كثير من نسمع ان فلان مغترب ولديه سنين عددا فى الاغتراب
ولكن اتى بدون اى فائده وبالطبع الخسائر موجوده
ما الذى يجعل مغترب يمكث عدة سنين فى بلاد الغربه
تاركا ابنائه واهله ثم يعود هذا ان عاد بلا شئ ؟؟؟
اولا فكرة المغترب انو كلو واحد عايز منو
وبعدين غايب عن البلد سنين يعني ما عار اي حاجة
ذي القال ليهو البنيان وقف وين رد ليهو نحن يا دابو في العتب
رد ليهو المغترب خلاص لحدي هنا واسقف البيت
يعني بالعربي كلو واحد عايز منو وبعدين الرواتب
ضعييييييييييييفة يعني ما بتغطي معاهوا
وهناك اوب وهنا اوبين
ما هى الممارسات والافعال التى تجعل الاغتراب
بلا فائده ؟؟؟ اولا كثرة الضرائب وكثرة المعاملات الحوكمية في بلاد الغربة
وكثرة الطلبات في البلد وكثرة الهدايا وانت راجع وكثرة
المصاريف حقة الرجعة عيييييييييييييك ووووووووووووووو
بالمقابل
ما هو التصرف الامثل لكى يستفيد المغترب الفائده القصوى
من اغترابه ؟؟؟ اولا يعمل نايم ويبطل لعب الكوشتينة والضمنة
ويخليهو في عملو بس وبعدين تجنب العمالة الثانية
وتلبية طلبات الكفيل وعدد ساعات الدوام الكتيرة
اتمنى النقاش حتى نستفيد ولو امكن تجارب شخصيه [/align][/QUOTE]
عندنا السودانيين الواحد يمسكوه شغلانة يموت ليك فيها بس
يعني ما بستفيد من باقي الزمن حقوا يعني يشف ليهو شغل
اضافي مع انو كل العمالة الموجودة هنا في السعودية شغالين
ثلاثة او اربع شغلانات يعني ممكن جدا الواحد يستفيد من باقي الزمن
ويختصر الزمن وبعدين مشكلة المهنة بقت مشكلة كبيرة يعني
الواحد مغترب بدون مهنة محددة وهنا تجي قلة الراتب مع الصرف والايجار والمكالمات
والكشخة الفاضية يعني مفروض الواحد يتكاتف مع اخوانه في نفس البلد المقيم فيه
اخ كجول والله فعلا الواحد لو بستفيد من وقتو اكون افضل
والشئ الانتا قلتو فى مسالة المهنه كمان مشكله
طيب اخ كجول
سؤالى انا
المغتربين الشغالين الشئ البخليهم مفلسين شنو؟؟؟
اقصد فى ناس طول عمرو ما وقف من الشغل يو م
وبرضو مفلس ما عندو شئ
الاسباب شنووو ؟؟؟
المغتربين الشغالين الشئ البخليهم مفلسين شنو؟؟؟
اقصد فى ناس طول عمرو ما وقف من الشغل يو م
وبرضو مفلس ما عندو شئ
الاسباب شنووو ؟؟؟
يا[glow1=6699CC]خ اذا كنت انت شغال وباقي البيت جالسين منتظرنك
يعني حتعمل عرس وتبني بيت وتجيب عربية وتعمل نقاطة بهناك
دي براها دايرة عشرين سنة غير انو في اتنين تلاتة كدة
ف الجامعات البقت كلها قروش والمستشفيات البقت كلها قروش
والقرش بجي للقرش والما عندوا قروش من زمان ما بجيبها هسع
كان بقى شغال مع ناس القاعدة ذاتها والحقيقة القروش زاتها في نفسها
بقت ما فيها بركة البركة زمااااااااااااااااااااان انتهت منها
والناس بقت تعاين للعندو قرش يقيمهو بيهو وكل ما تجيب قرش تلقي
القديم انتها المهم ربنا يرجعنا سالمين لامين دي قنعنا منها زمان برضو [/glow1]
