والله الموضوع غايزنيييييييييييييي عايزة ارائكم

[ريناد]

بسم الله الرحمن الرحيم
السلام عليكم ورحمة الله وبركاته


انا حأخش في الموضوع طوالي بدون مقدمات لانو من جد غايزني شديييييييييييييييييييييييييييد
ياجماعه ماملاحظين الفوضى البقت تحصل في الحفلات من تصوير بالجولات وبعدين تتنشر في اليوتيوب وغيره ياجماعه والله ماممكن القاعد يحصل ده العجب رقيص العروس البقى منتشر في اي محل انا قبل فترة كان عندنا عرس وكان في واحد من بداية الحفلة لي نهايته ماخلى تصوير لكن بعد ماصور المسكين وتعب مسكو وهو طالع ومسحو المقاطع منو

ياجماعه انتو رايكم شنو في الكلام ده؟؟؟

[kholoud]

" مشكوره اختي الغاليه ريناد موضوعك روعه ومنتشرا كثير عند السودانيين والله وبقت فوضي اي زول يدخل لانو اغلب الحفلات في الشارع في السودان الله يستر علينا وعليكي وعلى سائر بنات المسلمين بس لابد من التحفظ شويه في الحفلات السودانيه واي حفله في الشارع لازم يجيبو عساكر علشان يمنعو دخول اي زول غريب ونحنا بنعمل كد في السودان في اي مناسبه "

[الامير]

كتير من اهل العروس او العريس نفسو( فى رقيص العروس )
بيستنجدوا فى مواقف ذى دى بمرابطات الشرطة الشعبية او
بنات عساكر ( بسموها فى السودان خدمة خاصة )...
مهمتهم مراقبة المدعوات ... والتدخل فى حالة ضبط اى تصوير بالجوال....
كلامك حاصل للاسف ....
مشكورة

[سالى]

ناس من قير ضمير حيكون رئينا فيهم شنو ؟؟

[السودانى الاصيل]

ربناد
والله الموضوع دا مهم اهميه كبييييره
واصبحت فعلا مشكله تحزن القلب وانا بصادف كتير
حاجات زى دى فى اليوتيوب والظاهر من المقاطع انو
اصحابا ما فاكرين للمصوراتى
شئ فعلا مؤسف والبعمل العمل دا ربنا قال فيهم
اعوذ بالله من الشيطان الرجيم :-
{ إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا تعلمون }

مشكوووووووووووره
اديك الف عافيه

[الملثم]

تحياتي,,,,,,,
في البداية احب أوضح للآنسة سالي
بأن كلمة (غير) تُكتب بالـ (غ) و ليس بالـ (ق).

ثانياً : الشئ المعروف أنو رقيص العروس
بكون دائماً داخل المنزل و تحت إشراف نساء
من أهل العروس أو العريس يعني البدخل عشان يشوف
رقيص العروس بكون العريس ذات نفسو إذا كان موجود
أو أخوهو و دا ما ممكن يصور عشان ينشر الصور
جل حديثي هذا يصب في معنى أن لا أحد من الشارع أو غير ذلك
يجب عليه أن يحضر رقيص العروس فهذه أشياء خاصة بأهل العريس
عشان يشوفوا عروسهم كيف بتتمايل بكل رقة و تودد و انسياب تفاصيل
جسدها العروسي,,,,,,,,,,,,,

تحياتي,,,,,,,,,,,

[ريناد]

مشكوررررررررررين كلكم على مشاركاتكم لكن الموضوع بقى متفشي بي صورة غير طبيعيه لكن الله يستر الجميع

[سالى]

تحياتي,,,,,,,
في البداية احب أوضح للآنسة سالي
بأن كلمة (غير) تُكتب بالـ (غ) و ليس بالـ (ق).

ثانياً : الشئ المعروف أنو رقيص العروس
بكون دائماً داخل المنزل و تحت إشراف نساء
من أهل العروس أو العريس يعني البدخل عشان يشوف
رقيص العروس بكون العريس ذات نفسو إذا كان موجود
أو أخوهو و دا ما ممكن يصور عشان ينشر الصور
جل حديثي هذا يصب في معنى أن لا أحد من الشارع أو غير ذلك
يجب عليه أن يحضر رقيص العروس فهذه أشياء خاصة بأهل العريس
عشان يشوفوا عروسهم كيف بتتمايل بكل رقة و تودد و انسياب تفاصيل
جسدها العروسي,,,,,,,,,,,,,

تحياتي,,,,,,,,,,,

هههههههههههههههههه مشكور يالغالى على التعديل اى عارفه بس عندى لغتى الخاثه يا ناث

وتسلم

[الحزن النبيل وبس]

مشكوره اختي الغاليه ريناد موضوعك روعه

والله من غير ضمير هسي لو عملوه في عرسو ما حيرضا

عشان كيدا الناس تعمل حسابه من كل شي وبزات العراس

والمفروض يوقفو عساكر جنب البوابه

مشكوره تقبلي مروري