لا تعليــــق (شكلة نسوان)

[ابراهيم الجيو]

ما تفهمونا غلط كويس،،

الشكلة دي شكلــــــــــة نسوان في الإيميل


أمشي الإيميل وأجيكــــــــم،،،

ثواني

[سالى]

tyyyyyyyyyyyyyyyyyyyyyyyyyyyyyyyyyyyyyyyyyyyyyyyyt

[ابراهيم الجيو]

هيييييييييييييييييييييي
>
> دايرة تدينى عين؟؟ .. يا أم وشّاً شين ؟؟ ..يا قدُر نفرين .. يا البتفطرى شحدة,, و بتتعشّى بالدين ؟؟!!! ... يضُربك الضريب شقّاق العناقريب ...!!
> ما تقيفى فى الزلط و تتكلمى غلط..
> .. نحن نححححححححححححححمد الله الغدا ضأن.. و التحلية برتكان...
> ...العشا حمام و التحلية شمّام .....و مليانيييييييييييين يا إنتى ...
> ....لا كوع يقد الوسادة لا ساق يضبح الجدادة ...نحن تربية بيت و فرش موكيت.... تربية عِز ورضاعه بِز...أحححححمدو , مبسووووطة و شلاليفى ممطوطة !!!
>
> ....هيييييههههيييييييييى....
>
> .... حليلكم إنتو يا ناس الإشلا ق يا الما سمعتو بى السيريلاك ....
> ... سُكنة قطاطي ومستوي واطي... شِراكم قطّاعي وركوبكم النقل الجماعي...
> ...بششششششتنة و الناس متمحنة ..قهر و فراق أهل..... نببببببببرة و نستبرة و ما نسكن جبرة..يا الديّامة يا حطب القيامة.. يا ناس أمبدة , البِفطُر فيكم ما بتغدّى .. يا البتستحمّوا بى مويةالعِدّة !!!... عشوائى جدّة ولا فِلل أمبدّة ...!!..دا مستوي داير دَوا !!
> يخخخخخسسسسسسى و مرض نفسى ...
>
>
> .هيييييييييييييييييييييييى ...
>
> لا كرعيننا رقاق و لا مولودين فى زقاق ..
> أولاد عوااااااااايل و عندنا فايل ....
> ربّونا فى الإمتداد و حبينا فى البلاط.... ولدونا فى الدايات و قرينا فى الراهبات....
> .نححححححححححححمدو..... نحن نشتّت و خلق الله تلقّط ..
> البنريدو بنولع ليو اللمبة.. و الما بنريدو بنحرش ليو الكلبة !!
> ساكنين الخرطوم , محل الرئيس بنوم , والطيارة بتقوم , والجكس بِحوم .... أولادنا لابسين الجِنز وحالقين مارِنز..اولاد راستا ..وعشانا باسطة..وشٌغلنا واسطة .. ما بنتردّى , ونلبس الشدّة ... لا بنركب الركشات , ولا بندخل غُرف الشَات.. بنعرف الذوق ,ومستوانا فوق .... بناكل المنقة و ما بنعرف الزنقة .. بنعرف الجكس , وما بنركب التكس..اسكيلنا عالي ,ومهرنا غالي..
> و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان !!
> .. و مصاحبين ناس بحرى البيخلطوا فى الكوبرى ..كوبرى شمبات المكسّر بالجمبات ,بى تحت موية و بى فوق عربات !!!.. عصيرهم أناناس و ما بيضايقوا الناس!!
> حكوووومة و الناس مظلووومة ... !!
> .. عشا ن كدا أعملى لاين و أقيفى بهايند.... و أفهميها... أعملى شخيط و اقيفى بعيد ..
> سجم و كمان عدم فهم؟؟ يا بجم يا ولادة الندم ؟!!..
>
> ...هييييييييييييييييى و تااانى هييييييييييييى و تانى و تانى هيييييييييييييييييى....
>
> ما تكُبّى الريحة و تعملى تفتيحة , و تخلينا نقيف ليك فى طرف المعلقة و نورّيك الصعلقة .. هييييييى إتلمّى يا البتقعى و ما بتسمّى ..يا جرجير يا وسخ الزير ... بالنهار تسبّحى , وبالليل تضبّحى ..
> كان جبل طلعناو و كان عسل لحسناو ..
>
> .هووووووووووووى.... تنبزينى أنا يا كرور يا وسخ الخور !!... يا اللُقمة الفِى الزور !!
> يا شوكة الحوت اللا بتتبلع لا بتفوت لا بتخلّى الزول يموت !!.. يا تربيزة الجزارة يا اللامّة الوسخ و الزفارة !! .. والله دى ق ص ّة و دايرة حصّة !!
>
>
> هييييييييييييييييييى
>
> أخير ليييييك فتحى عينك قدر الريال و خلّى أضانك قدر العقال ...
> ما تخلينى أدق الصفايح و أطلع الفضايح... و أقيف ليك فى الحوش و أنفُض الكَلُوش !!!
> ... يا مرة يا مجنونة يا شبه حجر الطاحونة !!...يا ليمونة و عاملة فرعونة !!!
>
> ... هيييييهييييييييييييييييييييييي ....
> غادى غادى الجزام بعادى ...يا القاعدة برّة للأذى و المضرّة ..
> .. يا الككوية يا أم جضوماً موية.. .يا السوقِك بايِر ودمِّك فايِر..
> ...الشمس ضربتِك و الرجال أبتِك !!!!!
> القطر فاتِك و الزمن شاتِك.....
> يا الفى الحفلة ما عبّروك...... ناس الفيديو فطّوك و ناس العَشا نطّوك....
> الزمن خَرَتِك... و الضِحِك شَرَطِك.....
> يا الوزّعتى صورتك و ما فكّيتى بورتك !!..
> قطرِك صفّر وسوّاقُو طفّر...
>
> هييييييييييييى.....
>
> خِفّة و شعر تِفّة ... مرجخيص و النبق الرخيييص ,, جابوهو بالجمعة وباعوهو بالخميس..
> براااانا بنعرف مستوانا ...
> برستييييج يا ناس أر ي ييج .... و إستااايل يا ناس واااائل ...
> ما ناس الدمار و رفع الأريال فوق بيت الإيجار ...
> ناس الشمار و البوبار ..
> ناس الشوبار و عدم الدبار...
> د يل خسارة الداية و تعب السماية .......
> بطااااااااطس و مستوى غااااااطس ....
>
> هيييييييييييييييييييييى
> ....بَنَضورة و كشفنا دورها....