المغتربين الشغالين الشئ البخليهم مفلسين شنو؟؟؟
اقصد فى ناس طول عمرو ما وقف من الشغل يو م
وبرضو مفلس ما عندو شئ
الاسباب شنووو ؟؟؟
الاصيل ده كلامو واضح يا جماعة
هو قصدو المقتربين العادنها كلها دسكوهات وقهاوى حبش
واصرفو على الحبشيات وادوهم فلوس لاهلهم ما قاعدين ارسلوها
وفى الاخر ارجع يد ورة ويد قدام
ولا ما كده يا اصيل والعاده دى منتشرة بقت بصورة مؤسفة
عند الشباب السودانيين وغير الشباب اعمامك كبار للحين ما قادرين
اتخلصو من الامر التافة دى ولا قادرين ارجعو بلدهم وهناك اولادهم
واهلهم منتظرنهم صاح يا اصيل ولا لا
لكن ياكجووووووووووووول
الواحد كان برسل لاهلو وبصرف على اخوانو الفى الجامعات
اصلا هو ما خسران لانو تعبو العملو فيهم ده ما بروح سراب
لانو فى الاول والاخر ديل لحمو ودمو ولا ما كده؟
وما مهم البيت ولا العربية ولا العرس مدام امك وابوك راضين منك
وساتر اخوانك واخواتك وعلمتهم وربيتهم صاح ولا انا غلطان؟
الحبيب كجول
كلامك والله عين الحقيقه يعنى حتى تلقا شاب واتكبر على الشغل وبدل اساعدك
فى المصروف هو نفسو عايز حق السجائر وحق القعدات الما منها فايده
دى حقيقه
وفعلا يا كجول نحن الواحد ليهو حاجات كشخص محتاج ليها صاح
عايز تبنى وعايز تتزوج وعايز عفش البيت وعايز سياره ومشروع
ومصاريفك هنا مشكله
ولو الواحد بعاين لى دى مالو برضو افرتق القروش بدون مبالاه وفى شئ
ما نافع لو رسلن لى اهلو كان افضل
والله فهمتنى صاح
والانت ذكرتو دا عين الحقيقه وفى حاجات تانيه كتيييره
تخلى الواحد امشى فاضى وما استفيد من غربتو
طيب يا بلبل 2
البرنامج المثالى للمغترب
المن خلالو ممكن احقق افضل مكسب فى رايك شنو ؟؟؟
لرجع تانى يا بلبل وفكر فى برنامج
[align=center]" موضوع رائع اخي السوداني الاصيل والله فعلا في ناس بتغيب بالسنين الطويله وفي الاخير بيرجعو يد وارء ويد قدام وكمان في ناس ما عندهااا اي احساس لا اتصال ولا رسايل لكن والله بالجد نفسي اعرفو بعملو شنو السنين دي كلهاااا معليش انفعلته مره وحده لانو صراحه موضوع يغيز بالجد تقبل مروري "
الواحد كان برسل لاهلو وبصرف على اخوانو الفى الجامعات
اصلا هو ما خسران لانو تعبو العملو فيهم ده ما بروح سراب
لانو فى الاول والاخر ديل لحمو ودمو ولا ما كده؟
وما مهم البيت ولا العربية ولا العرس مدام امك وابوك راضين منك
وساتر اخوانك واخواتك وعلمتهم وربيتهم صاح ولا انا غلطان؟[/QUOTE]
[glow1=3300CC]انا يا حبيبنا ما قصدي انها راحت هباءاً ولكن قصدي انها ما راح توفر ما دام كلو واحد
راح للغربة الا لكي يوفر لاهله العيشة البرضاها هو ولا رايك شنو يعني بالعرب
كان ما اهلك ما طلعت برة البلد وبقيت مغترب وبعدين كان سويت اي حاجة الناس
بحسبوها ليك يعني يقول ليك راتبو كم اديهو 2000 بياكل وبشرب وبسكن اديهو 500
