كيف ياتي الحب

[مؤتمن محمد]

كيف ياجماعة بجي الحب بعد تجربة صعبة

[ضو البيت محمد النور]

لابد لنا من وقفة مع الثنائية الفريده

للشاعر :حسين بازرعة والفنان القامة الاستاذ عثمان حسين


شجــــــــــــــن


لي متين يلازمك في هواك مر الشجن

ويطول بأيامك سهر ويطول عذاب

يا قلبي لو كانت محبته بي التمن

يكفيك هدرت عمر حرقت عليه شباب

لكن هواه أكبر وما كان ليه تمن

والحسرة ما بتنفع وما بجدي العتاب

أحسن تخليه لليالي وللزمن

يمكن يحس ضميره ويهديه للصواب




لكني أخشى عليه من غدر الليالي

وأخشى الأماني تشيب وعشنا يبقى خالي

وهو لسه في نضارة حسنه في عمر الدوالي

ما حصل فارق عيوني لحظة أو بارح خيالي

أغفر له يا حنين وجاوز لو ظلم

ما أصلها الأيام مظالم والعمر غمضة ثواني

وأصبر علي جرحك وإن طال الألم




بي جراحنا بي أشواقنا بنضوي الزمان

أنا عارفه بكره بيعود في رعشة ندم

تنسى الحصل بيناتنا والسهر اللي كان

تصبح حياتنا نغم وعشنا يبتسم

وتعود مراكب ريدنا لي بر الأمان

--------------------------------------------------------------------------------

nunoosa07-07-2007, 22:30
وهاهي قصته التي شكلت علامة فارقة على مستوي الاغنية السودانية


قصتنـــــــــــــــــــا

بالمعزه بالمودة البينا بي اغلى الصلات

بالهوى العيشناهو بي اعصابنا خمسه سنين ومات

بالعذاب الشفتو والسر الكتمتو

وباقي الطيبات


استحلفك تترك سبيلي

وسيبني

واحضن أساي وابكي الزكريات

انا بي حنانى الغالي خصيتك واصطفيك

وحبيتك بكل جوانحى العميقة

انا شلت من اجلك هموم الدنيا

اهديتني من جراحها بكل طيبة

لسعادتك انت كم ضحيت

واتغربت ماخليت طريقه

فى مسيري المضني

من اجل الحقيقة

كل طائر مرتحل

عبر البحر قاصد الاهل

حملتو اشواقي الدفيقة

ليك يا حبيبي للوطن

لترابو لرمالو للدار الوريقة

لكن حنانك ليا

او حتى مشاعرك نحوي

ماكانت حقيقه كانت وهم

كانت دموع مسفوحه باحرف انيقة

ما باييدى لو ضباب الغيره اعماني

وزيف لى الحقيقة

انت نبع حناني انت كياني

انت الدنيا بهجة

وشروقا وكل طيبة

وان حصل زلت خطاى معاك

هل تصدق تنتهي قصتنا

يا اجمل حقيقة

نحن عشناها بدموعنا

وبالضنا فى كل دقيقه

ياحبيبي لم تزل قصتنا

قصة حب اقوى من الحقيقة

--------------------------------------------------------------------------------

[مايا]

الحب بعد تجربه صعبه بجى بى صعوبه برضو خصوصا له كنته مجروح
لكن بنصحك ما تفكر فيه كتيروخلى يجى فى وقته ---- حلاوة الحب لما يجى فجأة

مرحب بيك فى المنتدى بيتك التانى شرفتنا

بتمنى ليك التوفيق
وتلاقى الحب البتتمنأه

تخريمة :
اخ ضو البيت محمد
بشكرك على زوقك الراقى واختيارك لى الاستاذ عثمان حسين مثل
بعتقد انه اى شخص بسمع الاستاذ الرائع بيكون حساس وذويق بالفطرة

تحياتى ليكم

[عصافير الخريف]

والحسرة ما بتنفع وما بجدي العتاب

أحسن تخليه لليالي وللزمن

يمكن يحس ضميره ويهديه للصواب

وبس لا تعليق
مشكورررررررررررررر