والمقاومة الصامدة في وجه العدوان



وبعد
انا سألت نفسي ولم اصل الي اجابة وطرحت الموضوع عليكم ولربما اصل الي اجابة شافية منكم
وعلي فكرة سؤال محير الكثيرين في ليبيا من الشباب والشيب ((السودانين طبعا))
وزي مابقلوا في الحالتين انا الضايع وما لاقي...........؟؟؟وانا اكرر سودانين ليبيا مختربين أم لاجئين؟

[soliyaa]

انا ما فهمتك ......

شنو سبب السؤال ..

انا عن راي اكيد مغتربيين ............ لشنو حيكونو لاجئين ؟؟!!؟؟!؟

السودان ما بتتخلى عن ناسا ...و ما أظن ناسا حيتخلو عنا الا بالقدر المكتوب

[فارس الرومانسية]

[mark=00FF00] مغتربين 100 %[/mark]

[فراشة ليبيا]

نحن مغتربين ولكن ما عرفن نوصل الهدف انامن ليبيا بعتبر نفسي مغترب

[sma7a]

ههههههههههه
والله سؤال جادى جدا والناس دى ما فهمتك ولا دا جوابه
لا ما اعتقد انهوم مغتربين لاكن متغربين
لاحظت الفرق
ولى ليك الرجعه
اوريك الفرق بالتفصيل بالنسبه لى ناس لبيا

[المسيري الأحمر]

بالنسبه للسودانيين في ليبيا ماكلهم مغتربين

[مبشر(العميد)]

بصراحة الغربة عامة اصبحت لجؤ وربنا يكون فى العون

[al_beyankonery]

اي زول بعيش بره بلدو بي ارادتو وناوي يرجع ليها يسمى مغترب اضطرته ظروفه لترك بلاده للعيش خارجها

[عاشقة القمر]

أي واحد خارج حدود بلده يعتبر مغترب أيا كانت الظروف الخلتو يطلع من بلدو وبصراحة سؤالك مستفز... لأني مغتربة وعارفة الغربة يعني شنو

[السودانى الاصيل]

والله انا فى راييى نعرف اللجوء
ونعرف الاغتراب
واى واحد فى ليبيا ولا اى دوله تانيه اصنف نفسو
طيب ما هو الاغتراب اصطلاحا
الاغتراب هو انك تكون زول متعلم وشغال شغلانه محترمه والعائد منها
مقنع وممكن ترجع لى بلدك بارادتك وفى اى وقت بدون مشاكل

الللجوء
عندك مشاكل فى بلدك وزهجت منها وطلعت بسبب مشاكل وضغوط وسافرت لدوله
تانيه عاطل او شغال بدون فايده الاكل مجازفات ومضطهد ومفلس وبعد دا كلو ما بتقدر ترجع البلد
لانك ما مرغوب فيك

انت اى واحد فى الاتنين بالدارجى كدا
تقبل رايى

[بت الشمالية]

احب اقول ليك ياخ صلاح بالفعل الغربة حارة شديد واحنا هنا فب ليبيل مغتربين عشان نحس وضعنا وعشان الدراسة بس الي بيدخل ليبيا صعب انو يطلع منها بالساهل وانت عايش هنا وعارف اجراءات السفر شكلي كيف

[معتز]

انا بضم صوتي لبنت الشمالية لاني عايش فى ليبيا لاكتر من 20 سنة
وعايش الوضع كويس ان اكتر سبب تخلي السودانيين يطولوا فى ليبيا هي التعليم بالدرجة الاولي
لان ليبيا مقدمة تسهيلات كبيرة جدا للطلبة السودانيين يكفى مجانية التعليم من الصف الاول ابتدائي الى نهاية دراستك الجامعية وتعامل زيك زي الليبي
وانا واحد من الناس درست فى ليبيا من اولي ابتدائي الى ان اكملت تعليمي في الجامعة

ودمت بود

[عاشقة القمر]

وأن بضم صوتي لبت الشمالية ومعتز الناس شايفة الغربة قروووش وبس لكن ماعارفيييين الألم والوحدة والشوق للوطن وللعائلة وما بعرف الغربة الا الي ذاق مرارة سمها وبعد ده كلو بتقولو لاجئييين