بتصل علي اهلو اديهو 150 الباقي كم برسل لاهلوا واتحدي اي واحد برسل اقل من 800
الباق كم معاك اها كان واحد ساي من اخوانك ماشي مشوار اديهو 150 وكان عندك واحد
جامعي اديهو 200 والكلب في محلوا لا اتحرك ولا نبح يعني مستورة قسمها لي واديني الباقي
ولا اقول ليك ادي البحر 200 يعني حق ترفه شوي كدة كل شهرين مشوار جمعة وخميس
ولا اقول ليك الجمعة دي خليها نوم والله تاني اظن يوم العيد ما تطلع برة البيت تقول لي
اوفر اوفر كيف ومتين وعمرك ماشي وغربتك طولت وسنين ما دفعت الضرائب ؟؟؟؟؟؟؟؟؟؟؟؟[/glow1]
والله يا اخوانا كجوول كلامو صح
وهى دى مشكله فعلا وعايزه تضحيه
من احد الطرفين اما الاهل والاقارب اخففو عنك شويه
واحاولو اغنوا نفسم وانت تساعدم بالقليل
وتشوف طلباتك انت كانسان
وزى ما قال كجووول كلمه فى محلها العمر ماااش ما بنتظرك لمتييين
تقضى تقضى كل المحتاجين ليك وفى نفس الوقت تقضى نفسك ؟؟؟
طيب دا فرع من فروع الموضوع الاصلا انا عايز اناقش فيهو
والموضوع التانى هو العايز الناس تركز عليهو اكتر
فى برنامج مثالى للمغترب فى تصرفاتو وسلوكو
اذا طبقو بستفيد من الايام القضاها فى الاغتراب
واربح ماديا سوا ء كان قضى حاجه لاهلو او لنفسو
البرنامج المثالى شنو ؟؟؟؟
اعمل شنو وما اعمل شنووو ؟؟؟
كلن منا يفكر انو لو اغترب ممكن يعمل حاجة لاكن بالعكس كل مغترب بعيش ماساءة اهلو فى السودان
وتنسى الغرض الجيت عشانو وتلقى نفسك فى دوامت اهلك محتاجين اكثر للفلوس البتلمها دى
وتفضل تصرف وتذيد فى سنوات اغترابك للعلو ياتى الفرج ويعمل حاجة ويرجع دا بى طبيعت قلبنا الطيب كتير طلعو من السودان ولم يرجعوابدا ومابقدرو يرجعو لانهم خلاص غرق فى الديون والسلفيات
عشان يرضى اهلو او زوجته واولاده بجد كتير فى الغربةهنا عليهم ديون تشيب لو عاوز تستفيد من غربتك الى فى حالة وحدة ممكن تستفيد تقتل قلبك الغربة ضياع زمن
انفعالك فى محلو شديييد وفعلا حاجه تغيظ يعنى سنيين اسم مغترب
مغترب واهلو راجينو فلان بجى باكر وفلان بجى بعد باكر وتلقى بنات الفريق يا
خلود اجن اتقربن لامو خالتو هنايه كدى انقش ليك الحوش ويا خالتى كدى انغسل
ليك العده انتى لازم ترتاحى
دا كلو عشان ولدا اجى واخطبا او تلفت نظر ولدا ليها بحصل والله انا شفت
وهن شايفات القبه قايلات تحتا فكى
تفتكرى السبب شنو يا خلود البخليهو اجى يد ورا وايد قدام ؟؟؟
[align=center][align=center]"ههههههههههههههههههههههههههههههههههههههههههههه والله حركاااااااااااات بنات يعني والله في كمان عيني عينك كمان يشاغلو ود الناس وهو يحليلو مطول من البلد يقول البنات ديل مالم برمشو كتير كده "[/align][/align][/size]
[align=center]" ممكن تعذر البيكون في بلاد غربيه امكن فرص الشغل ما بتكون متوفره في السنين الاولى بيطرو يشتغلو اي حاجه وفي الدول العربيه بيعتمدو حسب تعليم الشخص نفسو فإمكن تكون اسباب لكــــــــــــــن برضو في ناس بنسافر بي 15 - 20 سنه الوقت ده كلو بيعمل في شنو ؟؟؟؟؟ "[/align][/size]