> قرفة و عدم عرفة... بستلّة و حايمة فى الحِلّة...
> كركدى و ما عرفنا ليه ... بامبَى و أبى ينجض لَى ...
>
> نحن الغدا ريجييم و التحلية إيسكريييم.....
> متعلّمييين.. من ما قمنا بين الكراريييس ... الفطور فى لندن و العشا فى باريس ..
> سمعتنا و مصاريف جامعتنا .. حبّونا وفى الحدائق ما شرّونا ...!!
> .. لابسين الموضات و راكبين العربات , مقاعدنا سوستة وسواقنا اوسطى !!
> البيابانا بنوصّف ليهو غلط.. و البريدنا بنقطّعو الزلط.........
> قناااابل فى محطّة البلابل..
> هييييييييييييييييى...
>
> جقر جقر يا كمونية البقر!!!! .. يا القليدة , شرّابة المديدة !!! إنشالله تدخل عليك بالساحق و الماحق و البلا المتلاحق ,, بركة الجمعة الجامعة و الكلمة السامعة !!بركة سيد البريّة و تيران بدريّة !!... قولى آآآمين .. إنشالله تاكلى الضب السمين , بالكسرة و العجين !!
> عشان تعرفى شُغل الدفِس البلا نَفِس.. ..
> يا الراخية أضانك و ما ناقشة حنانك ,إنتى يا الطيرة المبارية السيرة ..!!!
> نفسياات و عدم إمكانياات...شِدّة و بَدَل عِدّة.....
> والله دى قصّة و آخرها لسّة ..!!
>
> هييييييييييييييييييييييييى يا ...
>
> عاملة راسك زى المكوة .. و جضمك زى كيس الدكوة....الشعر مضفّر و الوش محفّر ... حسّة دا وش وللا طش ؟؟؟
> يا المقطّعة هدومك و مادّة قدّومك ...حسّة دا قدّوم لكّوم وللا كد دوم ؟؟!!
> يا التِبِش البِقى يمِش !!صارّة وشّك و مادّة كرشِك !!! يا شارع الزلط المركب غلط !!
> دى شلاليف وللا مجارى خريف ؟؟!! .. ديل ***** وللا عيونى كعبات ؟؟!!
> هو العسل إلاّ ينقّط والقرد إلاّ ينطّط..؟؟
> يخخخخخخخخخخسى و مرض نفسى ..!!!
>
> كوااارع و حايمة فى الشاارع....
> مكرووونا و ما عرفنا لونا....
>
> هووووووووووى يا أخوها الجابك شنو ؟؟؟؟!!
> لسّة ما خلّيت الشلاقة , والمتاوقة بالطاقة .. ؟؟!!
> عارفنّك شليق , و بتشرب بالإبريق ..
> يا زول الصَقَت جا ..خلَّى عندك ذووق..
> الباب مقفول يللا نط بى فووق...!!
> أخير ليك تلاوِز و ما تجى تحاجِز !!!
> و أحسن ليك تتدسّة و ما تخرب الرصّة ... كان قُلتا أخ , الليلة بتِتلَخ !!
> يا النسيت ناسك و فقدتَ إحساسك ...
> شِن جدَّ فى المخدّة ؟؟... التنجيد ولّلا الكيس الجديد ؟؟؟
> يا راجل يا كشَا مشَا.. يا العزموك فطور جيت عشَا....
> يا الدقّيت بابنا و أكلتَ كبابنا ..تشرب شايينا و تكسّر كبابينا !!
> يا ناصل و ما عارف الحاصل ..!!
> هووووووى يا أب رِدا ... وشّك كِدا ؟ وللا خَرَبو الشِتا ؟؟ ... أجيب ليك عيشة تقرّضا ؟ وللا مخدّة تنجّدا ؟
> يا طويل يا سلك الغسيل .. يا شمّاسى يا ظهر الكراسى...
> هبّهاااااان ووسخ بيان...
>بتدّى ولا بتعضّى ؟؟... يا كِجِنكِى , يا مسمار الزِنكى ..
> عامل لَى فيها تفتيييحة و شايل مفاتيييحها...؟؟
> كان إنت واقع من السما ,نحن اللزّيناك ... و كان مزروع فى الأرض , نحن الغزّيناك !!
>
> هيييييهييييييييييييي يا ..
> ما تقعد تنقنِق و عُضامك تطقطِق ...
> إنت واقع من لورى شطّة ؟ وللا فاتتك المحطّة ؟؟!! ..
> ما تعمل لَى فيها خطيييير و بتستحمّى بى موية الزيييير ... يللا كِش عشان نقدر نمِش ..
> ما تقعد تعاين و تطفّش الزباين ... و أوع تِنفَرّا و تمرُقنا بى برّة .. ولّلا تتمطّى و تكشّح فينا الشطّة ..
> يا الكاتلاك السخانة , و ما شُفت الحضانة ..عيشتك كلّها فوضى , و ما دخّلوك الروضة !!
> يخخخخخخسى و مرض نفسى ..
>
>
> هييييييييييييى.....وتاااااانى هييييييييييييى ...
> هيييييييي يا هاء , يا همزة على ياء ...!
> ما تخلّينى أورّيك المغطّى و ملان شطّة ... يا بتاع البوبار يا البتخمّس السجار ..
> القميص جمايكا .. و الصلعة فورمايكا....
> الأضان هبّابة ... و الفَلَجَة بوّابة..
> الجبهة سبّّورة .. و النخرة ماسورة..
> شوفوا البوز الما ضاق الموز!! .. اليدّين مساويك , والكرعين مفاريك ..
> ما تعمل فيها شِفِت و ممسّح بالزِفِت ..
> كان إنت ضربتا السما جير ,, نحن أدّينا الهوا بوهية, و ضربنا النجوم مَنَكير !!
> أطََفَّر ؟؟ وللا بتدفِّر ؟؟..نجى بالدَرِِب وللا فيه كلِب ؟؟؟
> مرّة تجوط , ومرّة كاتم صوت ..
> ..يا بايركس , يا ما بتعجب الجكس ..
> يا المن قمت ما باسوك , و يا الرُحت و أهلك ما كاسوك !!
> يخخخخخسسسسى و مرض نفسى ..
>
> هييييييييييييييي هييييي ..
> صحى الرجال ماتوا فى كررى , و الباقين فى تايتنك ..
> تانى ما أشوفك قدّامى يا المصيرك تتشنِق ..
> وقع ليك ؟ وللا أعيدو ليك ؟
> يللا زحّوا الإتنين كدا ,وخشّوا جُحُركم الدنيا شتا ..
> شبهييينا و إتلاقينا.....
> يا جيران السواد , و نقيصة الزاد ..
> خلاص نسينا سيرتكم , ورمينا طوبتكم ..
> صحى ناس ناس .. و ناس أنناس ...
> و ناس أذى للناس ...
> وناس يتمَوا بيهم باقى الناس....

