والله ياجماعة الحكاية دى حصلت لى عام 2005 ولغاية الان متضايق جدا منها وبحتقر نفسى جدا يوم كنتا قاعد مع جماعة فى شارع الحرية الساعة 11 صباح فى احدى دكاكين الاجهزة الكهربائية المهم واقف قدام المحل بوكس جديد وفى اتنين بحاولو يفتحو الباب كلمتا بتاع الدكان وعاوز اقوم مسكنى من ايدى قال ما تسالهم ديل لو عملتا اى حاجة ممكن يجو الدكان فى الليل ويحرقوه قمتا قلتا ليهو طيب ننادى عسكرى قام قال العسكرى واقف هناك بعيد وبتفرج عليهم وممكن يكون مشارك فى الغنيمة المهم قدر ما تكلمتا وغضبتا من صاحبى ده واعتذرتا باننى ماشى لانه ما قدرتا استحمل انه اكون جبان وانه الوضع فى السودان اصبح للدرجة دى كل واحد فى حاله بقينا زى النعام وفى يوم من الايام بعد فترة قاعد مع واحد اخونا ضابط فى ادارة التخطيط بوزارة الداخلية وحكيت ليهم القصة دى قام ضابط قال لى مالك ومالهم خليك فى حالك اتخيلو - حاميها حراميها