يا حليل المغتربين وهم يعانو مرين . مر الغربة للفراق الاحبة
ومر مواجهة متطلبات الحياة المرريرة وبين هذا وذاك الضياع
وينقضي الدهر ونحن في ازمة الرجعة الي الوطن وتحقيق حلم السنين
منذ ان غادرت البلد غادرت معك كل امال وتتطلعات الاسرة و الاصدقاء
من يريد ان يتزوج وفي انتظار الشيلة
من يريد ان يتعلم وهو في انتظار المصاريف الشهرية
من يريد ان يعمل وهو في انتظار فتح دكان او محل تجاري
وهناك الخطيبة في انتظار تجهيز غرفة النوم
والحبوبة في انتظار العملية . والوالد الحجة . والاخت العمرة
والصيق . التاشيرة . وووووووووووووووووووووووووووووو
وبين هذه الطموحات والكم الهائل من الطلبات انت هنا في بداية الطريق
استخراج الاقامة والسكن و ووووووو
وبين هنا وهناك تذيد الهموم وتبداء مؤشرات الفشل والهموم
وفي المقابل مشاريع شخصية في الخاطر
بيت . محل عمل . زواج . استقرار ,,وووووو
لكي يحقق كل هذا الكم من الطلبات يحتاج الي دخل يفوق دخل الموظف في بلده
والراتب لايكفي حتي لسد احتياجاته الشخصية وتبداء المعانات
دين . وكلام وقلق وضجر وتمر الايام والسنين ونحن لانحقق الا الهموم وكوم من الديون
كيف يعود تارك وراه كل الامال والتطلعات المرسومة في اوله ؟
كيف يعود والعيون والكلام في انتظاره . بكم جاء ؟ ماعنده شي ووووووو
بلله عليك ماذا يعمل ؟
الحل :
اولاً عيش واقعك وماتوعد حد ابداً قبل ما تملك شي ؟
ثانيا: لاتعمل عمل وانت غير مقتنع به والا عود قبل ان يقع الفاس في الراس
ثالثا : لا تتدين من اجل ارضاء احد ابد ابد لان الدين بتعب الضمير
رابعا : لا تاخذك مظاهر الناس وتعمل لارضاءهم وارضي بماتملك
خامسا : عد الي وطنك ولا طول في الغربة . فان لم تحقق شي في سنة او سنتين لا يمكن ان تحققه في عشرة
يا جماعة والله كلام ضو البيت مفيد ومختصر والظاهر كدة عن تجربة واقعية
يعني كان ما وفرة في السنة الاولي ارجع اهلك قبال الكفيل ما يقول ليك التجديد
السنة ثلاثة الاف وحق المكتب عليك
وايضا كلام اختنا خلووووووووود صاح انا جرربتها ليك مع انو انا خاطب
وماشي اتزوج برضوا في حركات كدة ههههههههههههههههههههههههههه
ظهرت في بيتنا يعني بقوم من النوم الصباح اصلي الصبح اتلفت كدة يمين
الاقي ليك العصير الجك مليان مع انو نحنا في بلاد الغربة ما قاعدين نشربو ليك
اها وكيف اصبحت وربنا يخليك وحا جات كدة هههههههههههههههههههه
المهم يا جماعة انا بشكي ليكم كمان فوق هم المغترب السفارة السودانية في جدة
يا جماعة كان ما شي تجيب ورق بتاع واحد مات عشان ندفنوا الا تقول ليهو
الله يخليك ربنا يرضي عنك مع انو دا هم السفارة نفسها وخليك من امشي ختم هناك
وامشي ادفع هنا وجيب الورقة دي من هناك وهاك يا هنا وهناك تلقي روحك