:D :D :D

[عجوز حلوة]

غايتو جنس فضايح ومشاكل... العجب العجب
انا متأكده انت السبب ف المشاكل دي عارفاك بتولع النيران :D
بس طوولت لسان موووبالغه ما خلن شي ما قالنو دا شنو دا ,,
عديل الواحد يشك ديل نسوان..:D
اكيد قطعن بعض ف النهايه
بس ف كلمات فهمتها وف حاجات عايزه شرح لاني ما فهمتها بجيك بهناك تشرح لي...
بس مت من الضحك خخخ

هههههههه
بس المصدر الايميل دا من منو...:D

[هاميس النوبه]

.
...هييييييييييييييييييييييييييييييييييييييييييييى ...............
......هييييييييييييييييييييى ..........هييييييييييييييييييييييييى
............................
.......
.هييييييييييييييييى و تااانى هييييييييييييى و تانى و تانى هيييييييييييييييييى....
هيييييييييييييييييييييى.....
................
....
..........هييييييييييييى.........
..........
> هييييييييييييى.....وتاااااانى هييييييييييييى ...
> هيييييييي يا هاء , يا همزة على ياء ...!
.......................
....
..........هييييييييييييى..............
..................
....
...........
..
كــــــــــــاااك شديد يااهــــيمه ........
..

[هوبة]

كااااااااااااااااااااااك ,,,,, يا هيمة

[TETO]

[align=center]هههههههههههههه

انـد
هههههههههههههههههههه


هههههههه


دا شنو يآآ الجيـو .. :D



اكيـد انت سبب المشـآكل دي كلهـآ [/align][/size]

[عابده مرغنى عبدالله]

اكيييييييييييييييييييييييييييييييييييييييد انت سبب المشاااااااااكل اكيد

هههههههههههههههههههههههههههه

[kholoud]

ههههههههههههههههههههههههههههههه

[محبه]

وووووووب علي منك يا الجيو ده طرفي منك
لكن بيني وبينك الكلام كيفني كيف كلام مغارز بنفع معاي:D
المراة فيكم التسالني هييييييي ما تقيفن في الزلط وتتكلمن غلط هههههه
صح لسانك يا ا لجيو:D

[إطلالة قمر]

هههههههههههههههههههههههههههههههههههههههههه
دى شنو دى يالجيو

[ابراهيم الجيو]

:D :D


غايتو!!! جنـــس نسااوين



شن جد على المخدة،، التجنيد ولا الكيــــس الجديد :D

[صلاح العجباني]

.
...هييييييييييييييييييييييييييييييييييييييييييييى ...............
......هييييييييييييييييييييى ..........هييييييييييييييييييييييييى
............................
.......
.هييييييييييييييييى و تااانى هييييييييييييى و تانى و تانى هيييييييييييييييييى....
هيييييييييييييييييييييى.....
................
....
..........هييييييييييييى.........
..........
> هييييييييييييى.....وتاااااانى هييييييييييييى ...
> هيييييييي يا هاء , يا همزة على ياء ...!
.......................
....
..........هييييييييييييى..............
..................
....
...........
..
كــــــــــــاااك شديد يااهــــيمه ........
..

:D

ههههههههههههههههههههههههههههههههه
معقولا يا الجيوو دا شنو كلو

عارف انا اول مرة اعرف انو لسان البنات السودانيات طويل كدا :D

[moukhtar]

:D :D
غايتو!!! جنـــس نسااوين
شن جد على المخدة،، التنجيد ولا الكيــــس الجديد :D

والله يا الجيو باااااااااااااالغت يا ولدي وانا حاتي قايلك عجووووز ومابتاع حركات زي دي
يا مستهبل ههههههههههههههههههههههههههه
وتقبل مروري[/B][/font][/color][/font]

[ابراهيم الجيو]

[quote="صلاح العجباني"]:D

ههههههههههههههههههههههههههههههههه
معقولا يا الجيوو دا شنو كلو

عارف انا اول مرة اعرف انو لسان البنات السودانيات طويل كدا :D[/quote]





شفت يا صلاااح،، هاميس دي الحالـــة من طرف الشماااعة بس :D


أعمـــــل شخيط وأقيف بعيـــــد قبل ماتقوووم عليك

[ابراهيم الجيو]

[quote="moukhtar"]وانا حاتي قايلك عجووووز ومابتاع حركات زي دي
يا مستهبل ههههههههههههههههههههههههههه
وتقبل مروري[/size][/font][/font][/quote]


مختااار ،، إنتا قصدكـ عجــوووووز حلوووة ولا شنو

النصيحـــة ليكـ يالله حلوووة والله :D

لكن،، أعمل لاين و أقيف بهايند....

والله دى ق ص ّة و دايرة حصّة،، تعملوا لينـــا مشاااكل ساي

.[/color][/font][/B]

[كابو]

برضووووووو بي جاي .....


غايتو

..

[مونتي2009]

اخباركم ياناس مشتاقيييييييييييييييييييين

[$$ المشاغبة $$]

[align=center]هههههههههههههههههههههههههه
باااااااالغت يالجيو
لكن لسانين طويل طول نحححححححححححمد الله


تقبل مروري[/align]

[موكب فرح]

[align=center]ههههههه
الجيووووووو يالذيذ يارايق ويا 7آب إنت, دي شكلة نسوان ولا مصارعة ثيران؟:D [/align][/b]