تكرهة انو انت سوداني جربوها يا ناس
الاغتراب اصبح مشكلة
القدر يعمل حاجه زمان عمل والماقدر من الصعب يعمل
حاليا وفى الظروف البعانى منها المغترب ----
بالنسبه للشغل الرواتب بقت ضعيفه جدا
يعنى دوام واحد ما بعمل ليك اى حاجه
عشان تقدر ترسل لى اهلك وتحوش منهم لى مستقبلك
حتلاقى وحده من الكفتين مالت وياريت لو مالت حتطلع خسرانه
كمان الاهل ما بحسو بى معاناتك طلباتهم كتيرة جدا
وما بعرفو انته بتاعنى كيف عشان ترسل البترسله
ولاعايش كيف وايجار بيتك كم وبتدفع كم للسيارة لو عندك
ولو عندك قرض شهرى بيتخصم من راتبك كم
بالجد معاناه ------
فى مشكلة تانية عند السودانيين بهتمو بالمظهر اكتر من اى حاجه
ممكن تلاقى المصرى فى كم سنه عمل ليه بيت واشترى ليه محل
وكم حاجه كمان الناس ديل بعرفو يستثمرو الفلوس كويس جدا
نفس الملابس الجى بيها من بلده ما بزيده غير جبنه ما بياكلو حاجه
برسل لى اهله حاجه بسيطة جدا يقول ليهم مشوا نفسكم بيها
يخلى اهله يتاقلمه على حاجه معينه وينزل بلده باشا زى ما بقولو
لكن نحنه لازم ملابس كشخه وتياب فوق ال 500 درهم وسيارة اخر موديل
وعفش مبالغه كانك حتقعد فى البلد دى عمرك كله -----
عشان تعمل حاجه ------
لازم تشتغل اكتر من وظيفة
وتتعلم تحوش جزء من الفلوس
وفى نفس الوقت ماتحرم نفسك
وتخلى اهلك نفسهم يساعدوك
سودانى اصيل بحيك على المناقشة الحلوه
وانشاءالله من خلاله نلاقى لينا حل لى مشاكلنا فى الغربه
وبحى الاخوة المشاركين
تحيااااااتى
انتو ناسين انه مهما اغتربنا وهاجرنا لو ربنا ما قسم لينا رزق
ما حنعمل شي القصة ما هي حكاية صرف ونفقة على الاهل
الشي قسمةونصيب ووقت لو في نصيب بنرجع مرتاحين
ومروقين ولو لا نحمدالله على الصحة والعافيه
وموضوعك مهم يالاصيل
تاني شي في ناس ما طلعو عشان ينجزو شي معين بس عشان زهجو من السودان
تالت شي السودانين عندهم افكار حتى الان لم تتغير بعد بعض الناس عندهم اعتقاد انو مثلا اول ما يصل الرجل السعودية ( بالتحديد ) خلاص هو حيكون عندو قروش واهلو من ما يصل السعودية يفتكو بقا مليونير وهاك دايرين ودايرين ما عارفين ولدهم دا شغال راعي ولا ( دريول ) يمكن زمان كان الانسان بمشي بالطريقة دي ويعود بارباح لكن في الوقت الحالي الاغتراب ما منو فوائد كتيرة.
اعتقد انو لمن انت تدخل اولادك في مدارس كويسة ويعيشو في بيئة كويسة وبدون مشاكل ويكون بالك مرتاح وعايش كويس بدون ما توفر حتي بتكون انت انجزت حسب راي .
موضوع مميز يا الاصيل ... و حكايه انو يجي زول مغترب من بلدو للسودان و ما شايل في ايدو حاجه للناس في بعض الاحيان بيعتبروها كانه غلطة كبيرة لكن انا في رايي انو لو جاب معاهو شي حاجه جميلة و من الناحية التانية لو ما جاب برضو مافي مشكلة مش بيقولوا اي شي موجود برا بيكون كمان في السودان ؟
